नेवाः पत्रकार राष्ट्रिय दबू नं मदुम्ह सञ्चारकःमि विक्रम शाक्यया परिवारयात छगु लाख रुपैयाँ ग्वाहालि याःगु दु।

पत्रकार दबू न  पूच्वोया अक्षेयश्वर महाविहारय् छगु बिचाः मुज्याः यासे उगु ध्यवा लल्हाःगु खः। उगु मुँज्याय् दबूया केन्द्रीय अध्यक्ष सुरजवीर बज्राचार्य व कोषाध्यक्ष सुरेन्द्रभक्त श्रेष्ठं मंकाः कथं मदुम्ह शाक्यया जाहान धनलक्ष्मी शाक्यया हस्तान्तरण याःगु खः।

नेपालभाषाया अग्रज सञ्चारकःमि शाक्यं भाषा, साहित्य, संस्कृति व लिपिया विकासया लागि पत्रकारिता माध्यमं महत्वपूर्ण भूमिका निर्वाह याःगु दु धका पत्रकार दबूया केन्द्रीय अध्यक्ष बज्राचार्य धयादिगु खः‘ मदुम्ह शाक्यं छापा व रेडियो पत्रकारिताया ख्यलय् यक्को दखल दुम्ह मातृभाषायाछम्ह प्रतिभाशाली पत्रकार गुमे याये माःगु दु धका धयादिगु खः।’ पत्रकार दबूइा निर्वतमान अध्यक्ष श्रीकृष्ण महर्जनं शुरुइ साहित्य, संस्कृति व मनोरञ्जनात्मक गतिविधि जक केन्द्रीत नेपाल भाषाया रेडियो सञ्चारमाध्यमयात राजनीतिक, समसामयिक विषयमा बहस छलफल चले यायेगु स्तर तक विकास यायेगुलि शाक्यया तधःगु भूमिका उल्लेखनीय दुगु धका धयादिगु खः।

उगु ज्याझ्वलय् संयोजक नापं केन्द्रया वरिष्ठ उपाध्यक्ष नृपेन्द्रलाल श्रेष्ठं जनताया सूसुचित यायेगु हकया लागि अग्रपंक्ति च्वना महत्वपूर्ण भूमिका निर्वाह यायेगु पत्रकारपि गम्भीर बिरामी वा समस्या जुगु इलय् पत्रकार राष्ट्रिय दबू नं अक्षयकोष स्थापना यासे व थीथी ग्वाहालिमि पाखे व शुभेच्छुकपिन्स ग्वाहालि जुयावया च्वंगु थज्याःगु ग्वाहालि लिपा न जुइ धका भलसा कयादिगु खः।

उगु मुँज्याय् पत्रकार दबूया महासचिव सुनील महर्जनं विक्रम शाक्यं यलय् विविध गतिविधियात सञ्चार नाप स्वायेगु ज्यासे भाषिक समानता, जातीय समानताया लागि पत्रकारिता पाखे योगदान यासे पैरवी पत्रकारिताया छगु बालागु नजिर जुगु धारणा तयादिगु खः। ’मदुम्ह शाक्यया जहान धनलक्ष्मी शाक्यं दुःखड घडी  ग्वाहालि यापिन्त सुभाय् देछानादिगु खः।

मुँज्याय् उपाधक्ष्य रचना श्रेष्ठ, कोषाध्यक्ष सुरेन्द्रभक्त श्रेष्ठ, सह सचिव राजु नापित, दुजः मिना वज्राचार्य व बिक्रम शाक्यया काय् लुःज शाक्यपिनिगु न उपस्थिति दुगु खः।

वःगु २४ घन्टाया दुने स्वनिगः दुने थप ८३५ म्हेसित कोरोना संक्रमण पुष्टि जूगु दु।

थौं पुष्टि जुपि ३७९ मिसा व ४५६ म्ह मिजंपि याना ८३५ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।

थौं येँ जक ६४२ म्हेसित कोरोना पुष्टि जुगु दु। अथेतु ख्वपय् ८८ म्ह व यलय् १०५ म्ह याना स्वनिगलय् मुक्क ८३५ म्हेसित कोरोना संक्रमित जुगु दु धका मन्त्रालयं धाःगु दु।

मन्त्रालयया कथं येँ ११ हजार ३ ९३ म्ह, ख्वपय् १०१४ म्ह व यलय् १९३१ म्ह होम आइसोलेशनय् च्वनाच्वंगु दु। अथेहे येँ सक्रिय कोरोना संक्रमितपि १५ हजार ९३७म्ह, ख्वपय् १३०६ म्ह व यलय् २३४६ म्ह दु धका धाःगु दु।

वःगु २४ घण्टाया दुने १९४६ म्हेसित कोरोना भाइरस संक्रमित थपे जुगु दु।

देय् यकं थीथी प्रयोगशालाय् याःगु परीक्षणय् १९४६ म्हेसित कोरोना संक्रमण पुष्टि जुग दु धका स्वास्थ्य तथा जनसंख्या मन्त्रालयं जानकारी बिःगु दु।

थ्व नाप नेपालय् कोरोना संक्रमितपि २ लाख ८ हजार २९९ म्ह थ्यःगु दु। अथेहे २४ घण्टाया दुने २५०३ म्ह संक्रमणमुक्त जुगु दु धका धाःगु दु।

मन्त्रालयया कथं थ्व नाप कोरोनामुक्त जुपि १ लाख ७० हजार ६३२ म्ह थ्यःगु दु। आःतक देय् यकं संक्रमितपि ३६ हजार ४५२म्ह थ्यःगु।

वःगु २४ घण्टाया दुने १३ म्हेसित कोरोना संक्रमितपि सीगु दु धका स्वास्थ्य तथा जनसंख्या मन्त्रालयं जानकारी बिःगु दु।

कोरोनाया कारण थौं सीपि याना आःतक नेपालय् १२१५ म्ह थ्यःगु दु।

सुर्खेतया वीरेन्द्रनगरय् वासः याना वयाच्वम्ह छम्ह कोरोना संक्रमितपि मिजं सीगु दु।

वीरेन्द्रनगर नगरपालिका वडा नं. ८ या ६० दँ दुम्ह सुथया साढे ४ बजेय् प्रदेश अस्पताल सुर्खेतय् मदुगु खः।

सामाजिक विकास मन्त्रालयया स्वास्थ्य सेवा महाशाखाया जनस्वास्थ्य शाखा प्रमुखं वयात कात्तिक २३ गते कोरोना संक्रमण पुष्टि जुगु खः धका धाःगु खः। होम आइसोलेसनय् च्वना च्वम्ह वयात सासः ल्हायेगु समस्या वयेवं कात्तिक २४ गते चान्ह्य साढे १० बजे प्रदेश अस्पताल सुर्खेतय् भर्ना याःगु खः। म्हय् अक्सिजनया मात्रा कम जुयावया थौं सुथय् ४ बजे बेहोस जुगु खः।

थ्व नाप कर्णाली प्रदेशय् कोरोना संक्रमण पुष्टि जुया सीपि १७ म्ह थ्यःगु दु धका जनस्वास्थ्य शाखा प्रमुखं जानकारी बिःगु दु।