Display Style:
Column Style
महासंघया नाय पदया लागि न्याम्हसिया उम्मेदवारी
नृपेन्द्रलाल श्रेष्ठ | गुंलागा औंसी ११३७ (अगष्ट २१ २०१७)
२५ क्वःगु महाधिवेशनय् नेपाल पत्रकार महासंघया नाय पदया लागि न्याम्हसिया उम्मेदवारी बिगु दु ।
नाय पदया लागी तीर्थ कोइराला, गोबिन्द आचार्य, उजिर मगर, इन्दबहादुर राउत, व भावना विद्धोही यागु उम्मेदवारी बिगु खः ।
अथेहे महासचिवया लागि बालकृष्ण बस्नेत व रमेश बिष्ट नाप दांभरीया लागि राजेश मिश्र व खगेन्द्र पन्त पिनिगु थःथःगु उम्मेदवारी बिगु खः । थौं सुथया ९ ताः ईलय् निसे मतदान जुया च्वंगु खः ।
जोशी समाज झिंच्याक्वःगु पलिस्था दिवस हन
नृपेन्द्रलाल श्रेष्ठ | गुंलागा चःह्रे ११३७ (अगष्ट २० २०१७)
जोशी समाज केन्द्रीय समितिया झिंच्याक्वःगु पलिस्था दिवस नापं झिंन्हय्क्वःगु व झिंच्याक्वःगु दँमुज्या जूगु दु ।
मूपाहां यल महागरपालिकाया मेयर चिरीवावु महर्जनं सहिद शुक्रराज शास्त्री जोशीया किपाःया न्ह्यःने त्वाःदेवाय् मत च्याका उलेज्या यानादीगु खः ।
जोशी समाजया केन्द्रीय नायः राजाराम जोशी सभाध्यक्षय् जुयादीगु उगु ज्याझ्वलय् विशेष पाहां कथं यल महानगरपालिकाया उपमेयर गिता सत्याल नं झायादीगु खः ।
उगु ज्याझ्वलय् जोशी समाजं याना वयाच्वंगु ज्याया बारे पाहांपिन्सं थःथःगु नुगःखँ तयादीगु खः ।
नेपाल पत्रकार महासंघया नीन्याक्वःगु तःमुँज्याया उलेज्याः
नृपेन्द्रलाल श्रेष्ठ | गुंलागा चःह्रे ११३७ (अगष्ट २० २०१७)
प्रधानमन्त्री शेर बहादुर देउवा थौं नेपाल पत्रकार महासंघया नीन्याक्वःगु तःमुँज्याया छगु ज्याझ्वः दथुइ उलेज्याःयासें प्रधानमन्त्री देउवां देय्यात बिकासया लँपुइ न्ह्यःने वनेगु नितिं उपलव्धीयात संस्थागत यायेमाः धकाः धयादिगु दु । महासंघया नीन्याक्वःगु तःमुँज्याया झ्वलय् थौं हे पत्रकार भैरब रिसाल व विजयकुमार यात नं हंगु खः ।
थीथी आन्दोलन पाखें वःगु उपलव्धीयात सस्थागत यायेगु नितिं सकलें छप्प छधी जुइमाःगु खँय् बः बियादीगु दु । वय्कलं प्रेस स्वतन्त्रता व लोकतन्त्रया नितिं पत्रकारतय्गु भूमिका महत्वपूर्ण दुुगु धकाः नं धयादिगु दु ।
सञ्चारया खुल्ला प्रतिष्पर्धा प्रेस स्वतन्त्रता कायम जुगु देशय् नेपाः हलिमय् हे उदाहरणीय देय् जुगु तकं दाबी न यानादिगु दु । प्रधानमन्त्रीं देउवां सहकार्य याना न्ह्यने वनेत सकल पत्रकारतय्त आह्वान नं यानादिगु खः । ज्याझ्वलय् सञ्चारमन्त्री मोहन बस्नेतं बर्तमान सरकारं हे सञ्चार प्रतिष्ठान गठन यायेगु ज्या न्ह्यःने यंकेगु बिचाः तयादिगु खः ।
अथेहे नेपाल पत्रकार महासंघया अध्यक्ष महेन्द्र बिष्टं पत्रकारतय्गु व्यवसायिक हित व सुरक्षाया नितिं महासंघं फुचाःगु कुतः यानागु दु धकाः धयादिगु खः ।
नेवाः एफ एम थौं निसें न्ह्यात
नृपेन्द्रलाल श्रेष्ठ | गुंलागा दशमी ११३७ (अगष्ट १७ २०१७)
नेवाः एफ एमया छगू दशक क्यंगु लसताय थौं छगु विशेष मुना ज्याझ्वः यागु दु । न्हापा नेपालभाषा एकेदेमि न्ह्याका वयाच्वंगु नेवाः एफ एम थौं नंं निसें अनक मिडिया प्रा.लि.न्ह्याकुगु खः ।
नेवाः भासं जक संचालन जुइगु नेवाः एफ एम सच्छि व खु फुति खु संचालन जूइग खः । नेपालभाषा एकेदेमिया ज्याकू न्यामासिमा किपुलिइ जूगु थुगु ज्याझ्वःया मूपाहां युवा तथा खेलकुद मन्त्री राजेन्द्र कुमार केसी जुयादीगु खः ।
अनक मिडिया प्रालिया नायः नापं एफ एमया संचालक नविन महर्जनया सभापतित्वय् जूगु उगु ज्याझ्वलय् सताब्दी पुरुष नापं नेपालभाषा एकेदेमिया संरक्षक डा. सत्यमोहन जोशी विशेष पाहां कथं झाया जुयादीगु उगु ज्याझ्वलय् पुलांम्ह राज्यमन्त्री तिर्थराम डंगोल, नेपालभाषा एकेदेमिया भाइस चान्सलर यज्ञरत्न धाख्वा, सदस्य सचिव नापं नेवाः न्ह्यलुवाः मल्ल के सुन्दरपिं पाहां जुयादीगु खः ।
नेवाः एफ एमया अवलोकन नं यायेगु ज्या जूगु उगु समारोहलय् मन्त्री केसी व उपमेयर खड्कायात भिंतुना नापं हनापौ लःल्हाःगु खः । नेपालभाषा ख्याःया थीथी ब्यक्तित्वपिं नापं संचारकःमित उपस्थितिइ जूगु ज्याझ्वलय् मूपाहांनिसें पाहांपिन्सं नेवाः एफ एमयात व्यवस्थित कथं न्ह्याका यंकेमाःगु, नेवाः एफ एमयात नेवाःतय्गु गौरवया विषय यायेमाःगु, नेवाःतय्त सचेत यायेगु नाप नापं नेवाः भाषा, साहित्य, संस्कृतिया नितिं ज्या यायेमाःगु खँय् बः बियादीगु खः ।
भिंन्द्यः जात्रा न्ह्याःत
नृपेन्द्रलाल श्रेष्ठ | गुंलागा नवमी ११३७ (अगष्ट १६२०१७)
ब्यापारी तयेगु आराध्य कथं कयातःम्ह यलया भिंद्यःथौं जात्रा तच्वंक जात्रा जुगु दु गुंलागा अष्टमीया बहनी निसे भिंद्यःया थाय् पुजा न्ह्याइगु खः । मंगः बजारं न्ह्याना सापारुया लँपु चाःहिउगु यात्रा हाकनं मंगः लागाय् हे थ्यंका जात्रा क्वचाःगु खः ।
दँय् दसं गुंलागा नवःमि खुन्हु अथे यलय् भिंन्द्यःया जात्रा याइगु चलन दु । यलया मंगलबाजारय् भिंद्यःयात पिकयाः खतय् तयाः बाजागाजा लिसें भिमसेन महाराज की जय धा धां मनू त भिंद्यःयाः ल्यूल्यू यलया थाय् थासय् चाह्यूगु खः ।
अथेहे द्यःयात चाहिइके धुंकाः बहनी हाकनं भिंद्यःया देगलय् तुं द्यः विज्याकाः चा पुजा याःगु खः। थुगु जात्रा देशय् वःगु तःभुखाय् लिपा बन्द जुया च्वंगु खः । थुगुसि निस. हाकन जात्रा न्ह्याःगु खः ।
