Display Style:
Column Style
स्वन्ति नखः स्वन्हुयंकं हनेत इनाप
नृपेन्द्रलाल श्रेष्ठ | कौलागा सप्तमी ११३९ (अक्टुवर २० २०१९)
नेपाल संवत् न्हूदँ राष्ट्रिय समारोह समिति ११४० या ग्वसालय् थौं छगु पत्रकार सम्मेलन यासें स्वन्ति नखः स्वन्हुयंकं हनेत इनाप याःगु दु ।
समितिया नायः रमेश महर्जनं उगु पत्रकार सम्मेलनय् समारोह समितिं वाङमय शताब्दी पुरुष सत्यमोहन जोशीलिसे नाप विज्ञ, विद्वानपिंनाप सहलह याना थुगु दँय् लक्ष्मीपूजा, नेपाल संवत् ११४० न्हूदँ व म्हपूजा लिसें किजापूजा छसि कथं हनेत इनाप याःगु दु ।
लक्ष्मी पूजा यायेगु दिं ने.सं. ११३९ कौलागा अमाई कार्तिक ११ गते ।
नेपाल संवत न्हूदँ व म्हपूजा ने.सं. ११४० कछलाथ्व पारु कार्तिक १२ गते ।
किजापूजा ने.सं. ११४० कछलाथ्व द्वितीया कार्तिक १३ गते ।
प्रेस बक्तब्य
हनेबहःपिं सञ्चारकःमि पासापिं !
नेपाःया राष्ट्रिय विभूति शंखधर साख्वालं देय्या नामं नीस्वंगु नेपाल संवत् ११४० न्हूदँया लसताय् दकलय् न्हापां सकसितं भिंतुना देछाना । नेपाः देय्या नामं नीस्वनातःगु नेपाल संवत्या
ऐतिहासिक महत्व नेपाःया निंतिं छगू तःधंगु म्हसीका नेपाल संवत् खः । दँय्दसं थें थुगुसी नं नेपाल संवत्या न्हूदँ तःजिक हनेगु निंतिं नेपाल संवत् न्हूदँ राष्ट्रिय समारोह समिति ११४० भाजु रमेश महर्जनया नेतृत्वय् नीस्वनेज्या जुइधुंकूगु दु । लिसें न्हूदँ तःजिक हनेगु निंतिं ७४ म्ह दुजः दुगु समारोह समिति गठन यानाः ४० सदस्यीय सचिवालय समिति नीस्वनेगु ज्या जूगु दु ।
थ्व हे वइगु ११४० कछलाथ्वः पारु (कार्तिक १२ गते) मंगलबाः बसन्तपुरं न्ह्याइगु भिंतुना ¥याली व्यवस्थितरुपं न्ह्याकेगु निंतिं व माःकथंया तयारीया निंतिं व्यवस्थापन समिति, आर्थिक समिति, सञ्चार समिति, सांस्कृतिक समिति, ¥याली व्यवस्थापन समिति, नेपाल संवत् न्हिल्याः पौ समिति, प्रतिनिधि मण्डल समिति, न्हूदँ लुमन्तिपौ समिति, मिसा समिति, देसय् दुने व पिने जुइगु न्हूदँ ज्याझ्वःया गतिविधि मुना समिति, माइक मञ्च व्यवस्थापन समिति नीस्वनेगु ज्या जुइधुंकूगु दुसा थुगु समितितपाखें थीथी ज्याझ्वः न्ह्याके धुंकूगु दु ।
नेपाल संवत्या प्रवर्तक शंखधर साख्वालं ११४० दँ न्ह्यो नेपाःमि जनताया ऋण मोचन यानाः निस्वना थकुगु थुगु संवत् हलिमय् हे देय्या नामं पलिस्था जुयाच्वंगु छगु हे जक सम्वत् कथं दुगु खँ स्यूगु हे जुल । नेपाल सरकारं ने.सं. ११२९य् थुगु संवत्यात राष्ट्रिय सम्वत्या औपचारिक मान्यता बिसें घोषणा यायेधुंकुगु जुल ।
थुगु दँय् पञ्चांग समितिं सार्वजनिक याःगु तिथि मितिया लिधंसाय् पिदंगु छुं छुं पात्रोय् न्ह्यथनातःगु तिथिमितिं नेपाःमि दत्थुइ भ्रम ब्वलंगु खँय् थुगु समारोह समितिया ध्यानाकर्षण जूगु दु । पञ्चांग समितिया विज्ञतायात कयाः थुगु समारोह समितिया छुं धायेगु मदु । तर पञ्चांग समितिं तिथि कथं हनावयाच्वंगु थीथी जात्राय् ब्यवहारिकता व जनमानसय् सलंस दँ न्ह्योनिसेंया जनपरम्परायात हनाबना तयेगु यानावयाच्वं थें नेपाल संबत् न्हूदँ हनिगु तिथि कछलाथ्व पारुइ किजापुजा धकाः न्ह्यथनातःगुलिइ नेवाःतय्ुसं म्हपुजा नं न्यायेकी धकाः न्ह्यथनाः म्हपुजा याइपिसं कन्हय् द्वितियाखुन्हु किजापुजा न्यायेके फइगु कथं न्ह्यथनाब्यूगु जूसा पञ्चांग समितिया हे गरिमाय् थपु जुइगु जुइ ।
थुगु समारोह समितिं थुगु खँय् हनेबहम्ह बाङमय शताब्दी पुरुष सत्यमोहन जोशीज्यु लिसे मेपिं हनेबहपिं बिज्ञ विद्वान भाजु मय्जुपिं नाप सहलह ब्याकाः थुगु दँय् लक्ष्मि पुजा, नेपाल संबत् ११४० न्हूदँ म्ह पुजा व किजापुजा क्वय् न्ह्यथना कथं हनेत सकलसित इनाप यानागु जुल ।
लक्ष्मिपुजा ने.सं. ११३९ कौलागा आमै कार्तिक ११ गते
नेपाल संबत् न्हूदँ व म्हपुजा ने.सं. ११४० कछलाथ्व पारु कार्तिक १२ गते
किजापुजा ने.सं. ११४० कछलाथ्व द्वितिया कार्तिक १३ गते
नेवाःतय्सं पारुया न्हिखुन्हु नेपाल संबत् न्हूदँ हनेगु नापं म्हपुजा याइ व द्वितियाखुन्हु किजापुजा याइगु सँस्कृति व परम्परा दयावयाच्वंगु दु । नेपाःमि दत्थुइ एकता अझ अप्व क्वातुकेमाःगु थौंया इलय् समुदायतय्गु दत्थुइ बिभाजन मवयेमा धैगु खँय् सचेत जुइगु झी सकलसियागु कर्तव्य व दायित्व खः ।
नेपाल संबत् न्हूदँया लसताय् थुगुसी नं थीथी ज्याझ्वःत स्वस्फुर्त थीथी संघसंस्था, राजनीतिक पार्टीतय्सं तुच्चा ज्याझ्वः यानावयाच्वंगु दु । नेपाल संबत्या महत्व व थुकिया गरिमायात सकल नेपाःमि राजनीतिक पार्टीया नेतातय्सं थुइधुंकुगु खःसां नेपाल संबत्यात राष्ट्रिय संबत् घोषणा यायेधुंका लिपा नं थ्व संबत्यात ससम्मान राज्यं थाय् धाःसा अझ हे ब्यूगु मदुनि । उकिं नेपाःया मुद्रा व नोटय् नेपाल संबत् उल्लेख यायेमाःगु, विद्यालय व क्याम्पसय् राष्ट्रिय विभुति शंखधर साख्वाः व नेपाल संबत्या पठन पाठन याकेमाःगु, राष्ट्र प्रमुख व सरकारी थीथी निकायया आधिकारिक दस्ताबेजय् नेपाल संबत् छ्यलेमाःगु, नेपाल संबत् प्रतिष्ठान निस्वनेमाःगु, राज्य स्तरं हे नेपाल संबत् व शंखधर साख्वाःया बारे अनुसन्धान याकेमाःगु ज्या यायेमाःगु झीगु तत्कालया माग खः । थ्व दँय् ‘नेपाःया म्हसीका, नेपाःया गौरव, राज्यं हे छ्यलेमाः, नेपाल संवत्’ धइगु नारा बियागु दु । नेपाल संवत् राष्ट्रिय संवत् जूगुलि थ्व सम्वत्यात मतिना याइपिं थ्व संवत्यात नेपाः देय्या संवत् कथं छ्यलेमाः धकाः माग याइपिं सकल जनता धात्थें राष्ट्रवादी व राष्ट्रिय भावनां बिलिबिलि जाःपिं नेपाःमित खः धइगु भावना जनस्तरय् तक अझ अप्वः थ्यंकेगु कुतः झीसं यायेमाःगु दु ।
थन शंखधर साख्वाःयात राष्ट्रिय विभूति घोषणा याकेत व नेपाल संबत्यात राष्ट्रिय संबत् घोषणा याकेत भूमिका म्हितादीपिं सकल हनेबहपिं ब्यक्तित्वपिन्त सुभाय् देछानाच्वना । अथेहे नेपाःया मौलिक संबत् राष्ट्रिय संबत् नेपाल संबत्या न्हूदँ क्यनिगु लसताय् थीथी ज्याझ्वः ग्वसाः झःझः धाय्क हनावयाच्वंपिं खलः पुचः राजनीतिक पार्टी लिसें सकल नेपाःमिपिन्त नेपाल संबत् ११४० न्हूदँया लसताय् दुनुगलं निसें भिंतुना देछानाच्वना ।
रमेश महर्जन
नायः
नेपाल संवत् न्हूदँ राष्ट्रिय समारोह समिति ११४०
१३ गते किजापुजाया बिदा बीगु बचं
लहनान्युज | कौलागा सप्तमी ११३९ (अक्टुवर २० २०१९)
प्रधानमन्त्री केपी शर्मा ओलीं थ्वहे वइगु कार्तिक १३ गते किजापुजाया लागिं सार्वजनिक बिदा बीगु खँ कनादीगु दु ।
थौं सुथय् नेकपाया येँ जिल्लाया जनप्रतिनिधिपिं प्रतिनिधि मण्डललिसे खँ ल्हासें वय्कलं कार्तिक १३ गते नं किजापुजा यायेगु लागिं मन्त्रिपरिषद्पाखें निर्णय यासें सार्वजनिक बिदा बीगु खँ कनादीगु खः ।
येँया संघीय सांसद कृष्णगोपाल श्रेष्ठया नेतृत्वय् वंगु प्रतिनिधि मण्डलं प्रम ओलीयात थुगुसी तिथि विवादया कारणं कार्तिक १३ गते किजापुजा न्यायेकेमाःपिं नेवाःतय्त व्यावहारिक समस्या वःगु जुयाः १३ गते कुन्हु नं सार्वजनिक बिदा बीमाःगु बारे कनादीगु खः ।
प्रम ओलीं सुयां नं संस्कृतियात प्रतिकुल लिच्वः लाकेगु सरकारया नीति मखु, सकसितं थःथःगु संस्कृति व संस्कार हनेगु समान अधिकार दु धासें कार्तिक १३ गते नं बिदाया लागिं विधिवत् निर्णय याकेगु बचं बियादीगु खः ।
थौं वःगु प्रतिनिधि मण्डलय् सांसद श्रेष्ठ लिसें प्रदेश सभाया सांसदपिं डा. अजयक्रान्ति शाक्य, राजेश शाक्य व येँ वडा २२ या अध्यक्ष चिनिकाजी महर्जन नं दुथ्याःगु खः ।
सांसद गुरुङयात साधारण तारेखय् त्वतेत आदेश
लहनान्युज | कौलागा सप्तमी ११३९ (अक्टुवर २० २०१९)
सांसद पार्वत गुरुङयात साधारण तारेखय् त्वःतेत अदालतं आदेश बिउगु दु ।
मनू स्यायेगु उद्योगया वारेन्ट जारी याना गुरुङयात आइतवाः जिल्ला अदालत, येँय् हाजिर जुगु खः ।
दोलखाया वीरध्वज खड्कां थःगु ज्यान मार्ने उद्योग यायेगु आरोपय् सांसद गुरुङ नाप म्हेसित महानगरीय प्रहरी परिसर येँय् जाहेरी बिउगु खः ।
सतक व ताँ दयेकेगु ढिलायापिं निर्माण कम्पनीयात स्पष्टीकरण
लहनान्युज | कौलागा सप्तमी ११३९ (अक्टुवर २० २०१९)
सरकारं येँ दुने थीथी थासय् महत्वपूर्ण सतक व ताँ दयेकेगु ढिलायापिं निर्माण कम्पनीयात न्ह्यय् न्हुया स्पष्टीकरण न्यंगु दु ।
उगु स्पष्टीकरण चित्त बुझे मजुसा कालोसूची तयेगु सिफारिस यायेगु सडक विभाग अन्तर्गतया सडक डिभिजन कार्यालय येँय् न धाःगु दु ।
छक्वलं थीथी १६ गु आयोजना ढिलायापिं १५ म्ह ठेकेदारयात स्पष्टीकरण न्यंगु खः ।
सतक डिभिजन कार्यालयं स्पष्टिकरण न्यःगु ठेकेदारपि थुकथ दु।
आकाशेधारा – राममन्दिर – कृष्णमन्दिर सतकया ढिलाइया निति शैलुङ कन्स्ट्रक्सन
साततले भण्डारी गार्मेन्ट – आकाशेधारा – बालुवाखानी सतकया ढिलाइ याःगु दिवारशैलुङ जेभी
विष्णु बुढानिलकण्ठ – उत्तर शिवपुरी निकुञ्ज सतक ढिलाइ याःगु स्वच्छन्द–पञ्चकन्या जेभी
कपनमार्ग – बुढानिलकण्ठया सतकया ढिलाइया निति बिटिरअजम्बरी जेभी
बुढानिलकण्ठ – निलोपुल – शिवपुरी निकुञ्ज सतक अलपत्र याःगु विरुवा कन्स्ट्रक्सन प्रालि
महांकाल–भृकुटीचोक–तेञ्जिङचोक–चपली–बुढानिलकण्ठ सतक दयेकेगु ढिलाइया निति तुँदीरप्रेरा जेभी
सुन्दरबस्ती आदर्शनगर–चुनिखेल–टुसाल–जगडोल–राष्ट्रिय शहीदपार्क सतक ढिलाइया निति शैलुङ कन्स्ट्रक्सन
मनोहरा करिडोर सतकया ढिलाइयागुलि एसएमएनएस व जयबाबा एलसिएसपिएस जेभी
टोखा–त्रियोग स्कुल–धापासी–चक्रपथ सतक ढिलाइयानिति भण्डारी विल्डर्स, कामख्यारधिताल जेभी
गोंगबु व रमणबस्ती स्वाःगु विष्णुमती ताँ अलपत्र यागुलि सिरुवा कन्स्ट्रक्सन
चक्रपथ–सामाखुसी–टोखा गुर्जेभञ्ज्याङ सतक निर्माणया ढलाइ यागुलि नौला खिम्तीररफिना जेभी
खहरे–मूलपानी–गान्धीमार्ग विस्तारयम ढिलाइ यागुलि मोतिदानरदी कञ्चनजंगा जेभी
पेप्सीकोला–ब्रह्मखेल सतक निर्माणया प्रगति हासिल मयागुलि महालक्ष्मी÷वल्र्डवाइडरभण्डार थोडुङ जेभी
पञ्चकन्या मार्ग–देउवा निवास–गिरिजाप्रसाद कोइराला शान्तिपार्क सतकया ढिलाइ यागुलि गजुरमुखीरमोतीदानर बानियाँ जेभी
साततले–मिलनचोक–अग्निगुम्बा पश्चिम कपन सतक अलपत्र यागुलि मृतसंजिवनीरवाइवा एण्ड लामा जेभी
सिसडोल–बञ्चरेडाँडा सतक निर्माणया ढिलाइ यानाच्वंगुलि कान्छाराम–सुनकोसी जेभी
बयानलिपा महरायात अदालत यंकल
लहनान्युज | कौलागा सप्तमी ११३९ (अक्टुवर २० २०१९)
बलात्कार प्रयास याउगु द्धपनय् ज्वना तम्ह निवर्तमान सभामुख कृष्णबहादुर महरायात जिल्ला अदालत, येँय् हाजिर याउगु दु ।
आइतवाः न्हिच्छि सरकारी वकिल कार्यालयय् बयान लिपा थुनछेक बहसया लागि अदालत यकुगु दु ।
महरायात वःगु १९ गते बालुवाटारया सरकारी निवासपाखे ज्वःगु खः । महानगरीय प्रहरी वृत्त, सिंहदरबारय् हिरासतय् म्हमफया नर्भिक अस्पताल भर्ना जुगु खः । स्वास्थ्यया हे कारण बयान बिइ मफुगु खः ।
प्रहरीया अनुसन्धान आतक न सिमधःगुलि हाकन न्ह्यन्हुया लागि म्याद थपे यायेगु तयारी याउगु खः ।
