Display Style:
Column Style
यलय् मंकाः चिबाखं मुँज्या
लहनान्युज | कछलाथ्व दशमी ११३८ (नोभेम्वर १८ २०१८)
बिसकंगु सवाः ज्वनाः यलया इखालखु त्वालय् स्वम्हसिया मंकाः चिबाखं मुँज्या जूगु दु ।
सुधिर ख्वबिया सभाधक्ष्यताय् सुनिल बज्राचार्य न्ह्याकादीगु उगु मुँज्याय् दिव्या ताम्राकार, ज्ञानीबाबु मानन्धर व रेणु श्रेष्ठपिसं थःपिनिगु च्वसां पिदंगु म्हतिं न्यापु ल्याखं स्वम्हसिनं मुक्कं झिन्यापु चिबाखं ब्वनाः न्यंकादीगु खः ।
उगु मुँज्याय् बरिष्ठ बाखंच्वमि भाषाह्यमि राजा शाक्य, मोक्ष्य बहादुर अमात्य, भगत दास श्रेष्ठ लगायत आपालं साहित्यकारत नापं स्थानीयबासीपिसं ब्वतिकायादीगु खः ।
कजि ख्वबिं स्वम्ह बाखंच्वमि व ब्वतिकाःपिं मध्ये गोला प्रथां ल्यःम्ह छम्हेसित मतिनाया चिं लःल्हानादीगु खः ।
बुखँ नेवाः सुचना केन्द्र किपा राजेन्द्र रंजित
ज्वेल्स् बचतय् किरणभाई बज्राचार्य
नृपेन्द्रलाल श्रेष्ठ | कछलाथ्व अष्टमी ११३८ (नोभेम्वर १७ २०१८)
वेल्स् बचत तथा ऋण सहकारी संस्था लिमिटेडया गुक्वःगु साधारण सभा थौं जुगु दु ।
थौं जुगु उगु साधारण सभां किरणभाई बज्राचार्यया नेतृत्वय् उपाधक्ष्य बिपिन शाक्य, सचिब सुबिन बज्राचार्य, कोषाध्यक्ष प्रज्ञाराज शाक्य सह सचिब स.जय शाक्य व सह कोषाध्यक्षय् तेज बहादुर बज्राचार्ययात सर्वसहमतिं ल्यःगु दु ।
अथेहे दुजलय, राजेश शाक्य, मोतीशान्ती शाक्य, मोतीमान शाक्य, राज्यलक्ष्मी बज्राचार्य, गिरेन्द्र शाक्य, हेराकाजी शाक्य व भिमरत्न शाक्ययात न सर्वसहमतिं ल्यःगु खः ।
नाप लेखा तथा सुपरिवेक्षण समितिं ध्रुवकुमार कसःजुयात संयोजक दिपेन्द्र राज बज्राचार्य व त्रिलोक राज शाक्ययात ल्यःगु दु ।
नेवाः एफएमपाखें संचाकःमिपिन्त हन
नृपेन्द्रलाल श्रेष्ठ | कछलाथ्व अष्टमी ११३८ (नोभेम्वर १७ २०१८)
नेवाः एफ एम १०६.६पाखें थौं छगु ज्याझ्वः यासे नेपालभाष न्ह्यानाच्वंगु संचार माध्यम नाप नापं नेपालभाषं थाय् बियातःगु देय्न्यंकंया ५२ गू संचार माध्यमयात छगु ज्याझ्वः दथुइ मूपाँहा वाडमय शताब्दी पुरुष सत्यमोहन जोशीं हनापौ लःल्हानादीगु खः ।
थौं किपूया लाय्कूया दबुलिइ जुइगु उगु ज्याझ्वलय् नेवाः एफ एम न्यनापि पुचः या न औपचारिक रुपं घोषणा जुगु दु ।
अनक मिडिया प्रालिया नायः नविन महर्जनया सभाधक्ष्यताय् जुगु उगु ज्याझ्वलय् येँ क्षेत्र न १० या प्रतिनिधि सभाया सांसद राजेन्द्र कुमार केसी, प्रदेश ३ या सांसद पुकार महर्जन नाप अनक मिडिया प्रवन्ध र्निदेशक श्रीकृष्ण महर्जन व बरिष्ठ प्रत्रकार सुरेशकिरण मानन्धरपिन्स थःथःगु नुगः खँ तयादीगु खः ।
नेपाल संवत ११३९ न्हूदँ व नेवाः एफ एम झिंनिदँ फुना झिंस्वदँ क्यंगु लसताय् उगु ज्याझ्वः जुगु खः ।
ज्वेल्स् बचतया गुक्वःगु दँमुज्या
नृपेन्द्रलाल श्रेष्ठ | कछलाथ्व अष्टमी ११३८ (नोभेम्वर १७ २०१८)
ज्वेल्स् बचत तथा ऋण सहकारी संस्था लिमिटेडया गुक्वःगु साधारण सभा थौं जुगु दु ।
थौं जुगु उगु ज्याझ्वलय् मूपाँहा नेपाल बचत तथा ऋण केन्दिय सहकारी संघया बरिष्ठ उपाध्यक्ष पारितोष पौड्यालं उलेज्या यानादील ।
अथेहे थौंया ज्याझ्वलय् जेष्ठ नागरीक हने नाप बांलापि बचतकर्ता यात हने ज्या जुगु खः ।
संस्थाया नाप किरणभाई बज्राचार्यं प्रगति बिवरण व कोषाध्यक्ष प्रज्ञाराज शाक्यं आर्थिक प्रतिवेदन न्ह्यब्बयादीगु खः ।
थौया उगु मुँज्याय् प्रदेश ३ या सांसद शोभा शाक्य, अन्तर सहकारी कोषया अध्यक्ष नेमवीर शाक्य, नेपाल सुनचाँदी ब्यवसायी महासंघया बरिष्ठ उपाधक्ष्य माणिकरत्न शाक्य व ललितपुर उद्योग वाणिज्य संघया अधक्ष्य कृष्णलाल महर्जनपाखें न भिंतुना न्वचु बियादीगु खः ।
पोखराय् कन्हय बेलुनया उलेज्या
नृपेन्द्रलाल श्रेष्ठ | कछलाथ्व अष्टमी ११३८ (नोभेम्वर १६ २०१८)
बेलुन नेपाल प्रा.लि.या ग्वसालय् कन्ह्यनिसें पोखराया धम्पूस धइगु थासं बेलुनय् च्वनाः पोखराया दृश्यावलोकन याये फइगु जुगु दु । थौ छगु पत्रकार सम्मेलनयान थुगु खँया जानकारी बियादीगु खः ।
कन्ह्य छगु ज्याझ्वःया दथुइ ४नम्वर प्रदेशयन मुख्यान्त्री पृथ्वीसुब्वा गुरुङ्गं उलेज्या यानादीगु ज्याझ्वः दु ।
छगः बेलुनय् च्याम्ह जक च्वने फइगु अथेहे नेपाःमि छम्हेसिया लागि ११००० तका व विदेशी पर्यटकया नितिं १६० डलर शुल्क तयातगु धका प्रा.लिया सचिव प्रबिण महर्जनं प्रेस सम्मेलन पाखें जानकारी बियादीगु खः ।
छगः बेलुनय् च्याम्ह जक च्वने फइगु अथेहे नेपाःमि छम्हेसिया लागि झिंछसः तका व विदेशी पर्यटकया नितिं १६० डलर शुल्क तयातगु धका प्रा.लिया छ्याञ्ज्ये प्रबिण महर्जनं प्रेस सम्मेलनय् जानकारी ब्यूगु खः ।
नेपाल सरकार, पर्यटन मन्त्रालय, नेपाल उडड्यन प्राधिकरणलिसे इजाजत कयाः न्ह्याकूगु उगु हट बेलुन एडभेन्चरय् लिपा वनाः हट बेलुनं हे बन्जी जम्प यायेगु अले स्काई डाइभथें ज्याःगु रोमाञ्चकारी कासा नं यायेगु ग्वसाः दूगु खँया बेलुन नेपाल प्रा.लि.या विक्रम बाडें जानकारी बियादीगु दु ।
