Display Style:
Column Style
पद्मरत्नया पत्रकारिताय् बिषयलय् बिचाः गोष्ठी
नृपेन्द्रलाल श्रेष्ठ | गुंलाथ्व अष्टमी ११३८ ( अगष्ट १८ २०१८ )
नेवाः पत्रकार राट्रिय दबूया ग्वसालय् पद्मरत्न तुलाधर नागरिक अभिनन्दन समारोह समितिया इनापय् थौं येँया पर्यटन र्वोडय् पत्रकारिताय् पद्मरत्न बिषयलय् छगु बिचाः गोष्ठी जुगु दु ।
उगु बिचाः गोष्ठीइ नेपाल प्रेस काउन्सिलया कार्यवाहक नायः किशोर श्रेष्ठ, परराष्ट्रबिद हिरण्यलाल श्रेष्ठ, नेपाल कम्युनिष्ट पार्टीया नेता रधुजी पन्त, नेवाः न्ह्यलुवाः मल्ल के. सुन्दर पिन्स पद्यरत्न नेपाःया लोकतन्त्र, आदिवासी नाप प्रेस स्वतन्त्रा बिषय् खँय् बिचाः तयादीगु खः ।
नाप थःगु बिचाः तयेगु झ्वलय् पद्म रत्न तुलाधरं शताब्दी पूरुष सत्यमोहन जोशी, राट्रकवि माधव घिमिरेपिं आः तक नं बल्लानी धयादिसें वयकपि थें थःनं अथे हे सच्छिदँ तक म्वाइ ला धइगु भलसा कयाःगु खँ कनादिल ।
समारोह समितिया नायः लक्ष्मीदास मानन्धरया सभापतित्व जुगु उगु ज्याझ्वः पत्रकार दबूया नायः श्रीकृष्ण महर्जनं लसकुश यानादिगु खःसा ज्याझ्वः के.के मानन्धर न्ह्याकादिगु खः ।
भिडियो स्वयेत थन क्लिक यानादीस
https://www.facebook.com/lahananews/videos/486527145145063/
पद्मरत्न तुलाधरयाते तःजिक नागरिक अभिनन्दन याइगु
नृपेन्द्रलाल श्रेष्ठ | गुंलाथ्व पंचमी ११३८ ( अगष्ट १८ २०१८ )
नेवाः न्ह्यलुवाः, जनजाति, मानवअधिकारकःमि, भाषिक आन्दोलनया न्ह्यलुवाः पद्मरत्न तुलाधरया न्हापांगु ज्याजंक्व थ्व हे वइगु भाद्र ३० गते तःजिक नागरिक अभिनन्दन याये त्यःगु दु ।
उगु ज्याजंक्वया लसताय् थी थी ज्याझ्व थौं छगु पत्रकार सम्मेलन याना १२ गु ज्याझ्वः सार्वजनिक याःगु दु ।
ज्याझ्वः कथं भदौ १ गतेनिसें भदौं ३० गतेतक थीथी ज्याझ्वः यायेगु क्वःछिनातःगु दु ।
१) भाद्र १ गते शुक्रवाः (ने.सं. ११३८ गुंलाथ्व ७)
‘नेपाःया मानव अधिकार आन्दोलनय् पद्मरत्न तुलाधरया भूमिका’ विषयस विचाः गोष्ठी ।
थाय् नेपाः ब्यांक्वेट । ई न्हिनसिया २ ता इलय्
वक्तापिं दमननाथ ढुंगाना, लोककृष्ण भट्टराई, डा. गोपाल शिवाकोटी व मेमेपिं ।
२) भाद्र २ गते शनिवाः (ने.सं. ११३८ गुंलाथ्व ८)
‘पत्रकारिताय् पद्मरत्न’ विषयस परिचर्चा
थाय् पर्यटन बोर्ड हल, भृकुटीमण्डप । ई सुथसिया ८ ता इलय्
वक्तापिं हिरण्यलाल श्रेष्ठ, मल्ल के. सुन्दर, रघुजी पन्त, किशोर श्रेष्ठ
३) भाद्र १० गते आइतवाः (ने.सं. ११३८ गुंलाथ्व १५)
‘येँ महाननगर थीथी थासय् सुचुपिचु ज्याझ्वः
थाय् टंकेश्वर, कालिमाटी ई सुथसिया ८ बजे
४) भाद्र १५ गते शुक्रवाः (ने.सं. ११३८ गुंलागा ५)
शान्ति प्रक्रियाय् पद्मरत्न तुलाधरया सहजीकरण बारे परिचर्चा
थाय् राष्ट्रिय सभागृह । ई न्हिनसिया २ ता इलय्
मूपाहाँ पूर्व प्रधानमन्त्री पुष्पकमल दाहाल प्रचण्ड
५) भाद्र २० गते बुधवाः (ने.सं. ११३८ गुंलागा १०)
पद्मरत्न तुलाधरया साहित्यिक व्यक्तित्व बारे चर्चा व साहित्य वाचन
थाय् सातोआकी भवन, कोपुण्डोल । ई न्हिनसिया १ ता इलय्
६) भाद्र २२ गते शुक्रवाः (ने.सं. ११३८ गुंलागा १२)
नेपाल संवत् आन्दोलनय् पद्मरत्न तुलाधरया योगदान विषयस विचाः गोष्ठी
७) भाद्र २३ गते शनिवाः (ने.सं. ११३८ गुंलागा १४)
खुल्ला हिदान ज्याझ्वः
थाय् बसन्तपुर । ई सुथसिया १० ता इलंनिसें
८) भाद्र २३ गते शनिवाः ४ (ने.सं. ११३ गुंलागा १४)
पद्मरत्न तुलाधरं च्वयादीगु ख्यालः प्रदर्शन
थाय् राष्ट्रिय सभागृह । ई न्हिनसिया ४ ता इलय्
९) ‘आदिवासी जनजाति आन्दोलनय् पद्मरत्न तुलाधरया योगदान’ बिचाः गोष्ठी
१०) नेवाः आन्दोलनय् पद्मरत्न तुलाधरया नेतृत्व बारे परिचर्चा
११) भाद्र २९ गते शुक्रवाः (ने.सं. ११३८ यंलाथ्व ५)
इच्छुक संघ संस्थापाखें पद्मरत्न तुलाधरयात अभिनन्दन पौ लःल्हायेगु ज्याझ्वः
थाय् नेपाः ब्यांक्वेट, खुसिबुँ । ई न्हिनसिया ४ ता इलय्
१२) भाद्र ३० गते शनिवाः (ने.सं. ११३८ यंलाथ्व ६)
पद्मरत्न तुलाधरयात नागरिक अभिनन्दन (मू ज्याझ्वः)
थाय् राष्ट्रिय सभागृह । ई न्हिनसिया २ ता इलय्
फोनिज १९क्वःगु स्थापना दिवस हन
नृपेन्द्रलाल श्रेष्ठ | गुंलाथ्व दुतिया ११३८ ) अगष्ट १३ २०१८ )
नेपाल आदिवासी जनजाति पत्रकार महासंघ (फोनिज)या १९क्वःगु स्थापना दिवस छगू ज्याझ्वःया दथुइ हन ।
उगु ज्याझ्वलय् आदिवासी जनजाति राष्ट्रिय पत्रकारिता पुरस्कार–२०७५ प्यम्ह पत्रकारपिन्त लःल्हाःगु खः । सिरपाः त्याकादीपिं अनलाइनपाखे उजिर मगर, टेलिभिजनपाखे भैरव आङला, छापापाखे छेटु शेर्पा व रेडियापाखे विमला चौधरी खः ।
वय्कःपिन्त ज्याझ्वःया मूपाहां सञ्चार तथा सूचना प्रविधिमन्त्री गोकुल बास्कोटां सिरपाःलिसें म्हतिं ४०द्वःतका लःल्हानादीगु खः ।
थ्व हे झ्वलय् ज्याझ्वःया मूपाहां मन्त्री बास्कोटां सरकारी फुक्क सञ्चारमाध्यम समावेशी जूगु दावी यानादिसें निजी सञ्चारमाध्यम समावेशी जुइमफूनिगु दावी यानादिल । नेपाल प्रेस
काउन्सिलया कार्यवाहक नायः किशोर श्रेष्ठं पत्रकारिताया नामय् “ब्लाय्कमेलिङ्ग पत्रकारिता” अप्वया वंगु धयादिल ।
फोनिजका नायः डण्ड गुरुङको सभाध्यक्षताय् जूगु उगु ज्याझ्वलय् नेपाल पत्रकार महासंघया नायः गोविन्द आचार्यं सरकार प्रेस स्वतन्त्रतायात कुण्ठित याय्गु नितिं न्ह्यज्यानाच्वंगु धयादिल ।
थसिइ बिशेष सम्मान ज्याझ्वः
नृपेन्द्रलाल श्रेष्ठ | दिल्लागा औशी ११३८ ( अगष्ट ११ २०१८ )
थसिइ छगु ज्याझ्वः यासे वाङमय शताब्दी पुरुष डा. सत्यमोहन जोशी व सर्वोच्च शिखर सगरमाथा गयेत ताःलाम्ह पत्रकार कल्पना महर्जनयात थौं बिशेष सम्मान ज्याझ्वः यागु दु ।
उगु ज्याझ्वलय् मूपाँहा यल ३ न. प्रदेश सभाया सासद माधव पौडेलं हनापौ देछाना हनादीगु खःसा महालक्ष्मी नगरपालिकाया मेयर रामेश्वर श्रेष्ठं दौसल्ला न्यकादीगु खः । नाप वाङमय शताब्दी पुरुष डा. सत्यमोहन जोशीयात न्यय् द्धः तका नगद न लल्हानादीगु खः । नेवाः परम्परा कथं ख्यं सगः बिया न हंगु खः ।
थःगु नुगःखँ तयेगु झ्वलय् वाङमय शताब्दी पुरुष जोशीं सर्वोच्च शिखर सगरमाथा गयेत ताःलाम्ह पत्रकार कल्पना महर्जनयात सगरमाथा गइ बलय् याःगु अनुभवयात लिपिबद्ध याना पिकायेत सल्लाह न बियादीगु दु ।
पत्रकार कल्पना महर्जनं सगरमाथाय् वने इलय् छम्ह मिसा जुया याये माःगु सर्घष नाप थःगु अनुभव कनादीगु खः ।
महालक्ष्मी नगरपालीकाया ६ नं वडा व सिद्धिपुर सहकारी समाजया मंकाः ग्वसालय् जुगु खः ।
उगु ज्याझ्वः याये न्ह्यः मय्जु कल्पना महर्जनयात सांस्कृतिक झाँकी सहित सिद्धिपुर न चाहिकूग् खः ।
नेपाल लिपि गुथिया बुदिं हन
लहनान्युज | दिल्लागा औशी ११३८ ( अगष्ट ११ २०१८ )
नेपाल लिपि गुथिं बुदिं हना नापं दँ मुँज्या ज्याझ्वः थःगु हे छेँ साःननि यागु दु ।
गुथिपाखें लिपि स्यनेज्याय् नेपाल लिपि कक्षाय् सुयोग्य रत्न ताम्राकार न्हाप, आनन्द कुमार महर्जन ल्यू, सुनिता डंगोल लियांल्यू लाःगु खः ।
अथेहे रञ्जना लिपिया कक्षाय् आनन्द कुमार महर्जन न्हाप, सुनिता डंगोल व सुयोग्य रत्न ताम्राकार ल्यू, लुमिन ताम्राकार व सृष्टि श्रेष्ठ लियांल्यू लाःगु खः ।
निक्वःगु रञ्जना लिपि कक्षाय् बिद्या सागर तुलाधर न्हाप, सदिक्षा शाक्य ल्यू, प्रमिला ताम्राकार व अनुसूया मानन्धर लियांल्यू लाःगु खः ।
ज्याझ्लय् लिपि कक्षाय् ताःलापिन्त पाहाँ नेपालभाषा टाइमस्या सम्पादक सुरेश किरण मानन्धरं दसिपौ लःल्हानादीगु खः।
गुथिया नायः निरञ्जन ताम्राकारया नायःसुइ छ्याञ्जे पबित्र कसालं उगु ज्याझ्वः न्ह्याकादीगु खः । प्रतिवेदन छ्याञ्जें न्ह्यब्वयादीगु खःसा ल्याःचाया प्रतिवेदन दांभरिं उत्तम साय्मिं न्ह्यब्वयादीगु खः ।
किपा राजेन्द्र रंजित
बुखँ नेवाः सुचना केन्द्र
