राजावादी तयेगु तीनकुनेय् शुक्रवाः प्रदर्शन, तोडफोड व मिँ च्याकेगु ज्याय् याःपिन्त ज्वनेगु ज्या जुयाच्वंगु दु।

जिल्ला प्रहरी परिसर, काठमाडौंया प्रवक्ता एसपी अपिलराज बोहराया कथं शनिवाः सुथय् तक १०५ म्हेसित ज्वने धुकुगु दु। प्रहरीया बन्दुक लाकाकाम्हेसित न ज्वःगु दु।

अथेहे राप्रपाया नेताहरू रवीन्द्र मिश्र, धवलशम्शेर राणा नापं स्वागत नेपालयात न ज्वने धुकुगु दु सा आन्दोलन समितिया संयोजक नवराज सुवेदीयात न छेँय् हे नजरबन्द याना तःगु दु। अथेहे मेम्ह मुख्य व्यक्ति दुर्गा प्रसाई आःतक फरार जुयाच्वंगु दु।

राजावादी आन्दोलनयात उत्तेजित याःगु द्धपनय् धर्मगुरु यात ज्वःगु दु।

म्हिगः शुक्रवाः तीनकुनेय् हिंसात्मक आन्दोलनय् आप्पां कयकूम्ह धर्मगुरु पुष्कर खतिवडायात थौ सुथय् प्रहरीं नियन्त्रणय् काःगु दु।

वयात प्रहरीया विशेष टोलीं इमाडोलस्थित छखाः छेँय् सुलाच्वंगु अवस्थाय् नियन्त्रणय् काःगु खः।खतिवडां आन्दोलनय् आप्पां कय्का च्वंगु भिडियो सामाजिक सञ्जालय् भाइरल जूगु खः।

खतिवडा विवादास्पद धर्मगुरु खः।

राष्ट्रिय स्वतन्त्र पार्टी (रास्वपा)या प्रमुख सचेतक सन्तोष परियारया गाडीइ राजावादी तय्स च्याका ब्यूगु दु। परियार शुक्रवाः संसदया ज्या यानाच्वम्ह खः।

बहनि थःगु छेँ ख्वपय् लिहा वनेगु झ्वलय् कफ्र्यु छले यायेगु झ्वलय् ख्वपय् लिहा वनाच्वम्ह खः। बालकुमारीस्थित सिसिआरसी कलेज न्ह्यने राजावादी प्रदर्शन याना च्वपिन्स गाडी रोके याना च्याका ब्यूगु खः।

परियारयात गाडीं पिकया १३८२ नम्बरया गाडीइ मिँ तया ब्यूगु खः।

राजावादी समूहया प्रदर्शनकारी तय्स हिमालय टेलिभिजनया गाडी तोडफोड याना ब्यूगु दु। समाचार संकलन यायेगु निति सिनामंगलय् खटे जूगु बा १९ च ८९६३ नम्बरया गाडीइ प्रदर्शनकारी तय्से आक्रमण याःगु खः।

आक्रमण याना गाडीया न्ह्यने व लिउने च्वंगु न्ह्याय्कं तछ्याना ब्यूगु दु।उगु गाडी दुने रिपोर्टर समिर जोशी, क्यामरापर्सन मिलन प्रजापति व चालक रामराजा सापकोटा च्वना वना च्वंगु अप्पां कय्का न्ह्याय्कं तछ्याना ब्यूगु खः।उगु आक्रमणणय् सामान्य घाःपाः जूगु दु।

अथेहे थौ प्रदर्शनकारी तय्सं कान्तिपुर टेलिभिजन व अन्नपूर्ण पोष्टया ज्याकूथि न आक्रमण याःगु खः।

तीनकुनेया छगू छेँय् मि च्यानाः छम्ह पत्रकार सीगु दु। उगु भवनय् च्वनाः टेलिभिजनया निंतिं छगू दृश्य सुटिङ यायेगु झ्वलय् सुरेश रजकया सीगु खः।

तीनकुनेय् जुजुवादीतय्सं याःगु प्रदर्शनया झ्वलय् प्रहरीलिसे ल्वापु जुइ धुंकाः छगू भवनय् मिँ तःगु खः। उगु घटना लिपा रजक सम्पर्कय् मवःम्ह जुगु खः।