Display Style:
Column Style
बुंगद्यःयात थौं बुंगय् लिहाँविज्याकिगु
शोभा श्रेष्ठ | ञंलागा १२ ११४०,भाद्र २९ सोमवाः
कोरोना भाइरसया संक्रमणया कारणं जात्रा चिहाक यायेगु कथं थौं द्यःयात बुंगय् विज्याकेत्यगु दु ।
थौं द्यःयात बुंगय् विज्याकेत थौं सुथसिया १०ः०५ निसें १०ः२० या साइत दुने द्यःया रथं कुहाँविज्याका खटय् विज्याका झिपलाति उत्तरपाखें कुपण्डोलपाखें स्वका यंकेधुक्का जावलाख्यपाखें चाहिका लिहाँ विज्याके त्यःगु खः दु ।
कन्हय् निसें पुच्वय् बुंगद्यःया रथ स्यकिगु जुग दुसा चकबाद्यःया रथ धासाः तंगलय् लित यंकेधुक्का स्यकिगु रथ दयेकेज्याया सिँज्याकःमिं धाःगु दु ।
वंगु भदौ २१ स्वास्थ्य मापदण्ड पूंवका व्यवस्थित कथं बुंगद्यःया रथ व चकबाःद्यःया रथ साःगु खः ।
बुंगद्यःयात बुंगलय् लिहाँ विज्याकिगु इलय् छ्वालीं प्वाः च्याकिगु व लः स्ववनेगु परम्परा न सिमित जक याइगु जुगु दु । कोरोना भाइरसया संक्रमणया कारणं मनूत हुलमुल याये मज्यूगु कारण द्यःयात लिहाँ विज्याकिगु इलय् छ्वाली प्वाः च्याकेगु परम्परायात थःथःगु छेँय् न्ह्यने जक व लः स्ववनेगु परम्परायात थःथःगु वडाय् जक सिमित यायेत न इनाप याःगु दु ।
अथेहे थ्व हे वइगु असोज १ गते प्यन्हू विचाः पुजाय् नं बुंगः पिनेच्वपिन्त ब्वति मकायेत वयकलं इनाप यानादिल ।
थौ सुथय् बाराही गुथियारपाखें द्यःथाय् विश्वकर्मा पुजा याये त्यःगु दु।
किपा रमेश शाक्य
येँ महानगरया मेयर विद्यासुन्दर शाक्य कोरोना संक्रमणमुक्त
नृपेन्द्रलाल श्रेष्ठ | ञंलागा १२ ११४०,भाद्र २९ सोमवाः
येँ महानगरपालिकाया मेयर विद्यासुन्दर शाक्य कोरोना संक्रमणमुक्त जुयादिगु दु ।
मेयर शाक्य वंगु भदौ १५ गते कोरोना पुष्टि जुगु खः ।
मेयर शाक्ययागु निगूगु रिपोर्ट नेगेटिभ वगु धका वयकःया सचिवालयं जानकारी ब्यूगु दु । शनिवाः स्वाब परीक्षणया लागि ब्यूगुलिइ मेगु रिपोर्ट नेगेटिभ वगु खः ।
आः छुं दिं आरामयाना वयक नियमित ज्याय् लिहाँवइगु वयकःया सचिवालयपाखे जानकारी बिःगु दु।
आः निद्धः न पीसीआर टेष्ट
शोभा श्रेष्ठ | ञंलागा ११ ११४०,भाद्र २८ आईतवाः
सरकारं कोरोना संक्रमण परीक्षण शुल्क घटे याःगु दु । आः सरकारी व निजी दक्को ल्याबय् निद्धः ना पीसीआर टेष्ट याये दइगु जुगु दु ।
रिएजेन्ट व मेमेगु सामानया भाः क्वहा वःगुलि न्हुगु भाः क्वछिगु खः धका स्वास्थ्य तथा जनसंख्या मन्त्रालयया प्रवक्ता प्रा. डा. जागेश्वर गौतमं जानकारी बिःगु खः ।
सुरुइ पीसीआर टेष्टया भाः ५५०० तोके याःगु खः । वःगु छु इलय् प्यद्धः तक न याये धुकुगु खः।
स्वनिगलय् छन्हु ५९७म्ह कोरोना संक्रमित
लहनान्युज | ञंलागा ११ ११४०,भाद्र २८ आईतवाः
स्वनिगः दुने थप ५९७म्ह कोरोना संक्रमित खने दुगु दु । वःगु २४ घन्टाय् येँ जक ४८३म्हेसित कोरोना सक्रमण पुष्टि जुगु दु ।
अथेहे ख्वपय् ८१म्ह व यलय् ३३म्हेसित संक्रमण पुष्टि जुगु दु धका स्वास्थ्य तथा जनसंख्या मन्त्रालयं थौं आइतवाः जानकारी बिःगु दु ।
अथेहे देय् यकं २४ घन्टाय् १ हजार ३९म्हसित संक्रमण पुष्टि जूगु दु ।
२४ घन्टाय् पीसीआर परीक्षण ९ हजार १६५म्हेसिगु याःगु खः धका स्वास्थ्य तथा जनसंख्या मन्त्रालयया प्रवक्ता डा जागेश्वर गौतमं धाःगु दु । आःतक ८ लाख ४० हजार ५२७म्हेसिगु पीसीआर विधिपाखे परीक्षण याःगु धका धाःगु दु ।
थौं आइतवाः तकया तथ्यांक कथं आइसोलेसनय् च्वना वासः याना वयाच्वपि १५ हजार ११७म्ह व क्वारेन्टाइनय् च्वना च्वपि ६ हजार ५३६म्ह दु धका धाःगु दु ।
२४ घन्टाया दुने सीपि कोरोना संक्रमणपाखे गुम्ह जुुगु दु धका प्रवक्ता गौतमं धाःगु दु।
१०३९म्ह कोरोना संक्रमण, ११७३म्ह डिस्चार्ज
लहनान्युज | ञंलागा ११ ११४०,भाद्र २८ आईतवाः
वःगु २४ घण्टाय् थप १०३९म्हेसित कोरोना भाइरस (कोभिड(१९) या संक्रमण पुष्टि जूगु दु ।
देय् यकं याःगु प्रयोगशालाय् ९ हजार १६५म्हेसिगु नमुना परीक्षणय् संक्रमण पुष्टि जूगु दु ।
अथेहे ११७३म्ह थौं डिस्चार्ज जूगु दु।
