Display Style:
Column Style
थौं येँ जक १०९ म्हेसित कोरोना संक्रमण
शोभा श्रेष्ठ | गुंलागा ८ ११४०, साउन २८ बुधवाः
थौं स्वनिगलय् जक १३९म्हेसित कोरोना संक्रमण पुष्टि जूगु दु ।
स्वास्थ्य तथा जनंख्या मन्त्रालयया कथं येँ जक थौं १०९म्हेसित कोरोना संक्रमण जूगु दु ।
अथेहे यलय् २१ व ख्वपय् गुम्हेसित संक्रमितपि पिहा वःगु दु ।
कोरोना संक्रमितपि गुगु थासय् च्वपि धका धाःसा मन्त्रालयं धाःगु मदु ।
थौं देय् यकं ४८४म्ह कोरोना संक्रमित पिहा वःगु दु ।
२४ घण्टाय् च्याम्ह सीत, ४८४ म्हेसित सङ्क्रमण
लहनान्युज | गुंलागा ८ ११४०, साउन २८ बुधवाः
वःगु २४ घण्टाय् ४८४ म्हेसित कोरोना भाइरसया सङ्क्रमण पुष्टि जुगु दु ।
थ्व नाप नेपालय् कोरोना सङ्क्रमितपि आः २४ हजार ४३२म्हेसित स्वास्थ्य तथा जनसङ्ख्या मन्त्रालयं धाःगु दु ।
वःगु २४ घण्टाय् १०४८१ म्हेसिगु पीसीआर विधिपाखे परीक्षण याःगुलि ४८४म्हेसित कोरोनाको सङ्क्रमण पुष्टि जूगु खः ।
थ्व नाप २४ घण्टाय् ६४म्ह वासः याका छेँय् लिहा वःगु दु । सङ्क्रमणपि आः तक १६७२८म्ह छेँय् लिहा वःगु दु ।
वःगु २४ घण्टाय् कोरोना सङ्क्रमणपि च्याम्ह सीइगु दु । थ्व नाप नेपालय् आःतक ९१म्ह सी धुकुगु दु ।
पत्रकार बानियाँया लास मकवानपुरया सिस्नेरी लुत
लहनान्युज | गुंलागा ८ ११४०, साउन २८ बुधवाः
सोमवाः निसे परिवार व ज्याकूथि सम्पर्क विहीन जुया च्वम्ह कान्तिपुर दैनिकया सहायक–सम्पादक बलराम बानियाँया शव लुगु दु ।
महानगरीय अपराध महाशाखाया एसएसपी दीपक थापा कथं बानियाँया शव मंगलवाः सुथय् ११ बजे मकवानपुरया सिस्नेरीया मान्डू जलविद्युत् परियोजना थासय् लुगु खः । आः पत्रकार बानियाँ या शव हेटौंडा अस्पतालय् तया तःगु दु ।
बानियाँ सोमवाः निसे सम्पर्क विहीन जुया च्वंगु खः ।
एसएसपी थापाया कथं बानियाँ ताँ क्वय् वना च्वंगु इलय् लाकामय् ध्याः थाःगुलि स्थानीयपिन्स उद्धार यायेगु कुतः याःगु खः । तर खुसि तसक बहाः वःगुलि उद्धार याये मफुगु धका स्थानीयपिन्स धाःगु खः । उगु इलय् वयागु पहिचान खुले मजुगु खः ।
खुसिइ तःगु आशंकय् नेपाली सेना, नेपाल प्रहरी व सशस्त्र प्रहरीं वयात मालेइगु ज्या जुगु खः । खुसि सिथय् लाका लुइवं बानियाँया म्हाय् न थः अबुया लाका खः धका पुष्टि याःगु खः ।
रौतहटय् न्याम्हेसित कोरोना संक्रमण पुष्टि
लहनान्युज | गुंलागा ८ ११४०, साउन २८ बुधवाः
रौतहटया चन्द्ररपुर नगरपालिकाय् न्याम्हेसित कोरोना संक्रमण पुष्टि जूगु दु । मंगलवाः चान्ह्य वःगु स्वाब परीक्षणया रिपोर्टय् उमिगु पोजेटिभ वःगु खः ।
हेटौडा प्रयोगशालां बिःगु रिपोर्टय् चन्द्रपुर नगरपालिका ९ या छम्ह मिसा नाप प्यम्ह मिजंपिन्त संक्रमण पुष्टि जूगु खः ।
दक्को याना ११७म्हेसिगु स्वाब संकलन उाना परीक्षण यायेत छ्वःगुलि न्याम्हेसिगु रिपोर्ट पोजेटिभ वःगु धका चन्द्रपुर अस्पतालया जनस्वास्थ्य निरीक्षकं धाःगु खः ।
संक्रमण पुष्टि जुपि नाप कन्ट्याक्ट ट्रेसिङ्गया ज्या सुरु जुगु दु ।
वःगु प्यन्हु न्ह्यः रौतहटय् ५९ म्हेसित संक्रमण पुष्टि जूगु खः ।
प्रदेश १य् सांसद कुसुम कुमारी श्रेष्ठयात कोरोना संक्रमण पुष्टि
लहनान्युज | गुंलागा ८ ११४०, साउन २८ बुधवाः
प्रदेश १ या सांसद कुसुम कुमारी श्रेष्ठयात कोरोना संक्रमण पुष्टि जुगु दु ।
धनकुटापाखे प्रदेशसभाउय् प्रतिनिधित्व यानादिम्ह श्रेष्ठयात बुधवाः जक कोरोना संक्रमण पुष्टि जुगु खः । सांसद श्रेष्ठ इटहरी च्वम्ह खः ।
वयात साउन २० गते स्वास्थ्यय् समस्या वःगुलि शनिवाः धरानय् स्वाब बिउ वःगु खः । बुधवाः पोजेटिभ रिपोर्ट वःगु खः । श्रेष्ठया स्वास्थ्य अवस्था सामान्य दु ।
प्रदेश १ य् कोरोना संक्रमण पुष्टि जुइ वः थ्व उच्चपदस्थ निम्ह म्ह मनू जुगु दु । थ्व स्वया न्ह्यः प्रदेश १ या मुख्य न्यायाधिवक्ता चुडामणि आचार्ययात कोरोना संक्रमण पुष्टि जुगु खः ।
प्रदेश १ य् आः तक द्धःछि व ५६३ म्हेसित कोरोना संक्रमित जुइ धुकुगु दु ।
उकि मध्ये द्धःछि व १४ वासः याका छेँय् लिहा वने धुकगु दु ।
