Display Style:
Column Style
विपक्षी दलया खँ तये धुका प्रधानमन्त्रीं लिसः बिइगु खः नेता देउवा
लहनान्युज | तछलागा पारु ११३९ (जुन १८ २०१९)
विपक्षी दलया नेता न्हापा न्ववायेकि प्रधानमन्त्रीं न्हापा न्ववायेगु धका विवादया कारण थौं मंगलवा संसद अवरुद्ध जुगु खः ।
कांग्रेसया सांसदपिन्स थःगु दलया नेतायात न्हापा खँ तयेगु ई मबिस्य प्रधानमन्त्री केपी शर्मा ओलीयात ई बिगु नि संसदय् नारावाजी याःगु खः ।
थौं विपक्षीया नाराबाजीया कारणं रोष्टम थ्यंगु इलय् प्रधामनमन्त्री ओली तक सम्बोधन मयासे लिहा वःगु खः ।
बैठक लिपा कांग्रेस नेता देउवां विपक्षी दलया नेतां न्ह्यसः तये धुका प्रधानमन्त्रीं उकिया लिसः बिइगु प्रचलन दु धका धयादिगु खः ।
नेकपाया नेता माधव नेपालं स्वनिगःया सांसदपि नाप सहलह
लहनान्युज | तछलाथ्व पुन्हि ११३९ (जुन १७ २०१९)
नेकपाया बरिष्ठ नेता नाप पूर्वप्रधानमन्त्री माधवकुमार नेपालं गुथि विधेयकया बिषयलय् स्वनिगःया सांसदपि नाप थौं सोमवाः सिंहदरबारय् छलफल यानादिगु दु ।
उगु छलफल करिब डेढ घण्टा तक जुगु खः ।
थौं हे प्रधानमन्त्री केपी ओलीं बालुवाटारय् गुथि विधेयकया बारे छलफल यायेगु तयारी यान च्वगु इलय् वः स्वया न्ह्यः माधव नेपालं ब्यागलं छलफल यानादिगु खः ।
उगु छलफल नेता नेपाल व सांसदपि नाप न्ह्निय् १ बजे जुगु खः ।
गुथि बिधेयक बिरुद्ध थाय्मदुइ सभा
नृपेन्द्रलाल श्रेष्ठ | तछलाथ्व पुन्हि ११३९ (जुन १७ २०१९)
थौं नेवाः संघया ग्वसालय् गुथि बिधेयक बिरुद्ध येँया थाय्मदुइ छगु कोणसभा जुगु दु ।
उगु कोणसभाय् मूपाँहा कथं गुथि विधेयक विरुद्ध संघर्ष समन्वय समितिया संयोजक डा. महेशमान श्रेष्ठ झायादीगु खः ।
उगु सभाय् थःगु खँ तयादिसे संघर्ष समितिया संयोजक श्रेष्ठं संसदय् दर्ता जूगु विधेयकं गुथिया हक, जिम्मेवारी फुक्कं गुथ्याःतय्गु मजूसे प्राधिकरण नीस्वनाः उकियात लःल्हाय्त्यंगु दु । धयादिसे गुथि उकी दुने दुपिं गुथ्याःतय्त गुलि माया दइगु खः, स्वभाविक कथं मेपिन्त उलि माया दइ मखु धका धयादिगु खः ।
संयोजक श्रेष्ठं संसदय् दर्ता जूगु थुगु विधेयक पारित जुल धाःसा गुथिलिसे सम्बन्धित फुक्क थजाःगु अधिकार गुथ्याःतय्त दइमखु । स्वतः समाप्त जुइ । गुथि सञ्चालन याय्गु अधिकार फुक्क राष्ट्रियकरण जुल धाःसा थ्व लिसे सम्बन्धित जग्गा, तिसालिसे फुक्क धनसम्पत्ति नं राष्ट्रियकरण जुइ धकाः धयादिसे वयकलं थ्वहे वइगु असार ४ गते माइतीघर मण्डला वया एकताबद्ध क्यनेत दक्को संपदाप्रेमि व गुथिया व सकल नेवाः तयेत इनाप न यानादिगु खः ।
उगु सभाय् गुथि संस्थानया पुलाम्ह अधक्ष्य पंचलाल महर्जन व नेवाः संघया नायः सत्यनारायण डंगोेल नं बिधेयकया बिरुद्ध थःगु बिचाः तयादिगु खः ।
चीनया छेन्दु नगरं येँं महानगरयात निगः ब्रुमर लःल्हात
लहनान्युज | तछलाथ्व पुन्हि ११३९ (जुन १७ २०१९)
चीनया छेन्दु नगरं येँं महानगरपालिकायात निगः ब्रुमर लःल्हागु दु । राष्ट्रिय सभा गृहय् जुगु ज्याझ्वलय् उगु ब्रुमर छेन्दु नगरया उपप्रमुख निउ छिङ्पाआं येँमहानगरया मेयर बिद्यासुन्दर शाक्ययात ब्रुमरया ताःचाः लःल्हाना दिगु खः ।
उगु ब्रुमरया ताःचा लल्हान कयादिसे मेयर शाक्यं छेन्दु नगरपाखे वःगु थुगु उपहारया ग्वाहालि येँया वायु प्रदुषण नियन्त्रण यायेगु लागि ग्वाहलि जुइगु धका धयादिगु खः ।
अथेहे मेयर शाक्यं येँया जनतापाखे छेन्दुया जनता सुभाय् देछानादिसे आः वइगु इलय् न पर्यटन, सामाजिक, आर्थिक व शैक्षिक ख्यलय् न थ थे ग्वाहालि दइ धका भलसा न कयादिगु ।
उगु ज्याझ्वलय् थःगु नुँगः खँ तयेगु झ्वलय् येँ महानगरया उपप्रमुख हरिप्रभा खड्गी श्रेष्ठं निगु नगर दथुइ समृद्धिया योगदान जुइगु आशा यानादिगु खःसा छेन्दु नगरया उपप्रमुख निउ छिङ्पाआं छेन्दु नगरबासी पाखे बिगु थुगु उपहारं येँय् वातावरण सुधार यायेगु ग्वाहालि जुइ धका धयादिगु खः ।
न्हुग सतकय् स्मार्ट पार्किङ शुरु
नृपेन्द्रलाल श्रेष्ठ | तछलाथ्व पुन्हि ११३९ (जुन १७ २०१९)
न्हुगु सतकया धर्मपथ व बिशालबजार न्ह्यने स्मार्ट पार्किङ् व्यवस्था शुरु याःगु दु ।
धर्मपथय् थौं सुथय् बिशेष ज्याझ्वलय् महानगरया प्रमुख बिद्यासुन्दर शाक्यं पिओयस मेसिनपाखे क्युआर कोडं बिल प्रिन्ट याना सेवा न्ह्याकादिगु खः । महानगरं ब्हिल्स ट्रुली योर्स प्रा. लि. नाप सहकार्य थुगु सेवा शुरु याःगु खः ।
उगु ज्याझ्वलय् मेयर शाक्यं स्थानीय व सरोकारवाला नाप यक्को ई छलफल याना सेवा सञ्चालन न्ह्याकेगु निष्कर्षय् थ्यगु खः धयादिगु खः ।
आःया शुरुइ न्हुगु सतकय् निगु खण्डय् शुरु याना सेवा न्ह्याकुसे आःया लागि प्युखा, खिचापूखु, धर्मपथ, पाको व दरबारमार्ग थासय् ब्यवस्था यानागु धका सूचना प्रविधि संयोजक हरिश अग्रवालं सेवापाखे सहरी पार्किङ् अस्तव्यस्तताया सुधार हयेगु प्रयास यानाःगु धका धयादिगु खः ।
थुगु योजना दक्कों थासय् न्ह्यातकि छक्वलः करीव ८०० गु मोटरसाइकल व ४० गः गाडी पार्किङ् मोवाइपाखे थन पार्किङ् दु अन थासय् बुकिङ् याये फइ ।
थुगु पार्किङ् पाखे मोटरसाइकया लागि छ घौंया २५ तका, मोटोरया लागि छघौंया ८० तका शुल्कया ब्यवस्था याना तःगु दु ।
