नेपाल कम्युनिस्ट पार्टीया अध्यक्ष पुष्पकमल दाहाल प्रचण्डं सचिवालय सदस्य रामबहादुर थापा बादलयात थःग्ु पक्षय् हयेमफुगु स्वीकार यानादीगु दु। 

थौं बिहीवाः जुगु केन्द्रीय कमिटी बैठकय् प्रचण्डं उगु बैठकय् हयेमफुगु धका  जानकारी बिःगु खः। वयकलं बामदेव गौतम व बादल कमरेडयात पार्टी वयेत इनाप याना न मवल धका धयादीगु खः। बामदेव कमरेड सकारात्मक दु धका धयादीगु खः। प्रचण्डे बबरमहलया कार्की पार्टी प्यालेसय् जुयाच्वंगु बैठकय्  जानकारी बिःगु खः।

वयकल बादलनाप दुपि कुलप्रसाद केसी व सुर्य सुवेदी ‘पथिक’ बैठकय् सहभागी जुइ धुकुगु दु धका धयादीगु खः। सरकारं संसद विघटन यायेवं निगु कित्ताय् विभाजित नेकपाय् गु कित्ताय् वनेगु धका बादल गन मवस्य च्वंगु खः ।

तर थौं बिहीवाः प्रधानमन्त्री केपी शर्मा ओली समूहया भेलाय् सहभागी जुगु खः।

जनता समाजवादी पार्टी नेपालया नेतापि प्रतिनिधिसभाया बैठक आह्वान यायेत सभामुख अग्नी सापकोटायात इनाप याःगु दु।

थौं बिहीवाः सिंहदरबारयय् संसद् सचिवालयय् वना सभामुख सापकोटाया ज्याकूथि जसपा नेतापि बाबुराम भट्टराई, उपेन्द्र यादव व लक्षमणलाल कर्णपि वना अथे इनाप याःगु खः। प्रधानमन्त्रीयात प्रतिनिधिसभा विघटन यायेगु अधिकार संविधान बिःगु मदु उकि संसद् जीवित दु धकाा  निष्कर्ष सहित सभामुख सापकोटायात बैठक आह्वान यायेत इनाप याःगु खः।

अथेहे जसपां संसद् विघटनया विरुद्धय् घोषणा याःगु आन्दोलनया तयारी सुरु याःगु खः । जसपाया केन्द्रीय कार्यकारिणी समितिं वःगु मंगलवाः च्वंगु बैठकं संसद् विघटनया विरोधय् आन्दोलनया ज्याझ्वः यायेगु धका धाःगु खः ।

जसपा थ्व स्वया न्ह्यः केन्द्रीय कार्यकारिणी समितिया बैठकपाखे पुस १० गते प्रधानमन्त्री व राष्ट्रपतिया पुत्ला दहन यायेगु, पुस ११ गते मसाल जुलुस पिकायेगु व पुस १२ गते बृहत प्रदर्शन यायेगु ज्याझ्वः क्वछि धुकुगु दु।

संसद विघटनया विरोधय् तत्काल सडक आन्दोलनय् वनेत सभापति शेरबहादुर देउवा पक्षं आनाकानी यायेवं वरिष्ठ नेता रामचन्द्र पौडेल पक्षधरपिनिगु छगु भेलां चरणबद्ध आन्दोलनया विकल्प मदुगु धकाः निष्कर्ष पिकाःगु दु।

आन्दोलन पक्षधर नेतापि येँया अनामनगरय् जूगु भेलां केन्द्रीय कमिटी बैठकय् आन्दोलन पक्षधरपि छगु हे सः तयावनेगु धका निर्णय याःगु दु।

नेता पौडेलं सभापति देउवायात नापलाना भेलाया निष्कर्ष व आन्दोलनया ज्याझ्वःबारे जानकारी यायेगु धका उगु  भेलां निर्णय याःगु खः । भेलां पुस १३, १४ व १५ गते जिल्लाव्यापी प्रदर्शन, वया लिपा स्वन्हुतक संघ व प्रदेशया दक्को निर्वाचन क्षेत्रय् प्रदर्शन, स्वगू चरणय् पालिकास्तरीय व प्यःगु चरण कथं वडास्तरय् विरोध ज्याझ्वः यायेगु धका धाःगु दु ।

थुगु चरणबद्ध ज्याझ्वः यायेत केन्द्रीय समिति व सभापति देउवायात इनाप यायेगु धका धाःगु दु ।उगु भेलाय् महामन्त्री शशांक कोइराला, कोषाध्यक्ष सीतादेवी यादव व नेता प्रकाशमान सिंह, रामशरण महत, अर्जुननरसिंह केसी, शेखर कोइराला, गगन थापा लगायत २२ म्ह केन्द्रीय सदस्य सहभागी जूगु खः।

लुँया भाः तोलां सच्छि थहा वःगु दु।

थौं लुँ तोलां सच्छि थहावना ९४ हजार १ सय रुपैयाँ कायम जूगु दु धका नेपाल सुनचाँदी व्यवसायी महासङ्घ न धाःगु दु ।

म्हिगः १२६५ रुपैयाँ कारोबार जूगु थौं झीन्यातका थहावना १२८० रुपैयाँ थ्यःगु दु।