Display Style:
Column Style
जुजु वीरेन्द्रया निजी निवास ‘श्री सदन’ कन्ह्यनिसे खुल्ला
लहानान्युज | कछलाथ्व सप्तमी ११४१, मंसिर ६ सनिवाः
नारायणहिटी दरबार दुने तत्कालीन जुजु वीरेन्द्रया निजी निवास ‘श्री सदन’ कन्ह्य आइतवाः निसे अवलोकनया लागि खुल्ला हुने जुइ त्यःगु दु।
थौं शनिवाः न्हिनसिया २ बजे संस्कृति पर्यटन तथा नागरिक उड्डयन मन्त्री योगेश भट्टराई नं श्री सदन खुला जुगु औपचारिक शुभारम्भ यासे व आइतवाः निसे सर्वसाधारणं अवलोकन याये दइगु नारायणहिटी दरबार संग्रहालय विकास समितिया कार्यकारी निर्देशकं जानकारी बिःगु दु।
जुगु वीरेन्द्र नाप लानि ऐश्वर्य, म्ह्याय् श्रुति व काय् नीराजन श्री सदनमा च्वनिइगु खः। २०५८ साल जेठ १९ गते जुगु दरबार हत्याकाण्डय् जुजु वीरेन्द्रया वंश नास जुइवं श्री सदन बन्द जुगु खः।
२०७७ वैशाख १ गतेनिसे श्री सदन खुला यायेगु योजना दुगु खःसा कोरोना संक्रमण व बन्दाबन्दीया कारण लिपा लिहा वना च्वंगु खः।
आइतवाःनिसे ‘श्री सदन’ या नाप गणतन्त्र स्मारक तक अवलोकनया लागि खुल्ला जुइ त्यःगु दु।
सांसद शोभा शाक्ययात कोरोना पुष्टि
लहानान्युज | कछलाथ्व सप्तमी ११४१, मंसिर ६ सनिवाः
कोरोना भाइरसया सक्रमण वागमती प्रदेशया सांसद नाप साझा पार्टी केन्द्रीय दुजः शोभा शाक्ययात पुष्टि जूगु दु ।
सांसद शाक्यया पारिवारिक सुत्रं बिःगु जानकारी कथं सांसद शाक्य मंसीर १ गते न्हूदँया दिंकुन्हु (यलय् किजापूजाया दिंकुन्हु) थः किजा पुजाय् व्यस्त जुयादीगु खःसा बहनी वयकःयात भतिचा म्ह सुखमदु वयेवं मंसीर ३ गते अल्का अस्पतालय् वना पीसीआर परीक्षण यागु इलय् पोजिटिभ रिपोर्ट पिहाँवःगु खः ।
आः सांसद शाक्य थःगु हे छेँय् होम क्वारेन्टाइनय् च्वना वासः याच्वनादीगु।
संखधर व पद्मरत्नया झ्वाता उलेज्या जुइगु
नृपेन्द्रलाल श्रेष्ठ | कछलाथ्व सप्तमी ११४१, मंसिर ६ सनिवाः
नेपाःया मौलिक संवत् नेपाल संवतया प्रवर्तक राष्ट्रिय विभूति शंखधर साख्वाः व नेपाल संवत् न्हूदँ रयाली न्ह्याकेगुलि न्ह्यलुवाः जुयादीम्ह पद्मरत्न तुलाधरया झ्वाता थौं सुथय् उलेज्या यायेत्यःगु दु।
येँ महानगरपालिकाया ग्वसालय् येँया रत्नपार्कय् संखधर व पद्मरत्नया झ्वाता उलेज्या
सहरी विकासमन्त्री कृष्णगोपाल श्रेष्ठपाखे उलेज्या याये त्यःगु खः। उगु ज्याझ्वः थौं सुथसिया ८ ता इलय् शंखधर साख्वाः व पद्मरत्न तुलाधरया झ्वाता उलेज्या जुइगु जानकारी येँ महानगरपालिकाया मेयर बिद्यासुन्दर शाक्यं बियादिगु खः।
शहरी विकास मन्त्री श्रेष्ठं धोबीखोला करिडोरया स्थलगत अवलोकन
कछलाथ्व षष्ठी ११४१, मंसिर ५ शुक्रवाः
शहरी विकासमन्त्री कृष्णगोपाल श्रेष्ठं धोबीखोला करिडोरया गाःयात छवाः दुने ल्हाकेत निर्देशन बियादीगु दु।
धोबीखोला करिडोर आयोजनाया निरीक्षण यायेगु झ्वलय् अथे निर्देशन बियादीगु खः। मन्त्री श्रेष्ठं, प्रधानमन्त्रीया विदेश मामिला सल्लाहकार डा.राजन भट्टराई , मन्त्रालयया सचिव डा. रमेशप्रसाद सिह, काठमाडौं उपत्यका विकास प्राधिकरणया प्रमुख डा. भाइकाजी तिवारीया टोलीं खुसीया जःखः २४ किलोमिटर सतकया भौतिक अवस्थाबारे स्थलगत निरीक्षण याःगु खः ‘छवाः लिपा थुगु करिडोरय् खनेदुगु खाल्डाखुल्डी तत्काल ल्हाकेमाःगु, द्धःछि मल्याक सवारी साधन सञ्चालन जुइगु थुगु लँया अवस्था थे जुइ मज्युगु थ्वयात तत्काल निर्माण यायेत –वयकलं निर्देशन बियादीगु खः।
मन्त्रीं निर्देशन बिइ धुका धोबीखोला करिडोर आयोजना प्रमुख नाप उपत्यका विकास प्राधिकरणया आयुक्त डा. भाईकाजी तिवारीं कालोपत्रे जुगु ज यक्को गाः दुगु थाय् सतकय् छवाः धुका पुरे यायेगु जानकारी बिःगु खः।
मन्त्री श्रेष्ठ नाप उगु टोलीं यल व येँया सिमाना शंखमुल बुद्धनगरय् आर्र्च बृजं अवलोकन शुरु याःगु खः। आःतक आर्चबृज निर्माण जुगु बिजुलीबजार ताँया निरीक्षण यासे मन्त्री श्रेष्ठं ताँक्वय् अन्डरपास निर्माण प्रकृया यायेत निर्देशन बियादीगु खः। मन्त्री श्रेष्ठं यक्को ब्यस्त माइतीघर तीनकुने सतकय् न्ह्यावलय् जाम जुयाच्वंगु ताँक्वय् अन्डरपास निर्माण यायेगु प्रकृया न्ह्यने यकेत निर्देशन बियादीगु खः।
स्वयम्भू बुद्ध पार्कय् अत्याधुनिक शौचालय निर्माण
नृपेन्द्रलाल श्रेष्ठ | कछलाथ्व षष्ठी ११४१, मंसिर ५ शुक्रवाः
येँ महानगरपालिकां दक्को वडाय् सुबिधा जनक सार्वजनिक शौचालय निर्माण यायेगु योजना न्हयने यकूगु दु।
थुगु योजना कथं येँ महानगरपालिकाया मेयर विद्यासुन्दर शाक्यं थौं विश्व शौचालय दिवस २०२० या लसताय् स्वयम्भू बुद्ध पार्क लिउने स्वचालित नमूना सार्वजनिक शौचालयया शुभारम्भ यानादिगु दु। ४०० बर्ग फिट क्षेत्रफलय् निर्माण जूगु उगु सौचालयया शुभारम्भ यानादिसे मेयर शाक्यं सार्वजनिक शौचालययात परम्परागत स्वरुपपाखे आधुनिक व अत्याधुनिक ढाँचाय् रुपान्तरण यासे नाप व्यवसायिकतापाखे सेवामुलक दयेका यकेयेगु महानगरया योजना दुगु धका धयादिगु खः।
‘सार्वजनिक शौचालय दुगु थासय् शौचालय स्वया मेमेगु व्यापारिक गतिबिधि यायेगु थाय् कथं खनेदुगु धका धयादिसे,’ वयकलं, ‘थज्याथस क्रियाकलापयात निरुत्साहित यासे पहुँचयुक्त सार्वजनिक शौचालययात प्रोत्साहित यासे यकेय्गु योजना कथं थौं थुगु सौचालयया शुभारम्भ यानागु धका धयादीगु खः।’ मेयर शाक्यं मनू तयेगु आधारभूत आवश्यकता नाप स्वाना सार्वजनिक शौचालय निर्माणयात प्राथमिक योजना तया ज्या याना वयाच्वनागु दु धका धयादीसे आधुनिक सामाग्रीया जडान यासे उकियात सञ्चालन यायेगु आचरण न प्रबिधिमैत्री दयेका यकेमाः धका बःबियादीगु खः।
‘प्रबिधिया प्रयोगं परिणाम वइ,’ वयकलं, ‘स्वयम्भूया अत्याधुनिक शौचालय निर्माण जूगु खः धका धयादीगु खः। थुकिया प्रयोग व व्यवस्थापन सीप सिकाइ विस्तार याना यकेयेगु जुइ धका धयादीगु खः ।
उगु ज्याझ्वलय् उपप्रमुख हरिप्रभा खड्गी श्रेष्ठ, महानगरया प्रवक्ता नाप वडा १५ या अध्यक्ष ईश्वरमान डंगोल न थःथःगु खँ तयादीगु खः।
‘स्वयम्भूइ ५५ लाख रुपैयाँ लागतया निर्माण जूगु उगु शौचालयय् वडा १५ नं ५ लाख रुपैयाँ व बाँकी एरोसानकापाखे स्रोत शउपलब्ध याःगु खः।
