Display Style:
Column Style
लुँया भाः नीप्यसः थहा वन
लहनान्युज | गुंलागा ९ ११४०, साउन २९ बिहीवाः
बुधवाः लुँया भाः क्वहा वःगु खःसा थौं हाकन थहा वगु दु ।
थौं लुँ तोलां नीप्यसः थहा वःगु दु धका सुन चाँदी व्यवसायी महासंघं धाःगु दु ।
थौं महासंघं लुँ तोला ९७ हजार व च्यासः न कारोबार जुगु धका धाःगु दु । अथेहे तेजावी लुँ छगु तोलाया ९७ हजार स्वसःया भाः क्वःछिगु दु ।
अथेहे वहः छगु तोलाया १२९५ तका क्वःछिगु दु ।
वःगु छु दिं न्ह्यःनिसे लुँ वहःया भाः थहा क्वहा जुयाच्वंगु खः । म्हिगः तोला हे खुद्धः व निसः क्वहा वया न्हुगु रिकडं जूगु खः ।
पत्रकार रेखा शाक्य च्वना वःगु गाडी ब्रेक फेल जुया पल्टे जुल
नृपेन्द्रलाल श्रेष्ठ | गुंलागा ९ ११४०, साउन २९ बिहीवाः
पत्रकार रेखा शाक्य च्वनाःगु बलेरो बा ५ च १५८३ नं या गाडी दुर्घटना जूगु दु ।
दोलाखां येँपाखे वया च्वंगु इलय् म्हिगः न्हिनया करिव १ः०० वजे ति उगु गाडी ११ किलो धाःगु थासय् थ्यंबलय् ब्रेके फेल जुया मनू बचे यायेगु लागि पहाडय् न्याका गाडी पल्टे जूगु खः ।
गाडी पल्टे जुया उकि च्वना वयाच्वपि न्याम्हेसित स्थानियपिनिगु ग्वाहालि न्याम्ह पिहा वयेत ताःलागु खः ।
पत्रकार शाक्य लहनान्युजयात कनादिगु कथं गाडी ११ किलो थ्यनेवं न्ह्यःनेया पांग्रां तच्वकं हाकुक कुँ पिन्हाँ वःगुलिं दिकूगु खः । २ ,३ मिनेट लिपा हे गाडी च्वन्त धायेवं गाडीया कन्डिशन ठीक खःला धकाः न्यनेवं ड्राइभं ठीक दु धाःगुलिं गाडी च्वनागु धयादिल ।
गाडी स्टार्ट याना न्ह्यायेवं चालकं गाडीया ब्रेक फेल जुगु धका धायेवः गाडी तसकं ब्बाये वःगु खः गाडीयात दिकेट लिउनेया सिटय् च्वंम्ह गाडी पहाडय् न्याकी धायेवं लिपा पहाडय् न्याक यंकूगु खः । गाडी छक्वलं फसय् ब्वया सतकय् बज्रय् जुगु खः । गाडी पल्टे जुगु जिपि न्याम्ह स्थानिय च्वंपिनिगु ग्वाहालि पिहा वयेत ताः लागु धका पत्रकार शाक्यं लहनान्युजयात कनादिगु खः ।
उगु घटनाय् न्याम्हेसित सामान्य घाःपाः तक मजुगु धका शाक्य धयादिगु द।
पर्सा व बाराय् ३५म्हेसित कोरोना संक्रमण पुष्टि
लहनान्युज | गुंलागा ९ ११४०, साउन २९ बिहीवाः
नारायणी अस्पतालय् पीसीआर प्रयोगशाालय् याःगु परीक्षणय् ३५म्हेसित कोरोना संक्रमण पुष्टि जूगु दु ।
थ्व नाप पर्साय् कोरोना संक्रमित ११४५म्ह थ्यःगु दु ।
कन्ट्याक्ट ट्रेसिङपाखे संकलन याःगु स्वाब नमुना परीक्षणय् उपि कोरोना संक्रमण पुष्टि जुगु धका प्रयोगशालां धाःगु खः ।
अप्व संक्रमितपि घण्टाघर, रानीघाट, घडिअर्वा थासय् च्वपि खः ।
शिक्षण अस्पतालय् थौं निसे आकस्मिक सेवा बन्द
शोभा श्रेष्ठ | गुंलागा ९ ११४०, साउन २९ बिहीवाः
त्रिवि शिक्षण अस्पताल, महाराजगञ्जय् इमर्जेन्सीइ ज्या याइपि खुम्ह स्वास्थ्यकःमिपिन्त कोरोना भाइरस (कोभिड–१९) या संक्रमण पुष्टि जूगु दु ।
अस्पतालया कोभिड कोअर्डिनेटरया कथं निम्ह डाक्टर व प्यम्ह नर्सपिन्त संक्रमण पुष्टि जूगु दु ।
संक्रमित जूपि स्वास्थ्यकःमि पिनिगु लक्षण न खने दुगु खः ।
स्वास्थ्यकःमि पाखे मेपिन्त न संक्रमण जुइ फइगुलि थौं बिहीवाः न निसे अस्पतालया आकस्मिक सेवा बन्द यायेगु निर्णय याःगु दु ।
ओपीडी सेवा धाःसा सञ्चालन जुया च्वनि धका न धाःगु दु ।
वडाअध्यक्ष श्रीगोपाल महर्जन थुना मुक्त
नृपेन्द्रलाल श्रेष्ठ | गुंलागा ८ ११४०, साउन २८ बुधवाः
यल महानगरपालिका– ३ या वडाअध्यक्ष श्रीगोपाल महर्जनयात थौं बुधवाः साधारण तारेखय् तया थुना मुक्त याःगु दु ।
जिल्ला अदालत ललितपुरं वडा अध्यक्षयात साधारण तारेखय् रिहा यायेत थौं बुधवाः आदेश बिउगु खः ।
वडां दयक्ुगु नाता प्रमाणित पौंयात आधार दयेका मिर्गौला तस्करी याःगु द्धपः बिया नाप उकिइ संलग्नता दुगु आरोपय् वडाअध्यक्ष महर्जनयात वःगु असार २६ गते शनिवाः नेपाल प्रहरी मानव तस्कर ब्युराें नियन्त्रणय् काःगु खः ।
वडां प्रक्रिया पूरा याना कानून बमोजिम याःगु नाता प्रमाणितयात मेडिकल माफियाया गिरोहपिन्स कीर्ते याना वडाअध्यक्ष महर्जनयात फसे याःगु धका थीथी संगठनं वयकःया समर्थंनय् प्रदर्शन तक याःगु खः ।
