Display Style:
Column Style
थौं तलेजु द्यःया थाय् कोरोनाया काराण बन्द
शोभा श्रेष्ठ | कौलाथ्व नवमी ११४०,कार्तिक ९ आइतवाः
येँया हनुमानध्वाखाय् दँच्छि छकः मोहनिया नवमी जक चाइगु तलेजु द्यःया थाय् कोरोनाया कारणं थौं मचाइगु जुगु दु।
तुलजा भवानीया यात्रा धाःसा नेपाल पञ्चाङ्ग निर्णायक समितिं बिःगु साइतय् याइगु जुगु दु।
महानवमीया इलय् थौं नेवाः समुदायपिन्स भीमसेनयात बलि बिया पूजा यायेगु परम्परा दु।
डा.बाबुराम भट्टराई व हिसिला यमी कोरोना संक्रमण पुष्टि
लहानान्युज | कौलाथ्व अप्टमी ११४०,कार्तिक ८ शनिवाः
पूर्वप्रधानमन्त्री डा. बाबुराम भट्टराई व हिसिला यमीयात न कोरोना संक्रमण पुष्टि जूगु दु। डा.भट्टराई न थःगु सामाजिक सञ्जालपाखे थुकिया जानकारी बिःगु खः।
भट्टराईया कथं कात्तिक ७ गते याःगु स्वाबया परीक्षण लिच्वः पोजिटिभ वःगु दु धाःगु दु।
सामाजिक सन्जाल ट्वीटरय् डा.भट्टराई न हिसिला व जित कोभिड–१९ या संक्रमण पुष्टि जूगु धका धाःगु दु। कात्तिक ७ गते याःगु स्वाब परीक्षणया लिच्वः पोजिटिभ वःगु दु धका धाःगु खः।
संक्रमण पुष्टि जुया चिकित्सकपिनिगु सल्लाह कथं निम्ह होम आइसोलेसनय् च्वना च्वंगु दु।
जसपाया संघीय परिषद अध्यक्ष भट्टराई न छु ईनिस थः नाप सम्पर्कय् दुपिन्त सतर्कता अपने यायेत इनाप याःगु दु।
कोेरोना सीपिं ८४२म्ह थ्यन
लहानान्युज | कौलाथ्व अप्टमी ११४०,कार्तिक ८ शनिवाः
नेपालय् कोरोना संक्रमणं सीपिं ८४२ म्ह थ्यःगु दु।
स्वास्थ्य तथा जनसंख्या मन्त्रालयया कथं २४ घण्टाया दुने थप १३ म्ह कोरोना सी धुकुगु दु।
शनिवाः पीसीआर विधिं १३ लाख ८० हजार ८६२ म्हेसिगु परीक्षण याःगु खः।
२२२५ म्हेसित कोरोना संक्रमण पुष्टि
रमित | कौलाथ्व अप्टमी ११४०,कार्तिक ८ शनिवाः
वःगु २४ घण्टाया दुने शनिवाः थप २२२५ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप नेपालय् संक्रमितपि आः १ लाख ५५ हजार २३३ म्ह थ्यःगु दु। थ्व नाप देय् यकं सक्रिय संक्रमितपि ४६ हजार ५७ म्ह दु।
अथेहे २४ घण्टाय् २ हजार ८४६ म्ह कोरोना संक्रमणमुक्त जुया डिस्चार्ज जुगु खः। थ्व नाप १ लाख ८ हजार ३३४ म्ह थ्यःगु दु।
आःतक पीसीआर विधिपाखे १३ लाख ८० हजार ८६२ म्हेसिगु नमुना परीक्षण याये धुकुगु दु।
वःगु २४ घण्टाय् जक १३ हजार ८४६ म्ह पीसीआर परीक्षण याःगु खः।
येँ ८३२म्ह नाप स्वनिगलय् १११०म्हेसित कोरोना सक्रमण
शोभा श्रेष्ठ | कौलाथ्व अप्टमी ११४०,कार्तिक ८ शनिवाः
वःगु २४ घण्टाया दुने स्वनिगलय् थप १११० म्हेसित कोरोना संक्रमण पुष्टि जूगु दु।
वःगु २४ घण्टाय् येँ जक ८३२ म्हेसित कोरोना सक्रमण जूगु दु।
अथेहे ख्वपय् १०२म्ह व यलय् १७६ म्हेसित कोरोना संक्रमण पुष्टि जूगु दु धका स्वास्थ्य मन्त्रालयं जानकारी बिःगु दु।
वःगु २४ घण्टाया दुने स्वनिगलय् थप ४२९ मिसा व ६८१ म्ह मिजंपिन्त कोरोना पुष्टि जूगु खः।
थ्व नाप येँ संक्रमितपि ५५ हजार ७७म्ह, यलय् ७ हजार ७३६ म्ह व ख्वपय् ५ हजार १५० म्हेसित पुष्टि जुइ धुकुगु दु।
