Display Style:
Column Style
कन्ह्य ११ बजे निसे माइतीघर मण्डलां इण्जेनियस टेलिभिजन प्रत्यक्ष्य प्रसारण याइगु
लहनान्युज | तछलाथ्व पुन्हि ११३९ (जुन १७ २०१९)
गुथि बिधेयकया खारेजी माग याना जुयाच्वंगु आन्दोलकयात कया कन्ह्य असार ४ गते माइतीघर मण्डलाय् नेवाः तयेगु शक्ति प्रर्दशन जुइ त्यःगु दु ।
उगु ज्याझ्वःया प्रत्यक्ष्य प्रसारण इण्जेनियस टेलिभिजन याइगु जुगु दु ।
इण्जेनियस टेलिभिजन नेपालभाषा ज्याझ्वःया प्रमुख शैलेश डंगोलं लहनान्युजयात कन्ह्य ११ः०० बजे निसे प्रत्यक्ष प्रसारण यायेगु जानकारी बियादिगु खः ।
थौं यँय् नं मसाल जुलुस पिहावल
नृपेन्द्रलाल श्रेष्ठ | तछलाथ्व पुन्हि ११३९ (जुन १७ २०१९)
गुथि बिधेयकया खारेजी माग याना जुयाच्वंगु आन्दोलकयात कया कन्ह्य असार ४ गते माइतीघर मण्डलाय् वने नु धका आह्वान यासे जुलुस याःगु खः ।
थौं नेपाल राष्ट्रिय पहिचान संरक्षण संयुक्त संघर्ष समितिया ग्वसालय् येँया थँहिति त्वाल मसाल जुलुस पिकागु दु ।
उगु मसाल जुलुस थँहितिं, असं, वंघः, थायमदु जुया क्षत्रपाटीइ क्वाचायेकुगु खः ।
अथेहे उगु जुलुसं गुथि बिधेयक फिर्ता मखु खारेजी यायेमा धकाः माग याःगु खः ।
गुठी विधेयक लित कायेगु सरकारकया घोषणा
लहनान्युज | तछलागा पारु ११३९ (जुन १८ २०१९)
प्यखेर दबाव लिपा सरकारं गथिया विधेयक अन्तत लित काःगु दु ।
भूमिव्यवस्थामन्त्री पद्मा अर्यालं आ नकतिनि छगु पत्रकार सम्मेलन यासे विधेयक लित कयागु निर्णय जुगु जानकारी बियादिगु खः ।
थुगु विधेयक राष्ट्रियसभाय् दर्ता जुगु खः ।
स्वनिगः दुने गुथि न्ह्यका छुवइन धका वःगु जेष्ठ २६ गते निसे विधेयक विरोध ज्याझ्वः जुया वया च्वंगु खः।
प्रधानमन्त्री ओलीं थौं पत्रकार सम्मेलन याइगु
तछलागा पारु ११३९ (जुन १८ २०१९)
प्रमुख विपक्षीं संसद अवरोध यागुनि थौं संसदय् सम्बोधन याये मखगुया कारणं प्रधानमन्त्री केपी शर्मा ओलीं पत्रकार सम्मेलन याये त्यःगु दु ।
उगु पत्रकार सम्मेलन थौं ५ बजे याये त्यःगु दु ।
थौं मंगलवाः संसदय् सम्बोधन यायेगु लागि वःगु इलय् रोष्टम थ्यंगु इलय् विपक्षी सांसदसपिन्स नाराबाजी याःगु खः ।
प्रधानमन्त्री ओलीं कांग्रेसया अवरोधया कारणं युरोप भ्रमण व गुथि विधेयक या खँ तयेगु लागि सदनय् जानकारी ज्याझ्वः तया तःगु खः ।
विपक्षी सांसदपिनिगु नाराबाजीया कारणं संसद स्थगित
लहनान्युज | तछलागा पारु ११३९ (जुन १८ २०१९)
प्रमुख विपक्षी नेपाली कांग्रेसया सांसदपिन्स नाराबाजीया कारणं थौं प्रधानमन्त्री केपी शर्मा ओलीें संसदय् सम्बोधन याये मखःगु दु ।
प्रधानमन्त्री ओलीं युरोप भ्रमणया बारे जानकारी बिगु व समसामयिक विषयलय् न्ववायेगु लागि ई कयादिगु खः । तर, थौं बैठक सुरु जुगु इलय् कांग्रेस सांसदपिं दना विरोध यागुनि संसदया मुँज्या स्थगित जुगु खः ।
थौं मंगलवाः सभामुखयाके प्रधानमन्त्रीं न्ववायेगु ई कयादिगु खः । प्रधानमन्त्री रोष्टमय् थ्यंगु इलय् विपक्षी सांसदपिंन्स हृवेल घेराउ यायेत वःगु खः । विपक्षी सांसदपिन्स संसदीय मर्यादा
कायम याये माःगु धाःसे नाराबाजी यागुनि संसद स्थगित याःगु खः । मेगु बैठक कन्ह्य ४ बजे तःगु दु ।
