Display Style:
Column Style
संवैधानिक निकायया प्रमुखयात कोरोना संक्रमण पुष्टि
लहनान्युज | गुंलागा ८ ११४०,साउन २७ मंगलवाः
संवैधानिक निकायया प्रमुखयात कोरोना संक्रमण पुष्टि जूगु दु ।
सोमवाः इपिडिमियोलोजी तथा रोग नियन्त्रण महाशाखा (ईडीसीडी) नं याःगु सामूहिक परीक्षणय् झ्वलय् कोरोना संक्रमण खने द्ुगु धाःगु दु ।
राष्ट्रिय जनस्वास्थ्य प्रयोगशालाय् याःगु परीक्षणय् कोरोना संक्रमण खने दुगु खः ।
मेपिनिगु न स्वाब बिःगु दु तर उमिगु रिपोर्ट धाःसा वःगु मदुनि । थ्व हे आःतक दकलय् संक्रमण खने दुम्ह देय् या उच्च अधिकारी जूगु दु ।
बाँकेय् २६ म्हेसित कोरोना भाइरस संक्रमण पुष्टि
लहनान्युज | गुंलागा ८ ११४०,साउन २७ मंगलवाः
बाँकेय् थप २६ म्हेसित कोरोना भाइरस संक्रमण पुष्टि जूगु दु । भेरी अस्पतालया नेपालगन्जय् वःगु २४ घण्टाय् पीसीआर परीक्षणय् बाँकेय् २६ म्ह न्हुपि संक्रमितपि पिहावःगु खः ।
नेपालगन्ज मेडिकल कलेज व भेरी अस्पतालपाखे याःगु संकलन स्वाब परीक्षण याःगु इलय् बांकेय् २६म्हेसित कोरोना संक्रमण पुष्टि जूगु खः ।
स्वास्थ्य कार्यालय बांकेया नेपालगन्ज उपमहानगरया थीथी वडां १६ म्ह, कोहलपुरं न्याम्ह, जानकी गाउँपालिकां १ छम्ह, राप्ती सोनारी गाउँपालिकां छम्ह व बाँके जिल्लाय् थाय् खुले मजुपि स्वम्हेसित संक्रमण पुष्टि जूगु खः ।
थ्व नाप बाँकेय् कोरोना संक्रमितपि ६६३ म्ह थ्यःगु दु ।
जनकपुरधामय् कोरोना संक्रमण छम्ह मन्त
लहनान्युज | गुंलागा ८ ११४०,साउन २७ मंगलवाः
धनुषाया जनकपुरधामय् थप छम्ह कोरोना संक्रमितम्ह सीइगु दु ।
जनकपुरधाम प्रादेशिक अस्पतालय् आइसोलेसनय् वासः याका च्वंम्ह विदेह नगरपालिका वडा नम्बर ८ या ६०दँया मिजंम्ह सीइगु दु ।
उम्ह मनू वःगु चान्ह्य मदुगु खः । मदुम्ह क्षयरोग व निमोनिया ल्वय् दुम्ह खः ।
उम्हसिगु ट्राभल हिस्ट्री खुले जुइगु बाँकी दनि । वयागु लासया व्यवस्थापन तयारी जुया च्वंगु दु ।
थ्व नाप धनुषा जिल्लाय् कोरोना संक्रमणपाखे सीपिनिगु ल्याः स्वम्ह थ्यःगु दु । देय् यकं कोरोना संक्रमण सीपिनिगु ल्याः ८०म्ह थ्यःगु दु ।
सरकारया समर्थन वा विरोधमा ¥याली पिकायेगु निषेध यायेगु :उपत्यका नगरपालिका फोरम
नृपेन्द्रलाल श्रेष्ठ | गुंलागा ८ ११४०,साउन २७ मंगलवाः
उपत्यका नगरपालिका फोरमं उपत्यका दुवा वयेगु थाय् हे तसक कडाई यायेत सरकारयात माग तःगु दु ।
थौं येँ नगरपालिका फोरमया बैठकय् थःथे निर्णय याःगु खः । उपत्यका नगरपालिका फोरमं म्हिगः कोभिङ–१९ संकट व्यवस्थापन केन्द्र (सीसीएमसी)या संयोजक उपप्रधानमन्त्री तथा रक्षामन्त्री ईश्वर पोखरेल नाप लाना छगु सहलह यासे सुझाव थःथे सुझाव बिःगु खः । सोमवाः सीसीएमसीया बैठकय् न थुगु खँय् सहलह जूगु खः ।
‘स्वनिगलय् यक्को घनावस्ती युक्त थाय् दुगुलि कोरोना संक्रमण समुदाय स्तरय् थ्यनिगु खतरा दुगुलि स्वनिगः दुहा वयेगु थास अबैध रुपं व अनाधिकृत रुपं मनूत दुहा वयेगु थाय् पनेगु ज्या पुर्णतः नियन्त्रण याये माःगु धका नेपाल सरकारयात इनाप यायेगु निर्णय याःगु खः,’ बैठक लिपा पिथःगु विज्ञप्तिइ धया तःगु दु,’ ‘तेस्रो मूलुकपाखे वइपि यक्को मनू तयेगु लागि क्वारेन्टाइन व्यवस्थापन व सञ्चालन नियमावली कथं एकीकृत क्वारेन्टाइन संघीय सरकारं सञ्चालन यायेगु व स्थानीय तह नं व्यवस्थापनय् ग्वाहालि यायेत तयार दुगु धका संघीय सरकारयात माग याःगु खः ।’
अथेहे उगु बैठक स्वनिगलय् समूदाय स्तरमा कोभिड—१९ या संक्रमण जुइगु खतरायात ध्यानय् तया सरकारया समर्थन वा विरोधय् ¥याली, भेला, अनसन, जुलुुस लगायतया गतिविधिइ कडाइ यासे निषेध याये माःगु हुलमुल जुइगु साँस्कृतिक गतिविधि जात्रा पर्व सञ्चालनय् रोके यायेत इनाप याःगु दु ।
बैठकया लिपा निर्णय न्यकुसें मध्यपुर ठिमी नगरपालिकाया मेयर मदन सुन्दर श्रेष्ठं स्वनिगःदुने समुदायस्तरय् सङ्क्रमणया उच्च जोखिम खनेदुगुलिइ भिड कम यायेत अत्यावश्यक बाहेकया फुक्कं सेवा बन्द यायेगु निर्णय जुगु धयादिल । बैठकं सार्वजनिक यातायात पूर्णरुपय् सञ्चालन जुइधुक्काः सङ्क्रमण तीव्र गतिइ फैले जुगु धासें सार्वजनिक यातायात सञ्चालनय् भदौ १५ गतेतक हाकनं रोक तयेत सरकारयात इनाप यायेगु नं निर्णय यागु दु ।
अथेहे फोरमं सङ्क्रमण फैले जुइफइगु अवस्थायात बिचा याना सरकारया समर्थन वा विरोधय् याइगु ¥याली, भेला, अनसन, जुलुसलगायतया गतिविधि यायेत कडा याना निषेध यायेगु व भिड जुइगु साँस्कृतिक गतिविधि जात्रा पर्व सञ्चालनय् रोक तयेत सरकारयात इनाप यायेगु नं निर्णय यागु दु । अथेहे मास्क मतसें उखेथुखे यायेत व मास्कयात उपयुक्त रुपय् प्रयोग मयाइपिन्त कारबाही यायेगु खँय् नं समन्वय यायेगु निर्णय फोरमं यागु दु।
व्यापारिक क्षेत्र, सपिङ मल, होटल, रेस्टुरेन्ट लगायतय् कोरोना सङ्क्रमणया उच्च जोखिमयुक्त क्षेत्र जुगुलिइ उच्च सतर्कता मापदण्डयात कडा याना पालना यायेमागु व नियमित अनुगमन याना कारबाही यायेगु मेयर फोरमं धागु दु।
अनाधिकृत रुपय् स्वनिगः दुहाँवपिं निर्माण मजदुर, ठेलागाडा, साइकल, फुटपाथ, तरकारी व्यापार यायेत वपिं यक्व खनेदुगु धासें तरकारी व्यापारयात सनिलरसुथय् जक सञ्चालन याके
बिइगु व निर्माण ज्या, फुटपाथ, ठेलागाडा, साइकलमार्फत याइगु व्यापारयात भदौ १५ गतेतकया लागि निषेध यायेगु निर्णय नं बैठकं यागु दु ।
कोटेश्वरय् प्यम्ह कोरोना संक्रमण
लहनान्युज | गुंलागा ७ ११४०,साउन २६ सोमवाः
येँ महानगरपालिका–३२ कोटेश्वरया असर्फी त्वालय् थप प्यम्हेसित कोरोना संक्रमण पुष्टि जूगु दु ।
साउन १८ गते किराना पसः सञ्चालक प्यम्हेसित संक्रमण खने दुगुलि थप १४१ म्हेसिगु स्वाब संकलन याःगु दु ।
उकि मध्ये १३ म्हेसित संक्रमण खने दुगु धका रिपोर्ट आइतवाः वःगु खः ।
सोमवाः निम्ह मचा नाप प्यम्हेसित संक्रमण पुष्टि जूगु धका धाःगु दु ।
यक्को संक्रमित पिहावःगुलि वडा) थौ. सुथं निसे उगु थासय् सिल याःगु दु ।
