Display Style:
Column Style
येँ महानगरपालिकां ‘मेयर्स रिसर्च फेलोसिप’ प्रदानयात
नृपेन्द्रलाल श्रेष्ठ | अनलागा ३० ११४०,असोज ३० बिहीवाः
येँ महानगरपालिका शहरी योजना आयोगं थथिी झीगु विधाय् झीम्हेसित ‘मेयर्स रिसर्च फेलोसिप’ प्रदान याःगु दु। नीति–निर्माण तहय् अनुसन्धान संस्कृतिइ व उकिइ कार्यान्वयन तहलय् यकंगु उदेश्यं न्हापागु चरणय् झीम्हेसित ‘मेयर्स रिसर्च फेलोसिप’ यायेगु येँ महानगरपालिकां जानकारी बिःगु दु।
थ्व हे उदेश्य कथं थौं येँ महानगरपालिकाया मेयर बिद्यासुन्दर शाक्य व प्रमुख प्रशासकीय अधिकृत एकनारायण अर्यालया उपस्थितिइ झीम्हेसित ‘मेयर्स रिसर्च फेलोसिप’ प्रदान यायेगु सम्झौतापत्रय् ल्हाचिं तयेगु ज्या जूगु दु।
सम्झौतापत्रय् ल्हाचिं तये धुका थःगु खँ तयादिसे येँ महानगरपालिकाया मेयर शाक्यं येँ महानगरपालिकां वइगु दँय् नीति तथा कार्यक्रमय् तक समावेश यासे कार्यान्वय चरणय् यंकेत लैजान अपुइ कथं व्यवहारिक पक्षयात ध्यानय् तया अनुसन्धान तयार यायेत सुझाव बिःगु दु।
मेयर शाक्य थज्यागु अनुसन्धानं थःगु हे स्रोत–साधान छ्यला ई कथं तथ्याङ संकलन याना छु हद तक ग्वाहालि जुइगु विश्वास कयादिगु दु।
‘येँ महानगरपालिका संघीय राजधानी दुगु थाय् याःगु महानगरपालिका खः। येँ ७७ गु जिल्लाया नागरिक बसोबास याइगु जुगुलि थन लागु जूगु नीति–कार्यक्रम व थन याइगु अनुसन्धान मेमेगु स्थानीय तहया लागि अनुसरण याइ कथंया जुइमाः धका मेयर शाक्यं धयादिगु खः।, ‘छिकपि थे जापि अनुभवी मनू तयेस तयार याःगु अनुसन्धान व्यवहारिक रुपं कार्यान्वयन याइगु सन्दर्भय् अनुसन्धानकर्ता हे अन्योल मजुइक व ई कथं सान्र्दभिक जुइमा धका सझाव मेयर शाक्य बियादिसे येँ महानगरपालिका बिइगु सेवा प्रवाहं थनया मेयर, जनप्रतिनिधि व स्थानीयपिन्त जक मखु ७७ गु जिल्लाया नागरिकया सेवा नाप स्वाइ कथं फेलोसिपया मर्म न थुकिया नाप सम्वन्धित जुइमाः धका धयादिगु खः। ‘येँया मेयर याकचा दयेका जुइमखु, ‘जनप्रतिनिधि अस्थायी खः, जि न अस्थायी खः। तर, थनया विकास स्थायी प्रकृतिया जुइमाः धका धयादिगु खः।उकि थनया विकास व समृद्धिइ दक्को मिले जुया वनेमाः। अथे जूसा जक थनया संवृद्धि तापा मजू धका धयादिगु खः।
उगु ज्याझ्वलय् प्रमुख प्रशासकीय अधिकृत अर्याल, सहरी योजना आयोगया उपाध्यक्ष सरोज बस्नेतपिन्स थःथःगु खँ तयादिगु खः।
अनुसन्धानया लागि महानगरपालिकां प्रत्येक विधामा १ लाख ५० हजार बिइगु सम्झौताय् उल्लेख याःगु दु।
अथेह न्हापागु चरणय् विश्व जलवायु परिवर्तनया प्रभाव न्यूनीकरणया लागि स्वनिगःया रिङरोड क्षेत्रय् बायोमास व कर्बोन स्टक सम्भाव्यता सिमा पिइगु सम्बन्धी अध्ययन, येँलमहानगरपालिकाया जेष्ठ नागरिकपिनिगु जीवनया गुणस्तर सम्बन्धी कानुन, नीति व प्रमाण सम्बन्धी अध्ययन, येँ महानगरपालिकां नविन परिवर्तन हबया रुपय् विकास यायेत स्टेम शिक्षाया आवश्यकता सम्बन्धी अध्ययन, येँ महानगरपालिका दुने नेवाः समुदायया दुने गरिबी व सम्भावित निवारणया पद्धति सम्बन्धि अध्ययन न छनोट जूगु खः। अथेहे येँ महानगरपालिकां शहरी विकास व्यवस्थापन (योजना तर्ज निसे कार्यान्वयन तक) य् संचारया भूमिका व प्रभावकारिता अभिवृद्धि सम्बन्धि अनुसन्धान प्रस्तावना न छनोटय् लाःगु खः। उगु झीगु विधाय् अनुसन्धानया लागि क्रमश प्रतिक खनाल, कृति प्रधान, सुरज गौतम, राजीब पोखरेल, सम्राट बस्याल, नबिन राज जोशी, कृपा सिग्देल, मनिष मान श्रेष्ठ, रबिन्द्र के सुवाल, गोपी कृष्ण ढुगानानाप सम्झौता याःगु खः।
फलफूलचोकय् विष्फोट जूया नोक्सान जूपिन्त क्षतिपूर्ति बिइगु
नृपेन्द्रलाल श्रेष्ठ | अनलागा ३० ११४०,असोज ३० बिहीवाः
शहरी विकास राज्यमन्त्री रामवीर मानन्धर व येँ महानगरपालिकाया मेयर विद्यासुन्दर शाक्यं येँया १६ वडाया फलफूलचोकय् नीलकुमारी क्षेत्रीया छेँय् ग्याँस सिलिण्डर मू थाय् निरीक्षण याःगु दु।
अन निरीक्षण याये धुका शहरी बिकास राज्यमन्त्री मानन्धरं पिडीत पिन्त राहतया लागि माःगु पहल यायेगु धका बचं बियादिगु खः।
अथेहे उगु थासय् निरीक्षण यायेगु झ्वलय् येँ महानगरपालिकाया मेयर शाक्यं विष्फोटया कारण जूगु क्षतिया मुचुल्का उठे याना माःगु प्रक्रिया पुरा याना पिडीतपन्त राहत उपलब्ध याकेगु प्रतिवद्धता व्यक्त यानादिगु दु।
उगु थासय् निन्हु न्हय जक कृष्ण कार्की मदुगु खः। किरियापुत्री च्वपि भुईंतलाय् जा थुइगु झ्वलय् ग्याँस सिलिण्डरया पाईप च्याना विष्फोट जूया मेगु ग्याँस जाःगु सिलिण्डर न विष्फोट जूया ११ म्ह मनूत घाःपाः जूया तधःगु क्षति जूगु खः।
येँ १७८४म्ह स्वनिगः दुने २४०२ म्ह समक्रमण
लहानान्युज | अनलागा ३० ११४०,असोज ३० बिहीवाः
थौं स्वनिगलय् दुने जक थप जूपि येँय् १,७८४ म्ह थ्यःगु दु।
अथेहे यलय् ३७४ म्ह व ख्वपय् २४४ म्हेसित कोरोना सक्रमण जूगु दु।
आःतक देय् यकं संक्रमितपि १,२६,१३७ म्ह थ्यंगु दु।
हे देय् न्यंकं ४,३९२ म्हेसित कोरोना पुष्टि
लहानान्युज | अनलागा ३० ११४०,असोज ३० बिहीवाः
अथेहे देय् न्यंकं ४,३९२ म्हेसित कोरोना पुष्टि जूगुलि स्वनिगलय् जक २,४०२ म्ह थप जूगु दु ।
थौं स्वास्थ्य मन्त्रालयं नियमित पत्रकार सम्मेलनय् १६,५३१ म्हेसित पीसीआर परीक्षणय् ४,३९२ म्हेसिगु रिपोर्ट पोजेटिभ वःगु जानकारी ब्यूगु खः ।
अथेहे,२४ घण्टाया दुने ३,५२२ म्ह कोरोना संक्रमणमुक्त जुयाः छेँय् लिहाँ वंगु दु ।
आःतक छेँय् लिहाँ वंपि ८८ हजार ४० म्ह थ्यंगु दु।
फलफूलचोकय् ग्याँस मुया खबरसेण्टरया ज्याकू क्षति
अनलागा ३० ११४०,असोज ३० बिहीवाः
येँया सोह्रखुटेया फलफूलचोकय् कृष्ण कार्कीया छेँय् ग्याँस सिलिण्डर मुया खबरसेण्टरया ज्याकू तक क्षति जूगु दु।
ग्याँस मुया खवरसेन्टरया निगः ल्यापटप व निगः कम्प्युटर न क्षति जूगु दु धका खवरसेन्टर डट् कमया सम्पादक उत्तम श्रेष्ठ लहनान्युजयात कनादिगु दु । थःपि ज्या यानाच्वनागु इलय् तधःगु सः वःगु नाप च्वंगु जला खला या छेँ तक स्यःगु दु थःपिनिगु झ्याःया न्ह्याक तक तज्याना ना निगः ल्यापटप नाप निगः कम्प्युटर याना निगु लाखया बराबर क्षति जूगु दु धका कनादिगु दु।
ग्याँस मुया उगु थासय् च्वपि ११ म्ह घाःपाः जूगु दु। घाःपाः जूपि शान्ति अधिकारी, विन्दा श्रेष्ठ, रमेश श्रेष्ठ, विशाल कँडेल, नरसिंह केसी, अम्बर बस्नेत, चन्द्र केसी, सरला बस्नेत, अर्जुन चोखाल, मेचिनी खत्री व ईश्वर खत्रीपि खः। घाःपाः जूपिन्त मनमोहन अस्पताल ठमेलय् वासः याका वयाच्वंगु दु।
