Display Style:
Column Style
स्वनिगलय् थप २१२९म्ह कोरोना संक्रमित
लहानान्युज | अनलागा ११ ११४०,असोज २७ मंगलवाः
वःगु २४ घण्टाया दुने स्वनिगलय् थप २१२९म्हेसित कोरोना संक्रमित जूगु दु।
स्वास्थ्य तथा जनसंख्या मन्त्रालयं थौं मंगलवाः ग्वसाः ग्वःगु पत्रकार सम्मेलनय् येँ जक १७४६ म्हेसित कोरोना सक्रमण जुगु दु धका धाःगु दु।
अथेहे यलय् २१६ म्ह व ख्वपय् १६७ म्हेसित कोरोना सक्रमण जुगु दु धका जानकारी बिःगु दु।
वःगु २४ घण्टाया दुने १५५७७ म्हेसिगु पीसीआर परीक्षण याःगु खः।
म्हिगः सोमवाः १८८८, यलय् २७७ व ख्वपय् ११८ म्ह याना २२८३ म्ह संक्रमित पिहा वःगु खः।
अथेहे वःगु २४ घन्टाया दुने कोरोनामुक्त १५०३ म्ह छेँय् लिहा वःगु दु। थ्व नाप नेपालय् आःतक कोरोनामुक्त जूपि ७८७८० म्ह थ्यःगु दु।
३५५६म्हेसित संक्रमण पुष्टि
लहानान्युज | अनलागा ११ ११४०,असोज २७ मंगलवाः
वःगु २४ घण्टाया दुने ३ हजार ५५६ म्हेसित कोरोना भाइरस (कोभिड(१९) या संक्रमण पुष्टि जूगु दु।
देय् यकं प्रयोगशालाय् नमुना १५ हजार ५७७ परीक्षणय् याःगुलि ३५५६म्हेसित संक्रमण पुष्टि जूगु दु।
उकि संक्रमितपि मध्ये २१३९ म्ह येँ च्वपि खः।
नेपाल प्रहरीं कोरोना संक्रमितपि ५११०म्ह थ्यन
लहानान्युज | अनलागा ११ ११४०,असोज २७ मंगलवाः
नेपाल प्रहरीं कोरोना संक्रमितपि ५११० म्ह थ्यःगु दु। उकि मध्ये १९५६ म्ह वासः याका वयाच्वंगु दु।
आःतक ३१५४ म्ह डिस्चार्ज जुइ धुकुगु दु। तथ्याङ्कया कथं प्रहरी प्रधान कार्यालयय् हे ३४२ म्ह कोरोनाया सक्रिय संक्रमितपि दु। अथेहे ६९२ म्ह कोरोनाया सक्रिय संक्रमित दु।
उकि मध्ये प्रदेश १ य् ११८ म्ह, प्रदेश २ य् ८७ म्ह, वाग्मती प्रदेशय् १५८ म्ह, गण्डकी प्रदेशय् १९५ म्ह, लुम्बीनी प्रदेशय् १९१ म्ह, कर्णाली प्रदेशय् ४८ म्ह व सुदूरपश्चिम प्रदेशय् १२५ म्हेसित प्रहरी कोरोनाया सक्रिय संक्रमितपि दु।
मोरङय् कोरोना संक्रमितपि स्वम्ह मन्त
लहानान्युज | अनलागा ११ ११४०,असोज २७ मंगलवाः
मोरङय् कोरोना संक्रमणया कारण थप स्वम्ह सीगु दु। कोसी अस्पताल कोभिड १९ उपचार केन्द्र विराटनगरय् छम्ह व विराट मेडिकल कलेज टंकीशिनवारीइ निम्ह सीगु दु।
मोरङया बुढीगंगा गाउँपालिका–५ या ७१ दँ दुम्ह मिजंम्ह विराटनगरया कोसी अस्पताल कोभिड–१९ उपचार केन्द्रय् मदुगु खः। उपचार केन्द्रया कथं थौं सुथय् २ः१५ बजेति वासः यायेगु झ्वलय् मदुगु खः।
मोरङया बुढीगंगा गाउँपालिका– २ टंकीशिनवारीइ च्वंगु विराट मेडिकल कलेजया आइसोलेसनय् थौं मंगलवाः निम्ह कोरोना संक्रमितपि मन्त।
कलेजया आइसोलेसन इञ्चार्जया कथं सुन्दरहरैँचा नगरपालिका–३ छेँ दुम्ह ४३ दँ दुम्ह मिजंम्ह व विराटनगर महानगरपालिका– ७ हाटखोलाया ४५ दँ दुम्ह मदुगु खः।
लुँ वहःया भाः क्वहा वल
शोभा श्रेष्ठ | अनलागा ११ ११४०,असोज २७ मंगलवाः
थौं लुँ वहःया भाः क्वहाःगु दु।
लुँ थौं तोलाय् न्यासः क्वहा वःगु दु सा वहः नीतका क्वहा वःगु दु।
नेपाल सुनचाँदी व्यवसायी महासङ्घं थौं लुँ तोला न्यासः क्वहा वया ५ तोलाया ९५ हजार १ सय रुपैयाँ निर्धारण जुगु दु धका धाःगु दु।
अथेहे वहः तोलाय् नीतका क्वहावया १२२५ रुपैयाँ कायम जुगु दु धका महासघं धाःगु दु।
