Display Style:
Column Style
मिसा दिवसया लसताय् उपराष्ट्रपतिपाखे भिंतुना
लहनान्युज | चिल्लाथ्व दुतिया ११३९ (मार्च ८ २०१९)
उपराष्ट्रपति नन्दबहादुर पुनं संविधानं ब्यूगु मिसा अधिकार छय्लाबुलाय् हयाः मिसायात विकासया फुक्क ख्यलय् हयेत वाचायेके माःगु खँय् बःबियादीगु दु ।
सच्छि व गुक्वःगु अन्तर्राष्ट्रिय श्रमिक मिसा दिवसया लसताय थांै लसकुस प्वंकूसें वय्कलं मिसात राजनीतिक, सामाजिक तथा आर्थिक रुपं स्वतन्त्र व सशक्त मजुइबलय्तक ‘समृद्ध नेपाः, सुखी नेपाःमिं सम्भव मजूइगु धका धयादीगु दु ।
उपराष्ट्रपतिया हसनाय् जनसङ्ख्याया बच्छी सिबें अप्वः दुपिं मिसातय्त फुक्क समान ह्वता चू लायेमाः धयादीसे संविधानं मिसापिंन्त आपालं अधिकार ब्यूगुदु धका न धयादीगु दु ।
उपराष्ट्रपति पुनं थांैया दिं फुक्क नेपाःया मिसापिनिगु थःथःया भावना, सद्भाव, सहिष्णुता अप्वयेका समृद्ध नेपाः दयेकेगु देयाः भाला पूवेंकत उत्साह, जोस, व शक्ति दयेमाः धकाः भिंतुना बियादिगु दु ।
नेपाःया संघीय संरचनाया प्रशासनिक नक्सा पितब्बज्या
लहनान्युज | चिल्लाथ्व पारु ११३९ (मार्च ७ २०१९)
नेपालया संघीय संरचना कथं प्रशासनिक नक्सा थौं छगु ज्याझ्वः दथुइ भूमि व्यवस्था, सहकारी तथा गरिबी निवारण मन्त्री पद्माकुमारी अर्यालं सिंहदरबारय् सार्वजनिक यानादीगृु दु ।
संघीय संरचना धया तसा सात मध्ये सुदुरपश्चिम, कर्णाली व गण्डकी प्रदेश जक नां उगु नक्साय् दुथ्या । मेगु प्यंगु प्रदेशया नम्बर जक दुथ्याका तःगु दु ।
प्रदेशया नां तयेगु लिपा लाना च्वंगुया कारण उगु नक्साय् दक्को प्रदेशया नां तये मफुगु धका मन्त्री अर्यालं धयादगिु खः ।
सरकारं प्रशासनिक नक्सा स्वक्वःगु पटक सार्वजनिक याःगु खः । थ्व स्वया न्ह्यः २०४९ व २०३२ सालय् न आधिकारिक रुपं प्रशासनिक नक्सा सार्वजनिक याःगु खः ।
नेपाःया संघीय संरचनाया प्रशासनिक नक्सा पितब्बज्या
सर्वोच्चं सीके राउतयात त्वःतिगु आदेश
लहनान्युज | चिल्लाथ्व पारु ११३९ (मार्च ७ २०१९)
सर्वोच्च अदालतं सीके राउतयात त्वःतिगु आदेश बिगु दु ।
प्रधानन्यायाधीश चालेन्द्र शम्शेर जबरा व न्यायाधीश पुरुषोतम भण्डारीया इजलासं थौं बिहीवाः साधारण तारेखय् तया मुद्दाया पुर्पक्ष यायेगु आदेश बिगु खः ।
जिल्ला अदालत रौतहटं राउतयात पुर्पक्षया लागि कुनेत आदेश बिगु खःसाउच्च अदालतं थुकिगु सदर याःगु खः ।
अपराध सम्बन्धित दशी प्रमाण मदुगु धाःसे सर्वोच्चं साधारण तारेखय् तया मुद्दाया पुर्पक्ष या धकाः धाःगु खः ।
राउतयात सुन्धारा केन्द्रीय कारागार तया तःगु खः ।
राउतयात सुन्धारा केन्द्रीय कारागार तया तःगु खः ।
माझीपिन्स कोसी पर्व हन
लहनान्युज | चिल्लाथ्व पारु ११३९ (मार्च ७ २०१९)
मकवानपुरया बकैया गाउँपालिका ६ जुईनाया माझीपिंन्स थःपिनिगु तधःगु नखः लदी अर्थात् कोसी पर्व नेपाल माझी उत्थान संघ मकवानपुरया ग्वसालय् हने ज्या जुगु दु ।
माझी तयेगु बस्ती जुईना नापन्तुं बकैया, सिमात, हर्दिया व जुईना खुसिइ थःपिनिगु मौलिक पोशाकय् भेला जुया उगु खुसिइ दुगु,चोलेचा, खा व बखुँचा बलि बिया मंकाः कथं पुजा याना हने याःगु खः ।
उगु ज्याझ्वल बकैया गाउँपालिकाया अध्यक्ष दामोदर खनाल मूपाँहा कथं झायादीगु खःसा संघ अध्यक्ष आषिश माझीया सभाधक्ष्यताय् जुगु खःसा गाउँपालिकाया उपाध्यक्ष सरला बोलखे, माझी न्ह्यलुवा लक्ष्मी माझीया बिशेष पाँहा कथं झायादीगु खः ।
बकैया गाउँपालिका ६ नम्बर वडाया अध्यक्ष फूलमान भोम्जन, ४ नम्बर वडाअध्यक्ष राजन दंगाल, नेपाल कम्यूनिष्ट पार्टी(नेकपा)या स्थानीय नेता मोतीलाल सिंगारा, माझी मुक्ती मोर्चाया केन्द्रीय सदस्य कृष्णबहादुर माझी, तामाङ न्ह्यलुवा निरु थिङ पिनिगु न ब्बति दुगु खः ।
सांस्कृतिक ज्याझ्वलय् प्रतीक ब्लोन, पवित्रा माझी, संगम राई, लोकेन्द्र माझीपिन्सं म्ये हालादीगु खःसा जुईना समूह, जुरेली समूहं पाखे हुला प्याखँ न्ह्यब्बःगु खः ।
माझी समुदायया उत्थान व अधिकारया लागि योगदान बियादीपि पत्रकारपिं अशोकसुजन श्रेष्ठ, कृष्ण सारु मगर व माझी न्ह्यलुवा लक्ष्मी माझीपिन्त हने ज्या न याःगु खः ।
रेशम चौधरीया सांसद पद खारेज जुइफु
लहनान्युज | सिल्लागा औंशी ११३९ (मार्च ६ २०१९)
टीकापुर घट्नाया दोषी ठहर जुगु लिपा निलम्बित सांसद रेशम चौधरीया पद खारेज जुइगु जुगु दु ।
कर्तव्य ज्यान, ज्यानमार्ने उद्योग व डाँका चोरी मुद्दाय् कैलाली जिल्ला अदालतं जन्मकैदया सजाय न्यके धुका चौधरीया पद गुम्मे जुइगु सम्भावना दया वःगु दु ।
पुर्पक्षया लागि जेलय् च्वना च्वंम्ह चौधरीं वःगु १९ पुसय् सिंहदरबारय् वना सांसद पदया सपथ नयादीगु खः ।
फरार जुया हे चुनावय् ल्वानाचौधरी कैलाली–१ पाखे प्रतिनिधिसभा सदस्यय् निर्वाचित जुयादीगु खः ।
२०७२ या ७ भदौय् कैलालीया टीकापुरय् छम्ह नाबालक नाप न्ह्यम्ह प्रहरीया हत्या मुद्दामा सांसद चौधरी नाप ५८ म्हसित विपक्षी दयेका तःगु खः ।
