सोमवाः व मंगलवाः ओली समूहया बैठकय् सहभागी जूम्ह नेकपा सांसद नाप केन्द्रीय सदस्य शेरबहादुर तामाङ प्रचण्ड व नेपाल समूहपाखे लिहावःगु दु।

प्रधानमन्त्री केपी शर्मा ओलीं सोमवाः बालुवाटारय् सःतूगु नेकपा सांसदपिनिगु बैठकय् तामाङ वःगु खः। अथेहे कन्ह्य कुन्हु सःतूगु केन्द्रीय कमिटी बैठकय् तक सहभागी जूगु खः।

उगु झ्वलय् अविश्वासया प्रस्तावय् ल्हाःचिं दुरूपयोग जुग तक धयादिगु खः। प्रचण्ड व नेपाल नेतृत्वया नेकपां बिहीच्वःगु बैठकय् थः सहभागी जुयागु खः धका धयादीगु खः तामाङ।

वयबलं थःगु सर्कलया पासापि न जिल्लाया मनोविज्ञान न प्रचण्ड व नेपालपाखे दुगु भावनात्मक रूप न थः थुखे पाखे वयागु धका धाःगु खः। तामाङ सिन्धुपाल्चोक क्षेत्र नं २ पाखे निर्वाचित सांसद खः।

प्रचण्ड–नेपाल समूहगृहमन्त्री रामबहादुर थापा बादलं प्रचण्ड–नेपाल समूहयात त्वःतूगु दु ।

उगु पुचः त्वःता बादल केपी शर्मा ओली नेतृत्वया नेकपाय् च्वनिगु जुग दु । बादल व ओली म्हिगः निघौं तक सहलह याःगु खः।

बादल निकट स्रोतं बिःगु जानकारी कथं ओली नाप सहलह याना नाप हे च्वनिइगु तयार जुया च्वंगु दु धका धाःगु दु।

तर निम्ह नेता दथुइ छु विषयय् छु सहमति जुगु धका धाःसा छु न पित बिःगु मदुनि। 

वःगु २४ घण्टाय् ९५२ म्ह कोरोनामुक्त जुगु दु ।

थ्व नाप आःतक कोरोना संक्रमणमुक्त जूपि २ लाख ४६ हजार ६६१ म्ह थ्यःगु दु ।

२४ घण्टाया दुने कोरोना न्याम्ह सीगु दु। थ्व नाप आःतक कोरोना संक्रमणं सीपि १ हजार ८०३ म्ह थ्यःगु दु। 

थौं बुधवाः देयन्यक ७४३ म्हेसित कोरोना संक्रमण पुष्टि जूगु दु।

आःतक पीसीआर परीक्षण याःगु १८ लाख ९० हजार ७४० म्ह थ्यःगु दु ।

अथेहे देयन्यक सक्रिय संक्रमितपि ७ हजार ५१५ म्ह दु। वःगु २४ घण्टाय् जक ६ हजार ५५९ म्हेसिगु पीसीआर परीक्षण याःगु खः।

क्वारेन्टाइनय् च्वना च्वपि ४०९ म्ह दु।