Display Style:
Column Style
पर्साय् कोरोना संक्रमण मेम्ह छम्ह मन्त
लहनान्युज | गुंलागा ११ ११४०,साउन ३१ शनिवाः
पर्साय् कोरोना संक्रमण मेम्ह छम्ह सीइगु दु । वीरगञ्ज महानगरपालिकाया मुर्ली च्वम्ह ६० दँया छम्ह मनू मदुगु दु ।
वयात साउन ३० गते शुक्रवाः बहनि ७ बजे मदुगु धका नारायणी अस्थायी कोभिड अस्पताल धाःगु दु ।
कोरोना संक्रमण पुष्टि जूया वःगु साउन २४ गते उम्ह मनू वीरगञ्ज महानगरपालिकापाखे सञ्चालित गण्डक कोभिड अस्पतालमा भर्ना जूगु खः ।
उम्ह मनू न्हापानिसे उच्चरक्तचाप, चिनी लवय् व प्यारालायसिस पाखे पीडित खः ।
शुक्रवाः बहनि छक्वलं स्वास्थ्यमा थप समस्या वयेवः वासः यायेगु झ्वलय् मदुगु धका गण्डक कोभिड अस्पतालया संयोजकं धाःगु खः ।
दोलखाय् छवाःया लागि लकडाउन घोषणा
लहनान्युज | गुंलागा १० ११४०,साउन ३० शुक्रवाः
दोलखाय् छवाःया लागि लकडाउन घोषणा याःगु दु । कोरोना सङ्क्रमण फैलै मजुइकेगु लागि व नियन्त्रण यायेत प्रभावकारी दयेकेत छवाःया लागि लकडाउन घोषणा याःगु दु ।
वःगु प्यन्हु न्ह्यःनिसे दोलखाय् च्याम्हसित कोरोना सङ्क्रमण पुष्टि जुइ वं लकडाउन घोषणा याःगु दु ।
जिल्ला सङ्कट व्यवस्थापन समितिया थौं शुक्रवाः च्वंगु मुँज्यां साउन ३१ गते सथसिया ६ बजे निसे भदौ ६ गते चान्ह्यः १२ बजे तक लकडाउन घोषणा याःगु दु । लकडाउनया इलय् अत्यावश्यक ज्या बाहेक छेँय् न पिहा वये दइ मखू ।
जिल्ला यकं दक्को प्रकारया सवारी साधन चले यायेगुलि न बन्द यासे जिल्ला यकं बजाः व पसः पूर्णरुपं बन्द यायेगु निर्णय याःगु दु । अत्यावश्यक पसः गथेकि वासः, खाद्यान्न, तरकारी, दुग्ध पदार्थ सुथय् १० बजे तक चायेके दइ ।
स्वनिगः दुने भेला, प्रदर्शन व जात्रा सञ्चालनय् रोक
लहनान्युज | गुंलागा १० ११४०,साउन ३० शुक्रवाः
स्वनिगः दुने येँ, यल व ख्वप स्वगू जिल्लाय् सार्वजनिक थासय् भेला यायेगु, प्रदर्शन यायेगु व पारिवारिक जमघट यायेगुलि रोक लगे याःगु दु ।
थौं शुक्रवाः येँ, यल व ख्वप जिल्लाया प्रमुख जिल्ला अधिकारीपिनिगु मंकाः बैठकं खुला थासय् भेला जुइगु, हुलमुल यायेगु व सभा जुलुस यायेगु निषेध याःगु दु ।
साउन ३० गते चान्ह्यः १२ बजे निसे भदौ १५ गते चान्ह्यः १२ बजे तक या लागि प्रतिबन्ध तयाःगु धका स्वगू जिल्लाया प्रमुख जिल्ला अधिकारीपिन्स थौं शुक्रवाः बहनि जारी याःगु छुट्टाछुट्टै आदेशय् उल्लेख याःगु दु ।
अथेहे हुलमुल जुइगु गतिविधि जात्रा, महोत्सव सञ्चालन यायेगुलि रोक लगे याःगु दु ।
न्हिया न्हिथं जुइगु नित्यपूजा बाहेक दक्को धार्मिक गतिविधिइ न रोक लगे याःगु दु । आः पुजारीं नित्य पूजा बाहेक मेपिन्त द्यःया थाय् वनेगुलि न प्रतिबन्ध तयागु दु धका प्रमुख जिल्ला अधिकारीपिन्स जारी याःगु आदेशय् उल्लेख दु ।
अथेहे नखः चखः, धार्मिक– साँस्कृतिक ज्या यायेत थःथितीपि नाप जमघटय् न प्रतिबन्ध तःगु दु । आः परिवारया सदस्य बाहेक थःथितीपिन्स सःतूगु धार्मिक साँस्कृतिक गतिविधि न याये दइ मखू धका प्रशासनं धाःगु दु ।
शैक्षिक संस्था सञ्चालनय् पूर्ण रोक लगे याःगु दु । दक्को प्रकारया सभा, गोष्ठी, तालिम, सेमिनार, सिनेमाहल, पार्टी प्यालेस, मनोरञ्जन स्थल, सैलुन, ब्युटी पार्लर, स्पा, स्विमिङ पुल, जिमखाना, खेलकुद व खेल प्रस्तुति तथा पुस्तकालय सञ्चालनय् न रोके याःगु दु ।
अथेहे कवाडी संकलन यायेगु, फुटपाथ, खुल्ला थाय् व ठेला गाडा व साइकल सञ्चालन जुइगु व्यवसायय् न रोके याःगु दु ।
उद्योग व्यवसाय सञ्चालनया लागि स्वास्थ्य मापदण्ड विपरीत श्रमिकपिन्त ल्ह्ययेगु व टेक अवे बाहेक रेस्टुरेन्ट सञ्चालनय् न कडाइनक्सा प्रतिबन्ध तःगु दु ।
आदेशय् निषेध याःगु ज्या यातकि स्थानीय प्रशासन ऐन २०२८ कथं कारबाही यायेगु धका प्रमुख जिल्ला अधिकारीपिन्स उल्लेख याःगु दु ।
धनुषाय् मेम्ह छम्ह कोरोना संक्रमित मन्त
लहनान्युज | गुंलागा १० ११४०,साउन ३० शुक्रवाः
धनुषाय् कोरोना संक्रमितम्ह छम्ह सीइगु दु । मदसम्ह धनुषाया जनकनन्दनी गाउँपालिका वडा नम्बर ४ या ५० दँ दुम्ह छम्ह मिजंम्ह खः ।
प्रदेशया सामाजिक विकास मन्त्रालयया कथं सासः ल्हायेगु समस्या वये वः उम्ह मनू वासः यायेगु लागि प्रादेशिक अस्पताल जनकपुरधामय् हःगु खः ।
तर, अनं बिहीवाः येँ रेफर याना हःगु खः । वयागु लँय् हे मदुगु खः धका मन्त्रालयया वरिष्ठ प्रशासकं जानकारी बिगु खः ।
वयात बिहीवाः न्हिनय् १ बजे रेफर याःगु खः । वयागु ३ बजे मदुगु खः धका धागु खः ।
५९४म्हेसित कोरोना संक्रमण पुष्टि
शोभा श्रेष्ठ | गुंलागा १० ११४०,साउन ३० शुक्रवाः
वःगु २४ घन्टाया दुने थप ५९४म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयं थौं शुक्रवाः नियमित कोरोना मिडिया ब्रिफिङमा प्रवक्ता डा जागेश्वर गौतमं संक्रमितपिं २५ हजार ५५१म्ह थ्यःगु दु धका जानकारी बिःगु खः ।
अथेहे वःगु २४ घन्टाय् कोरोना संक्रमणपाखे मुक्त जूपि २४०म्ह थ्यःगु दु । थ्व नाप वासः याका छेँय् लिहा वःपि १७ हजार ७७ म्ह थ्यःगु दु ।
मन्त्रालयया कथं शुक्रवाः तक पीसीआर विधिपाखे ४ लाख ९४ हजार ६१३म्हेसिगु परीक्षण याये धुकुगु दु । अथेहे २४ घन्टाय् ११ हजार ५७५म्हेसिगु पीसीआर परीक्षण याःगु खः ।
आतक क्वारेन्टाइनय् च्वना च्वपि १४ हजार ६३८म्ह थ्यःगु दु । अथेहे आइसोलेसनय् च्वना च्व्पि ७ हजार ९१३म्ह थ्यःगु दु ।
