वःगु २४ घण्टाया दुने आइतवाः थप १६६९ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।

मन्त्रालय थौं कोरोना ब्रिफिङय् प्रवक्ता डा जागेश्वर गौतमं आःतक नेपालय् संक्रमितपि २ लाख २० हजार ३०८ म्ह थ्यःगु दु।

मन्त्रालयया कर्थ आःतक पीसीआर विधिपाखे १६ लाख ६० हजार ७५ म्हेसिगु परीक्षण याःगु खः।

२४ घण्टाय् जम्मा ८ हजार ३२ म्हेसिगु पीसीआर परीक्षण याःगु खः।

देय् यकं सकृय संक्रमितपि आःतक १९ हजार ९६३ म्ह दु सा क्वारेन्टाइनय् ६८६ म्ह च्वनाच्वंगु दु।

वःगु २४ घण्टाया दुने स्वनिगलय् ९५७ म्ह कोरोना संक्रमित थपे जुगु दु धका स्वास्थ्य तथा जनसंख्या मन्त्रालयं धाःगु दु।

थौं आइतवाः संक्रमित पुष्टि जूपि ४१५ म्ह मिसा व ५४२ म्ह मिजंपि खः। थौं येँ जक ७७३ म्हेसित कोरोना सक्रमण जुगु दु।

अथेहे ख्वपय् ५३ म्ह व यलय् १३१ म्हेसित कोरोना संक्रमितपि थपे जुगु दु धका धाःगु दु।

देय् यकं थौं १६६९ म्हेसित कोरोन संक्रमण पुष्टि जुगु दु धका मन्त्रालयया प्रवक्ता डा जागेश्वर गौतमं जानकारी बिःगु दु।

लुँया भाः तोलां स्वसः थहा वःगु दु।

लुँ तोलां स्वसः थहावना थौं ९४ हजार ३ सय रुपैयाँ कायम जूगु दु धका नेपाल सुनचाँदी व्यवसायी महासङ्घं धाःगु दु।

वहः तोला थौं १२१० रुपैयाँ कारोबार जुगु दु धका महासङ्घं धाःगु दु।

नेवाः गुथि तोखाया खुःक्वगु तँमुज्या छगु ज्याझ्वः दथुइ जुगु दु। उगु ज्याः शहरी बिकास मन्त्री कृष्णगोपल श्रेष्ठ छगु ज्याझ्वः दथुइ उलेज्या यानादीगु खः।

अथेहे पाहाँ कथं नेवाः देय् दबूया सचिव सत्यनारायण डंगोल व लोककवि राजभाई जकःमि झायादगिु खः। खुक्वःगु तँमुज्याय् सर्वसम्मतं रमेश नापित नायः ल्यःगु खः।

अथेहे मूःन्वकुय् सुर्यमान डंगोल, न्वकु रामलाल डंगोल, मू छ्याञ्जे हेरकाजी डंगोल, कोषाध्यक्ष महेश्वरी डंगोल, छ्याञ्जे प्रकाश डंगोल।, छ्याञ्जे निरञ्जन डंगोलयात ल्यःगु खः।

दुजलय् राजकाजी श्रेष्ठ, हरिभक्त श्रेष्ठ, दिया जोशी, हेरादेवी श्रेष्ठ, श्रीमाया डंगोल, निशा डंगोल, सानुकाजी डंगोल, प्रकाश डंगोल, सिद्धिलाल डंगोल, राजिव श्रेष्ठ, हरी नारायण श्रेष्ठ, हरिकृष्ण श्रेष्ठ, हरी बहादुर श्रेष्ठ व ज्ञानकाजी श्रेष्ठपिन्त सर्वसम्मत ल्यःगु खः।

येँ महानगरपालिकाया मेयर विद्यासुन्दर शाक्यं महानगरय् कन्ह्यनिसे निःशुल्क पिसिआर परीक्षण यायेगु धका धयादीगु दु।

पिसिआर परिक्षणया लागि स्वाब संकलन यायेगु ज्या न्ह्या वनाच्वंगु दु धका धयादीगु दु।

थौं येँया शंखधर पार्कय् जुगु राष्ट्रिय विभूति शंखधर साख्वा व मानव अधिकारवादि नेता नाप नेवाः न्ह्यलुवाः पद्मरत्न तुलाधरया झ्वाता अनावरण ज्यााझ्वलय् मेयर शाक्यं अथे धयादीगु खः।

अथेहे वयलं कन्ट्याक्ट ट्रेसिङय् लापि अशक्त व जेष्ठ नागरिकपिनिगु पीसीआर परीक्षणया लागि स्वाब संकलन यायेत मोबाइल भ्यान सञ्चालन यायेगु तयारी तक दुगु धका धयादीगु खः।

मेयर शाक्यं कन्ट्याक्ट ट्रेसिङय् लापि व लक्षण खनेदुपिन्स जक पिसिआर टेष्ट यायेत इनाप यानादीगु खः। स्वनिगलय् वःगु छु ई निसे कोरोना संक्रमण अप्वोया वना च्वंगु उगु चक्र तोडे यायेत प्रभावकारी पलाः ल्ह्वनेइगु ई वःगु दु धका धयादिगु खः।