Display Style:
Column Style
उपभोक्ता बिधयेक बिषलय् अन्तरक्रिया
नृपेन्द्रलाल श्रेष्ठ । | दिल्लागा पारु ११३७ (जुलाई ६ २०१७)
नेपाल खुद्रा ब्यापार संघ ‘उपभोक्ता संरक्षण मस्र्योदा बिधेयक २०७३’ बिषलय् छगु अन्तरक्रिया ज्याझ्वः यागु दु ।
मूपाहाँ प्रमुख सूचना आयुक्त कृष्णहरि बाँस्तोलां छगु ज्याझ्वः दथुइ त्वाः देवाय् मतः च्याका उलेज्या याना दिगु खः ।
उगु ज्याझ्वलय् आ सरकारं न्ह्यःब्बयेत्यंगु बिधेयकय् ब्यवसायी पिन्तं ब्यवसाय याये तसक थाक्ूm नाप यक्को हे सुधार याये मागु खँय् रामकृष्ण गिरि, देबेन्द्रभक्त श्रेष्ठ, नयनबहादुर खत्री, न्हुच्छेकृष्ण मानन्धर, तोकलाल पाण्डें थःथगु नुगः तयादिगु खः।
मूपाहाँ प्रमुख सूचना आयुक्त बास्तोलां ब्यवसायी पिन्सं निर्धक्क जुइक ब्यवसायय् याये दइगु वातावरण दइगु धकाः थःगु खँ तयादिल ।
अथेहे सघया नायः पबित्र बज्राचार्यं आ वइगु बिधेयकय् उपभोक्ता हित नाप ब्यवसायी पिनिगु हितय् नं वये मागु खँय् बःबिया दिल
चले याना वयाच्वंगु स्कुटर च्यात ।
नृपेन्द्रलाल श्रेष्ठ | दिल्लागा पारु ११३७ ( जुलाई १० २०१७ )
थौं येँया दल्लुइ च्वंगु तपिंताय् सनिलया ५ः३० छगः स्कुटर च्याःगु दु । गया वयाच्वंगु अवस्थाय् हे उकथं मिं च्यानाः दुर्घटना जूगु खःसां नं घाःपाः धाःसा सु नं मजू ।
उगु दुर्घटना लिपा ताँय् ट्राफिक जाम जूगु खःसा नं छुं ई लिपा अन सवारी आवागमन सामान्य जूगु खँ धाःगु दु ।
झिंप्यक्वःगु ज्यापु दिवस हनेगु नितिं पाःब्व लःल्हात ।
नृपेन्द्रलाल श्रेष्ठ | दिल्लाथ्व पुन्हि ११३७ (जुलाई ८ २०१७)
झिंप्यक्वःगु ज्यापु दिवस हनेगु नितिं पाःब्व लःल्हात ।ज्यापु संस्कृति विकास कोषं थौ छगू ज्याझ्वःया दथुइ गुरु पुन्हिया लसताय् मंकाः गुरु पूजा व ज्यापु दिवसया पाःब्वः लःल्हाय्गु ज्या जुल ।
झिंप्यक्वःगु राष्ट्रिय ज्यापु दिवस हनेगु नितिं दगु दापा खलः, नःबहाः, ब्रह्मत्वाःयात श्री कमलादी गणेश जमःमि गुथिया नायः राम महर्जनं पाःब्व लःल्हानादीगु खःसा येँ महानगरपालिकाया प्रमुख विद्या सुन्दर शाक्यं झिंप्यक्वःगु राष्ट्रिय ज्यापु दिवस समारोह समितिया कजि न्हुच्छे नारायण डंगोल (बम्र्हु)यात छगू लख तकाया चेक लःल्हानादीगु खः ।
कोषया नायः मंगल महर्जनया सभाध्यक्षताय् जूगु उगु ज्याझ्वलय् ज्यापु दिवस संयोजन सिफारिस समितिया कजि सन्तु महर्जन, झिंप्यक्वःगु राष्ट्रिय दिवस समारोह समितिया कजि न्हुच्छे नारायण डंगोल, ज्यापु महागुथिया नायः राजभाइ जकःमि, नारायण परिवार क्लबया नायः प्रचण्डमान बज्राचार्य, कोषया संरक्षक तीर्थराम डंगोल, महानगरपालिकाया प्रमुख विद्यासुन्दर शाक्यं थःथःगु नुगःखँ तयादीगु खः ।
उगु ज्याझ्वलय् ६३गू त्वाःया गुरुपिन्त मूपाहां विद्यासुन्दर शाक्यं तपुलि व कोषया दुजःपिन्सं ख्येँय् सगं बियाः हनेज्या याःगु खः ।
नागरिक पत्रकारिता तालिम क्वचाल
नृपेन्द्रलाल श्रेष्ठ । | दिल्लागा पारु ११३७ (जुलाई ६ २०१७)
नेवाः पत्रकार राष्ट्रिय दबूया ग्वसालय् स्वन्हु य कं जुगु नागरिक पत्रकारिता तालिम क्वचागु दु।
उगु तालिमया समापन ज्याझ्वलय् यल महानगरपालिकाया मेयर चिरिबाबु महर्जनं ब्बति का पित छगु ज्याझ्वलय दसिपौ लःल्हाना दिगु खः ।
मन्जु बज्राचार्यं न्ह्याका दिगु उगु ज्याझ्वलय दबूया न्वकु नाप तालिम बिभागया कजि सुरजबीर बज्राचार्यया सभाधक्ष्य जुगु खः । ज्याझ्वलय मूपाहाँ मेयर महर्जनयात दबूया नायः श्रीकृष्ण महर्जनं दबूया ज्ञापन पौं नाप भिंतुना पौं लःल्हायेगु न ज्याझ्वः जुगु खः ।
नुगः तयेगु ज्याझ्वलय् मूपाहाँ मेयर महर्जनं पत्रकार दबूयात मागु ग्वाहालि यायेत थः तयार दु धकाः धया दिल । उगु ज्याझ्वलय् दबूया नायः श्रीकृष्ण महर्जन, महासचिब सुनिल महर्जन, प्रशिक्षक राजेश बज्राचार्य, न्वकु सुरजबीर बज्राचार्य, ताम्रकार समाजया नायः रबिन्द्रराज ताम्रकार थःथगु नुगः खँ तयादिगु खः ।
उत्कृष्ट उद्योगयात राष्ट्रिय उत्पादकत्व सिरपाःया घोषणा
लहनान्युज | दिल्ला थ्व त्रयोदशी ११३७ (जुलाई ७ २०१७) ।
यल उद्योग वाणिज्य संघं वइगु आर्थिक वर्षया शुरुवातनिसें देय्न्यंकया घरेलु, साना, मध्यमनापं तःधंगु उद्योगत मध्ये उत्कृष्ट उद्योगयात ‘राष्ट्रिय उत्पादकत्व सिरपाः’ लःल्हाय्गु घोषणा याःगु दु ।
संघया सभाकक्षय् छगू पत्रकार सम्मेलन यासें संघया नायः सविन श्रेष्ठं उकथंया जानकारी बियादीगु खः । वय्कलं उगु सिरपाः श्रावण वा भाद्र दुने बीगु नं घोषणा यानादीगु खः ।
थुगु सिरपाःपाखें देशयात आर्थिक समृद्धिया लँपु यंकेत सकारात्मक वातावरण दय्कीगु विश्वास प्वंकादिसें आर्थिक समृद्धिया मंकाः लक्ष कार्यान्वयनया दिशाय् देश न्ह्याःवंगुलिइ राष्ट्रिय उत्पादनया बृद्धिया नापनापं व्यवसायया अधिकतम विकासय् उत्प्रेरित याय्त ग्वाहालि जुइगुलिं थुकथंया सिरपाःया परिकल्पना यानागु नं धयादीगु दु ।
थ्वहे झ्वलय् सिरपाःया नितिं आयात व्यवस्थापनया भूमिका, लजगाः, राजश्व योगदानलिसें थीथी झिंप्यंगू आधारय् छनोट याय्गु व थुकिया नितिं नेपाल सरकार उद्योग मन्त्रालय, राष्ट्रिय उत्पादकत्व तथा आर्थिक विकास केन्द्र, नेपाल उद्योग वाणिज्य महासंघ, नेपाल आर्थिक पत्रकार समाज व यल उद्योग वाणिज्य संघया प्रतिनिधित दुथ्याःगु छगू उच्च स्तरीय निर्णायक मण्डल नं नीस्वंगु जानकारी श्रेष्ठं बियादिल ।
ज्याझ्वलय् संघया निवर्तमान नायः अजरमान जोशी लिसेंया कार्यसमितिया पदाधिकारीपिनिगु उपस्थिति दुगु खः ।
लहनान्युज
