येँ महानगरपालिका १८ वडाया ग्वसालय् प्रचलित नेपाल लिपि स्यनेज्या जुगु दु । लच्छि यक जुगु उगु कक्षाय् पबित्र कसाः न स्यना दीगु खः।

उगु कक्षाय् मुक्कल ३५ म्हेसिया ब्बति काःगु खः। थौं छगु ज्याझ्वः दथुइ येँ महानगरपालिकाया मेयर बिद्यासुन्दर शाक्य ब्बति कयादीपिन्त दसीपौ लल्हानादीगु खः।

ज्याझ्वलय् थःगु नुँगः खँ तयेगु झ्वलय् येँ महानगरपालिकाया मेयर शाक्यं येँ महानगरं संस्कृति, सम्पदा नाप भाषा ब्बकेगु व लिपि बिकास यायेगुलि माःगु कथं बजेत तया वयाच्वनगु दु । येँ महानगर थःगु मातहतय् लागु स्कूलय् नेपालभासं हे ब्बकेय्गु ब्यवस्था याये त्यनागु दु । उगु पाठक्रम ब्बकेगु लागि येँ महानगर ब्बकेगु निति शिक्षक तक माग याये धुकगु दु धका धयादीगु दु ।

येँ महानगरपालिका १८ वडा अधक्ष्य न्हुच्छेकाजी महर्जनया सभाधक्ष्यताय् जुगु खः। लच्छि यकं जुगु ज्याझ्वःया ब्यवस्थापन नेपालं याःगु खः।

सरकारं कोरोना खोप निजी कम्पनीयात हयेके बिइगु तयारी याःगु दु।

थुकिया लागि मन्त्रिपरिषदं निश्चित मापदण्ड तया निर्णय यायेगु स्वास्थ्य तथा जनसंख्यामन्त्री हृदयेश त्रिपाठीं जानकारी बिःगु दु । मन्त्रालयं बिहीवाः ग्वसाः ग्वःगु पत्रकार सम्मेलनय् मन्त्री त्रिपाठीं धाःगु दु, ‘निजी कम्पनीं हःगु खोप सरकार धासा न्याइ मखु ।

निजी प्रयोजनय् बिइ फइ।’ सरकारं हःगु खोप धाःसा निःशुल्क जुइ धका वयकलं धयादीगु दु। मन्त्रिपरिषद् या लिपागु निर्णय कथं २० लाख डोज कोरोना खोप निवाः दुने हे वइ।

सरकारं भारतया सेरम इन्स्टिच्युटं उत्पादन याःगु कोरोना खोप ‘कोभिसिल्ड’ प्रतिडोज प्यंगु डलरया दरं न्यायेगु निर्णय याःगु दु।

सरकारं छवाःया दुने निकःतक इन्धनया भाः थकाःगुया विरोधय् अनेरास्ववियू (रञ्जित तामाङ समूह) नं बिहीवाः नेपाल आयल निगमया केन्द्रीय कार्यालय न्ह्यने प्रदर्शनसहित धर्ना बिःगु दु ।

सुथय् देयन्यकया क्याम्पस न्ह्यने विरोध प्रदर्शन याःगु खःसा न्हिनय् अनेरास्ववियू नं बबरमहलय् आयल निगम कार्यालय न्ह्यने धर्ना बिया नाराबाजी याःगु दु ।

अनेरास्ववियूया नेता सुरेन्द्र बस्नेतं निगमया कार्यालय घेराउ यासे पेट्रोलियम पदार्थया मूल्यवृद्धि विरोधय् ज्ञापनपत्र तक बिःगु खः । अनेरास्ववियूया नेता कार्यकर्तापिन्त प्रहरीं आयल निगमया मू गेट न्ह्यने हे रोके याःगु खः।

अन हे च्वना नारा च्वयातःगु प्लेकार्ड ज्वना प्रदर्शन सुरु याःगु खः । प्रदर्शनयात लक्षित यासे आयल निगमया कार्यालय न्ह्यने अप्वो नेपाल प्रहरीया टोली खटे यानातःगु खः।

बकोरोना भाइरस (कोभिड(१९) महामारीया कारण प्रभावित थुगुसिया शैक्षिक सत्र जेठय् क्वचाइगु जुगु दु।

संशोधित नियमावली कथं थुगुसिया शैक्षिक सत्र जेठय् क्वचाइगु व असार १ गतेनिसे न्हुगु शैक्षिक सत्र सुरु यायेगु निर्णय जुगु शिक्षा मन्त्रालयया प्रवक्ता दीपक शर्मां जानकारी बिःगु दु। वयकःया कथं, ‘संशोधित शिक्षा नियमावलीयात आधार मान याना जिमिसं थुगुसिया शैक्षिक सत्र निला लिउने यकिइगु निर्णय यानागु खः ।’

संशोधित शिक्षा नियमावलीइ, ‘महामारी वा अथेहे मेमेगु विपद् वा विकट हिमाली क्षेत्रया कारण शैक्षिक सत्र ह्यूपाः हयेमाःगु अवस्था वःसा मन्त्रालयं शैक्षिक सत्र ह्यूपा हये फइ’ धइगु वाक्या उल्लेख दु । छगु शैक्षिक सत्रय् न्यूनतम १८० दिं अर्थात् द्धःछिगु घन्टा ब्बनेमाः। सामान्यतयाः वैशाख निसे शुरू जुया चैतय् शैक्षिक सत्र क्वाचाइ।

सार्वजनिक बिदा, साप्ताहिक बिदाबाहेक करिब निसःदिं स्कूल सञ्चालन जुइ । उकिइ कासा व अतिरिक्त क्रियाकलाप न समाबेस जुइ।