Display Style:
Column Style
थौं ६८१म्हेसित कोरोना संक्रमण पुष्टि
लहनान्युज | गुंलागा ३० ११४०,भाद्र ३ बुधवाः
थौं ६८१म्हेसित कोरोना संक्रमण पुष्टिथौं वःगु २४ घण्टाय् ६८१ म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं ११ हजार ५२२ म्हेसिगु परीक्षण याःगु इलय् ६८१ म्हेसित कोरोना संक्रमण खनेदुगु खः ।
थ्व नाप नेपालय् आःतक कोरोना संक्रमितपि २८ हजार ९३८ म्ह थ्यःगु दु ।
वःगु २४ घण्टाय् कोरोना संक्रमणपि १२०म्ह डिस्चार्ज जुया छेँ लिहा वःगु दु । डिस्चार्ज जूपि आः १७ हजार ७००म्ह थ्यःगु दु ।
अथेहे थौं स्वनिगलय् जक वःगु २४ घण्टाय् १५९ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु ।
स्वनिगलय् १५९म्हेसित कोरोना संक्रमण पुष्टि
लहनान्युज | गुंलागा ३० ११४०,भाद्र ३ बुधवाः
थौं स्वनिगलय् वःगु २४ घण्टाय् १५९ म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं येँ जिल्लाय् जक १३७म्हेसित कोरोना संक्रमण पुष्टि जूगु दु ।
अथे यलय् १७ म्ह व ख्वपय् च्याम्हेसित कोरोना संक्रमण पुष्टि जूगु दु ।
धरानय् कोरोनाया कारण मन्त
लहनान्युज | गुंलागा ३० ११४०,भाद्र ३ बुधवाः
कोरोना भाइरस संक्रमणया कारण सुनसरी ७१ दँया छम्ह मिसा बुधवाः मदुग दु ।
धरानया वीपी कोइराला स्वास्थ्य विज्ञान प्रतिष्ठानय् वासः याका वया च्वंम्ह थौं बुधवाः ११ बजे जुया १५ मिनेटय् मदुगु खः धका प्रतिष्ठानया प्रवक्तां जानकारी बिःगु खः ।
धरानया स्थायी बासिन्दा उम्ह मनू मुसु वइगु, सास ल्हाये थाकु व ज्वरो वइगु समस्या वया साउन २४ गते सुथय् अस्पताल भर्ना जूवःगु खः । थ्व स्वया न्ह्यः साउन २३ गते वयाःगु कोरोना रिपोर्ट पोजेटिभ वःगु खः ।
उम्ह मनू दम व मुटुया ल्वगि खः धका अस्पतालपाखे धाःगु दु ।
कोरोनाया कारण वीरगञ्जय् निम्ह मन्त
गुंलागा ३० ११४०,भाद्र ३ बुधवाः
पर्साया वीरगञ्जय् कोरोना भाइरस (कोभिड १९) संक्रमणया कारणं निम्ह मनू मन्त ।
वीरगञ्ज महानगरपालिका भिश्वा च्वम्ह ५७ दँया छम्ह मनू व वीरगञ्ज–४ विर्ताय् च्वम्ह ८४ दँया छम्ह मनू मदुगु खः ।
भिश्वाय् च्वम्ह मनू स्वास्थ्यय् समस्या वयेवः वासः याकेगु झ्वलय् नारायणी अस्पतालय् हःगु खःसा मंगलवाः न्हिनया ३ः३० बजे मदुगु खः ।
कोभिड संक्रमित मेम्ह साउन २७ गते निसे गण्डक अस्पतालय् वासः याकेगु झ्वलय् ८४ दँया मिजंम्ह मंगलवाः १०ः३० मदुगु खः ।
पाटन अस्पतालय् कोरोना संक्रमित मिसाम्ह मन्त
लहनान्युज | गुंलागा ३० ११४०,भाद्र ३ बुधवाः
यलय् च्वंगु पाटन अस्पतालय् छम्ह कोरोना संक्रमित मिसाम्ह सीइगु दु ।
ख्वपया सूर्यविनायक च्वम्ह ६१ दँया उम्ह मिसा थौं बुधवाः मदुगु खः ।
जिल्ला स्वास्थ्य कार्यालयया कथं उम्ह मिसा वःगु साउत २१ गते निसे पाटन अस्पतालय् वासः याका वयाच्वम्ह खः ।
