Display Style:
Column Style
बांगेमुढाय् हिदान ज्याझ्वः जुल
लहनान्युज | तछलाथ्व त्रयोदशी ११४०,जेठ २२ बिहीवाः
लकडाउन जुया च्वंगु यलय् न येँया बांगेमुढाय् नारायण मन्दिर टोल सुधार समाजया ग्वसालय् हिदान ज्याझ्वः जूगु दु ।
थौं कन्ह्य लकडाउनया इलय् ल्वगिपिन्त हिं या अभाव मजुइमा धैगु उदेश्य हिदान ज्याझ्वः जूगु खः ।
उगु ज्याझ्वः ब्लड डोनर्स एशोसिएसन नेपाल (ब्लोदान)या ग्वाहालिं जूगु खः । उगु हिदान ज्याझ्वलय् ब्लोडानया केन्द्रीय नायः सानुबाबु प्रजापतिया विशेष उपस्थिति दूगु खः ।
उगु हिदान ज्याझ्वलय् ब्लोडानया दांभरी मचाकाजी महर्जन, केन्द्रीय दुजःलिसें येँ महानगरपालिका २४ वडाया वडा दुजः विनोद तुलाधर, पुरुषोत्तम खत्रीलिसे ब्लोडानया सल्लाहकार राजेन्द्र श्रेष्ठपिनिगु उपस्थिति दूगु खः । नेपाल रेडक्रस सोसाइटी २५ वडा, येँ मनपा २५ वडाया वडा दुजः राजेश लिसें बुद्धिजीवि व स्थानीय बासिन्दापिनिगु नं उपस्थिति दूगु खः ।
गण्डकी प्रदेशय् १६म्ह कोरोना सङ्क्रमित थपे जुल
लहनान्युज | तछलाथ्व त्रयोदशी ११४०,जेठ २२ बिहीवाः
गण्डकी प्रदेशय् १६ म्ह कोरोना सङ्क्रमित थपे जुगु दु ।
पोखरा स्वास्थ्य विज्ञान प्रतिष्ठनय् याःगु परीक्षणय् थप १६ म्ह सङ्क्रमण पुष्टि जुगु धका प्रदेश स्वास्थ्य निर्देशनालयं धाःगु दु ।
न्हुपि थपे जुपि स्याङ्जाया कालिगण्डकी गाउँपालिका छेँय् दुपि गाउँपालिकाया हे क्वरेन्टीनय् च्वना च्वपि १६ म्ह कोरोना सङ्क्रमित थपे जुगु खः ।
कञ्चनपुरय् छम्ह स्वास्थ्यकःमियात कोरोना पुष्टि
लहनान्युज | तछलाथ्व त्रयोदशी ११४०,जेठ २२ बिहीवाः
कञ्चनपुरय् छम्ह स्वास्थ्यकःमियात न कोरोना संक्रमण पुष्टि जुगु दु ।
उम्ह कञ्चनपुरयाम्ह स्वास्थ्यकःमि भारतं वःपि नेपाली तयेत स्वास्थ्य परीक्षण यायेगु लागि कञ्चनपुरया गौरिफन्टा नाकाय् खटे जुया च्वम्हेसित संक्रमण खने दुगु खः ।
संक्रमण पुष्टि जुगुलि वयात सेती प्रादेशिक अस्पतालया आइसोलेसनय् तया तःगु दु । वयाःगु स्वास्थ्य सामान्य जुगु व कोरोना संक्रमणया छु न लक्षण खने मदुगु धका धाःगु दु ।
उम्ह स्वास्थ्यकःमि स्वगू तहया सरकार दथुइ ज्या यायेगु तालमेल मिले मजुया व विश्व स्वास्थ्य संगठनया मापदण्ड विपरीत ज्या याये माला स्वास्थ्यकःमिपिं जोखिम दुगु धका धाःगु दु ।
पीपीई लगायतया सुरक्षा सामग्री अभावं ज्या याये माःगु स्वास्थ्यकःमिपिं जोखिम दुगु खँ न्ह्य थःनादिगु खः ।
चिकित्सकपिनिगु आन्दोलन ५ बुँदे सम्झौतां स्थगित
लहनान्युज | तछलाथ्व त्रयोदशी ११४०,जेठ २२ बिहीवाः
स्वास्थ्य तथा जनसंख्या मन्त्रालय व आन्दोलनर याना च्वपि चिकित्सक दथुइ ५ बुँदे सम्झौता जुगु दु ।
छवाःनिसे न्ह्याना च्वःगु चिकित्सक तथा स्वास्थ्यकःमिपिनिगु आन्दोलन स्थगित जुगु दु ।
वःगु जेठ १४ गतेय् येँया जोरपाटीइ नेपाल मेडिकल कलेज शिक्षण अस्पतालय् विरामीया थःथीति ड्युटी याना च्वम्ह चिकित्सकयात हातपात तथा दुर्व्यवहार याःगुलि चिकित्सकपिन्स आन्दोलन याना वयाच्वंगु खः । उमिगु आन्दोलनयात देय् यकंया चिकित्सकपिन्स समर्थन याःगु खः ।
बुधवाः चान्ह्यः स्वास्थ्य तथा जनसंख्या मन्त्रालयय् नेपाल मेडिकल काउन्सिलया प्रतिनिधिया रोहबरय् आन्दोलनर याना वयाच्वपि चिकित्सकया प्रतिनिधि व स्वास्थ्य मन्त्रालयया प्रतिनिधि दथुइ ५ बुँदे सम्झौता जुगु दु ।
उगु सम्झौताय् ड्युटीइ खटे जुम्ह चिकित्सक तयेत हातपात यापिनिगु छानविन याना स्वन्हुया दुने कारवाहीया दायराय् हयेगु, सीसीटीभी फुटेज गायव याम्हेसित न स्वन्हुया दुने कारवाहीया दायराय् हयेगु सहमति जुगु दु ।
कोरोनाया संक्रमण सीपि गुम्ह थ्यःन
लहनान्युज | तछलाथ्व एकादशी ११४०,जेठ २१ मंगलवाः
कोरोना संक्रमणं थौं छम्ह सीगु दु ।
थ्व नाप नेपालय् कोरोना भाइरस (कोभिड–१९)या संक्रमण सीपिनिगु ल्याः गुम्ह थ्यःगु दु ।
थौं संक्रमणम्ह दोलखा् च्वम्ह ७६ दँया मिजंम्ह जुगु दु ।
