Display Style:
Column Style
नागपञ्चमी हन
नृपेन्द्रलाल श्रेष्ठ | गुंलाथ्व पंचमी ११३७ (जुलाई २८ २०१७)
थौं गुंलाथ्व पञ्चमीया न्हि कुन्हु नागपञ्चमी पर्व थःथःगु परम्पराकथं छेँय्या मू ध्वाखाय् नागया किपाः तिकाः पूजाअर्चना यानां हंगु दु ।
थुगु छेँय् छेँय्या ध्वाखाय् नागया किपाः तिकाः पूजा यात धाःसा मलः कुतुंवइगु व मिं नईगु लिसें ताहाः, बिच्छीलगायत विषयुक्त जीवपाखें रक्षा जुईगु शास्त्रीय मान्यता दयावयाच्वंगु दु ।
बराहपुराणय् न्ह्यथनाःतःगु कथं थुगु तिथि हे ब्रह्माया नागराजलिसें संवाद जुगुलीं थुगु न्हिं नागपूजाया नितिं लोकंह्वाःगु धैगु जनबिश्वास दु ।
अथेहे, वासुकी, पध्म, महापध्म, तक्षक, कुलीर, कर्कट व शंख यानां च्याम्ह नागया पूजा यानां सितुघाँय्, साःदुरु, सिन्हःलगाय्त थीथी छाःगु छेँय् अगस्त्य, पुलस्त्य, वैशम्पायन, सुमन्तु व जैमिनी ऋषिं अग्निभय व विषयुक्त जीवया भयपाखें बचे याईगु चतुर्वर्ग चिन्तामणिई न्हयथनाःतःगु दु ।
नागपञ्चमीया न्हि सुथःन्हापां पुरोहितपाखें नागया पूजा यानां छेँय्या मू ध्वाखाय् नागया किपाः तिकाः छेँय्थुवाः नं नागपूजा यायेगु शास्त्रीय परम्परा दु । नागपञ्चमीया न्हिं येँया नागपोखरी, यलया नागदह लगायत थीथी धार्मिक क्षेत्रय् म्वःम्वः भक्तजनतय्गु उपस्थिति दुगु खः
ट्रार्फिक समस्या ज्यंकेट पलख न सुम्क मच्वनेगु
नृपेन्द्रलाल श्रेष्ठ | गुंलाथ्व चौथी ११३७ (जुलाई २८ २०१७)
ट्रार्फिक समस्या ज्यंकेट पलख न सुम्क मच्वनेगु ट्राफिक प्रमुख आयुत्त सर्बेन्द्र खनालं धयादिगु दुः।
थौं ट्राफिक महाशाखा बग्गीखानाय्संचाःकमि पिन्त नाप लायेगु झ्वलय् वयकलं उगु खँ धयादीगु खः।
ट्राफिकया ल्याः तसकं म्हो जकः दुगु। लं या अवस्था नं तसकं बांमला धयादिसें थुकिया बाबजुद ट्राफिक समस्या ज्यंकेगु हाथ्या दु प्रहरी नायब महानिरिक्षक नाप जुयादिम्ह खनाल धयादिगु खः
ट्राफिक समस्या ज्यकेगु निंति स्थानियबासीया ग्वाहालि नं उतिक आवश्यक जुगु न खनालं धयादिसें येँ ट्राफिक ब्यवस्थापनया छू दिं लिपा हे ह्युपाःया अनुभव याये फइगु खनालं धयादिल।
प्रहरी नायब महानिरिक्षक खनाल नाप लायेगु झ्वलय् संचाःकमि पिं सुनिल महर्जन, सुरेन्द्रभक्त श्रेष्ठ, नृपेन्द्रलाल श्रेष्ठ, नबिन जोशी, रत्नकाजि ‘मन’ व प्रज्वल बज्राचार्य उपस्थित दुगु खः।
किपूया मेयर रमेश महर्जनयात भिंतुना पौ लःल्हात
लहनान्यूज | गुंलाथ्व पारु ११३७ (जुलाई २४ २०१७)
किपू नगरपालिकाया मेयर रमेश महर्जनयात नेवाः पत्रकारतपाखें भिंतुना पौ नापं ज्ञापन पौ लःल्हाःगु दु ।
देय्न्यंकंया नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबूया केन्द्रीय ज्यासना पुचःया ग्वसालय् न्हूम्ह मेयर महर्जनयात कार्यकाल सफलताया कामनायासें भिंतुना पौ नापं ज्ञापन पौ लःल्हायेगु ज्या पत्रकार दबूया केन्द्रीय नायः श्रीकृष्ण महर्जनं यानादीगु खः ।
मूछ्याञ्जे सुनिल महर्जनं ब्वना न्यंकादीगु भिंतुना पौ व ज्ञापन पौ लःल्हायेगु ज्या नाप नापं स्थानीय तह व स्थानीय पत्रकारतय्गु दथुइ स्वापूया बारे नं सहलह जूगु खः । उगु इलय् स्थानीय पत्रकारतय्त प्राथमिकता बिया ज्या याना वनेमाःगु बारे सहलह जूगु खः ।
मेयर रमेश महर्जनं स्थानीय नेवाः पत्रकारतलिसे जाना ज्या याना वनेगु बचं बियादीगु दु । नेवाः पत्रकारतपाखें भिंतुना पौ नापं थःगु ध्यानाकर्षण यायेगु कथं ज्ञापन पौ लःल्हाःगुलिं थःत तसकं लसता वल धयादीगु खः ।
ज्याझ्वलय् केन्द्रीय न्वकू नृपेन्द्रलाल श्रेष्ठ, केन्द्रीय दुजः रचना श्रेष्ठ, नविन जोशी, नजरराम महर्जन नापं येँ जिल्ला समितिया दुजःपिं व मेमेपिं पत्रकारत नं सहभागी दगु खः ।
नेवाः इकोनोमिक्सयात कयाः सहलह क्वचाल
लहनान्यूज | दिल्लागा चतुर्दशी ११३७ (जुलाई २२ २०१७)
नेवाः आर्थिक क्रान्तिया मुद्दा ज्वनाः न्ह्यःने वःगु ह्याउँनिभाः पुचलं नेवाः इकोनोमिक्स विषयस छगू सहलह ज्याझ्वः याःगु दु ।
यलय् जूगु सहलह मुँज्याय् नेवाः अभियन्ता अनुप सिं सुवालं ‘नेवाः इकोनोमिक्स, नेवाः स्वायत्त राज्यय् नेवाः आर्थिक विकासया लँपु’ विषयस ज्यापौ न्ह्यब्वयादीगु खः ।
नेवाः इकोनोमिक्सया थीथी पक्षयात कयाः पुचः दयेकाः नं सहलह जूगु खः ।
ज्याझ्वलय् नेवाः इकोनोमिक्स ताःलाकेत योजना, नेवाः समाजय् नेवाः इकोनोमिक्स गुकथं छ्यलेगु व नेवाः इकोनोमिक्सया अवधारणा लागू यायेधुंकाः नेवाः समाजं पृष्ठपोषण गुकथं यायेगु, नेवाः इकोनोमिक्स छ्यलेत कार्ययोजना, यायेमाःगु, फइगु अल्पकालीन व दीर्घकालीन ज्याझ्वः विषयस पुचः सहलह जूगु खः ।
प्यंगू अलग अलग पुचलय् सोहनलाल प्रधान, धीरेन्द्र राजभण्डारी, धनबहादुर महर्जन व राकेश मास्के सहजकर्ता कथं च्वनादीगु खः ।
पुचः सहलहस ज्ञानबहादुर महर्जन, उज्वल बज्राचार्य, मोहनमान श्रेष्ठ, सानुमैयाँ बज्राचार्य अले अच्यूतरत्न बज्राचार्य, प्रकाश श्रेष्ठ, उमेश बस्नेत, देवनारायण महर्जनं ब्वति कयादीगु दु ।
मेगु निगू पुचलय् मनरत्न शाक्य, मनराजा रंजित, ज्ञानीशोभा महर्जन व यावदप्रसाद रंजीत अले दयाचन्द्र श्रेष्ठ, रविनमान महर्जन व प्रदिप रंजितं ब्वति कयादीगु खः ।
थुगु सहलहया मू सारयात कयाः याकनं हे छगू अन्तक्र्रिया ज्याझ्वः यायेगु ह्याउँनिभाः पुचलं न्ह्यथंगु दु । अन्तक्र्रियास नेवाः इकोनोमिक्सया अवधारणा व मूज्या न्ह्यब्वयाः उकी अन्तक्र्रिया यायेगु पुचलं न्ह्यथंगु दु ।
इहिपाया किपा धेंधेंबल्ला क्वचाल
लहनान्युज | दिल्लागा चःह्रे ११३७ (जुलाई २२ २०१७)
स्वनिगः दुनेया फोटोग्राफर मुनाः नीस्वनातःगु “काठमाण्डौ फोटोग्राफर एशोसियशन”या ग्वसालय् जूगु किपाः धेंधेंबल्ला कासाय् सिरपाः त्याकूपिन्त छगू ज्याझ्वःया दथुइ सिरपाः लःल्हाःगु दु ।
नांजाःपिं कलाकार जोडी मदनकृष्ण श्रेष्ठ व हरिवंश आचार्यपिं मूपाहांकथं झायादीगु खःसा वय्कपिन्सं सिरपाः त्याकूपिं सकसित सिरपाः लःल्हाय्गुया नापनापं सच्छिपाः बांलाःगु किपाःया किपालुमिपिन्त हनापौ नं लःल्हाय्गु ज्याझ्वः जूगु खः ।
उगु ज्याझ्वलय् देय्न्यंकया किपालुमिपिन्सं ब्वति कयादीगु खःसा थुकी मुक्कं १२०० पाः किपाः धेंधेंबल्लाय् दुथ्याःगु खः । उकी मध्ये १०० पाः किपाः धेंधेंबल्लाय् दुथ्याःगु खःसा दुथ्याःगु किपाः मध्ये चितवनया सुमन सापकोटां न्हाप सिरपाः त्याकेत ताःलागु खः ।
अथेहेतुं ल्यू सिरपाः ओमलाल अकेला व लियांल्यू सिरपाः मनोजरत्न शाहीपिन्सं त्याकादीगु खः । थथे सिरपाः त्याकूपिन्त क्यानन्पाखें थीथी उपहार नं ब्यूगु खः । दक्कलय् बांलाःगु किपाःया सिरपाः ल्यय्गु नितिं योगेन्द्रमान बस्नेत, बालकृष्ण श्रेष्ठ व रत्नमान आँसु निर्णायक जुयादीगु खःसा सिरपाः ज्याझ्वलय् पुलांपिं किपालुमिपिं मंगलमोहन श्रेष्ठ, बखतबहादुर चित्रकारया नापनापं एशोसियशनया सल्लाहकारपिं राजभाई सुवाल व मञ्जुकुमार श्रेष्ठ अले सिने पत्रकार विजयरत्न असंबरे, कलाकार निर्देशक व किपालुमि पवन जोशी नं बिशेष पाहांकथं झायादीगु खः ।
काठमाण्डौ फोटोग्राफर एशोसियशनया ग्वसालय् जूगु इहिपा किपा धेंधेंबल्ला कासाय् दुथ्याःगु १०० पाः किपाःया ब्वज्या श्रावण ९ निसें ११ गतेतक बबरमहलया आर्ट काउन्सिलय् जुइगु ग्वसाः खलःया नायः भवदेव थापां जानकारी बियादीगु दु ।
येँया राष्ट्रिय नाचघरय् सनिवाः जूगु ज्याझ्वलय् हुलाप्याखंया ख्यलय् तसकं नांजाःपिं शंकर बिसी व पार्वति राईलिसें बज्रयोगिनी कला केन्द्रया पुचलं हुलाप्याखं व मेमेपिं कलाकारपिन्सं नाटक व म्येहाला न्यंकादीगु खः ।
