Display Style:
Column Style
लँय् निद्धः मत तइगु
सुरेन्द्रभक्त श्रेष्ठ | कछलागा दशमी ११४१, मंसिर २५ बिहीवाः
येँ महानगरपालिका दुने थीथी थासय् लँय् मत तइगु जुगु दु। उगु सम्बन्धी सहमतिप येँ महानगरपालिका, नेपाल विद्युत प्राधिकरण व सडक विभाग दथुइ ल्हाचिं तयेगु ज्या जुगु दु।
सहमति कथं न्हापागुु चरणय् अन्तर्राष्ट्रिय विमाननिसे नयाँ बानेश्वर, त्रिपुरेश्वर, कालीमाटी, कलंकी लगायतया क्षेत्रय् करीब १७ करोडया लगानीइ निद्धः आधुनिक लँय् मत जडान यायेगु ज्या न्ह्याय् त्यःगु दु।
उगु सहमतिपत्रय् येँ महानगरपालिका, थाय् थासय् लँय् तइगु आधुनिक मतय् येँ महानगरपालिका व नेपाल विद्युत प्राधिकरणया मंका कथं लगानी याइगु व लगानीया अनुपात येँ महानगरपालिकां ६० प्रतिशत व नेपाल विद्युत प्राधिकरणं ४० प्रतिशत याये त्यःगु खः ।
अथेहे चालु दँय् नेपाल विद्युत प्राधिकरणं ४० प्रतिशत लगानीयो लागी माःगु ध्यवा येँ महानगरपालिकां उपलब्ध याइगु व उगु ध्यवा वइगु ज्याझ्वलय् नेपाल विद्युत प्राधिकरणं लगानीइ समायोजन याइगु सहमति पत्रय् उल्लेख याना तःगु दु।
लागत अनुमान तयार यायेगु, प्रविधिया छनौट यायेगु, खरिद ज्या यायेगु व निर्माण ज्याया सुपरिवेक्षण यायेगु लगायतया ज्या नेपाल विद्युत प्राधिकरणं याइ। आयोजनाया निर्माण ज्या लिपा लँ दयेकेगु, फुटपाथ लगायतया मर्मतया ज्या सडक विभागं धाःगु दु। सडक विस्तार जुइ फइगु व विस्तारया योजना दुगु सतक लगायत माःगु कथं सतकया पोल तयेगु थाय्या अनुमति सडक विभागं बिइगु सहमति जुगु दु।
लँय् मत, सञ्चालन लगायतया विषयय् समन्वय, अनुगमन व रिपोर्टिङ यायेत स्वगु कार्यालयया प्रतिनिधि सम्मिलित छगु संयन्त्रयात निरन्तरता बिइगु, उगु संयन्त्रं लँय् मत तयेगु संम्भाव्य विस्तार स्थाय् पहिचान, अध्ययन याना ४५ दिं दुने प्रतिवेदन पेश यायेगु, न्हुगु लँय् मत जडान पश्चात जगेडा जुगु सोलार प्यानल लगायत सामानं जगेर्ना यायेगु पुर्नप्रयोगया व्यवस्था यायेगु लगायतया खँ उगु सहमतिपत्रय् उल्लेख याःगु दु। सहमतिपत्रय् येँ महानगरपालिकापाखे प्रमु्ख प्रशासकीय अधिकृत राजेश्वर ज्ञवाली, नेपाल विद्यूत प्राधिकरणया पाखे कामु कार्यकारी
निर्देशक हितेन्द्रदेव शाक्य व सडक विभागया पाखे महानिर्देशक केशवकुमार शर्मा न ल्हाचि तयादीगु खः।
उगु ज्याझ्वलय् भौतिक पूर्वाधार तथा यातायात मन्त्री वसन्तकुमार नेम्बाङ व येँ महानगरपालिकाया मेयर विद्यासुन्दर शाक्यया उपस्थितिइ मन्त्रालयय् सहमतिपत्रय् ल्हाचिं तयेगु ज्या जुगु खः।
कोरोनामुक्त जूपि १०६४, १२ म्ह मन्त
लहानान्युज | कछलागा दशमी ११४१, मंसिर २५ बिहीवाः
वःगु २४ घन्टाया दुने कोरोनामुक्त जुया १०६४म्ह डिस्चार्ज जुगु दु।
नेपालय् आःतक कोरोनामुक्त जूपि २ लाख ३१ हजार ६०१ म्ह थ्यःगु दु। नेपालय् आः सक्रिय संक्रमितपि १२ हजार ३८६ म्ह थ्यःगु दु।
अथेहे २४ घन्टाया दुने नेपालय् थप १२ म्ह कोरोना संक्रमणपाखे सीगु दु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमणपाखे सीपि १ हजार ६६३ म्ह थ्यःगु दु ।
नेपालय् १२१७ म्ह कोरोना सक्रमित
लहानान्युज | कछलागा दशमी ११४१, मंसिर २५ बिहीवाः
वःगु २४ घन्टाया दुने नेपालय् थप १ हजार २१७ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु ।
वःगु २४ घण्टाय् जम्मा ७ हजार २३२ म्हेसिगु पीसीआर परीक्षण याःगु दु।
मन्त्रालयया कथं बिहीवाः न्हुपि थपे जुगु नाप कोरोना संक्रमितपि नेपालय् आः २ लाख ४५ हजार ६५० म्ह थ्यःगु दु।
वःगु २४ घन्टाया दुने कोरोनामुक्त जूपि १ हजार ६४ म्ह डिस्चार्ज जुइ धुकुगु दु।
नेपालय् आःतक कोरोनामुक्त जूपि २ लाख ३१ हजार ६०१ म्ह थ्यःगु दु।
अथेहे नेपालय् सक्रिय संक्रमितपि १२ हजार ३८६ म्ह दु।
स्वनिगलय् ४०४म्ह कोरोना सक्रमित
शोभा श्रेष्ठ | कछलागा दशमी ११४१, मंसिर २५ बिहीवाः
स्वास्थ्य तथा जनसंख्या मन्त्रालयया कथं २४ घण्टाया दुने स्वनिलय् थप ४०४ म्हेसित कोरोना संक्रमण पुष्टि जुगु दु ।
संक्रमण पुष्टि जूपि १६० मिसा व मिजंपिन्त २४४ म्हेसित कोरोना पुष्टि जुगु दु।
थौं येँ ३२८म्हेसित कोरोना पुष्टि जुगु दु।
अथेहे ख्वपय् २५ म्ह व यलय् ५१ म्हेसित सक्रमित जुगु दु ।
लुँ तोला ९०० क्वहावल
शोभा श्रेष्ठ | कछलागा दशमी ११४१, मंसिर २५ बिहीवाः
लुँ तोलाय् थौं ९ सय क्वहा वःगु दु ।
म्हिगः बुधवाः छगु तोला ९३ हजार ४०० तका कारोबार जूगु छापावाल लुँ थौं बिहीवाः ९२ हजार पाँच सय रुपैयाँ तोके याःगु दु धक नेपाल सुन चाँदी व्यवसायी महासंघं धाःगु दु।
अथेहे थौं तेजाबी लुँ छगु तोलाया ९२ हजार ५० तोके याःगु दु धक महासंघ धाःगु दु।
वहः तोलां झीन्यातका क्वहा वःगु दु । थौं वहः छगु तोलाया १२ सय रुपैयाँ न कारोबार जुगु दु धका महासंघ धाःगु दु।
