Display Style:
Column Style
पिने वःपिन्त आः १४दिं होम क्वारेन्टिनय् तइगु
लहनान्युज | दिल्लाथ्व दुतीया ११४०,असार ९ मंगलवाः
गृह मन्त्रालयं स्वनिगः पिने वःपिन्त १४न्हु तक होम क्वारेन्टिनय् तयेगु लागि स्वंगू जिल्लाया जिल्ला प्रमुख जिल्ला अधिकारीपिन्त परिपत्र छ्वःगु दु ।
वःगु छु दिं न्ह्यः छेँ थुवाःपिन्स पीसीआर विधिपाखे कोरोना संक्रमण परीक्षण मयासे छेँ दुवा वयेके मबिगुलि शुक्रराज ट्रपिकल तथा सरुवा रोग अस्पतालय् न्हि द्धःछि मल्याक मनूत जाँचय् याः वया च्वंगु खः ।
पीसीआर टेष्टया लागि वःपि अप्वःगुलि स्वास्थ्य तथा जनसंख्या मन्त्रालयं स्वनिगः न पिन्त १४दिं होम क्वारेन्टिनय् तयेगु व लक्षण खने दतकि जक अस्पताल वयेगु व्यवस्था मिले यायेत गृहं पौं छ्वःगु खः ।
वया लिपा गृहं येँ, ख्वपः व यलया प्रमुख जिल्ला अधिकारीपिन्त स्वास्थ्यया पौं कथं कारबाही यायेत निर्देशन बिउगु खः ।
नेपालय् कोरोना संक्रमितपि झीद्धः स्वया अप्वल
लहनान्युज | दिल्लाथ्व दुतीया ११४०,असार ९ मंगलवाः
वःगु २४ घण्टाय् थप ५३८म्हेसित कोरोना भाइरस (कोभिड–१९) या संक्रमण पुष्टि जूगु दु । ग्व नाप संक्रमितपि झीद्धः स्वया अप्वगु दु ।
अथेहे कोरोना संक्रमणं थौं छम्ह सीगु दु धका स्वास्थ्य तथा जनसंख्या मन्त्रालयं पुष्टि याःगु दु । सुर्खेतया वीरेन्द्रनगर प्रदेश अस्पतालय् सघन उपचार कक्ष (आईसीयू) लय् उपचार याना च्वम्ह दैलेख दुल्लु नगरपालिका–३ या ४५दँ दुम्ह मिजंम्ह सीगु दु ।
वयात कोरोना संक्रमण पुष्टि जुइवं असार ४ गते अस्पतालमा भर्ना याःगु खः ।
मन्त्रालयया कथं थौं संक्रमण पुष्टि जूपि दकलय् अप्व प्युठानय् ५०म्ह थपे जूगु दु । अथेहे, पाल्पाय् ४८म्ह, धनुषाय् ३९म्ह, कैलाली ३८म्ह, गोरखा २९म्ह, सुर्खेत २३म्ह, सप्तरी, स्याङ्जा, नवलपुर, बझाङ व दैलेखय् नीनिम्ह नीनिम्ह, पर्वतय् २१म्ह, बाजुराय् २०म्ह, दाङय् १९म्ह, धादिङय् १८म्ह, कञ्चनपुरय् १७म्ह, बाग्लुङय् १४म्ह, रौतहटय् १३म्ह, महोत्तरी व झापाय् झीनिम्ह झीनिम्ह सक्रमण पुष्टि जूगु दु ।
अथेहे, कास्की व तनहुँ च्याम्ह च्याम्ह, सिराहा व अछामय् न्ह्यम्ह न्ह्यम्ह, लमजुङ व गुल्मीइ न्याम्ह न्याम्ह, सल्यान व डडेलधुराय् प्यम्ह प्यम्ह, सुनसरी व रुपन्देहीइ स्वम्ह स्वम्ह मोरङ, तेह्रथुम, अर्घाखाँची व सर्लाही निम्ह निम्हसिगु रिपोर्ट पोजेटिभ वःगु दु ।
कालीकोट, हुम्ला व पर्वतय् छम्ह छम्हसित कोरोना संक्रमण पुष्टि जूगु दु । थ्व नाप नेपालय् कोरोना संक्रमितपि आः झीद्धः व ९९म्ह थ्यःगु दु ।
उकि मध्ये २४म्ह सीइ धुकुकुगु दु सा २२२४म्ह डिस्चार्ज जुइ धुकुगु दु ।
नेपालय् कोरोना संक्रमितपि झीद्धः थ्यन
लहनान्युज | दिल्लाथ्व दुतीया ११४०,असार ९ मंगलवाः
वःगु २४ घण्टाय् थप ५३८म्ह कोरोना भाइरस (कोभिड(१९)या संक्रमण पुष्टि जूगु ।
थ्व नाप संक्रमितपि आः झीद्धः थ्यःगु दु ।
बागलुङय् ११म्ह कोरोना संक्रमितपि डिस्चार्ज
लहनान्युज | दिल्लाथ्व दुतीया ११४०,असार ९ मंगलवाः
बागलुङय् ११म्ह कोरोना संक्रमित वासः याका छेँय् लिहा वने धुकुगु दु ।
आइतवाः याःगु बार पीसीआर परीक्षणय्े रिपोर्ट नेगेटिभ वःगुलि धौलागिरी अञ्चल अस्पतलाय् डिस्चार्ज याःगु दु ।
डिस्चार्ज जूपि गल्कोट नगरपालिकाया २३ दँ छम्ह, निसीखोला गाउँपालिकाय् २९दँ व २२ दँया निम्ह मिज नाप ताराखोला गाउँपालिकाया ३९दँया छम्ह मिजंपि खः ।
बागलुङय् कोरोना संक्रमितपिनिगु ल्याः १२५म्ह थ्यःगु दु ।
उकि मध्ये १७म्ह डिस्चार्ज जुइ धुुकुगु दु ।
गोरखाय् छम्ह मचा नाप १८म्ह कोरोना संक्रमण पुष्टि
लहनान्युज | दिल्लाथ्व दुतीया ११४०,असार ९ मंगलवाः
गोरखाय् थौं मंगलवाः थप १८म्ह कोरोना संक्रमण पुष्टि जूगु दु ।
भीमसेन थापा गाउँपालिकाय् झीनिम्ह, शहिद लखन गाउँपालिकाय् स्वम्ह व बारपाक सुलिकोट, गण्डकी व अजिरकोट गाउँपालिकाय् छम्ह छम्हेसित संक्रमण पुष्टि जूगु दु ।
थ्व नाप गोरखाय् संक्रमितपि ६९म्ह थ्यःगु दु । उकि मध्ये च्याम्ह वासः याना छेँय् लिहा वने धुकुगु दु ।
थौं मंगलवाः थपे जूपि संक्रमित छम्ह मचायात न खने दुगु खः । उकि मध्ये अधिकांश भारतं लिहा वया क्वारेन्टिनय् च्वना वयाच्वपि खः ।
