सेयर बजारय् थौ आइतवाः शेयरया भाः तसक कुहावःगु दु। नेप्से परिसूचक ७९.८८ ल्याखं कुहावया २८९४ ल्याखय् थ्यःगु दु।

अथेहे थौ १९ अर्ब ७४ करोड तकाया कारोबार जूगु दु। ६० गु कम्पनीया भाः थहावःगु दु सा १८४ गु कम्पनीया भाः कुहावःगु दु। अथेहे माइक्रोफाइनान्स बाहेकया दक्को समूहगत सूचक कुहावःगु दु। माइक्रोफाइनान्स धाःसा १.०८ प्रतिशत थहावःगु दु।

बैंकिङ ३.३१, विकास बैंक २.४४, फाइनान्स ३.५०, होटल नाप पर्यटन २.३८, हाइड्रोपावर ३.०४, लगानी ३.८३, जीवन बीमा २.५०, उत्पादन १.९८, निर्जीवन बीमा २.३२, मेमेगु ३.५५ व व्यापार समूह १.७६ प्रतिशतं कुहावःगु दु। समग्र बजाः कुहावःसा स्वंगु लघुवित्त कम्पनीया भाः १० प्रतिशतं थहावंगु दु। विन नेपाल, उपकार, आत्मनिर्भर लघुवित्तया भाः १० प्रतिशतं कुहावःगु दु।

थ्रीस्टार हाइड्रोपावरया ९.९, धौलागिरि लघुवित्तया ८.१, गुराँस लघुवित्तया ७.२, कर्पोरेट डेभलपमेन्ट बैंकया ६.९, सप्तकोशी विकास बैंकया ६.९ व समाज लघुवित्तया भाः ६.८ प्रतिशतं थहावंगु दु। मन्दाकिनी हाइड्रोपावरया भाः दकलय् अप्पो ९.९ प्रतिशत कुहवःगु दु सा कुथेली बुकरी स्मल हाइड्रोपावरया ७.९, मेन्छियाम हाइड्रोपावरयो ७, सेन्ट्रल फाइनान्सया ७, साइन रेसुङ्गा विकास बैंकया ६.७ प्रतिशतं कुहावःगु दु।

कारोबार जूगुलि अपी पावर, हिमालयन रिइन्स्योरेन्स, साइन रेसुङ्गा विकास बैंक, अरुणभ्याली हाइड्रोपावर व शिवम् सिमेन्ट न्ह्यने लागु दु।

येँ महानगरया प्रहरीं लँ सिथय् चिया मियाच्वम्ह छम्ह मनूयात लछारपछार याःगु भिडियो सार्वजनिक जूगु दु। उगु भिडियो सामाजिक सन्जालय् भाइरल जूगु दु।

उगु भिडियाय् बागु दर्जन स्वया अप्पो नगर प्रहरीपि मिले जूया छम्ह मनूयात जबरजस्ती भ्यानय् कोचे यायेत स्वंगु खनेदु। उम्ह मनूखं ‘ऐया ! ऐया !!’ धया हागु सः ताय् दु।

सामाजिक सन्जाल प्रयोगकतातय्स उगु भिडियो बाँसबारीइ गंगालाल मुटु रोग अस्पताल न्ह्यने सतकय् नगर प्रहरीं छम्ह मनूयात चिया मियाच्वम्हेसि लछारपछार याउगु खः। थौकन्ह्यः सतक व बजार व्यवस्थित यायेगु धका येँ महानगरपालिकाया नगर प्रहरीतय्से फुटपाथय् च्वना व्यापार यानाच्वपिन्त अमानवीय व्यवहार यायेगु थ्व स्वया न्ह्यन न यक्को घटना सार्वजनिक जुयाच्वंगु दु।

थव्यागु हे घटना साइकलय् अँ मियाच्वम्ह मधेशी मूलया मनू, लँ सिथय् कःनिइ मियाच्वम्ह मिसा, थापाथलीइ चिया मिया च्वम्ह मिसायात अमानवीय ढंगं लुटय् याना यकूगु भिडियो न सार्वजनिक जुइ धुकुगु दु।

थुगु घटनालिपा नगर प्रमुख बालेन साहविरुद्ध विरोध प्रदर्शन तक यायेगु ज्या जुगु दु।

बोडेय् सायाःया कन्ह्यः कुन्हुनिसे न्ह्याइ नीलबाराही प्याखँ म्हिगः शनिवाःनिसे क्वचाःगु दु।

नीलबाराही प्याखँ बोडेया नारायणस्थान लाछीपाखे न्ह्यागु खःसा लायकु छें, विष्णु घाट, महालक्ष्मी थान, भाँगुटोल, खोंसी त्वाः, नीलबाराही जूया  नारायणथानय् क्वचाइगु याइ। नीलबाराही प्याखँ बोडेय् गुंलागा द्धितीयानिसे न्ह्याइगु खःसा गुंलागा पञ्चमीयाना प्यन्हु तक न्ह्याइ।

थुगु प्याखँनय् भैरव छम्ह, बाराही प्यम्ह, कुमारी प्यम्ह, सिंहिनी प्यम्ह, द्वारपाल निम्ह व गणेद्यः प्यम्ह याना १९ म्ह द्यःपि दइ।

थिमिइ शुक्रवाः चःछियक भैरव प्याखँ क्यने ज्या जुगु दु। भैरव जात्राय् त्वालय् च्वपिन्त भ्वँय् नकाः प्याखँ क्यनेगु चलन दु।

शुक्रवाः चान्ह्यःनिसे सुरू जुगु भैरव प्याखँ मंगलवाः चान्ह्यः तक क्यनिइगु याइ। चपाचो पिहावइगु उगु प्याखँ बालकुमारी द्यःया थाय् चाःहिला उगु हे थासय् प्याखँ हूलेगु याइ।

मल्लकालीन वंशावलीइ उल्लेख याना तःगु दु।

प्रधानमन्त्री केपी शर्मा ओलीं नेपाली समाज मर्यादित समाज जुगुलि थन अश्लिलता व सामाजिक घृणा फैलै यायेगु सम्भव मदु धका धयादीगु दु।

नेकपा (एमाले) झापा– येँ सम्पर्क मञ्चं तीजया लसताय् जुगु विशेष ज्याझ्वलय् प्रधानमन्त्री ओलीं नेपाल बिस्क कला, संस्कृति व सभ्यताया देय् जुगुलि थन अश्लिलता फैलै याये मज्यु धका धयादीगु दु। “जिमिसं थःव मेपिन्त घृणा फैलै यायेगु मखु, परस्पर मतिना यायेमाः। देश, समाज, परिवार व थम्हेसित तु मतिना यायेमाः। मनिता याये वलय् न्ह्यः व थाके जुगु ल्वमनिइ।

तहँकेहँ व दाजु किजा दथुइ तीजं मतिना थकाइ। थज्यागु नखः न नेपाली समाजयात छप्प छधिइ यायेगु ज्या जुइ।’’ कोशी प्रदेशया मुख्यमन्त्री हिक्मत कार्की, भौतिक पूर्वाधार लिसे यातायातमन्त्री देवेन्द्र दाहाल, एमाले केन्द्रीय सदस्य इन्द्र भण्डारीपिनिगु न उगु ज्याझ्वलय् ब्बति दुगु खः।

मञ्चया उपाध्यक्ष पुुष्पा अधिकारीया सभाध्यक्षताय् जुगु उगु ज्याझ्वलय् मिसा आन्दोलनय् योगदानकर्ता पृथ्वीशोभा मैनालीयात हने ज्या जुगु खः।