प्रेस चौतारी नेपालं पत्रकार महासंघया चुनाव असोज ५ गते हे यायेमाः धका धाःगु दु।

प्रेस चौतारीया महासचिव हिरामान लामां छगु विज्ञप्ति पिकया निर्वाचनया ई न्ह्यने वयेगु इलय् महासंघया अध्यक्ष विपुल पोखरेलं राजीनामा बिइवं विकसित जूगु घटनायात कया ध्यानाकर्षण जूगु दु धका धयातःगु दु।

विज्ञप्तिइ धयातःगु दु, ‘छु न घटनाय् प्रभावित मजूसे क्वछिना तये धुकुगु थ्व हे वइगु असोज ५ गते निर्वाचन क्वचायेकेगु कथं कार्यतालिका प्रकाशन लगायत माःगु दक्को प्रक्रिया न्ह्याका यकेत सम्बद्ध सकल पक्षयात प्रेस चौतारी नेपालं इनाप यानाच्वना।’

पत्रकार महासंघं थ्व स्वया न्ह्यः न तकः मछि ई थये याना न असफल जूया म्हिगः अध्यक्ष पोखरेलं राजीनामा बिउगु खः।

प्रधानमन्त्री केपी शर्मा ओलीं थ्व हे वइगु भदौ २८ गते जुइगु नेपाल इञ्जिनियर्स एशोसिएसनया ३४ क्वःगु निर्वाचनया निति प्रगतिशील इञ्जिनियर्स एशोसिएसनया उम्मेदवारतय्त भिंतुना देछाउगु दु।

इ.प्रा डा विष्णुुप्रसाद पाण्डे समूहया उम्मेदवार घोषणा ज्याझ्वलय् नुँगः तयेगु झ्वलय् प्रधानमन्त्री ओलीं योग्य व सक्षम समूह जूगुलि थुगु पुचलं याउक त्याकिइ धका भलसा कयादीगु दु। प्रधानमन्त्री ओलीं निर्वाचनय् त्याका देय् दयकेगु अभियानय् अझ सक्रिय जुया वनेथ इनाप यानादीगु खः।“

थुगु समूह चुनावय् दनिइगु निति जक दनेत्यःगु खने मदु। थुगु क्षेत्रयात ऊर्जाशील दयका राष्ट्र निर्माण यायेगु निति सक्षम समूह खनेदु। छिकपिन्स चुनाव त्याके धुका लिपा विस्तारं खँ ल्हाय्।’’

सार्क जर्नालिष्ट फोरमया अन्तराष्ट्रिय अध्यक्ष राजु लामां संयुक्त राष्ट्रसंघया ७९ क्वःगु महासभाय् सार्क राष्ट्रया पत्रकारतयेगु प्रतिनिधित्व यासे ब्बति काइगु जुगु दु।

महासभा थ्व हे वइगु सेप्टेम्बर १० तारिकनिसे राष्ट्रसंघया मुख्यालय न्यूयोर्कय् जुइ त्यःगु खः।अध्यक्ष लामां संयुक्त राष्ट्रसंघ मुख्यालय न्यूयोर्कय् सेप्टेम्बर २० व २१ तारिकय् जुइगु उगु ज्याझ्वलय् जुइगु उगु महासभाय् ब्बति कायेगु निति दक्षिण एशियाली पत्रकारतयेगु अवस्था, उमिगु समस्या, मानवा अधिकार व शान्ति स्थापनाय् उमिस म्हिता च्वंगु भूमिकाय् खँ तयेगु निति ब्बति काइगु जुगु दु।

लामां इगु इलय् ‘साईडलाईन मिटिङ्ग’ य् सक्रियता पूर्वक ब्बतिकासे सहलह यायेगु नाप सार्क देशय् पत्रकार तय्स थः थःगु राष्ट्रय् शान्ति स्थापना यायेगु, लोकतन्त्रया रक्षा यासे मानवअधिकारया संरक्षणया निति सार्क जर्नालिष्ट फोरमं याना वयाच्वंगु भूमिकाया बारय् जानकारी याइगु जुगु दु।

उगु महासभाय् जुइगु बैठकय् संयुक्त राष्ट्रसंघया महासचिव एन्टिोनिओ गुटरेशं सम्बोधन यायगु जुगु दु। सार्क जर्नालिष्ट फोरम दक्षिण एशियाली पत्रकार तयेगु अधिकार रक्षाया लागि स्थापना जूगु संस्था खः।

राष्ट्रपति रामचन्द्र पौडेलं न्हुम्ह प्रधानसेनापति महारथी अशोकराज सिग्देलयात दज्र्यानी चिं लःल्हाःगु दु।

थौ सोमवाः राष्ट्रपति भवन शीतल निवासय् छगु ज्याझ्वः दथुइ उगु दज्र्यानी चिं लःल्हागु खः।उगु ज्याझ्वलय् राष्ट्रपति पौडेलं सिग्देलयात प्रधानसेनापति पद व गोपनीयताया शपथ ग्रहण याकूगु खः।

राष्ट्रपति पौडेल नेपाली सेनाया परमाधिपति जुइगु व्यवस्था दु। सिग्देलयार्त राष्ट्रपति पौडेलं भदौ १२ गते हे प्रधानसेनापति पदय् थौनिसे लागु जुइगु कथं नियुक्त याउगु खः।