Display Style:
Column Style
सरकार व डा. गोविन्द केसीया दथुइ ८बुँदे सहमति
लहानान्युज | अनलागा ९ ११४०,असोज २५ आइतवाः
सरकार व डा. गोविन्द केसीया दथुइ ८बुँदे सहमति जूगु दु। २७ दि निसे आमरण अनसनर च्वनाच्वम्ह डा. केसी व सरकारी वार्ता टोलीया संयोजक गोपी मैनालीं म्हिगः चान्ह्यः सहमतिइ हस्ताक्षर याःगु दु।
डा. केसीं थौं आइतवाः अनसन तोडे याये त्यःगु दु।
छुछु जुल सहमति ?
सरकार व डा.केसीया दथुइ कर्णाली स्वास्थ्य विज्ञान प्रतिष्ठानय् वइगु दँय् एमबीबीएस ज्याझ्वः सञ्चालन यायेगु सहमति जूगु दु । मेमे थाय् २०८० फागुन १० दुने ब्बकेगु सुरु यायेगु सहमतिइ उल्लेख याःगु दु।
अथेहे विश्वविद्यालय व प्रतिष्ठानय् पदाधिकारी नियुक्ति निश्पक्ष व पारदर्शी दयकेगु उच्च शिक्षासम्बन्धी विधेयक व एकीकृत स्वास्थ्य शिक्षा प्रतिष्ठान सन्बन्धी विधेयकय् दुथ्याःगु स्ववा दुने मस्यौदा दयेकेगु व कानूनी व्यवस्था मजुतले वरिष्ठताय् व ज्यायाःगु आधारय् सहमति जुगु खः।
अथेतु चिकित्सा शिक्षा ऐन संशोधनया लागि चिकित्सा शिक्षा आयोगं गठन याःगु कार्यदलया क्षेत्राधिकारय् डा. केसी दथुइ २०७५ साउन १० यात तयेगु सहमतिइ उल्लेख याःगु दु।
येँ १७ वडाय् थौं ३८म्हेसित कोरोना सक्रमण पुष्टि
लहानान्युज | अनलागा ८ ११४०,असोज २४ शनिवाः
थौं येँ महानगरपालिका १७ वडाय् ३८म्हेसित कोरोना सक्रमण जूगु दु। निम्ह डिस्चार्ज जुगु दु।
येँ महानगरपालिका १७ वडाया दुने थौं खुसिबँु ११ म्ह, ढल्को ११ म्ह, धोविचौर ६ म्ह, कुश्लेचौर प्यम्ह, क्षटपाटी व थँहिति स्वम्ह स्वम्हेसित कोरोना पुष्टि जूगु दु।
पिसिआर १२२ म्हेसिगु परिक्षणय् ३८ म्हेसिगु रिपोर्ट पोजिटिभ वःगु खः।
थ्व नाप आःतक १७ वडाया दुने सक्रमितपि २४१ म्ह थ्यःगु दु।
आःतक ४२ म्ह डिस्चार्ज जुगु दु सा कोरोनाया कारणं न्याम्ह सी धुकुगु दु।
२४ घन्टाया दुने १२२९ म्ह डिस्चार्ज, १४म्ह मन्त
लहानान्युज | अनलागा ८ ११४०,असोज २४ शनिवाः
वःगु २४ घन्टाया दुने नेपालय् कोरोनामुक्त जुपि १२२९ म्ह डिस्चार्ज जूगु दु।
थ्व नाप आःतक नेपालय आःतक कोरोनामुक्त जूपि ७४ हजार २५२ म्ह थ्यःगु दु।
अथेहे थौं २४ घन्टाया दुने नेपालय् थप १४म्ह कोरोना संक्रमणं सीगु दु धका स्वास्थ्य मन्त्रालयं धाःग दु।
थ्व नाप नेपालय् कोरोना संक्रमणं सीपि ६१४ म्ह थ्यःगु दु।
छन्हु देय्यकं थप ५ हजार ८म्ह कोरोना संक्रमण पुष्टि
लहानान्युज | अनलागा ८ ११४०,असोज २४ शनिवाः
वःगु २४ घन्टाया दुने थौं छन्हु हे दकलय् अप्वो नेपालय् थप ५ हजार ८म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित प्रेस ब्रिफिङय् थौं शनिवाः प्रवक्ता डा जागेश्वर गौतमया कथं थ्व नापं कोरोना संक्रमितपि आः नेपालय् कोरोना संक्रमितपि १ लाख ५ हजार ६८४ म्ह थ्यःगु दु।
वःगु २४ घन्टाय् नेपालय् थप ५ हजार ८म्हेसित कोरोना संक्रमण पुष्टि जूगु धका स्वास्थ्य तथा जनसंख्या मन्त्रालयं धाःगु दु।
देय् यकं आः सक्रिय संक्रमितपि आःतक ३० हजार ८१८ म्ह दु धका धाःगु दु।
येँ जक २१००म्हेसित सक्रमण
लहानान्युज | अनलागा ८ ११४०,असोज २४ शनिवाः
वःगु २४ घण्टाया दुने स्वनिगलय् २६७२ म्ह कोरोना संक्रमित पुष्टि जूगु दु।
स्वास्थ्य तथा जनसंख्या मन्त्रालयं थौं शनिवाः ग्वसाः ग्वगु पत्रकार सम्मेलनय् येँ जक २ हजार १००म्हेसित कोरोना सक्रमण जूगु दु।
अथेहे यलय् ३६९म्ह व ख्वपय् २०३ म्हेसित कोरोना सक्रमण जुगु दु धका जानकारी बिःगु दु।
वःगु २४ घण्टाय् जम्मा १९ हजार ३२०म्हेसिगु पीसीआर परीक्षण याःगु खः।
