Display Style:
Column Style
पद्मरत्न बिचाः मुज्या जुल
नृपेन्द्रलाल श्रेष्ठ | कछलाथ्व अष्टमी ११३८ (नोभेम्वर १६ २०१८)
पद्मरत्न विचाः हायेकाः ग्वसाः खलः न थौं शुक्रवाः येँया बसन्तपुरय् छगु ज्याझ्वः यासें मदुम्ह नेवाः न्ह्यलुवाः, नेपाल संवत आन्दोलनया प्रणेता, मानवअधिकार आन्दोलन न्ह्यलुवा पद्मरत्न तुलाधरया १३ न्हिया पूण्यतिथि लाका विचाः हायेका ज्याझ्वः जुगु दु ।
उगु ज्याझ्वलय् थःगु नुगः तयादीसें उपप्रधान नापं रक्षामन्त्री पोखरेलं पद्मरत्न तुलाधर भाषा आन्दोलन, नेपाल संवत आन्दोलन नाप नेपालय् जुगु दक्को राजनीतिक हिउपा हयेगु आन्दोलनय् क्रियाशील न्ह्यलुवाः खः धइगु विचाः तयादीगु खः । तुलाधरया नामय् प्रतिष्ठान स्वनेत जनस्तरं हे प्रतिष्ठान नीस्वनेमाःगु विचाः तयादीसे सरकारपाखें माःगु ग्वाहालि यायेत थःम्ह माःगु पलाछित तयार दु धका न धयादील ।
अथेहे जनकवि दुर्गालाल श्रेष्ठं पद्मरत्न सीइगु मदु, सी नं मखु धयादिसें पद्मरत्न झी नापं हे दु, पद्मरत्न गुबलें सीमखु, सिइत नं वःगु मखु धयादीगु दु । नाप मदुम्ह तुलाधरया सहकःमि दमननाथ ढुंगानां तुलाधरं शान्ति प्रक्रियाय् ज्वः मदुगुं योगदान यानादीइगु खँ न्ह्यथनादीसें नेपाःया राजनीतिक हिउपाःया वाहक खः धकाः विचाः तयादील ।
अथेहे नेवाः न्ह्यलुवाः मल्ल के सुन्दरं पद्मरत्न नेवाः समुदाय् नाप नेपाःया दक्को जनजाति तयेगु समान अधिकार सः तयादीम्ह नेता खः धयादीगु खः ।
उगु विचाः मुँज्याय् आदिवासी जनजाति राष्ट्रिय आन्दोलनया प्रवक्ता डा. ओम गुरुङ, आदिवासी जनजाति महासंघया न्वकू गोविन्द सत्याल, नागरिक न्ह्यलुवाः श्याम श्रेष्ठ, मानवअधिकारवादी नेता लिसें राष्ट्रपतिया सल्लाहकार सुशील प्याकुरेल, नेपाल संवत न्हूदँ राष्ट्रिय समारोह समिति ११३९ या नायः सत्यभामा माथेमापिन्सं नं पद्मरत्नयात कयाः थःथःगु नुगःखँ प्वंकूसें विचाः हायेकूगु खः ।
ज्याझ्वलय् मदुम्ह तुलाधर लुमंकाः छगू मिनेट मौनधारण यासें नेपाल परम्परागत बौद्ध संघया गुर्जुपिन्सं धारणी पाठ यायेधुंकाः तुलाधरया किपातय् स्वां देछानाः श्रद्धाञ्जलि प्वंकूगु खः ।नेपालभाषा कवयित्री प्रतिसरा साय्मिं न्ह्याकादीगु ज्याझ्वलय् ग्वसाः खलःया दुजः सुरेशकिरण मानन्धरं सुभाय् देछानादीगु खः ।
नेपाल सम्वतया लसताय् चिनाखँ मुँज्या
लहनान्युज | कछलाथ्व सप्तमी ११३८ (नोभेम्वर १४ २०१८)
क्याफे नेक्ससय् नेपालभाषाया चिनाखँ मुँज्या नेपाल सम्वत ११३९या लसताय् क्याफे नेक्ससया ग्वसालय् ४५ क्वःगु ओपन माइक नाइट नेपालभाषा चिनाखँ मुँज्या बखुण्डोलय् जूगु दु ।
शाक्य सुरेन व सुिधर ख्वबिं न्ह्याकादीगु उगु ज्याझ्वलय् भगत दास श्रेष्ठ, रामेश्वर श्रेष्ठ, विमल प्रभा बज्राचार्य, पुष्प तुलाधर, प्रतिसरा सायमि, वंशीधर बज्राचार्य, बसन्त नकःमि तेजकृष्ण श्रेष्ठ, रजनी मिला, राज अक्षोभ्य, रामेश्वर मिश्रण श्रेष्ठ, मोक्ष बहादुर अमात्य, भूषण प्रसाद श्रेष्ठ, हिरा रत्न शाक्य, नर्मदेश्वर प्रधान, सुनिल बज्राचार्य, डा. पुष्प राज राजकर्णिकर, कविन्द्र लाल श्रेष्ठ, दबल शाक्य, प्रगित पराजुली, दिवस श्रेष्ठ, जोन कुल राइपिसं चिनाखँ ब्वनाः न्यंकादीगु खः ।
थेहे उगु ज्याझ्वलय् जुजुकाजी रञ्जित, स्वयम्भु राज शाक्य, इन्द्र व्यन्जनकार, रिता महर्जन लगायत पिसं म्ये हानाः न्यंकादीगु खः ।
बुखँ नेवाः सुचना केन्द्र किपा राजेन्द्र रंजित
नेवाः एफएमपाखें ५२ गु नेवाः संचारगृहयात हनीगु
नृपेन्द्रलाल श्रेष्ठ | कछलाथ्व सप्तमी ११३८ (नोभेम्वर १४ २०१८)
नेवाः एफ एम १०६.६ पाखें आ वइगु शनिवाः मंसीर १ गते किपुलिइ छगू तःजिगु ज्याझ्वःयासें नेपालभाषं संचालन जुयाच्वंगु संचार माध्यम नाप नापं नेपालभाष यात थाय् बियातःगु नापं याना देय् न्यंकंया ५२ गू संचार माध्यमयात हनीगु जूगु दु ।
संवत ११३९ न्हूदँ व नेवाः एफ एम झिंनिदँ फुना झिंस्वदँ क्यंगु लसताय् वाडमय शताब्दी पुरुष सत्यमोहन जोशीया मूपाहांसुइ किपूया लाय्कुलिइ जुइगु ज्याझ्वलय् अथे संचार माध्यमयात हनेत्यंगु खः ।
समावेशी संचारया बहस जुयाच्वंगु इलय् भाषिक समावेशी नं संचार माध्यमय् यायेमाःगु खँयात बः बिइगु कथं अथे नेवाः भासं संचालन यानाच्वंगु व नेवाः भाय्यात थाय् बिया वयाच्वंगु संचारगृहयात हनेत्यनागु खः धकाः नेवाः एफ एमया प्रबन्ध निर्देशक श्रीकृष्ण महर्जनं लहनान्युजयात जानकारी बियादीगु दु ।
स्वनिगलं पिहां वयाच्वंगु व स्वनिगलय् संचालन जुयाच्वंगु संचार माध्यम जक मखु स्वनिगलं पिनें पिहां वयाच्वंगु पत्रपत्रिकालिसें स्वनिगलं पिने नं संचालन जुयाच्वंगु संचार माध्यमयात हनेत्यंगु खँ न्ह्यथसें वय्कलं बियादीगु जानकारी कथं थौंकन्हय् पिहां वयाच्वंगु नेपालभाषाया न्हिपौ, वाःपौ, बाछि पौ, लय्पौ, नेपालभाषं संचालन जुयाच्वंगु अनलाईन, टेलिभिजन, एफ एम नापं याना न्यय्गुलिं मल्याक संचार संस्थात हनेत्यंगु दु ।
नेपाल संवतया न्हूदँ नाप नेवाः एफ एमया बुदिंया लसताय् नेवाः संचार ख्यलं याना वयाच्वंगु ज्यायात च्वंगु संचार माध्यमयात लसतां हनेगु जुया थुगु लसता हना ज्याझ्वः याना अथे हनेत्यंगु खः । किपूया लाय्कूया दबुलिइ जुइगु उगु ज्याझ्वलय् नेवाः एफ एम न्यनापि पुचः तकं औपचारिक रुपं घोषणा यायेगु नाप नापं सास्कृतिक ब्वज्या नं जुइ धाःगु दु ।
थौंकन्हय् स्वनिगलं पिने पोखरा, हेटौंडा, काभ्रेपाखें नं पत्रिका पिथानाच्वंगु दुसा स्वनिगलं पिने नं थीथी एफ एमपाखें नेवाः भासं ज्याझ्वः प्रशारण जुयाच्वंगु दु । उकिं देय्न्यंकंया हे संचारगृहया प्रतिनिधियात सःताः हनेत्यंगु खः । नेपाःया संचार जगतय् थुलिमछि नेवाः संचार मध्यमयात हनेत्यंगु थ्व न्हापांखुसि जुइमाः ।
पद्मरत्न श्रद्धाञ्जलिसभा ग्वसाः खलः नीस्वन ज्या जुल
नृपेन्द्रलाल श्रेष्ठ | कछलाथ्व पंचमी ११३८ (नोभेम्वर १२ २८१८)
थौं नेपा बैक्वटय् छगु मुज्या यासें थ्वहे वइगु कछलाथ्व अष्टमी शुक्रवाः (कार्तिक ३० गते) मदुम्ह पद्मरत्न तुलाधरया १३ न्हुया पूण्यतिथिइं सुथं सिया ७.३० ताः इलय् येँया बसस्तपुरय् श्रद्धाञ्जलि सभा ज्याझ्वः यायेगु नितिं थीथी खलः पुचः व संघसंस्थाया दथुइ सहलह मुँज्या जूगु दु ।
उगु सहलह मुँज्यां येँया थीथी खलः पुचः व संघसंस्थाया मंकाः ग्वसालय् मदुम्ह पद्मरत्न तुलाधरया श्रद्धाञ्जलि सभा याइगु खँया जानकारी ब्यूगु दु ।
मदुम्ह तुलाधरया श्रद्धाञ्जलि सभा यायेगु नितिं पद्मरत्न श्रद्धाञ्जलि सभा ग्वसाः खलः नीस्वंगु दुसा थीथी खँया निर्णय नं याःगु दु ।
पद्मरत्न श्रद्धाञ्जलि सभा ग्वसाः खलः
दुजःपिं
१. सत्यभामा माथेमा–न्हूदँ समारोह समिति
२. सुजिब बज्राचार्य–नेवाः जागरण मञ्च
३. धर्मकृष्ण श्रेष्ठ–लोक साहित्य परिषद
४. निरञ्जनरत्न शाक्य
५. डा. पुष्यराज राजकर्णिकार–नेपालभाषा एकेडेमी
६. बाबु घिसिङ्ग–नेपाल तामाङ्ग घेदुङ्ग
७. दिलिप महर्जन–नेवाः मुक्ति मोर्चा
८. विर प्रसाद भन्सारी–इन्द्रेणी साँस्कृतिक समाज
९. मचाराजा महर्जन–नेवाः देय् दबू, येँ
१०. दुर्गा राइ–किरात राई यायोक्खा
११. नरेश ताम्राकार–नेवाः देय् दबू
१२. बाबुराजा महर्जन–ज्यापु महागुथि येँ महानगर कमिटी
१३. पञ्च महर्जन–गोफः त्वाः खलः
१४. मङ्गल कृष्ण सिं–ज्यापु साँस्कृतिक विकास समिति
१५. राजभाई जकमि–ज्यापु महागुथि केन्द्रिय समिति
१६. शैलेश शाक्य बरेजु–लोकतान्त्रिक नेवाः दबू
१७. प्रतिसरा सायमि–नेवाः नुगः
१८. राजेन्द्रमान शाक्य–संकिपा ख्यः
१९. रविन सायमि–१३ वडा ग्वाहालि पुचः
२०. सुरेन्द्रवीर मालाकार–नेवाः न्ह्यलुवा
२१. प्रेरणा शाक्य–नेवाः सञ्चार ख्यः
२२. राजीव राजोपाध्याय–न्हैकतला नेवाः पुचः
२३. देवदास मानन्धर–नेवाः शिक्षा गुथि
२४. माणिक रत्न शाक्य–सुनचादी व्यवसायी महासंघ
२५. महेन्द्ररत्न शाक्य–सुनचादी व्यवसायी संघ येँ
२६. दसरत्न बज्राचार्य–नेपाल परम्परागत बौद्ध संघ
२७. रमेश बज्राचार्य–बज्राचार्य संरक्षण गुथि
२८. नृपेन्द्रलाल श्रेष्ठ–लहना पुचः
२९. मनरत्न शाक्य–न्हू पुचः
३०. भीम महर्जन–नेवाः राष्ट्रिय परिषद
३१. ऋषि प्रसाद श्रेष्ठ–नेपाल भाषा मंका खलः यल
३२. हिराकाजी महर्जन–माँ भाय् पुचः यल
३३. डा. ओम गुरुङ्ग–आदिवासी जनजाति राष्ट्रिय आन्दोलन
३४. सानुकाजी महर्जन–नेवाः राजनीतिक अभियान
३५. सुनीता मानन्धर–जगतसुन्दर ब्वनेकथि
३६. डा. चुण्डा बज्राचार्य–नेवाः न्ह्यलुवा
३७. नानीहेरा महर्जन–त्यग त्वाः मिसा पुचः
३८. सुरज महर्जन–सेभ नेपा भ्याली
३९. धर्मदेव महर्जन–प्रथमञ्जलि नासः खलः
४०. ज्योती शाक्य–ओलम्पस क्लब
४१. मचाराजा महर्जन–नेपाः ब्याङ्केट
४२. अमृतरत्न ताम्राकार–नेवाः जागरण मञ्च
४३. उमेश स्थापित–मुनासः
४४. दिपक तुलाधर–नेवाः बस्ती नेवाः स्कुल
४५. डा. महेशमान श्रेष्ठ–नेवाः न्ह्यलुवा
४६. सुनिल महर्जन–नेवाः सञ्चार ख्यः
४७. सुरेन्द्रभक्त श्रेष्ठ–नेवाः सञ्चार ख्यः
४८. विजयरत्न असंबरे–नेवाः मिडिया
४९. सुरेश किरण–नेपाल भाषा टाइम्स
५०. दुर्गालाल श्रेष्ठ–जनकवि
५१. भृगुराम श्रेष्ठ–जनगायक
५२. गणेश सायमि–नेवाः न्ह्यलुवा
५३. लक्ष्मीदास मानन्धर–नेवाः न्ह्यलुवा
५४. कृष्णगोपाल श्रेष्ठ–सांसद प्रतिनिधि सभा
५५. भिमसेनदास प्रधान–सांसद प्रतिनिधि सभा
५६. जीवनराम श्रेष्ठ–सांसद प्रतिनिधिसभा
५७. राजेन्द्र श्रेष्ठ–सांसद प्रतिनिधि सभा
५८. राजकाजी महर्जन–सांसद प्रदेश सभा
५९. बसन्त मानन्धर–सांसद प्रदेश सभा
६०. राजेश शाक्य–सांसद प्रदेश सभा
६१. डा. अजय क्रान्ति शाक्य–सांसद प्रदेश सभा
६२. श्रीकृष्ण महर्जन–नेवाः पत्रकार राष्ट्रिय दबू
६३. ज्ञानबहादु महर्जन–प्रतिभा साहित्यिक परिवार
६४. पबिञ कसाः–नेवाः कलाकार
६५. पबित्र बज्राचार्य–नेवाः न्ह्यलुवा
६६. यादवलाल कायस्थ–सेभ नेपाः भ्याली
६७. शान्ता प्रजापति–नेवाः मिसा पुचः
६८. अष्टलक्ष्मी शाक्य–सांसद प्रदेशसभा
६९. मुक्ति प्रधान–पूर्व महान्यायाधिवक्ता
७०. अनार बज्राचार्य–बज्राचार्य संरक्षण गुथि
७१. रामभक्त बमजन–नेवाः ताम्सालिङ्ग समन्वय समिति
७२. शरद कसाः–आसा सफुकुथि
७३. राजा शाक्य–जनबहा
७४. भुषण प्रसाद श्रेष्ठ–च्वसापासा
७५. मल्ल के सुन्दर–नेवाः न्ह्यलुवा
७६. गौरी प्रधान–मानव अधिकारकर्मि
गणेशमान सिंहया १०४ क्वःगु बुदिंया हन
नृपेन्द्रलाल श्रेष्ठ | कछलाथ्व तृतिया ११३९ ( नोभेम्वर १० २०१८)
लौहपुरुष कथं नांजाम्ह सर्वमान्यनेता गणेशमान सिंहया १०४ क्वःगु बुदिंया लसताय् गणेशमान सिंह तथा जन आन्दोलन सहिद स्मृति प्रतिष्ठानया ग्वसालय् थौं येँया शान्ति वाटिकाय् तुच्चा ज्याझ्वः नाप हने ज्या लिसे सफू पित ब्बज्या जुगु दु ।
थौंया ज्याझ्वलय् मूपाहाँ सम्माननिय उप राष्ट्रपति नन्दबहादुर पुनं मह जोडीया रुपय् नांजापिं मदनकृष्ण श्रेष्ठ व हरिवंश आचार्ययात जन आन्दोलनया ईलय् यानादीगु योगदानया कदर यासे जन आन्दोलन स्वर्ण पदक लःल्हायेगु ज्या जुगु खःसा मूपाहाँ उपराष्ट्रपति पुनं योगेन्द्रमान श्रेष्ठं ऐतिहासिक विषयलय् च्वयादीगु सातसाल लिपाया सातमहिना नांयागु नेपालभाषाया सफूया पितब्वज्या न यानादीगु खः ।
थौं पितब्वज्या जूगु सफूयात कया नेवाः न्ह्यलुवा मल्ल के सुन्दरं समालोचना यानादिगु खः ।
प्रतिष्ठानया नायः भिमसेनदास प्रधानं लसकुस न्वचु तयादीगु थौंया ज्याझ्वलय् संविधानसभाया पूर्व सभामुख सुभाष चन्द्र नेम्बाङ , नेपाली कांग्रेसया नेता कृष्ण सिटौला, पूर्वउपप्रधानमन्त्री प्रकाश मान सिंहया नापनापं सम्मानित जुयादीपिं मदनकृष्ण श्रेष्ठ व हरिवंश आचार्य्पिन्सं नुगः खँ तयादीगु खः।
