Display Style:
Column Style
येँय् १५५ म्हेसिति कोरोना संक्रमिण पुष्टि
लहनान्युज | ञंलाथ्व ११ ११४०,भाद्र १३ सनिवाः
येँ जक वःगु २४ घण्टाय् १५५म्ह कोरोना संक्रमित थपे जूगु दु ।
स्वास्थ्य तथा जनसंख्या मन्त्रालयया नियमित प्रेस ब्रिफिङय् प्रवक्ता जागेश्वर गौतमं बिःगु जानकारी कथं यलय् १९म्ह व ख्वपय् १२ म्हेसित संक्रमित जूगु दु धका धाःगु दु ।
थप ८८४म्हेसित कोरोना संक्रमण पुष्टि
लहनान्युज | ञंलाथ्व ११ ११४०,भाद्र १३ सनिवाः
वःगु २४ घण्टाय् थप ८८४म्हेसित कोरोना संक्रमण पुष्टि जूगु दु ।
देय् यकं प्रयोगशालाय् १० हजार ४७१ म्हेसिगु याःगु नमुना परीक्षणय् २४२ म्ह मिसा व ६५२ म्ह मिजंपिन्त संक्रमण पुष्टि जूगु दु ।
थौं जूगु संक्रमित मध्ये १८६ म्ह स्वनिगःयापि दुगु धका जानकारी बिःगु खः ।
कोटेश्वरय् १९म्ह ट्राफिक प्रहरीयात कोरोना संक्रमण
लहनान्युज | ञंलाथ्व ११ ११४०,भाद्र १३ सनिवाः
कोटेश्वर ट्राफिक प्रहरी प्रभावय् १९म्हेसित कोरोना भाइरस (कोभिड(१९) या संक्रमण पुष्टि जूगु दु ।
अन ज्यायाइपि निम्हेसित ज्वरो वःगुलि कोरोनाया आशंकाय् स्वाब बिःगु खः । निम्हं संक्रमण पुष्टि जुइवं कट्याक ट्रेसिङय् म्हिगः बिहीवाः ३३ म्हेसिगु स्वाब संकलन याःगु खः ।
उकि मध्ये १७ म्ह संक्रमण पुष्टि जूगु खः । थ्व नाप प्रभागय् संक्रमित ट्राफिक प्रहरीपि १९ म्ह थ्यःगु दु ।
थौं नाप आःतक स्वनिगलय् जक ११०म्ह ट्राफिक प्रहरीयात संक्रमण पुष्टि जूगु दु ।
थौनिसे चाःल हेटौँडा सिमेन्ट उद्योग
लहनान्युज | ञंलाथ्व ११ ११४०,भाद्र १३ सनिवाः
कोरोना रोग नियन्त्रणया लागि जिल्ला प्रशासन कार्यालय मकवानपुरं जारी याःगु निषेधाज्ञाया कारण वःगु स्ववाःनिसे बन्द जुयाच्वंगु हेटौंडा सिमेन्ट उद्योग थौनिसे सञ्चालनय् वःगु दु ।
स्थानीय प्रशासनया स्वीकृति लिपा थौंनिसे उद्योग सञ्चालन वःगु दु धका उद्योगया महाप्रबन्धकं जानकारी बिःगु दु ।
सिमेन्ट उत्पादनया लागि कच्चापदार्थ तथा जनशक्तिया अभाव मदुगु धका न धाःगु दु । थौंकन्ह्य गुद्धः बोरा सिमेन्ट उत्पादन याये कथं सञ्चालन हःगु खः ।
वीरगञ्जय् याःगु परीक्षणय् ५०म्ह कोरोना संक्रमण पुष्टि
लहनान्युज | ञंलाथ्व ११ ११४०,भाद्र १३ सनिवाः
वीरगञ्ज नारायणी अस्पताल प्रयोगशालाय् याःगु परीक्षणय् ५० म्ह कोरोना संक्रमण पुष्टि जुगु दु ।
म्हिगः शुक्रवाः ४३३ गु स्वाब नमुना परीक्षणय् ५० म्हेसित कोरोना संक्रमण पुष्टि जूगु दु ।
उकि संक्रमित मध्ये न्याम्ह मिसा खः । पर्साय् ३१म्ह, बाराय् च्याम्ह, रौतहट छम्ह, सर्लाहीइ निम्ह, महोत्तरीया स्वम्ह, धनुषाय् प्यम्ह व येँया छम्हेसित कोरोना संक्रमण पुष्टि जुगु दु धका नारायणी अस्पतालया प्रवक्तां जानकारी बिःगु दु ।
