Display Style:
Column Style
विदेशी टेलिभिजन च्यानलय् क्लिनफिड लागु जुल
रमित | कौलाथ्व अप्टमी ११४०,कार्तिक ८ शनिवाः
म्हिगः निसे नेपालय् प्रसारण जुइगु विदेशी टेलिभिजन च्यानलय् क्लिन फिड लागू जूगु दु। सूचना तथा सञ्चार प्रविधि मन्त्रालयं म्याद सारे मयागेगु अडान काये वं ऐनपाखे निर्धारित मिति हे क्लिन फिड लागू जूगु दु।
आः विदेशी च्यानल क्लिन फिड (विज्ञापनमुक्त) जूगु दु। ‘विज्ञापन नियमन गर्ने सम्बन्धय् व्यवस्था यायेगु लागि दयेका तःगु ऐन २०७६’ विदेशी टेलिभिजन च्यानल कात्तिक ७ गते तक क्लिन फिड जुइ माःगु व्यवस्था दु।
भारतीय ब्रोडकाष्टर्स फोरम, डिस्कभरी नेटवर्क्स, बीबीसी न्युज, नेपाल केबल टेलिभिजन महासंघ थे जाःगु संघसंस्थाबाट क्लिन फिड प्रसारणया म्याद थपे यायेगु माग याःगुलि सरकारं अस्वीकार याःगु खः। क्लिनफिड सहित च्यानल प्रसारण मजूसा कानून बमोजिम जुइगु मन्त्रालयं धाःगु खः।
आः विज्ञापन क्यंसा विदेशी च्यानल बन्द जुइगु कानुनी व्यवस्था दु । २०७५ कात्तिक ८ गते राजपत्रय् प्रकाशित ऐनं क्लिन फिडय् वनेगु सेवा प्रदायकपिन्त दँच्छिया ई बिःगु खः।
नेपाल केबल टेलिभिजन महासंघया कथं आःतक ३२ गु जक विदेशी च्यानल प्रशारण जुया वयाच्वंगु खः। प्याकेजय् न्यायेगु व सितिक क्यनेगु करिब १८० स्वया अप्वो च्यानलया प्रसारण तत्कालया लागि बन्द जूगु दु।
टेलिभिजन प्रसारकया प्याकेजय् ९२ च्यानल मध्ये ६० गु च्यानल जक आः क्लिन फिड च्यानल बिया वयाच्वंगु खःदएका छन् ।
‘जी’या १२ गु व सोनीया च्याःगु च्यानल क्लिन फिड सहित प्रसारण जुया वयाच्वंगु दु। तर, कार्टुनया च्यानल, बीबीसी अलजजिरा, स्टार्स व कलर्स प्याकेजया च्यानल तत्कालै नेपालय् प्रसारण जुइगु कम जुया वःगु दु।
आः फुटबल, क्रिकेट नाप कासाया च्यानल न बन्द जुगु दु।
२६६८ म्ह डिस्चार्ज,१७ म्ह कोरोना संक्रमणं मन्त
लहानान्युज | कौलाथ्व सप्तमी ११४०,कार्तिक ७ शुक्रवाः
वःगु २४ घन्टाया दुने कोरोनामुक्त जूपि २६६८ म्ह डिस्चार्ज जूगु दु। थ्व नाप नेपालय् आःतक कोरोनामुक्त जूपि १ लाख ५४८८ म्ह थ्यःगु दु।
वःगु २४ घन्टाया दुने नेपालय् थप १७ म्ह कोरोना संक्रमणं सी धुकुगु दु धका स्वास्थ्य तथा जनसंख्या मन्त्रालयं धाःगु दु। थ्व नाप आःतक नेपालय् कोरोना संक्रमण सीपि ८२९ म्ह थ्यःगु दु।
स्वास्थ्य तथा जनसंख्या मन्त्रालयया कथं आःतक पीसीआर विधिपाखे १३ लाख ६७ हजार १६ म्हेसिगु परीक्षण याये धुकुगु दु।
वःगु २४ घण्टाया दुने जम्मा १६ हजार ८६३ म्हेसिगु पीसीआर परीक्षण यःगु खः। आःतक क्वारेन्टाइनय् च्वनाच्वपि ३ हजार ५९० म्ह दु।
४४९९ म्हेसित कोरोना संक्रमण पुष्टि
लहानान्युज | कौलाथ्व सप्तमी ११४०,कार्तिक ७ शुक्रवाः
थौं २४ घन्टाया दुेन नेपालय् थप ४४९९ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया आधिकारिक वेबसाइटय् थौं शुक्रवाः कोरोना संक्रमितपि आःतक नेपालय् १ लाख ५३ हजार ८ म्ह थ्यःगु दु धका धाःगु दु।
थ्व नाप देय् यकं सक्रिय संक्रमितपि आःतक ४६ हजार ६९१ म्ह थ्यःगु दु।
येँ २३५७ म्ह नाप स्वनिगलय् २७२० म्हेसित कोरोना सक्रमण
लहानान्युज | कौलाथ्व सप्तमी ११४०,कार्तिक ७ शुक्रवाः
स्वनिगलय् वःगु २४ घण्टाया दुने थप २ हजार ७२० म्हेसित कोरोना संक्रमण पुष्टि जूगु दु।
थौं संक्रमित जूपि १०९२ मिसा व १६२८म्ह मिजंपि खः।
मन्त्रालयया कथं थौं पुष्टि जूपि येँ जक २३५७ म्हेसित पुष्टि जूगु दु।
अथेहे ख्वपय् १२७ म्ह व यलय् २२६ म्हेसित सक्रमण जुगु दु।
म्हिगः बिहिवाः जक स्वनिगलय् १५५२ म्हेसित कोरोना संक्रमण पुष्टि जूगु खः।
येँ महानगरया मेयर बिद्यासुन्दर शाक्यं ९ वडा भवन उलेज्या
नृपेन्द्रलाल श्रेष्ठ | कौलाथ्व सप्तमी ११४०,कार्तिक ७ शुक्रवाः
येँ महानगरपालिकां थःगु केन्द्रीय कार्यालयय्् नाप ३२ गु वडा कार्यालय भवन सुविधा सम्पन्न व सेवाग्राही मैत्री दयेकेगु नीतियात निरन्तरता बिःगु दु।
येँ महानगरपालिकाया मेयर पदभार ग्रहण याये धुका मेयर विद्यासुन्दर शाक्यं थःगु कार्यकालय् हे केन्द्रीय कार्यालय नाप ३२ गु वडा कार्यालय भवन छगु हे शैली व स्वरुपमा सुविधा सम्पन्न व सेवाग्राही मैत्री दयेकेगु प्रतिवद्धता व्यक्त यानादिगु दु। येँ महानगरपालिकाया न्हापागु नगर कार्यपालिकाया बैठकं निर्णय यानागु धका धयादिगु खः। थुकिया हे निरन्तरता बिउसे थौं मेयर शाक्यं वडा–९ या वडा कार्यालय भवनया उलेज्या यानादिगु खः।
मेयर शाक्यं उलेज्या यानादिसे थःगु कार्यकालय् केन्द्रीय कार्यालय लगायत ३२ गु वडा कार्यालय भवन सुविधा सम्पन्न व सेवाग्राही मैत्री दयेकेगु धका धयादिःगु खः। ‘जिमिगु लक्ष्य कथं येँ महानगरपालिका वडा नम्बर–९ या वडा भवन उलेज्या ताःलागु धका धयादिगु खः। जिगु कार्यकालय् हे ३२ गु वडाया कार्यालय भवन छगु हे शैलीं व स्वरुपं दयेकेगु प्रतिवद्धतायात पूरा याना त्वते धका धयादिगु खः,’ मेयर शाक्यं ‘येँ महानगरपालिका धइगुे संस्था खः, थन व्यक्ति प्रमुख जुइ मखु।
उकिया लागि महानगर व वडावासीयात सेवा बिइमाः धयादिसे सेवाग्राही मैत्री भवनया आवश्यकया दुगु धका धयादिगु खः। वडा–९ नं आः सेवाग्राही मैत्री भवनपाखे वडावासीयात बालागु सेवा बिइमाः धका धयादिगु खः।’ येँ महानगरपालिकां याकन हे महानगरपालिका भवनया न शिलान्यास यायेगु तयारी याना च्वनागु दु धका धयादिगु दु।
मेयर शाक्यं दक्को वडा भवन दयेकेगु ज्याझ्वः कथं वडा–१८ या उलेज्या जुइ धुकुगु दु धका धयादिगु खः। ‘थौं वडा–९ या उलेज्या जुल,’ आः वडा–२६, ३, ४ व १४ या भवन निर्माण जुइ धका धयादिगु खः। उगु भवन याकन हे उलेज्या जुइ धका धयादिगु खः।
येँ महानगरया इञ्जिनियर प्रेमबहादुर श्रेष्ठया कथं वडा–६ या भवन निर्माणया झ्वलय् डिपिसि चरणय् थ्यःगु दु धका धयादिसे भवन निर्माणकर्ता छनौटया लागि वडा २, १२, २१, २९ व ३२ खरिद प्रक्रियाय् दुगु धका धयादिगु खः।
