Display Style:
Column Style
वीर अस्पतालय् वासः याका च्वन रेशम चौधरी
लहनान्युज | तछलागा पंचमी ११३९ (जुन २२ २०१९)
वीर अस्पतालय् वासः याका च्वम्ह बन्दी रेशम चौधरीया टुटिइे नेल तया तःगु घटनां प्रधानमन्त्री केपी शर्मा ओलीं न्यनेकने याःगु दु ।
अस्पतालया बेडय् हे सांसद चौधरीयात नेल तया तःगु बुखँ पिहा वः वलय् प्रधानमन्त्री ओलीं थ थे न्यनेकने याःगु खः ।
थौं शनिवाः प्रधानमन्त्री केपी शर्मा ओलीं मुख्यसचिव लोकदर्शन रेग्मीयात चौधरीया टुटिइया नेल तयातपिन्त तत्काल कारवाही यायेगु निर्देशन बिगु खः ।
टीकापुर हत्याकाण्ड घटनाया अभियोगय् कैद सजाय् फयाच्वम्ह राजपाका निर्वाचित सांसद चौधरीयात जःया समस्या वःगुनि वीर अस्पताल वासः याकिगु झ्वलय् हःगु खः । अस्पतालया बेडय् टुटिइ १४ किलोया नःयो नेल चिना तःगु खः ।
सांसद चौधरीयात राज्यं याःगु अमानवीय व्यवहार प्रति सामाजिक सञ्जालय् तसकं आलोचना जुगु खः । समाजवादी पार्टी व राजपाया नेतापिन्स उगु घटनायात कयो आपत्ति प्वकुगु खः ।
सत्यमोहनयात ख्वपय् नागरिक अभिनन्दन यात
लहनान्युज | तछलागा पंचमी ११३९ (जुन २२ २०१९)
वाङ्मय शताब्दी पुरुष डा. सत्यमोहन जोशीयात ख्वपय् नागरिक अभिनन्दन याःगु् दु ।
उगु ज्याझ्वः वाङमय शताब्दी पुरुष सत्यमोहन जोशी नागरिक अभिनन्दन समारोह समितिया ग्वसालय् जुगु खः । ख्वपय् छगु विशाल ¥याली यासे सूर्र्य िवनायकय् जोशीयात अभिनन्दन याःगु खः ।
थी थी खलः पुचःया मंकाः कथं मध्यपुर थिमिया बाहाखा बजाः पाखें शङ्खधर चोक तक सांस्कृतिक ¥याली न याःगु खः । ख्वपया दत्तात्रय नं निसे जोशीयात गाडीइ तयाः बाजा थाना ¥याली यासे ख्वप देय् चाःहिइका सूर्यविनायकय् हना ज्याझ्वः याःगु खः ।
उगु ज्याझ्वलय् साहित्यकार तेजेश्वरबाबु ग्वङ्गःपाखे बेताली, साहित्यकार रमापतिराज शर्मा दोसल्ला, श्रीगोपाल प्रजापति स्वांमा व कवि पूर्णप्रसाद बैद्य नाप कैलाशभक्त प्रधानाङ्ग सिन्हं तिकां हना दिगु खः ।
अथेहे, ज्याझ्वलय् प्रतिनिधि सभाया सांसद महेश बस्नेत, प्रदेशसभा सांसद डा राजेन्द्रमान श्रेष्ठ, सूर्यविनायक नगरपालिकाया मेयर वासुदेव थापा, चाँगुनारायण नगरपालिकाया मेयर सोमप्रसाद मिश्र, मध्यपुर थिमि नगरपालिकाया मेयर मदनसुन्दर श्रेष्ठ नाप ज्याझ्वः संयोजक नरेन्द्रभक्त हाडां जोशीयात अभिनन्दन पत्र लः ल्हागु खः ।
वरिष्ठ पत्रकार भैरव रिसाल, वरिष्ठ साहित्यकार तिलकप्रकाश कायस्थ व जिल्ला समन्वय समितिया प्रमुख नवराज गेलालपिन्स नँुगः खँ तयेगु झ्वलय् सत्यमोहन जोशी राष्ट्र हे माने यायेमाःम्ह वयकः देय् हे या तिसा खः धका धयादिगु खः ।
येँय् ‘सिरिन्ज’ आक्रमण जुया च्वंगु दु
लहनान्युज | तछलागा तृतिया ११३९ (जुन २० २०१९)
थौं कन्हय येँ ‘सिरिन्ज’ आक्रमण जुया च्वंगु दु । थ्व लच्छिया दुने प्यम्ह मिसा पिन्त थःथे ‘सिरिन्ज’ आक्रमण जुइ धुकुगु दु । छु दिं न्ह्यः न येँया डल्लुइ थथे हे घटना जुगु दु ।
थःथे सिरिन्ज आक्रमण जुया प्यम्ह मिसापिन्त वासः याकेगु लागि येँया टेकुइ शुक्रराज ट्रपिकल व सरुवा रोग अस्पताल वासः याका च्वंगु दु ।
आक्रमणकारी तयेस बहनि मोटरसाइकलय् वया आक्रमण यागु खः । आक्रमणकारी पिन्स एचआइभी वा हेपाटाइटिस बी व सी संक्रमित सिरिन्ज प्रहार याःगु अनुमान चिकित्सक पाखे याःगु दु ।
थ्व एचआइभी, हेपाटाइटिस ‘बी’ व ‘सी’ थे जाःगु ल्वय् सिरिन्जया माध्यमं मेम्ह मनूयात याउक ल्वय् सरे याये फइ ।
थ्व ल्वय् संक्रमण जुगु मजुगु रिपोर्ट वयेत हे कम्तीइ न स्वला लगे जुइ धका चिकित्सकं धाःगु दु इपिं प्यम्ह मिसापिं २० निसे ३० दँया पि खः।
येँ महानगरं बार्षिक नीति व कार्यक्रम न्ह्यब्बल
नृपेन्द्रलाल श्रेष्ठ | तछलागा तृतिया ११३९ (जुन २० २०१९)
येँ महानगरया प्रमुख बिद्यासुन्दर शाक्यं थौं बिहीवाः आ. व. २०७६ व ०७७ या लागि प्रस्तावित बार्षिक नीति व कार्यक्रम न्ह्यब्बःगु दु ।
थौं राष्ट्रिय सभा गृहय् जुगु न्याक्वःगु नगर सभाया बैठकय् मेयर शाक्यं वइगु दँया लागि न्याःगु शीर्षक, २६ उपशीर्षक व १३८ बुँदाय् महानगरया बार्षिक नीति व कार्यक्रम सार्वजनिक याःगु दु ।
असार ४ गते च्वंगु नगर कार्यपालिकाया ३४ क्वःगु बैठकं नगर सभाय् प्रस्तावया रुपय् पेश यायेगु स्वीकृत याःगु खः ।
नीति व कार्यक्रमका शीर्षक नाप उपशीर्षक थुकथं दु
पारदर्शिता, आर्थिक अनुशासन व सामाजिक न्याययात नालकासे भ्रष्टाचारमुक्त विधिया शासन व्यवस्थायात सुनिश्चित यासे वइगु दँया लागि नीति क्वछिगु खः ।
शीर्षक — आर्थिक व रोजगारी
उपशीर्षक — खाद्य व पशु, सहकारी, उद्यमशीलता प्रवर्धन, उद्योग तथा व्यापार, पर्यटन व सार्वजनिक निजी साझेदारिता
शीर्षक — सामाजिक बिकास
उपशीर्षक — शिक्षा, स्वास्थ्य व पोषण, महिला बालबालिका, किशोर किशोरी, जेष्ठ नागरिक, अपाङ्गता व समाज कल्याण, खानेपानी व सरसफाइ, संस्कृति व सम्पदा, युवा व खेलकुद,
सामाजिक बिकास, सुरक्षा व संरक्षण
शीर्षक — सहरी पूर्वाधार व योजना बिकास
उपशीर्षक — सहरी पूर्वाधार बिकास, सहरी यातायात व्यवस्थापन, सूचना व सञ्चार, सहरी बिकास व भवन मापदण्ड,
शीर्षक — वातावरण व विपद् व्यवस्थापन
उपशीर्षक — प्रदुषण नियन्त्रण, हरियाली प्रवर्धन, जलवायु परिवर्तन अनुकुलन, विपद् व्यवस्थापन
शीर्षक — संस्थागत बिकास व शुशासन
उपशीर्षक — संस्थागत बिकास व मानव संशाधन बिकास, शुशासन व सुरक्षा, राजस्व परिचालन व बित्तिय व्यवस्थापन, अन्तरराष्ट्रिय सम्बन्ध बिस्तार
व्यापार प्रवर्धनया लागि रात्रीकालीन व्यापार प्रवर्धन यायेगु
बिश्व सम्पदा क्षेत्र (पशुपति, बौद्ध, बसन्तपुर व स्वयम्भू) यात पर्यटकीय हबया रुपय् बिकास यायेगु
छगु वडा छगु नमूना सामुदायिक बिद्यालय दयेकेगु, दक्को ब्बनेकुथिइ छगु हे रङ्ग तयेगु, बालमैत्री चित्र च्वयेगु , खाली थासय् हरियाली यायेगु
महानगर जेष्ठ नागरिक अस्पताल चायेकेत प्रदेश व संघ सरकार नाप सहकार्य यायेगु
मनमोहन जेष्ठ नागरिक निःशुल्क खोप कार्यक्रम सञ्चालन यायेगु
सहिद धर्मभक्त माथेमा महानगर मानव सेवा आश्रम निर्माणया लािग सहयोग यायेगु
हिंसा लापि मिसातयेत पुनस्र्थापना केन्द्रय् अस्थायी आश्रम बिइगु व स्वरोजगार मुलक सीप बिइगु
सर्वसाधारणयात सार्वजनिक शौचालयया पहुँच दयेकेगु व सञ्चालननाप सपिङ् मल, रेष्टुरेन्ट, अस्पताल, पेट्रोल पम्पनाप सहकार्य यायेगु
नेपालभाषा व नेपाली भाषाया प्रवर्धनय् योगदान यापिं श्रष्टायात महानगर साहित्य पुरस्कार, शुशासन प्रवर्धनय् योगदान यापिं पत्रकारयात महानरीय शुशासन पत्रकारिता पुरस्कार, युवा प्रोत्साहनया लागि महानगर आदर्श युवा पुरस्कार, जेष्ठ नागरिकयात मनमोहन जेष्ठ नागरिक सम्मान, प्रजातान्त्रिक आन्दोलनय् समर्पित योद्धायात गणेशमान सिंह प्रजातन्त्र सेनानी सम्मानया ब्यवस्था याःगु दु ।
मेयर उज्यालो ज्याझ्वः अन्तर्गत मुख्य चोय् हाइमास मत तयेगु
येँं महानगरपालिका सवारी नाप यातायात व्यवस्थापन ऐन २०७५ कार्यान्वयन यायेगु , स्मार्ट सिटीया चार प्यंगु स्तम्भ — स्मार्ट नगरबासी, स्मार्ट अर्थतन्त्र, स्मार्ट पूर्वाधार व स्मार्ट शासनयात सूचक मान याना स्मार्ट सहर निर्माणया ज्या यायेगु
अथेहे इन्द्रजात्रायात बिश्वव्यापी यायेगु लागि थी थी सहरया प्रमुख नाप प्रतिनिधिपिन्त जात्रा अवलोकन यायेत आमन्त्रण यायेगु ।
लुँया भाःन्हुगु रेकर्ड, तोलां द्धःछि थहा वन
लहनान्युज | तछलागा तृतिया ११३९ (जुन २० २०१९)
थौं बिहीवाः नेपाःया बजारय् छापावाल लँया भाः आःतक दकलय् अप्वो थहां वःगु दु ।
नेपाल सुनचाँदी व्यवसायी महासंघं थौं बिहीवाःछापावाल लँुया भाः तोलाय् ६४ द्धः क्वःछिगस दु ।
म्हिगः तोलाया ६३ द्धः तक कारोेबार जुगु दु ।
थ्व स्वया न्हयः नेपालय् २०७० साल भदौ १२ गते लँुया भाः ६३ द्धःव स्वसः जुगु दु ।
