Display Style:
Column Style
१७९८म्ह कोरोनामुक्त
लहानान्युज | कौलागा नवमी ११४०,कार्तिक २४ सोमवाः
वःगु २४ घन्टाया दुने नेपालय् थप १८ म्हेसित कोरोना संक्रमणं सीगु दु धका स्वास्थ्य तथा जनसंख्या मन्त्रालयं धाःगु दु।
थौं १८ म्ह नाप आःतक नेपालय् कोरोना संक्रमणं सीपि १ हजार १२६ म्ह थ्यःगु दु।
अथेहे वःगु २४ घन्टाया दुने कोरोनामुक्त जूपि १ हजार ७९८ म्ह जना डिस्चार्ज जुया छेँय् लिहा वःगु दु।
थ्व नाप नेपालय् आःतक कोरोनामुक्त जूपि १ लाख ५९ हजार ७२४ म्ह थ्यःगु दु।
देय् यकं २५७१म्ह कोरोना सक्रमित
कौलागा नवमी ११४०,कार्तिक २४ सोमवाः
वःगु २४ घन्टाया दुने नेपालय् थप २५७१ म्हेसित कोरोना संक्रमण पुष्टि जूुगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया कथं थौं थपे जुपि ना आःतक कोरोना संक्रमितपि नेपालय् १ लाख ९७ हजार २४ म्ह थ्यःगु दु पुगेको छ ।
वःगु २४ घण्टाया दुने ११ हजार १७७ म्हेसिगु पीसीआर परीक्षण याःगु धका मन्त्रालयं धाःगु दु।
आःतक पीसीआर विधिपाखे १५ लाख ५१ हजार २५४ म्हेसिगु परीक्षण याये धुकुगु दु। थ्व नाप नेपालय् आइसोलेसनय् च्वनाच्वपि कोरोना संक्रमितपि ३६ हजार १७४ म्ह दु।
अथेहे ९६७ म्ह क्वारेन्टाइनय् च्वनाच्वंगु धका मन्त्रालयय् धाःगु दु।
येँ ११३६म्ह नाप स्वनिगलय् १४२८म्ह सक्रमित
शोभा श्रेष्ठ | कौलागा नवमी ११४०,कार्तिक २४ सोमवाः
गु २४ घण्टाया दुने स्वनिगः दुने थप १ हजार ४२८ म्हेसित कोरोना संक्रमित जूगु दु धका स्वास्थ्य तथा जनसंख्या मन्त्रालयं धाःगु दु।
थौं सोमवाः संक्रमित पुष्टि जूपि ६३० म्ह मिसापि व ७९८ म्ह मिजंपि खः।
थौं येँ जक ११३६म्हेसित कोरोना सक्रमण पुष्टि जूगु दु धका मन्त्रालय् धाःगु दु।
अथेहे, ख्वपय् ९१ म्ह व यलय् २०१ म्हेसित कोरोना संक्रमितपि थपे जूगु दु।
कैलालीइ कोरोना निम्ह मन्त
लहानान्युज | कौलागा नवमी ११४०,कार्तिक २४ सोमवाः
कैलालीइ कोरोना संक्रमणं थौं सोमवाः सुथय् निम्ह मन्त। टीकापुर नगरपालिका–१ या ९० दँ दुम्ह मिजं व धनगढी उपमहानगरपालिका २ या ८४ दँ दुँम्ह मिजंम्ह थौं सुथय् कोरोना संक्रमणं मदुगु खः।
२० गते कोरोना पुष्टि जुम्ह टीकापुरया मिजंम्ह होम आइसोलेसनय् च्वनाच्वंगु खः। होम आइसोलेसनय् मदुगु धका टीकापुर नगरपालिका स्वास्थ्य शाखा प्रमुखं जानकारी बिःगु खः।
धनगढीया ८४ दँ दुम्ह मिजंम्ह कडा प्रकारया निमोनिया खनेदुगु खः।
शुक्रवाः निसे अस्थायी कोरोना अस्पतालय् भेन्टिलेटर तया वासः याना वयाच्वंगु खःसा थौं सुथय् मदुगु धका सेती प्रादेशिक अस्पतालया सूचना अधिकारी धाःगु खः।
भ्यालेन्सिं रियलया ४–१ गोलया अन्तरं त्याकल
लहानान्युज | कौलागा नवमी ११४०,कार्तिक २४ सोमवाः
स्पेनिस ला लिगा फुटबलय् रियल मड्रिड बूगु दु। म्हिगः चान्ह्यः जुगु कासाय् भ्यालेन्सिया नाप ४–१ गोलया अन्तरं रियल बूगु खः।
घरेलु मैदानय् जूगु कासाय् भ्यालेन्सियायात त्योकेगु लागि कार्लोस सोलेरं ह्याट्रिक याःगु खः। छगू गोल भ्यालेन्सिययात आत्मघाती उपहार वःगु खः।
रियलया लागि करिम बेन्जिमां जक छगू गोल याःगु खः। कासाया २३ गु ं मिनेटय् बेन्जिमां गोल यासे रियलयात न्ह्यने यकूगु खः। ३५ गुं मिनेटय् रियलयात लागि कार्लोसं पेनाल्टीं बराबरी गोल याःगु खः।
४३ गु मिनेटय् रियलया राफेल भराने न आत्मघाती गोल यासे भ्यालेन्सियायात मेगु छगु २–१ गोल न्ह्यने वःगु खः। ५४ गुं मिनेटय् कार्लोस पेनाल्टीं मार्फत गोल यासे भ्यालेन्सिया ३–१ न्ह्यने लागु खः। कार्लोस ६३ गुं मिनेटय् छगू गोल यासे ह्याट्रिक पूरा याःगु खः। थुगु कासा लिपा भ्यालेन्सिया ९ कासाय् ११ अंक दु सन रियलया ८ कासाय् १६ अंक दु ।
