Display Style:
Column Style
कोरोनामुक्त ८४२म्ह, १८म्ह मन्त
लहानान्युज | कछलागा आमै ११४१, मंसिर २९ सोमवाः
वःगु २४ घन्टाया दुने कोरोनामुक्त जुया ८४२ म्ह डिस्चार्ज जुगु दु। थ्व नाप नेपालय् आःतक कोरोनामुक्त जूपि २ लाख ३६ हजार ५७३ म्ह थ्यःगु दु।
अथेहे नेपालय् सक्रिय संक्रमितपि १० हजार ९५५ म्ह दु।
अथेहे वःगु २४ घन्टाय् जक नेपालय् थप १८ म्ह कोरोना संक्रमणपाखे मदुगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप नेपालय् कोरोना संक्रमणं सीपि संख्या १७१६ म्ह दु।
नेपालय् थप ८२१म्ह कोरोना संक्रमण पुष्टि
शोभा श्रेष्ठ | कछलागा आमै ११४१, मंसिर २९ सोमवाः
वःगु २४ घन्टाया दुने नेपालय् थप ८२१ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
वःगु २४ घण्टाय् जम्मा ५ हजार ४२३ म्हेसिगु पीसीआर परीक्षण याःगु दु।
मन्त्रालयया कथं थौं सोमवाः थपे जुपि याना आःतक कोरोना संक्रमितपि नेपालय् २ लाख ४९ हजार २४४ म्ह थ्यःगु दु।
२६ क्वःगु महानगरदिवसया फोटो फिचर
नृपेन्द्रलाल श्रेष्ठ | कछलागा आमै ११४१, मंसिर २९ सोमवाः
थौं येँ महानगरपालिकां २६ क्वःगु महानगर दिवस क्वचाःगु दु । झीम्ह पत्रकारपिन्त सुसासन पत्रकारिता सिरपा लहनान्युजया सुरेन्द्रभक्त श्रेष्ठ, नेवाः युट्यवया बिजयरत्न असंबरे, नामि साप्ताहिकया श्याम श्रेष्ठ व नेपालभाषा टाइम्सयात संस्थागत सम्मान याःगु खः।
राष्ट्रिय सभागृहय् मूपाहाँ कथं संघीय मामिला तथा सामान्य प्रसाशनमन्त्री हृदयेश त्रिपाठी झायादीगु उगु ज्याझ्वलय् ज्यापु समुदायया ६३ गू परम्परागत गुथि, खड्गी समुदायया ६० गू परम्पराग गुथिया बाजं गुरु, २३ गू गुंला बाजं खलः, येँयाःबलय् पिहां वइगु लाखे, पुलुकिसि, दीप्याखं, सवःद्यः लिसें जनबहाःद्यःया पँय्ताः बाजंयात नं सम्मान यागु दु ।
थौं २६ क्वःगु महानगर दिवस
नृपेन्द्रलाल श्रेष्ठ | कछलागा आमै ११४१, मंसिर २९ सोमवाः
थौं येँ महानगरपालिकां २६ क्वःगु महानगर दिवस हनेत्यःगु दु । राष्ट्रिय सभागृहय् १०ः३० वजेनिसे मूपाहाँ कथं संघीय मामिला तथा सामान्य प्रसाशनमन्त्री हृदयेश त्रिपाठी झायादीगु त्यःगु खः।
थौं जुइगु ज्याझ्वलय् ज्यापु समुदायया ६३ गू परम्परागत गुथि, खड्गी समुदायया ६० गू परम्पराग गुथिया बाजं गुरु, २३ गू गुंला बाजं खलः, येँयाःबलय् पिहां वइगु लाखे, पुलुकिसि, दीप्याखं, सवःद्यः लिसें जनबहाःद्यःया पँय्ताः बाजंयात नं सम्मान याइगु ग्वसाः दु । थुगुसी बाजं गुरुपिंत म्हतिं ३० द्वः तका दां लिसें हनापौ लःल्हाइगु ज्याझ्वः दु ।
अथे ह थुगुसीनिसें ‘मेयर अवार्ड’ नाप येँ महानगरया न्हापांम्ह जननिर्वाचित सभापति मदुम्ह जनकमान श्रेष्ठया नामं स्वनातःगु ‘जनकमान श्रेष्ठ स्वशासन पुरस्कार’, ज्याय् खटे जुयाच्वंपिं न्याम्ह जनप्रतिनिधि व न्याम्ह कर्मचारीयात उत्कृष्ट सम्मानया लिसें उत्कृष्ट वडा घोषणा याइगु नं ज्याझ्वः दु । अथे हे झिम्ह पत्रकारतय्त सुशासन सिरपाः बीगु नं ग्वसाः दु । लिसें कन्हय् हे महानगरया म्ये नं सार्वजनिक यायेगु ज्याझ्वः दु ।
अथे हे थौं न निसे येँ महानगर जलस्येँ (किड्नी) सम्बन्धी ल्वचं बचे जुइगु बारे जनचेतना ब्वलंकेत ‘जलस्येँ बचे याये नु’ अभियान नं घोषणा यायेत्यंगु दु ।
संघीय संसदया सर्वोत्कृष्ट संसद सेवा पुरस्कार उपसचिव कमला शाक्ययात
नृपेन्द्रलाल श्रेष्ठ | कछलागा आमै ११४१, मंसिर २९ सोमवाः
संघीय संसदया सर्वोत्कृष्ट संसद सेवा पुरस्कार संघीय संसद सचिवालयय् ज्यायाइम्ह उपसचिव कमला शाक्ययात लल्हागु दु।
१४ क्वःगु संघीय संसद सेवा दिवसया लसताय् आइतवाः छगु ज्याझ्वःया दथुइ सभामुख अग्निप्रसाद सापकोटा व राष्ट्रिय सभाया अध्यक्ष गणेशप्रसाद तिमिल्सिनां उपसचिव शाक्य छगु लख नगद राशिया सर्वोत्कृष्ट संसद सेवा पुरस्कार लल्हागु खःः।
अथेहे, उत्कृष्ट संसद सेवा पुरस्कार कम्युटर अधिकृत जगदिश न्यौपानेयात लल्हागु खः। थुगु पुरस्कारया राशि ७५ हजार राशियाःगु खः। संघीय संसद सेवा पुरस्कारपाख ेसवारी चालक कृष्ण रानामगर व कर्मचारी बालकृष्ण न्यौपानेयात लल्हाःगु खः । थुगु पुरस्कारया राशि ५० हजार याःग् खः।
संघीय संसद महासचिवया अध्यक्षताय् समितिं पुरस्कारया लागि कर्मचारीया नां सिफारिस यायेगु व सभामुख अध्यक्ष दुगु व्यवस्थापन समितिं पुरस्कार काइपि कर्मचारीया नां ल्यःगु खः धका संघीय संसदया महासचिव भरतराज गौतमं जानकारी बिःगु खः।
संघीय संसद सचिवालयलं थीथी ज्याझ्वःयासे ‘१४ क्वःिगु संघीय संसद सेवा दिवस– २०७७’ हःगु खः।
२०५८ मंसिर २८ गते संसद सेवायात निजामती सेवापाखे अलग यासे संसद सेवा ऐन जारी जुगु दिंया लसताय् २०६३ मंसिर २८ गतेनिसे संसद सेवा दिवस हना वयाच्वंगु खः। २०५८ निसे २०६३ या दथुइ संसद हे मदुगु कारण संसद सेवा दिवस महःगु खः।
