छत्रपाटी निःशुल्क चिकित्सालय ६० दँ पूवंगु लसताय् छगू ज्याझ्वःया दथूइ मूपाहाँ पूर्व उप प्रधानमन्त्री प्रकाशमान सिंह त्वाः देवाय् मतः च्याका उलेज्या यानादिल ।

चिकित्सालय नीदँ न्ह्यः निसें सेवा याःम्ह डा.केशवराज भट्टराई, झीदँ सेवा याःम्ह डा.रमिला श्रेष्ठ मास्के, कर्मचारीपि लेखा रुमी श्रेष्ठ, ड्ेसर राजकुमार थापा, हेल्पर सावित्री पुजारी नापं झीनीदँ सेवा याःपिं नबीन मानन्धर, व कपिल श्रेष्ठयात नं सम्मान यागु खः । चिकित्सालयया स्वीनीदँ निसे आ तक्क मदिक्क सेवा याना च्वंम्ह अध्यक्ष बिजय बहादुर मालीयात न सम्मान याःगु खः ।

ज्याझ्वलय् मूपाहाँ उप प्रधानमन्त्री प्रकाशमान सिंह स्वास्थ्य ख्यलय उल्लेखनीय ज्या यानाच्वंगुलि प्रशंसा यानादिल । अथे हे पुलाम्ह मन्त्री पी एल सिंह, सांसद भीमसेनदास प्रधान, येँ महानगरपालिकाया कार्यकारी रुद्रसिह तामाङ्ग, सल्लाहकार परिषदया संयोजक लक्ष्मीदास मानन्धर, सल्लाहकार बिभुतिमान सिंह, पुर्व उपाध्यक्ष शंकरराज जोशी थःथःगु नुगः खँ तयादीगु खः ।

चिकित्सालयया अध्यक्ष बिजयबहादुर मालीया सभाध्यक्ष जूगु उगु ज्याझ्वलय् उपाध्यक्ष बिद्या बनमाली प्रधानं लसकुस याना दी