लुँया भाः थौ तोलां १ हजार ७ सय तका थहावंगु दु। लुँ तोलां १ हजार ७ सय तका थहावना थौ १ लाख ९१ हजार ६ सय तका न कारोबार जुयाच्वंगु दु धका नेपाल सुनचाँदी व्यवसायी महासङ्घं धाःगु दु।

अथेहे वहःया धाःसा थौ स्थिर जुगु दु।म्हिगः थे वहःया भाः १ हजार ९ सय ६५ तका हे कायम जूगुु दु धका महासङ्घं धाःगु दु।

प्रधानमन्त्री केपी शर्मा ओलीं राष्ट्रिय पत्रकारिता दिवसया लसताय् सकल सञ्चारकःमि तय्त भिंतुना देछानादीगु दु।

सामाजिक सञ्जालपाखें वय्कलं पत्रकार व पत्रकारितानाप स्वापू दुपिं सकसितं भिंतुना देछानादीगु खः। सपूm धुकूस गोरखापत्र ब्वनाच्वंगु थःगु किपा ‘फेसबुक’य् ‘पोष्ट’ यानादिसें प्रधानमन्त्री ओलीं ‘थौं गोरखापत्र पलिस्था दिवस। विक्रम संवत् १९५८ वैशाख २४ गते गोरखापत्र नीस्वंगु खः।

थौंया दिंयात झीसं राष्ट्रिय पत्रकारिता दिवसया कथं हना च्वनागु दु। सकल पत्रकार व पत्रकारितानाप स्वापू दूपिंत दूनुगलं निसें भिंतुना”, च्वयादीगु दु।

थौं थीथी ज्याझ्वः यानाः ‘१० क्वःगु राष्ट्रिय पत्रकारिता दिवस’ न्यायेकाच्वंगु दु। गोरखापत्र प्रकाशन जूगु दिं लाका वैशाख २४गते, थौंया न्हियात राष्ट्रिय पत्रकारिता दिवस न्यायेकेगु याःगु खः।

सरकारं २०७३ सालय् पत्रकारिता दिवस राष्ट्रिय कथं हे न्यायेकेगु मान्यता बिइधुंकाः थ्व दिवस वैशाख २४ गते न्यायेकेगु याना हःगु खः। विसं १९५८ वैशाख २४ गतेनिसें वाःपौया कथं गोरखापत्र प्रकाशन न्ह्यागु खः। सञ्चार लिसें सुचं प्रविधि मन्त्रालयया सहसचिव नापं प्रवक्ता गजेन्द्रकुमार ठाकुरं झिक्वःगु पत्रकारिता दिवसं पत्रकारिता ख्यःयात हःपाः बिइगु व जिम्मेवार पत्रकारिताया विकासया नापनापं न्हूगु पुस्तायात हःपाः बिइगु विश्वास प्वंकादिल। वय्कलं राज्यया प्यंगूगु ब्वःया कथं दयाच्वंगु पत्रकारिता ख्यःया विकास प्रवद्र्धन व थुकि लगेजुया च्वंपिंत हःपाः बिइत पत्रकारिता ख्यलय् योगदान याःपिं विशिष्ट व्यक्तित्वपिंत राज्यं हनाच्वनागु धयादिल।

‘विश्वसनीय सुचनाया अधिकार जवाफदेही पत्रकारिता व सुरक्षित पत्रकार’ धइगु मू नारा ज्वनाः पत्रकारिता दिवस न्यायेका च्वंगु दु। पत्रकारिता दिवसया लसताय् देय् न्यंकं थीथी ज्याझ्वः जुइत्यंगु दु। सञ्चार लिसें सुचं प्रविधि मन्त्रालयया ग्वसालय् थौं न्हिनसिया १ ताः इलय् राष्ट्रपति भवन शीतल निवासय् विशेष समारोह ग्वसाः ग्वया तःगु दु। उगु ज्याझ्वलय् राष्ट्रपति रामचन्द्र पौडेलं पत्रकारिता ख्यलय् विशिष्ट योगदान बियादीपिं ब्यक्तित्वपिंत सिरपानापं हनेगु ज्याझ्वः दु।

थौं हे गोरखापत्र संस्थानं ‘गोरखापत्र’ प्रकाशनया १२५ क्वःगु दँय् थ्यंगु नापं संस्थानया ६३ क्वःगु वार्षिकोत्सवया लसताय् राष्ट्रियसभा गृहस प्रधानमन्त्री केपी शर्मा ओलीया मू पाहांसुइ ज्याझ्वः ग्वसाः ग्वया तःगु दु।

नेकपा माओवादी केन्द्रया अध्यक्ष पुष्पकमल दाहाल प्रचण्ड चःबि दया घाःपाः जुगु दु।

वंगु चान्ह्यः चःबि दगू खः। स्रोतं ब्यूगु जानकारी कथं वयकःया छ्यनय् घाः जुगु दु। चान्ह्यः हे उपचारया निति मेडिसिटी अस्पताल यकूगु खः।

अस्पतालय् सामान्य उपचार लिपा छेँय् लिहावःगु दु।

वामपन्थी नेता प्रदीप नेपाल मन्त। वयकः ७१ दँय् म्हिगः न्हिनय् नर्भिक अस्पतालय् मदुगु खः।

वयकः पार्किन्सन ल्वचं पीडित जुयाच्वंम्ह खः। लिपागु इलय् राजनीति ख्यःपाखे तापाक्क च्वना च्वम्ह खः।

पूर्व शिक्षामन्त्री, सञ्चार, सूचना लिसे प्रविधिमन्त्री जुयादीम्ह नेकपा एमालेया पूर्व स्थायी कमिटी सदस्य न जुयादी।