Display Style:
Column Style
वाग्मती प्रदेशया मुख्यमन्त्री डोरमणियात कोरोना संक्रमण
लहानान्युज | कौलाथ्व षष्ठी ११४०,कार्तिक ६ बिहीवाः
वाग्मती प्रदेशया मुख्यमन्त्री डोरमणि पौडेलयात न कोरोना संक्रमण जूगु दु।
हेटौंडा–१० या किटजन्य रोग अनुसन्धान तथा तालिम केन्द्रया प्रादेशिक प्रयोगशालाय् याःगु स्वाब परीक्षण रिपोर्टय् मुख्यमन्त्री पौडेलयात न कोरोना संक्रमण पुष्टि जूगु दु।
मुख्यमन्त्रीया प्रेस संयोजकया कथं येँ न हेटौंडा लिहा वयाच्वम्ह ७३ दँ दुम्ह पौडेलयात सामान्य सेँय्खँ चाःगुलि म्हिगः बुधवाः स्वाब परीक्षण याःगु खः।
मुख्यमन्त्री पौडेलयात थौं बिहीवाः न्हिनय् कोरोना संक्रमण पुष्टि जूगु खः। स्वास्थ्य अवस्था सामान्य दुगु धका धाःगु दु। प्रेस संयोजकया कथं मुख्यमन्त्री पौडेल आः हेटौंडा–२ मुख्यमन्त्री निवासय् हे आइसोलेसनय् च्वना च्वंगु दु।
देय् यकं ३६३७ म्हेसित कोरोना संक्रमण पुष्टि
लहानान्युज | कौलाथ्व षष्ठी ११४०,कार्तिक ६ बिहीवाः
वःगु २४ घण्टाया दुने थौं बिहीवाः थप ३६३७ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
म्हिगः बुधवाः जक आःतकया हे दकलय् अप्वो ५७४३ म्हेसित कोरोना संक्रमण पुष्टि जूग खः।
मन्त्रालयं थौं नियमित कोरोना मिडिया ब्रिफिङया झ्वलय् प्रवक्ता डा जागेश्वर गौतमं आःतक संक्रमितपि १ लाख ४८ हजार ५०९ म्ह थ्यःगु दु धका धाःगु दु।
आःतक देय् यकं सक्रिय संक्रमितपि ४४ हजार ८७७ म्ह थ्यःगु दु।
कोरोना सक्रमणं २१म्ह मन्त
लहानान्युज | कौलाथ्व षष्ठी ११४०,कार्तिक ६ बिहीवाः
कोरोना भाइरसया संक्रमणं थप २१ म्ह सीगु दु।
स्वास्थ्य तथा जनसंख्या मन्त्रालयया कथं वःगु २४ घण्टाया दुने कोरोना संक्रमणं देय् यकं २१ म्ह मन्त।
म्हिगः बुधवाः जक कोरोना भाइरस संक्रमणं २६ म्ह मदुगु खः।
थ्व नाप आःतक कोरोना संक्रमणं सीपिं आःतक ८१२ म्ह सी धुकुगु दु।
स्वनिगलय् १५५२म्हेसित कोरोना सक्रमण
लहानान्युज | कौलाथ्व षष्ठी ११४०,कार्तिक ६ बिहीवाः
वःगु २४ घण्टाया दुने स्वनिगलय् थप १५५२ म्हेसित कोरोना संक्रमित खने दुगु दु।
स्वास्थ्य तथा जनसंख्या मन्त्रालयया कथं येँ जक १२८३ म्हेसित कोरोना सक्रमण पुष्टि जूगु दु।
अथेहे, यलय् १५७ म्हेसित व ख्वपय् ११२ म्हेसित कोरोना संक्रमण जूगु दु।
वःगु २४ घण्टाया दने १५२५५ म्हेसिगु पीसीआर परीक्षण याःगु खः।
लुँ तोलां निसः थहावन
शोभा श्रेष्ठ | कौलाथ्व षष्ठी ११४०,कार्तिक ६ बिहीवाः
लुँया भाः थौं तोलाय् निसः थहावःगु दु।
थौं लुँया भाः निसः थहावना तोलाया ९५ हजार ७ सय रुपैयाँ निर्धारण जूगु दु धका नेपाल सुनचाँदी व्यवसायी महासंघ धाःगु दु।
लुँया भाः थहावःसा वहःया भाः क्वहा वःगु दु। थौ वहः तोलाय् झीतका क्वहा वया १२३० रुपैयाँय् कारोबार जूगु दु धका महासंघ धाःगु दु।
