निशुल्क मिखा जाँच शिविरय् मिखा दान व छ्यंगू दान नं जुल युवक बौद्ध मण्डल नेपालया ग्वसालय् निशुल्क मिखा जाँच शिविर जूगु दु ।

ग्वसाः खलःया भवन परिसरय् आँखा अस्पतालया प्राविधिक ग्वाहालिइ शनिबाः जूगु शिविरय् अनुभवी चिकित्सकपिन्सं मूक्कं २८७ म्हेसियागु मिखा जाँच यागु खः ।

उपिंमध्ये मोतियाबिन्द खनेदुपिं १० म्हेसिगु शल्य क्रिया आँखा अस्पताल त्रिपुरेश्वरय् याइगु ग्वसाः खलःया स्वास्थ्य उप समितिया कजि हेमरत्न बज्राचार्यं जानकारी बियादिल ।

शिविरय् इच्छुक मनूतय्सं मरणोपरान्त मिखा दान व छ्यंगु दान नं याःगु खः । समाजसेवी मोतिशान्ति शाक्यया संयोजकत्वय् जूगु मिखा जाँच शिविरपाखें मिखाया उपचार याकूपिंन्सं शिविरयात छगू च्वछाय्बहगु शिविर धाःगु खः ।

ग्वसाः खलःया नायःअरणीतारा बज्राचार्यं संस्थापाखें स्थानिय, राष्ट्रिय व अन्तर्राष्ट्रिय धार्मिक, सामाजिक, शैक्षिक, स्वास्थ्य व सेवामुलक ज्याझ्वः जुयावःगु जानकारी बियादिल।

ख्वपया प्रसिद्ध बिस्का जात्रा रोक्के यायेगु निर्णय याःगु दु। बिस्का जात्रा अन्तर्गत भैरवनाथया रथ सालेइगु, यःसि थनेइगु व क्वथलेयगु, म्ये प्वाखनिगु व सिन्दूर जात्रा रोक्के यायेगु निर्णय याःगु दु । जिल्लास्तरीय कोभिड १९ संकट व्यवस्थापन सञ्चालन केन्द्र (डीसीसीएमसी) नं आइतवाः च्वंगु बैठकं वःगु दँय् थे थगु दँय् न बिस्का जात्रा रोक्के यायेगु निर्णय याःगु दु ।

वःगु दँय् न बिस्का जात्राया दक्को विधि विधानयात रोके याना औपचारिकताय् जक सीमित याःगु खः। ख्वपया प्रमुख जिल्ला अधिकारी प्रेमप्रसाद भट्टराई न भारतय् कोभिड १९ संक्रमण अप्वोया वःगुलि नेपालय् न जोखिम जुइफुगुलि जात्रा रोक्के यायेत बाध्य जुगु खः धका धयादीगु खः । डीसीसीएमसीया निर्णया कथं बिस्का जात्रा अन्तर्गत जुइगु खट जात्रा तक याये दइमखुगु जुगु दु ।

ख्वपय् थ्व हे चैत २८ गते निसे बिस्का जात्रा सुरु जुइगु खः । उगु बैठकय् जिल्ला समन्वय समिति भक्तपुरया प्रमुख नवराज गेलाल नाप प्रजिअ भट्टराई सहायक प्रजिअ मुकेशकुमार केशरी, महानगरीय प्रहरी परिसर भक्तपुरया प्रमुख प्रहरी उपरीक्षक तारादेवी थापा, जिल्ला समन्वय अधिकारी जगन्नाथ लामिछानेपिनिगु उपस्थिति दुगु खः ।

अथेहे नेपाली सेनाया सूर्यविनायकस्थित इन्द्रबक्स गणया प्रमुख सेनानी सामन्तध्वज खाँड, दुवाकोटस्थित सशस्त्र प्रहरी बल गण नं. २२ या सशस्त्र प्रहरी नायब उपरीक्षक लीलाबहादुर कार्की, गुठी संस्थान भक्तपुरया प्रमुख आनन्दप्रसाद कर्माचार्य, स्वास्थ्य कार्यालय भक्तपुरया प्रमुख कृष्ण मिजारपिनिगु न उपस्थिति दुगु खः।

किपा सामाजिक संजालपाखे