Display Style:
Column Style
नेपालय् थप ८९९ म्ह कोरोना संक्रमण पुष्टि
लहानान्युज | कछलागा त्रयोदशी ११४१, मंसिर २७ सनिवाः
नेपालय् थप ८९९ म्हेसित कोरोना संक्रमण पुष्टि जुगु दु।
वःगु २४ घण्टय् थीथी जिल्लाया प्रयोगशालाय् याःगु परीक्षणय् ८९९ म्ह संक्रमित जुगु दु धका स्वास्थ्य तथा जनसंख्या मन्त्रालयं शनिवाः जानकारी बिःगु दु।
न्हु थपे जूपि संक्रमितपि नाप नेपालय् कोरोना संक्रमितपि २ लाख ४७ हजार ५९३ म्ह थ्यःगु दु।
वाःस्या द्यः खुइगु कुतः जुल
लहानान्युज | कछलागा त्रयोदशी ११४१, मंसिर २७ सनिवाः
शुक्रवाः चान्ह्यय् थायमदु च्वंगु ऐतिहासिक नाप पुरातात्तिक वाःस्या द्यः खुइगु कुतः जुगु दु ।
उगु वास्या द्यः खुइगु कुतःयाम्ह मनू मानसिक अवस्था थिक मजुम्ह धका उम्ह मनूयात महानगरिय प्रहरी बृत्त जनसेवां त्वता बिःगु खः।
हाकन वहे मनूखं म्हिगः चान्ह्य खुइगु कुतः यायेवं अनया स्थानीयपिन्स उम्ह मनूयात ज्वना सत्य तथ्यया छानबिन यायेमाः धकाः महानगरिय प्रहरी बृत्त जनसेवायात दबाब बिइगु ज्या जुगु दु धका स्थानिय नाप मछिन्द्र क्लबया सदस्य श्रीजन मान श्रेष्ठ लहनान्युजयात जानकारी बिःगु दु ।
कृष्ण सिटौला कोरोना संक्रमित पुष्टि
कछलागा त्रयोदशी ११४१, मंसिर २७ सनिवाः
कांग्रेसया पूर्वमहामन्त्री कृष्णप्रसाद सिटौलायात न कोरोना संक्रमित जूगु दु।
म्हिगः शुक्रवाः पीसीआर रिपोर्ट वःगु दु धका धाःगु दु।
सिटौलां थःत कोरोना पोजीटिभ खनेदुगुलि पार्टीया आकस्मिक बैठकय् वये फइ मखु धका जानकारी पार्टी केन्द्रीय कार्यलयया मुख्य सचिव कृष्ण पौडेलयात जानकारी बिःगु खः।
भाषासेवी लक्ष्मीदास मानन्धरयात हेमराज सिरपा
नृपेन्द्रलाल श्रेष्ठ | कछलागा त्रयोदशी ११४१, मंसिर २७ सनिवाः
भाषासेवी नाप उद्योगपति लक्ष्मीदास मानन्धरयात थौं छगु ज्याझ्वः दथुइ हेमराज सिरपा लल्हागु दु।
वयकःया छेँय् हे लोक साहित्य परिषदया संरक्षक वाङमय शताब्दी पुरुष सत्यमोहन जोशीं दोसल्ला न्ययेका परिषदया नायः प्राध्यापक प्रेमशान्ती तुलाधर हना लल्हानादीगु खःसा सिरपाया दाता सुरेन्द्र शाक्यं छगु लाख दां लल्हानादीगु खः।
लिपि बिशेषज्ञ नाप बौद्धबिद्धान कथं म्हसिउम्ह पं हेमराज शाक्यया लुमन्ति निस्वान तःगु थुगु सिरपा न्हापा झीद्धः न शुरुयासे प्यदँ न्ह्यः निसे छगु लख तक थ्यकूगु खः।
सफू पिथना, महाकाब्य, खण्दकाब्य नाप तधःगु भाषण जक बिया भाषसेवी जुइ मखु छेँय् छेँय् नेपालभाष थः मस्तय्त स्यनिइगु न भाषासेवी खः। लक्ष्मीदास मानन्धर थःम्हेसिया गुवलय् न नेपालभाषाय् तधःगु ज्या यानागु दु मधाः। तर वयक न्ह्यावलय् न स्कूलय् नेपालभाषायात सरकारं थाय् मब्युलि चिउता कयादीम्ह खः। थःगु हे कुतलं नेपालभाष स्कूलय् बिद्यार्थी अप्वोकेगु निति मां अबुया नामय् नेपालभाषां एसइइ ताःलापिन्त सिरपा तयादिम्ह खः धका धयादीगु खः।
परिषदया अधक्ष्य प्रेमशान्ति तुलाधरया सभाध्यक्षताय् जुगु उगु ज्याझ्वलय् राजित श्रेष्ठ उगु ज्याझ्वः न्ह्याकादीगु खः
येँ ४०२म्हेसित कोरोना सक्रमित
शोभा श्रेष्ठ | कछलागा एकादशी ११४१, मंसिर २६ शुक्रवाः
वःगु २४ घण्टाया दुने येँ ४०२म्ह, यलय् १०५म्ह व ख्वपय् ३४म्हेसित कोरोना सक्रमित जुगु दु।
अथेहे मेमे थाय् सक्रमित जूपि कास्की ४५म्ह, मोरङय् ३७म्ह, सिराहा ३६, झापा व काभ्रेपलाञ्चोकय् २४म्ह, २४म्ह, अछाम १९म्ह, मकवानपुरय् १६म्ह, दाङ, कैलाली व कञ्चनपुर १५म्ह,१५म्ह, पाल्पाय् १३म्ह व गोरखाय् १० म्हेसित संक्रमित जूगु दु।
अथेहे धादिङ, रामेछाप व लमजुङय् गुम्ह गुम्ह, नवलपरासी ८म्ह, धनुषा, नुवाकोट, स्याङ्जा, बर्दिया व डडेल्धुराय् खुम्ह खुम्ह, सिराहा, दोलखा, सिन्धुपाल्चोक व नवलपरासी पूर्वय् न्याम्ह न्याम्ह, बाग्लुङ, अर्घाखाँची व सुर्खेतय् प्यम्ह प्यम्हेसित संक्रमित जुगु दु ।
धनकुटा, संखुवासभा, बारा, महोत्तरी, रौतहट, सप्तरी, पर्वत, कपिलवस्तु, गुल्मी, बझाङ व बैतडी स्वम्ह स्वम्ह, ओखलढुंगा, सर्लाही, रसुवा, तनहुँ, प्युठान, जुम्ला व सल्यानय् निम्ह निम्ह, इलाम, उदयपुर, खोटाङ, सिन्धुली, मुस्ताङ, म्याग्दी, कालीकोट, जाजरकोट व डोटीइ छम्ह छम्हेसित कोरोना संक्रमित जुगु दु धका स्वास्थ्य तथा जनसंख्या मन्त्रालयं धाःगु दु ।
