नेपाल कम्युनिष्ट पार्टी (नेकपा) या सचिवालय सदस्य नाप गृहमन्त्री रामबहादुर थापा ‘बादल’ आन्तरिक छलफलय् लगे जुगु दु।

आइतवाः प्रधानमन्त्री केपी शर्मा ओलीया सिफारिसय् राष्ट्रपति विद्यादेवी भण्डारीं संसद विघटन यायेवं राजनीतिक घटनाक्रमय् सहलह यायेत थापानिकट नेतापि वयागु छेँय् वःगु दु।

थापायात नापलायेत देव गुरुङ, पम्फा भुसाल, हितमान शाक्य, मनोज थापा, यशोधा सुवेदी, सूर्यप्रकाश सुवेदी, लेखनाथ न्यौपाने, सावित्रीकुमार काप्ले, अमृता थापा, श्रीराम ढकाल, मायाप्रसाद शर्मा, दिलिपकुमार प्रजापति, सुरेश आलेमगर, रामदीप आचार्य, महेश्वर दाहाल, युवराज भट्टराई नाप झींखुम्ह स्थायी कमिटी सदस्य व केन्द्रीय सदस्य वःगु दु। नेकपाय् थापा निकट ३४ म्ह केन्द्रीय सदस्य दु ाि ओलीया लाइनय् वनेमखु धका धागु दु। उ

मिसं ओलीया कदम प्रतिगामी खः उकि ग्वाहालि मयायेत इनाप याःगु खः। प्रधानमन्त्री ओलीं बालुवाटारय् थः सतिइपि नेतापि नाप भेला सःतूसा थापा न थः नाप च्वपि नेतापि नाप छलफलय् व्यस्त जुयाच्वंगु दु। संसद विघटनय् आपत्ति क्यसे दाहाल व नेपाल समूहया कृषिमन्त्री घनश्याम भुसाल, संस्कृति, पर्यटन तथा नागरिक उड्डयन मन्त्री योगेश भट्टराई, शिक्षामन्त्री गिरीराजमणि पोखरेल, वनमन्त्री शक्ति बस्नेत, उर्जामन्त्री वर्षमान पुन, खानेपानी मन्त्री विना मगर, श्रम तथा रोजगार मन्त्री रामेश्वर रायपिन्स म्हिगः आइतवाः मंकाः कथं राजीनामा बिइ धुकुगु दु।

प्रधानमन्त्री केपी शर्मा ओली निकट नेकपाया सांसदपि नाप बैठक जुयाच्वंगु दु ।

प्रधानमन्त्री निवास बालुवाटारय् जुया च्वंगु उगु बैठकय् पूर्वमाओवादीपाखे मन्त्री जुयाच्वंम्ह लेखराज भट्ट न सहभागी जुगु दु।

उगु बैठकय् धाःसा गृहमन्त्री रामबहादुर थापा (बादल) सहभागी जुगु मदु।

संसद विघटन याना वइगु बैशाखय् मध्यावधि निर्वाचन यायेगु निर्णयबारे ओलीं सांसदपि नाप ब्रिफिङ यायेत थौं बैठक सःतूगु खः।

थौं हे प्रचण्ड–माधव नेपाल पक्ष न थः सांसदपि नाप अलग्ग हे बैठक सःतूगु खः।

उर्जा, जलस्रोत तथा सिँचाइ मन्त्रीपाखे राजीनामा बिउम्ह वर्षमान पुनं आइतवाः चान्ह्य हे पुल्चोकय् च्वनाच्वंगु मन्त्री क्वाटर त्वतूगु दु।

प्रधानमन्त्री केपी शर्मा ओलीें संसद विघटन यायेवं उकिया असन्तुष्टि क्यसे पुन नाप न्ह्यम्ह मन्त्रीं म्हिगः हे राजीनामा बिःगु खः।

क्वाटर त्वतुसे मन्त्री पुनं  जि न्हापा शान्ति मन्त्री जुगु इलय् न राजीनामा बिगु हे दिं मन्त्रिनिवास व गाडी त्वतागु खः। अर्थमन्त्री जुयागु इलय् न अथे यानागु खः ।

थौं न राजीनामा बिइ धुका मन्त्रालयया गाडी त्वता थःगु हे गाडीइ पार्टीया बैठकय् वनागु खः। मन्त्री क्वार्टर त्वता थःगु हे पुलागु  डेराय् लिहावःगु दु ।

सरकारं संसद् विघटन यायेवं नेकपा नाप स्वगू दलं मंकाः कथं विरोध यायेगु निर्णय याःगु दु। सत्तारुढ नेकपा, नेपाली कांग्रेस व जनता समाजवादी पार्टी न संसद् विघटन प्रति मंकाः कथं विरोध यायेगु निर्णय यायेगु धका नेकपा प्रवक्ता नारायणकाजी श्रेष्ठं धाःगु दु। संसद् विघटन यायेगु सिफारिस व राष्ट्रपतिं सदर याःगु निगु हे निर्णय गैरसंवैधानिक, असंवैधानिक व अलोकतान्त्रिक खः।

उकिया विरोध यायेगु व विरोधय् एकताबद्ध जुया वनेगु धका धाःगु दु । दक्को उपायपाखे उकिया विरोध यायेगु निर्णय जूगु दु धका प्रवक्ता श्रेष्ठं धाःगु दु। बैठकय् सहभागी कांग्रेस वरिष्ठ नेता रामचन्द्र पौडेलं थौं अनौपचारिक बैठकं सरकारया पलाःया विरुद्ध मंकाः कथं स्वगू दल विरोधं यायेगु सहमत जूगु दु। प्रवक्ता श्रेष्ठया कथं नेकपा नेतापिनिगु पहलय् स्वगू दलया बैठक कांग्रेस संसदीय दलया कार्यालयय् च्वंगु खः।

उगु बैठकय् नेकपाया वरिष्ठ नेता माधवकुमार नेपाल, झलनाथ खनाल, प्रवक्ता श्रेष्ठ, देव गुरुङ व जनार्दन शर्मा सहभागी जुयादीगु खः। कांग्रेसपाखे वरिष्ठ नेता रामचन्द्र पौडेल, प्रमुख सचेतक बालकृष्ण खाँड, नेता मिनेन्द्र रिजाल व रमेश लेखक सहभागी जुयादीगु खः। अथेहे जसपा नेता बाबुराम भट्टराई व राजेन्द्र महतो बैठकय् सहभागी जुयादीगु खः।

सरकारं पूर्वसचिव प्रेम कुमार राईयात अख्तियार दुरुपयोग अनुसन्धान आयोगया प्रमुखय् सिफारिस याःगु दु।

मंसिर ३० च्वंगु संवैधानिक परिषदया बैठकं राईयात अख्तियार प्रमुखय् सिफारिस याःगु खः।

ओलीं संवैधानिक परिषद् सम्बन्धी अध्यादेश हःगु दि कुन्हु हे राईयात आयुक्तय् सिफारिस याःगु खः। सिफारिस सम्बन्धी पत्रय् थौं संसदीय समितिइ थ्यनेवं थुगु खँ सिइदुग खः ।

राई ओलीया विश्वासपात्र कथं कायेगु याः।