Display Style:
Column Style
लुँ तोलां च्यासः व वहः खुइतक थहा वन
लहनान्युज | गुंलागा १० ११४०,साउन ३० शुक्रवाः
लुँ वहःया भाः थौं न थहा वःगु दु । लुँ या भाः थौं तोलां च्यासः थहा वःगु दु ।
लुँ तोला थौं च्यासः थहा वना ९८ हजार ६० तका थ्यःगु दु धका नेपाल सुनचाँदी व्यवसायी महासङ्घं धाःगु दु । लुँ तोलां म्हि तोलां नीप्यसः थहा वःगु खः ।
अथेहे वहः तोला खुइतका थहा वःगु दु । थौं वहः छगु तोलाया द्धःछि व ३५५ तका धका महासङ्घं धाःगु खः ।
गण्डकी प्रदेशय् थप २१ म्हेसित कोरोना पुष्टि
लहनान्युज | गुंलागा १० ११४०,साउन ३० शुक्रवाः
गण्डकी प्रदेशय् थप २१ म्हेसित कोरोना पुष्टि जूगु दु ।
क्षयरोग उपचार केन्द्र पोखराय् याःगु परीक्षणय् तनहुँइ भानु नगरपालिका वडा नम्बर १ या १४ मिजंम्ह व ६ म्ह याना २०म्हेसित स्याङ्जाय् पुतलीबजार नगरपालिकाय् छम्ह मिजंम्ह याना २१
म्हेसित कोरोना पुष्टि जूगु धका गण्डकी प्रदेश कोरोना नियन्त्रण तथा रोकथाम कार्यक्रमया प्रवक्ता डाक्टर विनोदबिन्दु शर्मां जानकारी बिःग दु ।
थ्व नाप गण्डकी प्रदेशय् संक्रमण पुष्टि जूपिनिगु ल्याः १६८१ म्ह थ्यःगु दु ।
कोशी अस्पतालय् आइसोलेसनय् कोरोना संक्रमित मन्त
लहनान्युज | गुंलागा १० ११४०,साउन ३० शुक्रवाः
कोशी अस्पताल विराटनगरय् छम्ह कोरोना संक्रमित मदुगु दु । बिहीवाः सिराहया विष्णुपुर गाउँपालिका– १ छेँय् दुम्ह ४० दँ दुम्ह छम्ह मदुग खः ।
गम्भिर अवस्थाय् कोशी अस्पतालय् भर्ना जूम्ह उम्ह मनू बिहीवाः कोरोना पोजेटिभ खने दुगु खः । म्हिगः बिहीवाः चान्ह्यः ८ः१५ बजे मदुगु धका अस्पतालया मेडिकल सुपरिटेण्डेन्ट डाक्टरं धाःगु खः ।
उम्ह मनूयात बिहीवाः कोशी अस्पताल भर्ना जूगु इलय् सासः ल्हायेगु व निमोनियाया समस्या वया म्हय् हिंया कमी खनेदुगु धका डाक्टर धाःगु खः ।
वयाःगु बिहीवाः न्हिनय् स्वाब संकलन याःगु खः । कोरोना पोजेटिभ खने दये वः बीपी कोइराला स्वास्थ्य विज्ञान प्रतिष्ठान धरान छ्वःगु खः ।
तर धरानय् बेड खाली मदेवः वयात कोशी अस्पतालया आइसोलेसनय् तःगु खः ।
धुलिखेल अस्पताल सिल यायेगु निर्णय
लहनान्युज | गुंलागा ९ ११४०, साउन २९ बिहीवाः
सङ्क्रमण न्हिया न्हिथं अप्वया वना च्वंगुलि काभ्रेपलाञ्चोकया धुलिखेल अस्पताल क्षेत्रय् न सिल यायेगु निर्णय याःगु दु । बिहीवाः छम्ह ल्वगि नाप झीम्हेसित कोरोना सङ्क्रमण पुष्टि जूगुलि अस्पताल क्षेत्र बन्द यायेगु निर्णय याःगु दु ।
जिल्ला सङ्कट व्यवस्थापन केन्द्र प्रमुख एवं प्रमुख जिल्ला अधिकारी श्रवणकुमार तिमल्सिना, धुलिखेल नगर प्रमुख अशोककुमार ब्याञ्जू, जिल्लाया सङ्कट व्यवस्थापन केन्द्र व कोभिड–१९ रोकथाम तथा नियन्त्रण, कमाण्ड पोस्टया सदस्य सचिव एवं जिल्ला स्वास्थ्य कार्यालय प्रमुख डा. नरेन्द्र झा लगायत स्थानीय जनप्रतिनिधि सम्मिलित बैठकं अस्पतालया आकस्मिक बाहेक मेगु सेवा बन्द यायेगु निर्णय यासे अस्पतालया न्यासःगु मिटर तापाक्क तक मेगु सूचं मवःतले बन्द यायेगु निर्णय याःगु दु ।
अस्पताल क्षेत्र सिल यासे अस्पताल जःखः व्यवसाय याना वया च्वपिन्त आइतवाः निसे छेँ हे च्वनेत धाःगु दु ।
आःतक काभ्रेपलाञ्चोकय् सङ्क्रमितपि ६२म्ह मध्ये २९ म्ह वासः याका छेँय् लिहा वने धुकुगु दु ।
अन ३२ म्ह आइसोलेशनय् च्वना वासः याका वयाच्वंगु दु । उकि मध्ये २०म्ह प्रहरी, निम्ह स्वास्थ्यकःमि, छम्ह जनप्रतिनिधि, वैदेशिक रोजगारपाखे लिहा वःपि २२म्ह व १८ म्ह कन्ट्याक्ट ट्रेसिङ व मेमेपि कारणपाखे सङ्क्रमितपि खः।
कोरोना भाइरसया संक्रमण निम्ह मन्त
लहनान्युज | गुंलागा ९ ११४०, साउन २९ बिहीवाः
कोरोना भाइरस (कोभिड–१९) या संक्रमणया कारण थप निम्ह मन्त । थ्व नाप सीपिनिगु ल्याः ९६ म्ह थ्यःगु दु ।
स्वास्थ्य तथा जनसंख्या मन्त्रालयया कथ धनुषाया मिथिला नगरपालिका–७ ढल्केबरया ८५ दँ दुम्ह मिसाम्ह कोरोना संक्रमणपाखे मदुगु खः ।
उम्ह मनू वीपी कोइराला स्वास्थ्य विज्ञान प्रतिष्ठान, धरानय् बुधवाः मदुगु खः ।
थ्व नाप अछामया रामारोशन नगरपालिका–५ या १८ दँया मिजंम्ह मदुगु खः ।
उम्ह मनू मुटु ल्वगि जूगु धका पाटन स्वास्थ्य विज्ञान प्रतिष्ठानय् मदुगु खः ।
