Display Style:
Column Style
प्रधानमन्त्री ओली बिहीवाः अजरबैजान वनिगु
लहनान्युज | कौलागा सप्तमी ११३९ (अक्टुवर २० २०१९)
प्रधानमन्त्री केपी शर्मा ओली बिहीवाः अजरबैजान वनिगु जुुगु दु । अजरबैजानया बाकुइ जुइगु असंलग्न राष्ट्रया प्रमुखपिनिगु १८ क्वःगु शिखर सम्मेलनय् ब्बति कायेगु लागि प्रधानमन्त्री ओली वनेत्यःगु खः ।
परराष्ट्र मन्त्रालयं आइतः छगु विज्ञप्ति पिकया २५ अक्टुबर निसे २६ तक सम्मेलनय् ब्बति कायेगु लागि प्रधानमन्त्री ओलीं नेपाली प्रतिनिधिमण्डलया नेतृत्व याना उखेपाखे वनेत्यःगु खः ।
उगु ज्याझ्वलय् प्रधानमन्त्री नाप वयकःया तिरिमय्जु राधिका शाक्य, परराष्ट्रमन्त्री प्रदीपकुमार ज्ञवाली, प्रधानमन्त्रीया प्रमुख राजनीतिक सल्लाहकार विष्णु रिमाल, प्रधानमन्त्रीया परराष्ट्र सल्लाहकार राजन भट्टराई, परराष्ट्रया सचिव शंकरदास बैरागीपिं वनिगु खः ।
उगु सम्मेलनय् १७ क्वःगु सम्मेलनं याःगुु निर्णय कार्यान्वयन व न्हुगु योजनाय् सहलह जुइगु खः।
लगमय् न्हुदँया लसताय् जेष्ठ नागरिक सम्मान
नृपेन्द्रलाल श्रेष्ठ | कौलागा सप्तमी ११३९ (अक्टुवर २० २०१९)
येँ महानगरपालिका वडा २१ लगः खलःया ग्वसालय् नेपाल सम्बत ११४० या लसताय् जेष्ठ नागरिक सम्मान नाप वृहत सांस्कृतिक ज्याझ्वः जुगु दु ।
उगु ज्याझवलय् मूपाँहा येँ महानगरया मेयर बिद्यासुन्दर शाक्यं उलेज्या यानादिगु खः । मेयर शाक्यं येँ दुने गुलि न मूर्त अमूर्त सांस्कृतिक सम्पदा म्वाका तयेगु लागि थम्ह माःगु ग्वाहालि यायेत तयार दु धका धयादिसे स्थानीय वडाय् सांस्कृतिक सम्पदाया छु न सम्बन्धित मागया योजना अस्वीकृत जुगु मदु धका धयादिगु दु ।
मेयर शाक्यं जेष्ठ नागरिकपिन्त सम्मान कथं थाय् थासय् मनोरञ्जन केन्द्र स्थापना यायेगु योजना दु धका न धयादिगु दु । वयकलं जेष्ठ नागरिक परिवार व समाजया लागि बोझ मखु तिसा खः धइगु बिचा यायेमाःगुलि न बःबियादिगु दु ।
उगु ज्याझ्वलय् महानगर वडा २१ या अध्यक्ष उदयचुडामणि बज्राचार्य, नेपाल सम्बत् मुल समारोह समितिया अध्यक्ष रमेश महर्जन न थ थःगु खः तयादिगु खः ।
अथेहे ज्याझ्वलय् मूपाँहा येँ महानगरया मेयर शाक्यं ७० दँपिं ५४ म्ह मिज व ४० म्ह मिसापिन्त सम्मान न याःगु खः । नाप सांस्कृतिक ज्याझ्वः न जुगु खः ।
नेवाः पुचः युएईपाखे जनगायक भृगुराम श्रेष्ठ ग्वाहालि
लहनान्युज | कौलागा पंचमी ११३९ (अक्टुवर १८ २०१९)
नेवाः पुचःयुएई न जनगायक भृगुराम श्रेष्ठयात ५५ द्धः व खुसः आर्थिक ग्वाहालि याउगु दु ।
जनगायक भृगुराम श्रेष्ठयात ग्वाहालिया निति पुचःया उपाध्यक्ष राजेश प्रधानया संयोजकत्व छगु कमिति गठन याउगु खः ।
केन्द्रीय सदस्य हिरालाल श्रेष्ठ, भिमनारायण श्रेष्ठ, अवुधाबी क्षेत्रिय अध्यक्ष सुनिलमान श्रेष्ठ, केन्द्रीय कोषाध्यक्ष नाप सारजाह क्षेत्रीय अध्यक्ष मनोज प्रसाद श्रेष्ठ ,केन्द्रिय कार्यवाहक महिला प्रमुख नविना शाक्य , संरक्षक, सल्लाहकार नाप भुपु अध्यक्ष प्रमोद श्रेष्ठ नाप सदस्य सचिब केन्द्रीय महासचिब कुमार बलामीपिनिगु मंकाः कुतलं उगु ध्यवा मुकुगु खः ।
थौं युएई पुचःया नेपालय् दुपिं केन्द्रीय सदस्यपिं नाप खेलकुद संयोजक रबि शाही, भुवन नकःमि नाप सल्लाहकार प्रविणकाजी श्रेष्ठपिन्स जनगायक भृगुराम श्रेष्ठयात नाप लाना उगु ध्यवा लल्हानादिगु खः ।
स्थानीय जनप्रतिनिधिपिनिगु पारिश्रमिक असंवैधानिक ठहर
लहनान्युज | कौलागा पंचमी ११३९ (अक्टुवर १८ २०१९)
सर्वोच्च अदालतं स्थानीय तहया जनप्रतिनिधिं कयाः वयाच्वंगु मासिक पारिश्रमिक असंवैधानिक ठहर यासें आदेश ब्यूगु दु ।
प्रदेश १ बाहेकया ६ प्रदेशं दयेकूगु स्थानीय तहया पदाधिकारीया सुविधा व पारिश्रमिक एने दयेकाः बियाः वयाच्वंगु पारिश्रमिक व सुविधा असंवैधानिक ठहर यासें पनेत सर्वोच्चं आदेश ब्यूगु खः ।
प्रधानन्यायाधीश चोलेन्द्र शम्शेर राणा, दीपककुमार कार्की, केदारप्रसाद चालिसे, मीरा खड्का व हरिकृष्ण कार्कीया संवैधानिक इजलासं उगु आदेश बिइधुंकाः देय् न्यंकंया थ्यंमथ्यं ३०,००० जनप्रतिनिधि प्रभावित जूगु दु ।
स्थानीय तहया जनप्रतिनिधिपिन्त पारिश्रमिक बिइगु संविधानया धारा २२० या उपधारा ८ व धारा २२७ अःखः जूगु सर्वोच्चं ठहर याःगु दु ।
सर्वोच्चं प्रदेश २, ३, गण्डकी, प्रदेश ५, कर्णाली व सुदूरपश्चिम प्रदेशसभां पारित याःगु स्थानीय तहया पदाधिकारी व दुजःया सुविधासम्बन्धी ऐन २०७५ या दफा ३ अन्तर्गतया स्थानीय तहया जनप्रतिनिधिं पारिश्रमिक कायेदइगु कथं दयेकातःगु अनुसूची बदर यायेत आदेश ब्यूगु दु ।
अथेहे, प्रदेश २ व प्रदेश ५ य् देकूगु उगु ऐनया दफा १० य् च्वंगु पारिश्रमिक धैगु खँग्वः नं बदर यायेत आदेश ब्यूगु दु ।
६ गू प्रदेशसभां दयेकूगु स्थानीय तहया जनप्रतिनिधिया पारिश्रमिक सम्बन्धी कानून संविधानलिसे फरक जूगु धासें लोकेन्द्रबहादुर वलीं भाद्र १ गते रीट दायर याःगु खः ।
परिषदया झिंन्याक्वःगु दँमुँज्या
लहनान्युज | कौलागा पंचमी ११३९ (अक्टुवर १८ २०१९)
नेपालभाषा परिषदया झिंन्याक्वःगु दँमुँज्या छगु ज्याझ्वः दथुइ प्रतिभा समाज कुपण्डोलय् क्वचाःगु दु ।
परिषदया नायः प्रा. सुवर्ण शाक्यया सभाधक्ष्यताय् जुगु उगु ज्याझ्वलय् ध्रुब मधिकःमिं लसकुस नापं वार्षिक प्रतिवेदन न्ह्यब्वयादिगु खःसा दांभरिं मंगला कारंजितं आर्थिक प्रतिवेदन
न्ह्यब्वयादीगु खः ।
ज्याझ्वलय् नुगःखँ तयेगु झ्वलय् ७० दँ पुलांगु संस्थाय् थौंतक्कनं ७० म्ह जक जः दुगुलिं भाषा साहित्यया विकासया नितिं धिसिलाक्क पलाःछिइपि न्हूपिं जः दुथ्याकेमाःगुलिइ मंगला कारंजितं बः बियादिल ।
अथेहे ‘दुने क्वात्तु मजुइकं पिनें प्रचार जुयां शक्ति सञ्चय जुइमखु’ धासें दँय्दसं सांस्कृतिक अन्यौलता ब्वलनाच्वंगुलिं नेवाः तिथिपौ (पात्र) दयेकाः नेवाः एकता यायेमाःगु धका परिषदया नायः शाक्यं धयादिगु खः । ज्याझ्वः बिमलप्रभा बज्राचार्य न्ह्याकादीग खः ।
बुखँ : अमिर मैया रञ्जित
किपा : नेवाः सूचना केन्द्र
