Display Style:
Column Style
सिंहदरबारया पःखाः क्वःधल
लहनान्युज | दिल्लाथ्व एकादशी ११३९ (जुलाई १२ २०१९)
म्हिगः चान्ह्य निसे लगातार वः या च्वंगु वाः याना सिहरदरबारया पःखाः क्वःधगु दु । पूर्वी गेटया लिकः उगु पःखाः क्वःधःगु खः ।
स्थानीय छम्ह घाइते न जुगु दु तर, प्रहरी धाःसा पुष्टि याःगु मदुनि ।
पःखाः क्वःधला अनामनगर वने थासय् सतक अवरुद्ध भचा जुगु खः ।
गोेदावरी नरपालिकाय् स्वक्वःगु नगर सभा
नृपेन्द्रलाल श्रेष्ठ | दिल्लाथ्व एकादशी ११३९ (जुलाई १२ २०१९)
गोेदावरी नगरपालिकाय् स्वक्वःगु नगर सभां १ अर्व ५० करोड ३६ लाख ६४ द्धः बराबरया अनुमानित आय व्यय पारित जुगु दु ।
विहीवाः नगरया केन्द्र बज्रवाराहीइ जुगु उगु सभाय् नगर प्रमुख गजेन्द्र महर्जनं आर्थिक वर्ष २०७६÷७७ या बजेट नीति तथा कार्यक्रम न्ह्यब्बःगु खः ।
उगु ज्याझुवलय् संघीय सांसदपिं नवराज सिलवाल, पम्फा भुसाल, पुर्वसासंदपिं सुशीला नेपाल, उदय शम्शेर राणा पिनिगु उस्थितिइ नगर प्रमुख गजेन्द्र महर्जनं बजेट कार्यक्रम सार्वजनिक याना दिगु खः ।
उगु सभां नगरस्तिरिय बजेट, योजना तथा कार्यक्रम अन्र्तगत ५० करोड ९९ लाख ६४ द्धः खर्च याइगु दुसा वडा सञ्चालन नाप वडास्तिरिय योजनाया लागि कार्यक्रमका लागि १४ करोड ७० लाख बजेट छुटेयाःगु दु ।
सडक बोर्डया लागि ५० लाख, संस्कृती नाप पर्यटन मन्त्रालयया ५० लाख प्रदेश शशर्त अनुदान ७ करोड, संर्घय समपुरक अनुदान ३ करोड, संघीय विशेष अनुदान ३ करोड, जिससपाखे ३ करोड लागत सहभागिता ३ करोड चालु खर्च सामाजिक सुरक्षा नापं प्रदेश समेत ६२ करोड ६७ लाख संञ्चित कोषबाट विनियोजन याःगु दु ।
प्रशासनमन्त्री लालबाबु पण्डितयात हाकुगु ध्वाँय् क्यन
लहनान्युज | दिल्लाथ्व एकादशी ११३९ (जुलाई १२ २०१९)
संघीय मामिला तथा सामान्य प्रशासनमन्त्री लालबाबु पण्डितयात आदिवासी जनजाति युवा विद्यार्थीपिन्स सार्वजनिक ज्याझ्वलय् दुबर््वहार याःगु दु ।
थौं शुक्रवाः सुथय् यलया जावलाख्यलय् आदिवासी जनजाति तयेगु ज्याझवलय् वना ल्याम्हपिन्सं मन्त्री पण्डितयात अथे दुबर््वहार याःगु खः ।
थौं सुथय् आदिवासी जनजाति उत्थान राष्ट्रिय प्रतिष्ठानया १९ क्वःगु सञ्चालक परिषदया बैठक सता तःगु खः । उगु बैठकया अध्यक्षता यायगु लागि मन्त्री पण्डित ज्याझ्वलय् थ्यकः वःगु खः ।
दुने बैठक न्ह्याना च्वंगु इलय् आदिवासी जनजाति युवा विद्यार्थीपिं वया हाकुगु ध्वाय् क्यनेगु ज्या जुगु खः ।
अन लालबाबु पण्डित राजीनामा दे, लोकसेवाको विज्ञापन खारेज गर नारा थ्वयेका बैठक जुगु थासय् दुहा वया होहल्ला याःगु खः ।
मन्त्रीयात अपमान व हुलदंगा जुगुनि बैठक स्थगित यानागु धका आयोजक धाःगु खः ।
विषादी प्रकरणय् छ्वया हःगु पौं क्यःनागु दु कृषिमन्त्री खनाल
लहनान्युज | दिल्लाथ्व एकादशी ११३९ (जुलाई १२ २०१९)
कृषिमन्त्री चक्रपाणि खनालं विषादी प्रकरणय् भारतीय दूतावासं छ्वया हःगु पौं थःम्ह हे प्रधानमन्त्री क्यनागु खः धका धयालिगु खः ।
दूतावासं छ्वया हःगु पौंया जानकारी थःत मवःगुनि धकाः प्रधानमन्त्री म्हिगः छगु ज्याझ्वलय् न्ववानादिगु खः ।
उगु ज्याझ्वलय् प्रधानमन्त्रीं सार्वजनिक रुप थःत मछालेपुगु ज्या जुगु धका माफी तका फ्वःगु खः ।
कृषिमन्त्री खनालं भारतीय पौंया बारे प्रधानमन्त्रीयात जानकारी मदुगु सिया थःम्ह हे उगु पौं क्यनाःगु धका न धयादिगु खः ।
यलय् संस्कृति व पर्यटन प्रवद्र्धनय् बारेय् अन्तरक्रिया
नृपेन्द्रलाल श्रेष्ठ | दिल्लाथ्व दशमी ११३९ (जुलाई ११ २०१९)
यलया संस्कृति व पर्यटन प्रवद्र्धनय् सञ्चारया भूमिका बारेय् छगु अन्तरक्रिया ज्याझ्वः जुगु दु । उगु ज्याझ्वः नेवाः पत्रकार राष्ट्रिय दबुया ग्वसालय् यल महानगरपालिका समाज कल्याण महाशाखाया ग्वाहालिं ताम्राकार समाजया भवनय् जुगु खः ।
उगु अन्तरक्रिया ज्याझ्वलय् मूपाँहा कथं संघिय मामिला तथा स्थानिय मन्त्रालयया सहसचिव रुद्रसिंह तामाङया झायादिगु खः । उगु अन्तरक्रिया ज्याझ्वलय् यल महानगरपालिका सामाजिक विकास संयोजक नाप वडा नंबर २४ या वडा अध्यक्ष दिनेश कार्की, १६ वडा अध्यक्ष निर्मलरत्न शाक्य, २१ वडा अध्यक्ष रविन्द्र महर्जन, नेपालभाषा टाइम्सया सम्पादक सुरेश किरण
मानन्धर, कान्तिपुर न्हिपौया संवाददाता प्रशान्त माली, कल्पना महर्जन व यलया पर्यटनबिज्ञ दिलेन्द्र श्रेष्ठ पिन्स उगु बिषय बिचाः तयादिगु खः ।
यल जिल्लाया सचिव राजेश बज्राचार्य न्ह्याकादिगु उगु ज्याझ्वलय् पत्रकार दबुया केन्द्रिय महासचिव सुनिल महर्जनं लसकुस यानादिगु नाप केन्द्रिय अध्यक्ष श्रीकृष्ण महर्जनया सभाध्यक्षताय् जुगु खःसा यल जिल्लाया अध्यक्ष सुरज व्यञ्जनकार सुभाय् बियादिगु खः ।
