Display Style:
Column Style
शिक्षामन्त्री गिरिराजमणि पोखरेलयात कोरोना सक्रमण पुष्टि
अनलागा ९ ११४०,असोज २५ आइतवाः | अनलागा ९ ११४०,असोज २५ आइतवाः
शिक्षा, विज्ञान तथा प्रविधिमन्त्री गिरिराजमणि पोखरेलयात न कोरोना भाइरस (कोभिड(१९) पुष्टि जूगु दु।
शनिवाः ज्वरो वया पाटन अस्पताल भर्ना जुगु खः। परीक्षणया झ्वलय् मन्त्री पोखरेलया कोरोना संक्रमण पुष्टि जुगु धका मन्त्रीया स्वकीय सचिवं धाःगु दु।
मन्त्री पोखरेल आः अस्पतालय् हे दु।
थ्व स्वया न्ह्यः शनिवाः पर्यटनमन्त्री योगेश भट्टराईयात न कोरोना संक्रमण पुष्टि जुगु खः।
२०७१म्ह कोरोना सक्रमित
लहानान्युज | अनलागा ९ ११४०,असोज २५ आइतवाः
२४ घण्टाया दुने थप २०७१म्हेसित कोरोना भाइरस (कोभिड(१९) या संक्रमण पुष्टि जूगु दु।
देय् यकंया प्रयोगशालाय् १२ हजार ४२७ म्हेसिगु नमुना परीक्षण याःगुलि ७०२ मिसा व १२६९ म्ह मिजंपिन्त संक्रमण पुष्टि जुगु खः।
थ्व नाप आःतक संक्रमितपि १ लाख ७ हजार ७५५ म्ह थ्यःगु दु । उकि मध्ये ६३६ म्ह सी धुकुगु दु। ७५ हजार ८०४ म्ह संक्रमणमुक्त जुइ धुकुगु दु।
वःगु २४ घण्टाय् जक १५५२ म्ह संक्रमणमुक्त जुइ धुकुगु दु।
येँ ११४५ म्ह नाप स्वनिगलय् १४१६म्हेसित सक्रमण
लहानान्युज | अनलागा ९ ११४०,असोज २५ आइतवाः
वःगु २४ घण्टाया दुने स्वनिगलय् थप १४१६ म्हेसित कोरोना संक्रमित पिहावःगु दु।
स्वास्थ्य तथा जनसंख्या मन्त्रालयं थौं आइतवाः ग्वसाः ग्वगु पत्रकार सम्मेलनय् येँ जक ११४५म्हेसित कोरोना सक्रमण जुगु दु धका धाःगु दु।
यलय् १६१म्ह व ख्वपय् ११०म्हेसित कोरोना सक्रमण पुष्टि जुगु धका जानकारी बिःगु दु।
२४ घण्टाय् दुने १२ हजार ७२७ म्हेसिगु पीसीआर परीक्षण याःगु खः।
राष्ट्रिय प्रजातन्त्र पार्टी प्यसः केन्द्रीय समिति थप
अनलागा ९ ११४०,असोज २५ आइतवाः | अनलागा ९ ११४०,असोज २५ आइतवाः
राष्ट्रिय प्रजातन्त्र पार्टीया केन्द्रीय समिति विस्तार याःगु दु। अध्यक्षपि कमल थापा, पशुपति शमशेर जबरा व प्रकाशचन्द्र लोहनीं थीथी जिल्लां प्यसःम्ह केन्द्रीय समितिइ थप यायेगु निर्णय याःगु दु।
आइतवाः राप्रपाया अध्यक्षपिन्स पार्टी विधान कथं मौजुदा केन्द्रीय समितिइ सदस्यपि थपे यायेगु केन्द्रीय कार्य समिति विस्तार यायेगु छम्ह नेता जानकारी बिःगु दु।
केन्द्रीय समिति विस्तार जुगुजं राप्रपाया केन्द्रीय कार्यसमिति आः ७२७ म्ह दुजःपि थ्यःगु दु। स्वगू पार्टी दथुइ एकीकरण जुगु राप्रपायात निर्वाचन आयोगं मान्यता बिइवं न्हापां केन्द्रीय समिति विस्तार याःगु खः।
राप्रपां जारी याःगु विज्ञप्तिइ वइगु वैशाखय् महाधिवेशन यायेगु तयारी कथं केन्द्रीय समिति विस्तार याःगु धका उल्लेख याःगु खः।
असोज २९ गते तक जिल्लास्तरय् समायोजन क्वचायेकिगु व वइगु वैशाख २५ निसे २८ गते तक केन्द्रीय महाधिवेशन योगु राप्रपां योजना तःगु दु।
जागरुकया प्यक्वःगु हिदान ज्याझ्वः क्वचाल
बिकाश | अनलागा अष्टमी ११४० (२०७७ असोज २४) शनिबार
जागरुक युवा समाजं येँय् प्यक्वःगु खुसी हिदान ज्याझ्वः याःगु दु । समाजं येँ महानगरपालिका २४ वडालिसेया मंकाः ग्वसालय् वंगु शनिबाः येँया इतुम्बहालय् हिदान ज्याझ्वः याःगु खः । ब्लड डोनर्स एशोसिएसन नेपाल (ब्लोदान) या आह्वानय् समाजं हिदान ज्याझ्वः याःगु खः ।
उगु हिदान ज्याझ्वलय् मुक्कं २१म्हेसिनं हिदान याःगु खः ।
लिपांगु इलय् जागरुक युवा समाज विशेष यानाः येँया पुलांगु वस्तीइ फुटपाथ पसः चीकेगु अभियानय् सक्रिय जुयावःगु दु । आः महामारीया इलय् सुं नं विरामीं हिया अभावया हुनिं ज्यान मवनेमा धकाः समाजं हिदानयात नं प्राथमिकताय् तयाः हिदान ज्याझ्वः यानावयागु समाजया सह सचिव लिसें हिदान ज्याझ्वःया कजि राजीव श्रेष्ठं धयादिल ।
‘छगू ला महामारीया अवस्थाय् हिया माग नं अप्वःगु खनेदुसा मेखे मजिमगाःगु ज्याबाहेक सर्वसाधारण मनूत काचाक्क छेँय् नं पिहां मवइगु अवस्थाय हिया अभाव जुइगु सम्भावना नं दु,’ सह सचिव श्रेष्ठं धयादिल । ‘अथेजुयाः हे थन हिया अभाव जुइकेमबीत जिमिसं मदिक्क धइथें हिदान ज्याझ्वः यानावयागु दु ।’
सामाजिक दुरी कायम यासें स्वास्थ्य सुरक्षा मापदण्डयात लिनाः हिदान ज्याझ्वः याःगु खः । ज्याझ्वःयात सुरक्षित ढङ्गं क्वचायेकेत ब्लोदानया लागिं व्यक्तिगत सुरक्षा उपकरण (पिपिई), मास्क व सेनिटाइजर लिसेंया सुरक्षा ज्वलंत येँ महानगरपालिका २४ वडाया वडाअध्यक्ष बालकृष्ण श्रेष्ठं ग्वाहालि यानादीगु ग्वसाः खलकं जानकारी ब्यूगु दु ।
‘हि धइगु वासः थें बजारय् वनाः न्याये नं फइमखु, धयाकथं दयेत थाकुइ नं फु,’ २४ वडाया सदस्य लिसें ब्लोदानया केन्द्रीय दुजः व जागरुकया सल्लाहकार विनोद तुलाधरं धयादिल । ‘थौंया विषम परिस्थितीइ हिया अभावं सुयां नं अकालय् मृत्यु मजुइमा धकाः जिमिसं हिदान ज्याझ्वःयात नं प्राथमिकताय् तयाः मदिक्क धइथें हिदान ज्याझ्वः यानावइगु दु ।’
ज्याझ्वलय् केन्द्रिय रक्त संचार सेवाया निर्देशक डा.मनिता राजकर्णिकार, केन्द्रीय नायः सानुबाबु प्रजापति लिसें ब्लोदानया पदाधिकारी, दुजःपिनिगु उपस्थिती दुगु खः ।
समाजं थ्वयां न्ह्यः नं येँया थँहिति, त्यःर, पुलां धःको लिसेंया थासय् हिदान ज्याझ्वः यायेधुंकूगु दु ।
