Display Style:
Column Style
येँ महानगरं बँपसः व ठेला व्यापारय् प्रतिबन्ध तयेत माग
लहनान्युज | ञंलागा ९ ११४०,भाद्र २६ शुक्रवाः
येँ महानगरपालिकाया उपप्रमुख हरिप्रभा खड्गीं काठमाडौंया प्रमुख जिल्ला अधिकारी जनकराज दाहालयात छगु पौं च्वया बँपसः व ठेला व्यापारय् पूर्ण प्रतिबन्ध तयेमाःगु नाप हाकन निषेधाज्ञाया आदेश जारी यायेत इनाप याःगु दु ।
थ्व स्वया न्ह्य स्वनिगलय् निषेधाज्ञा बन्द याना बँ पसः व ठेला ब्यापार भदौ २४ गतेनिसे चायेकूगु खः । उपप्रमुख खड्गीं बँपसः व ठेला व्यापारं शहरय् समुदायलय् कोरोना संक्रमण फैलै जुइगु जोखिम अप्वोया वनि धका धाःगु दु ।
थज्यागु व्यापारं स्वास्थ्य सुरक्षायात उपाय अवलम्बन याइगु सम्भावना न्युन जुगु व उकिया प्रभावकारी अनुगमन यायेत तक समस्या जुइ धका धाःगु दु ।
यदि थज्याःगु व्यापारं कोरोना संक्रमण खनेदतकि प्रभावकारी ढंगं कन्ट्याक्ट ट्रेसिङ तक याये थाकूइ धका येँ महानगरया उपप्रमुख खड्गीं बँपसः व ठेला व्यापारय् नियन्त्रण यायेगु महानगरपालिकाया नीति दुगुलि थज्यागु बन्द यायेत माग न याःगु दु ।
चितवनय् सीम्ह मिसायात कोरोना संक्रमण पुष्टि
लहनान्युज | ञंलागा ९ ११४०,भाद्र २६ शुक्रवाः
चितवनया पुलागु मेडिकल कलेजय् सीम्ह छम्ह मिसायात कोरोना संक्रमण पुष्टि जूगु दु ।
पूर्वी चितवनया रत्ननगर नगरपालिका २ या ७८ दँ दुम्हेसित शुक्रवाः सुथय् कोरोना संक्रमण पुष्टि जूगु धका कलेजया निर्देशकं जानकारी बिःगु खः ।
वयाःगु शव अस्पताल तया तःगु खः । शब ब्यबस्थापनया लागि नेपाली सेनायात धाःगु दु ।
चितवनय् कोरोना संक्रमित २५ म्ह सी धुकुगु दु । उकि सीपि चितवनय् च्वपि हे १४ म्ह थ्यने धुकुगु दु ।
लुँ वहःया भाः क्वहा वल
लहनान्युज | ञंलागा ९ ११४०,भाद्र २६ शुक्रवाः
नेपाःया लुँ बजारय् थौं शुक्रवाः लुँ व वहःया भाः क्वहा वःगु दु ।
नेपाल सुनचाँदी व्यवसायी महासंघया कथं लुँ तोलां स्वसः व वहः तोला झीन्यातका क्वहा वःगु दु ।
छापावाल लुुँया भाः थौं तोलां ९६ हजार ५ सय व तेजाबी लुँ तोलां ९६ हजार रुपैयाँ कारोवार जुगु धका महसंघं धाःगु दु ।
वहः तोलां १३१० रुपैयाँ कारोवार जुगु धका महसंघं धाःगु दु ।
नक्कली प्रेस कार्ड दयेका च्वपि मनूतयेत ज्वपि प्रहरीयात कोरोना सक्रमण
लहनान्युज | ञंलागा ९ ११४०,भाद्र २६ शुक्रवाः
बागबजारय् नक्कली प्रेस कार्ड दयकूपि मनू तयेत ज्वनिगु लागि वपि अपराध महाशाखाया निम्ह प्रहरीयात न कोरोना संक्रमण खने दुगु दु ।
नक्कली प्रेस कार्ड दयेकूपिनिगु मनू तयेगु कोरोना संक्रमण खने दगुलि उमिगु कन्ट्याक्ट ट्रेसिङ याःगु इलय् निम्ह प्रहरीयात न संक्रमण पुष्टि जुगु खः ।
कन्ट्याक्ट ट्रेसिङया झ्वलय् लैनचौर, बौद्ध व गौशाला वृत्तय् च्वपि अपराध महाशाखा युनिटय् न न्याम्ह प्रहरीयात कोरोना संक्रमण जुगु धका छम्ह प्रहरी अधिकृतं जानकारी बिःगु दु ।
लक्षण खने दुपि संक्रमितपि नेपाल प्रहरी सु अस्पतालय् दु सा सु होम आइसोलेसनय् च्वना च्वःगु दु ।
पत्रकारया नक्कली परिचयपत्र दयेका मिइगु आरोपय् प्रहरीं येँया बागबजार च्वःगु कालिका प्रिन्टिङय् स्वम्ह वःगु भदौ २२ गते ज्वःगु खः ।
झापाय् ५ रेक्टर स्केलया भुखाय् ब्बल
लहनान्युज | ञंलागा ९ ११४०,भाद्र २६ शुक्रवाः
झापाया बाहुनाँगीइ नेपाल–भारत सीमा क्षेत्र केन्द्रविन्दु जुया थौं शुक्रवाः सथय् ९ः३० बजे भखाय् ब्बःगु दु ।
राष्ट्रिय भूकम्प मापन तथा अनुसन्धान केन्द्रया प्रमुखया कथं ५ रेक्टर स्केलया भुखाय् ब्बःगु धका धाःगु दु ।
थौं ब्बःगु भुखाया धक्का झापा नाप मेमेगु जिल्लाय् न महसुस जुगु धका धाःगु दु ।
थ्व स्वया न्ह्यः वःगु २४ गते धादिङ व १९ गते संखुवासभाय् केन्द्रविन्दु जुया ४ रेक्टर स्केलया भुखाय् ब्बःगु खः ।
