Display Style:
Column Style
कोरोना संक्रमण ७६ जिल्लाय् थ्यन
लहनान्युज | दिल्लाथ्व पारु ११४०,असार ८ सोमवाः
वःगु २४ घण्टाय् दुने थप ५३५म्ह कोरोना भाइरस (कोभिड–१९) या संक्रमण पुष्टि जूगु दु ।
थ्व नाप संक्रमितपि ९५०म्ह थ्यःगु दु । स्वास्थ्य तथा जनसंख्या मन्त्रालयया कथं रसुवा बाहेक दक्को जिल्लामा कोरोना संक्रमण खने दुगु दु । वःगु लिपागु पटक ओखलढुंगाय् छम्हेसित कोरोना संक्रमण पुष्टि जूगु दु ।
मन्त्रालयया बिगु कथं थौं दकलय् अप्वो पाल्पाय् ९०म्ह कोरोना संक्रमित जूगु दु । अथेहे, कैलालीइ ५८म्ह, गुल्मीइ ५५म्ह, सर्लाहीइ ४७म्ह, रौतहटय् ३४म्ह, स्याङ्जाय् ३३म्ह, प्युठानय् ३०म्ह, सिराहाय् २३म्ेह, नवलपुरय् १६म्ह, डडेलधुरा व सप्तरीइ १५÷१५ म्ह, बैतडीइ १४म्ह, दाङय् १३म्ह, मोरङ व रुपन्देहीइ १२ व १२म्ह, तनहुँइ ११म्ह व धनुषाय् झीम्हेसित संक्रमण पुष्टि जूगु दु ।
अर्घाखाँचीइ ९ म्ह, नवलपुरय् ८म्ह, डोटीइ ७म्ह, नवलपरासी व चितवनय् ५ व ५म्ह, झापाय् ३म्ह, अछाम व सिन्धुपाल्चोकय् निम्ह निम्ह, महोत्तरी, गुल्मी, जाजरकोट व ओखलढुंगाय् छम्ह छम्हेसित कोरोना संक्रमण पुष्टि जूगु दु ।
थ्व नाप संक्रमितपि ९५६१म्ह थ्यःगु दु । उकि मध्ये २३म्ह सीगु दु । अथहे, २१४२म्ह डिस्चार्ज जुइ धुकुगु दु ।
कोरोना संक्रमण पुष्टि जूम्ह क्वारेन्टिनं बिस्यू वन
लहनान्युज | दिल्लाथ्व पारु ११४०,असार ८ सोमवाः
सप्तरीइ कोरोना संक्रमण पुष्टि जुइवं छम्ह मनू क्वारेन्टिनं बिस्यू वःगु दु ।
हनुमाननगर कंकालनी नगरपालिका वडा नम्बर १ भारदहया वीपी माविया क्वारेन्टिनय् च्वम्ह २४दँ दुम्ह छम्ह ल्याय् म्ह क्वारेन्टिनं बिस्यू वःगु दु ।
वयागु पीसीआर परीक्षणया रिपोर्ट थौं सोमवाः वःगु खः ।
रिपोर्ट पोजेटिभ वःगुलि वयात बिस्कं कोठाय् तःगु खः । वयात बिस्कं कोठाय् तःगु सिइवः क्वारेन्टिनं बिस्यू वःगु खः ।
सर्लाही छेँय् दुम्ह उम्ह मनू सप्तरी हे च्वना वया च्वंगु खः । छु ई न्ह्यः जक भारतं लिहा वया क्वारेन्टिनय् च्वना वयाच्वंगु खः ।
कोरोना संक्रमण पुष्टि जूम्ह क्वारेन्टिनं बिस्यू वन
थौं लुँ तोलया भाः ९१ द्धः थ्यन
लहनान्युज | दिल्लाथ्व पारु ११४०,असार ८ सोमवाः
नेपाःया बजारय् थौं लुँ छगु तोलया भाः ९१ द्धः थ्यःगु दु थ्यःगु दु ।
सोमवाः लागि क्वःछिगु लुँया भाः नेपालय् हे आःतक दकलय् अप्व जुगु नेपाल सुनचाँदी व्यवसायी महासंघं धाःगु दु ।
महासंघं थौं सोमवाःया लागि छापावाल लुँ छगु तोलाया भाः ९१ द्धः व तेजावीया लागि ९० द्धः व ५६५ तका क्वःछिगु दु ।
आइतवाः छापावाल लुँया भाः ९० द्धः खुसः व तेजावी लुँया ९० द्धः व स्वसः न कारोबार जूगु खः ।
थप ५३५म्ह कोरोना संक्रमण पुष्टि
लहनान्युज | दिल्लाथ्व पारु ११४०, असार ८ गते
थौं नेपालय् २४ घण्टाया दुने थप ५३५म्ह कोरोना भाइरस (कोभिड(१९) या संक्रमण पुष्टि जूगु दु ।
थ्व नाप संक्रमितपिनिगु ल्याः ९५६१म्ह थ्यःगु दु ।
स्वास्थ्य तथा जनसंख्या मन्त्रालयया कथं आः रसुवा बाहेक दक्को जिल्लाय् कोरोना संक्रमण खने दुगु दु ।
रामेछापय् १३म्ह कोरोना सङ्क्रमितपि डिस्चार्ज जुल
लहनान्युज | तछलागा आमै ११४०,असार ७ आइतवाः
रामेछापय् १३म्ह कोरोना सङ्क्रमित उपचार लिपा छेँय् लिहा वःगु दु ।
रामेछापया गोकुलगङ्गा गाउँपालिकाया ११म्ह व लिखु गाउँपालिकाया निम्ह याना झींस्वम्ह कोरोनामुक्त जूया छेँय् लिहा वःगु दु ।
उपि दक्को भारतं लिहा वया क्वारेण्टीनय् च्वंगु इलय् कोरोना सङ्क्रमण पुष्टि जूगु धका धाःगु खः ।
कोरोना पोजिटिभ लिच्वः लिपा इमित जिल्ला अस्पताल रामेछापतया आइसोलेशन कक्षय् तया उपचार याना वया च्वंगु खः ।
रामेछापय् आइतवाः तक कोरोना पुष्टि जूपि २३म्ह थ्यःगु दु ।
