वःगु २४ घण्टाया दुने थप २४२८ म्हेसित कोरोना संक्रमण पुंष्टि जूगु दु ।

अथेहे स्वनिगः दुने १ हजार १७४ म्हेसित कोरोना संक्रमण पुष्टि जूगु दु ।

येँ जक ९८७ म्हेसित कोरोना पुष्टि जुगु दु । अथेहे ख्वपय् ८१ म्ह व यलय् १०६ म्ह कोरोना संक्रमित पुष्टि जुगु दु ।

देयन्यक ८१ म्ह क्वारेन्टाइनय् दुसा १२ हजार ६९० म्ह संक्रिय कोरोना संक्रमितपि दु।

थ्व नाप दँयन्यक कोरोना संक्रमितपि आःतक २ लाख ९२ हजार १५२ म्ह थ्यगु दु । 

वःगु २४ घण्टाया दुने थप २४२८ म्हेसित कोरोना संक्रमण पुंष्टि जूगु दु ।

१० हजार १ म्हेसित पीसीआर परीक्षण यागुलि २३६५ म्ह व ४४७ म्हेसित एन्टीजेन परीक्षण यागुलि ६३ म्ह याना जम्मा २४२८ म्हेसित कोरोना संक्रमण पुष्टि जूगु दु स्वास्थ्य मन्त्रालयया कथं वःगु २४ घण्टाय् न्याम्ह कोरोना संक्रमणं सी धुकुगु दु।

अथेहे स्वनिगः दुने १ हजार १७४ म्हेसित कोरोना संक्रमण पुष्टि जूगु दु । येँ जक ९८७ म्ह, ख्वपय् ८१ म्ह व यलय् १०६ म्ह कोरोना संक्रमित पुष्टि जुगु दु ।

अथेहे मोरङय् ११३ म्ह, सुनसरीइ ३६ म्ह, पर्साय् ७९ म्ह, काभ्रेपलाञ्चोकय् १७ म्ह, चितवनय् २२ म्ह, नुवाकोटय् १२ म्ह, मकवानपुरय् ३० म्ह, कास्कीइ ३१ म्ह, स्याङ्जाय् १४ म्ह, कपिलवस्तइ २७ म्हेसित कोरोना संक्रमण पुष्टि जूगु दु।

अथेहे गुम्मीइ १० म्ह, दाङय् २३ म्ह, पाल्पाय् ४२ म्ह, बर्दियाय् ३१ म्ह, रूपन्देहीइ १२५ म्ह, कञ्चनपुरय् ३७ म्ह व कैलालीइ ७३ म्हेसित कोरोना संक्रमण पुष्टि जुगु धका मन्त्रालय धागु दु ।

देयन्यम ८१ म्ह क्वारेन्टाइनय् दुसा १२ हजार ६९० म्ह संक्रिय कोरोना संक्रमितपि दु। थ्व नाप दँयन्यक कोरोना संक्रमितपि आःतक २ लाख ९२ हजार १५२ म्ह थ्यगु दु । बिहीवाः जक २५२ म्ह डिस्चार्ज जुगु दु ।

 प्रदेश नं. १ या मुख्यमन्त्री शेरधन राईयात अपशब्द प्रयोग यासे ब्बबिइगु द्धपनय् बालिका खड्का ज्वंगु दु।

काठमाडौं प्रहरी प्रमुख एसएसपी अशोक सिंहया कथं खड्कायात ज्वना प्रहरी वृत्त, सिंहदरबारया हिरासतय् तयातःगु दु वयकःया कथं सार्वजनिक थासय् अभद्र व्यवहार यागुलि ज्वनागु खः, मुद्दा चले यायेगु वा त्वतिइगु धाःसा क्वछिगु मदुनि ।

प्रहरीया कथं थौं बिहीवाः थापाथलीस्थित एमाले मुख्यालयया उलेज्या झ्वलय् खड्कां प्रदेश–१ या मुख्यमन्त्रीयात ब्वबिगु खः ।

नेपाल कम्युनिस्ट पार्टीया स्थापना दिवसया लसताय् नेकपा एमालें बल्खुइ पार्टी कार्यालय भवनया शिलान्यास यागु दु ।

मदननगर बल्खुस्थित पुलागु पार्टी कार्यालयय् प्रधानमन्त्री नाप पार्टीया अध्यक्ष केपी शर्मा ओलीं विहीवाः सुथय भवनया शिलान्यास यानादीगु खः ।

एमालें न्हुगु केन्द्रीय कार्यालय भवन निदँ दुने  निर्माण सम्पन्न यायेगु लक्ष्य दु धका नेता प्रदीप कुमार ज्ञवालीं जानकारी बियादीगु दु । १३ रोपनी क्षेत्रफलय् उगु कार्यालय दु।

बल्खुस्थित कार्यालय २०७२ तःभुखाचं क्षतिग्रस्त जुइवं एमालें धुम्बाराहीलय् पार्टी कार्यालय सन्चालन याना वयाच्वंगु खः।

भाडाय् कयातःगु धका धाःगु थापाथलीस्थित कार्यालय नं थौं हे उलेज्या यायेगु ज्याझ्वः दु धका नेकपा एमालें धाःगु दु।

पुनर्निर्माण जुयाच्वंगु ऐतिहासिक धरहराय् गजू तयेगु ज्या क्वचागु दु ।

नेपाली सेनां विगुल फुकी, मङ्गल धुन व स्वस्तिक वाचनयासे राष्ट्रिय पुनर्निर्माण प्राधिकरणया कार्यकारी अधिकृत सुशील ज्ञवालीपिन्स गजू तयेगु ज्या यागु खः ।

थुगु गजू ३३० किलो यागुु खः । आः ऐतिहासिक धरहरा टावरया पुनर्निर्माण ज्या पूरा जुइवं रङ्ग तयेगु ज्या जुयाच्वंगु दु। थ्व हे वैशाख ११ गते उलेज्या यायेगु तयारी दु ।

वैशाख ११ गते ११ः०० बजे प्रधानमन्त्री केपी शर्मा ओलीपाखे उलेज्या जुइत्यःगु खः।