राष्ट्रिय

Display Style:

Column Style

थप १७ म्ह ट्राफिक प्रहरीयात कोरोना संक्रमण पुष्टि

लहनान्युज | ञंलाथ्व १ ११४०,भाद्र ४ बिहीवाः

महानगरीय ट्राफिक प्रहरी महाशाखाय् ज्या याना वयाच्वपि १७ म्ह प्रहरी कर्मचारीपिन्त कोरोना भाइरसको संक्रमण पुष्टि जुगु दु ।

प्रहरी अस्पताल, महाराजगञ्जमा याःगु परीक्षणय् उमित संक्रमण पुष्टि जूगु दु ।

ट्राफिक प्रहरी छम्ह उच्च अधिकृतया कथं संक्रमित प्रहरीयात क्वारेन्टिनय् तया तःगु खः ।

थ्व स्वया न्ह्य महाशाखाया निम्ह संक्रमण खनेदुगुलि एसएसपी भिमप्रसाद ढकाल नाप ३७५ म्ह क्वारेन्टिनय् च्वना च्वंगु खः ।

न्याद्धः क्षमताया एकीकृत आइसोलेसन निर्माण यायेगु तयारी दु : मेयर शाक्य

नृपेन्द्रलाल श्रेष्ठ | ञंलाथ्व १ ११४०,भाद्र ४ बिहीवाः

येँ महानगरपालिकाया मेयर विद्यासुन्दर शाक्यं तेस्रो मूलुकपाखे वइपि मनू तयेगु ध्यानय् तया उपत्यकास्तरीय एकीकृत क्वारेन्टाइन तथा आइसोलेसन निर्माण यायेगु ज्याय् याना च्वनागु दु धका धयादिगु दु । उपत्यका नगरपालिका फोरमया अध्यक्ष तक जुयादिम्ह शाक्यं संघ, प्रदेश व उपत्यका नगरपालिका नाप समन्वय व सहभागिताय् वइगु छवाः दुने करीब न्याद्धः क्षमताया एकीकृत आइसोलेसन निर्माण यायेगु तयारी याना च्वंनागु जानकारी बियादिगु दु । येँ महानगरया मेयर शाक्यं छगू विज्ञप्ति जारी यानादिसे उगु जानकारी बियादिगु खः ।

विज्ञप्ति धयातःगु दु स्थानीय प्रशासनपाखे २०७७ साल भदौ ३ गते निसे छवाः तक निषेधाज्ञा जारी यागुलि लसकुस नाप ‘स्थानीय प्रशासनपाखे २०७७ साल भदौ ३ गत निसे छवाः तक थुगु इलय् कोरोना रोकथाम व नियन्त्रणया लागि दक्कोसिया थःथःगु थासं फुगु ग्वाहालि यायेत न इनाप याःगु दु ।

स्वनिगः दुने कोरोना संक्रमितपि अप्वया वःगु अवस्थायात ध्यान तया परीक्षणया दायरा व दरयात जक विस्तार मयासे संक्रमण रोकथाम व नियन्त्रणया लागि संक्रमितपि म्हसिका, क्वारेन्टायन व आइसोलेसन निर्माण, उपचार पद्धतिया गुणस्तर विस्तारय् ध्यान बिइमाःगु धका मेयर शाक्यं पिथःगु विज्ञप्ति धयातःगु दु । ‘थौंकन्ह्य महामारीया रुपय् फैलै जुयाच्वंगु कोभिड–१९ (कोरोना भाइरस) संक्रमणया कारण विश्व हे आक्रान्त जुया च्वंगु दु धका धयादिसे येँ मनापया मेयर शाक्य नेपालय् जक २८ हजार ९३८ म्ह स्वया अप्व संक्रमित जुयाच्वःगु, सीपि ११४म्ह थ्यःगु धका स्वास्थ्य मन्त्रालयया तथ्याङ्क धयातःगु धका धाःगु दु ।वःगु इलय् ये महानगर जिल्लाय् जक १ हजार ६५८म्हेसित संक्रमित जुइ धुकुुगु दु ।

मेयर शाक्य पिथःगु विज्ञप्ति येँ महानगरपालिका संघीय राजधानी जूगुलि ७७ गु जिल्लाया नागरिक थीथी पेशा–व्यवसायय् संलग्न जुया वयाच्वगु थन च्वना च्वंगु दु । वयकलं पीसीआर परीक्षण कोरोना भाइरसया संक्रमण जुगु मजू पुष्टि याइगु लिपागु परिक्षण जक खः । थ्व वासः मखु व थुकि कोरोना रोकथाम याइ मखु,’ ‘जनशक्ति, तालिम व स्वास्थ्य सुरक्षा सामग्रीइ पर्याप्त रूपं व्यवस्था याना स्वास्थ्यकःमि व सुरक्षाकःमि पिनिगु उचित परिचालन याना सेवा विस्तारय् ध्यान बिइमाःगु आवश्यकता दु थुकियात प्राथमिकताय् तया न्ह्यने वनेत केन्द्र सरकारयात इनाप याःगु दु ।’

मेयर शाक्यं येँ महानगरपालिकाया थःगु स्रोत, साधन व जनशक्तिं फुगु झीगु कन्ट्राक्ट ट्रेसिङ पुचः दयेका ३२ गु वडाय् १७९५म्हेसिगु पीसीआर टेस्टिङ याये धुकुगु दु धका धयादिसे, ‘कोभिड–१९ या संक्रमण रोकथाम व नियन्त्रणया लागि येँ महानगरपालिका ३२ गु वडाय् डिस इन्फेक्सन स्प्रे यायेगु व न्हि न्याःगु दैनिक ५ वटा पुचः सम्वन्धी चनचेतना मुलक सन्देश सम्प्रेषणया लागि माइकिङ यायेगु ज्या जुया वयाच्वंगु धका धयादिगु खः ।’

‘कोरोना रोकथाम व नियन्त्रणया लागि येँ महानगरपालिकां आःतक याःगु कुतःया समीक्षा यासे हुलमुल मयासे कोरोना संक्रमण फैलै मयायेगु ध्यान बिया फयाफच्छि महानगरवासीपि अत्यावश्यक बाहेक छेँय् न पिहा मवनेगु, जात्रा–पर्व भीडभाड मयासे विधि जक पूरा याना माने यायेगु, उचित रुपं मास्क छ्यलिगु, सावः लखं यक्को ल्हासिलिगु व सेनेटाइजर छ्यलेत इनाप यानादिगु दु ।’

उगु विज्ञप्तिइ येँ महानगरपालिकां कोरोना संक्रमणया सम्भावना जूपिन्त अस्पताल तक वयेगु वनेगु लागि नेपाल एम्बुलेन्स सेवायात (१०२) सञ्चालनय् हयाःगु न उल्लेख याना तःगु दु । थुगु सेवाया लािग १०२ लय् सम्पर्क याना सेवा कयादित न इनाप याःगु दु ।

कोरोनां न्ह्यम्ह सीत, ६८१ संक्रमित थपे जुल

लहनान्युज | गुंलागा ३० ११४०,भाद्र ३ बुधवाः

कोरोना भाइरस (कोभिड–१९) या संक्रमणं न्ह्यम्ह सीगु दु सा ६८१म्ह संक्रमित जूगु दु ।

मन्त्रालयया कथं वःगु २४ घण्टाय् ११ हजार ५२२ म्हेसिगु नमुना परीक्षण याःगु खः सा ६८१ म्हेसित संक्रमण पुष्टि जूगु खः ।

थौं स्वनिगलय् वक १५९ म्हेसित कोरोना संक्रमण पुष्टि जूगु खः ।

देय् यकं कोरोना संक्रमण पुष्टि जूपि थौं दकलय् अप्व येँ १३४ म्हेसित जूगु खःसा यलय् १७ म्ह व ख्वपय् च्याम्हेसित जूग खः ।

अथेहे पर्साय् १०८म्ह, मोरङ ६९म्ह, रुपन्देही ५२म्ह, धनुषा २८म्ह, सुनसरी २६म्ह, चितवन २४म्ह, सर्लाही १९म्ह, बाँके १८म्ह, सल्यान १७म्ह, झापा १६म्ह, बारा १५म्ह, सप्तरी व सुर्खेतय् झींस्वम्ह, झींस्वम्ह, महोत्तरी व नवलपुरय् झीनिम्ह, झीनिम्ह व जुम्लाय गुम्हेसिुत कोरोना संक्रमण पुष्टि जूगु दु ।

अथेतु महोत्तरीइ च्याम्ह, कपिलवस्तु खुम्ह, कास्की न्याम्ह, रौतहट, तनहुँ, दैलेख व डोटी प्यम्ह, गोरखा, लजमुङ, दाङ, अछाम व कैलालीइ स्वम्ह स्वम्ह, प्युठान व बर्दियाय् निम्ह,निम्ह ओखलढुंगा, पाँचथर, धादिङ, नवलपरासी, पाल्पा व डोल्पाय् छम्ह छम्हेसित संक्रमण जूगु दु धका मन्त्रालयं धाःगु दु ।

लुखाय् हे सामाजिक सुरक्षा भत्ता

लहनान्युज | गुंलागा ३० ११४०,भाद्र ३ बुधवाः

यलया न्याखाचुक । अनया ७६दँ दुम्ह लक्ष्मीदेवी बज्राचार्यया जवःगु तुति चलय् मजूगु समस्याया हुनिं स्वाहाने थहाँकुहाँ जुइमफु । तुतांया ग्वाहालिइ वय्कः मुस्किलं छगू कोथां मेगु कोथाय् वनी । सुथन्हापां वय्कःया छेँय् सःतूगु इलय् छय्म्हेस्यां झ्यालं स्वयाः धाल, ‘कुने सु खः ? सुयात मालागु ?’ उगु इलय् यल महानगरपालिका–१६या वडा दुजः पञ्चबज्र बज्राचार्यं लिसः बियादिल, ‘जिपिं छेँय् वयाः सामाजिक सुरक्षा भत्ता (बृद्धभत्ता) इना वयाच्वनागु ।’

लक्ष्मीदेवीया छय् थ्व स्वयां न्ह्यः लाइन च्वनाः बैंकय् थः अजिया नामय् सामाजिक सुरक्षा भत्ता काःवनेगु यानाच्वंगु खः । बैंकं भत्ता काय्त सम्बन्धित मनू हे उपस्थित जुइमाःगु धाय्वं वय्कलं भत्ता काय्गु आसा हे मयाय्धुंकूगु खः । तर छेँ छेँय् वयाः सामाजिक सुरक्षा भत्ता ब्युवय्वं वय्कः तसकं लय्ताल । वय्कलं धयादिल, ‘जिपिं भत्ता काय्माःपिं परिवार ला मखु । अथेखःसां छेँतक वयाः बियादिल । आः थ्व झिंनिद्वः सामाजिक ज्याय् खर्च याय् ।’

बज्राचार्ययात भत्ता बीधुंकाः नृत्यनाथ देगः त्वालय् थ्यन । ‘ज्वजलपा दाइ ! जिपिं वडापाखें ज्येष्ठ नागरिक भत्ता इना वयाच्वनागु खः ।’ वडा दुजः बज्राचार्यं छेँय् च्वनाच्वंम्ह ७९दँ दुम्ह माइला शाक्ययात धयादिल, ‘थ्व हे झ्वलय् छितः नं ब्यु वयाच्वनागु दु ।’ छेँय् हे वय्वं वय्कः दंग जुयादिल ।

७९दँ दुम्ह आशाकाजी शाक्य तुतिया ल्वचं कयाच्वंम्ह खः । वय्कः मुस्किलं वय्वनेगु यानादी । छेँय् च्वनाच्वंच्वं दिक्क जुयाच्वनादीम्ह शाक्ययात वय्कःया भौमचां सुं बृद्ध भत्ता बीत वःगु जानकारी याकेवं वय्कःया ख्वालय् न्हिलासु खनेदत । शाक्यं धयादी, ‘जिपिं भत्ता का हे मवनेगु बिचाः यानाच्वनागु खः । तर छेँय् हे ब्यू वःगु इलय् जिमित जनप्रतिनिधि वःगु महसूस जुल ।’ वय्कलं नं थ्व धेबा समाज विकासय् छ्यलेगु धयादिल ।

थ्व छुं छुं प्रतिनिधि पात्र जक खः । यल महानगरपालिका–१६य् ३सः व २५म्हेसिगु छेँ छेँय् वनाः भत्ता इनेगु ज्याय् वडा दुजः पञ्चबज्र बज्राचार्य सक्रिय जुयाच्वनादीगु दु । ‘बैंकं ज्येष्ठ नागरिकया सम्बन्धित मनूतय्त वडाया सिफारिसय् धेबा मबीवं ज्येष्ठ नागरिकपिन्सं सास्ति फय्मालाच्वंगुलिं जिमिसं थुकथंया अभियान न्ह्याकागु खः ।’ वय्कलं धयादिल, ‘थ्व जिमिसं चुनावया

इलय् बियागु बचं नं खः ।’

वय्कःया कथं नगरया अप्वः धइथें शारीरिक अशक्त, ज्येष्ठ नागरिक व एकल मिसापिं भत्ता काय्गु हे नितिं बैंकतक वनेमाःगु थाकूगु जुयाच्वन ।