नेवाः पासा मुना पुचः बिर्तामोड झापाय् क्रियाशिल नेवाः समुदाया निम्ह पत्रकारपिन्त हना ज्या जुगु दु।

जोस्ना श्रेष्ठ व विष्णु श्रेष्ठयात नेवाः पासा मुना पुचः बिर्तामोडं ३० क्वःगु साधारण सभाय् हना ज्याझ्वः याःगु खः। पत्रकार बिष्णु एपी वान व जोस्ना जन आन्दोलन डटकमय् ज्या यानाच्वंपि खः।

नेपालभाषा व सस्कृति संरक्षणय् सञ्चार माध्यमपाखे ज्या यागुलि पत्रकारपिन्त हना ज्या यानागु खः धका संस्थाया नायः दिनेश श्रेष्ठं धयादीगु खः।

उगु ज्याझ्वलय् मुपाहाँ भाषाविद गणेश बज्रचार्यं निम्ह पत्रकारपिन्त हनापौ लःल्हागु खः। बिर्तामोड खानेपानी लिसे सरसफाई उपभोक्ता सस्थाया दुजः पदय् निर्वाचित जूपि माया प्रधान व बिर्तामोड उद्योग बाणिज्य संघ दुजः पदय् निर्वाचित संस्थाया नायः दिनेश श्रेष्ठयात न मूपाहाँ बज्रचार्यं हनापौ लःल्हागु खः।

संस्थापाखे बिर्तामोड उद्योग बाणिज्य संघया नवनिर्वाचित पुचःयात न भिंतुना बिइगु ज्या जुगु खः।

लुँ तस्करी प्रकरणय् ज्वनातम्ह पूर्व सभामुख नापं माओवादी उपाध्यक्ष ्य् यकूगु खः।

म्याद थपया लागि अनुमति कायेत अदालतय् यकेगु झ्वलय् महरायात सरकारी वकिलया कार्यालय, रामशाहपथ यकूगु खः।

भेपपाखे करिव ९ किलो लुँ तस्करीइ हाकन अनुसन्धान यायेगु झ्वलय् प्रहरीं महरायात सोमवाः हे कपिलवस्तुं ज्वंगु खः।

गण्डकी प्रदेशसभा सदस्य दीपक मनाङे न मन्त्री पदया शपथ काःगु दु। थौ सोमवाः मनाङे प्रदेश प्रमुख डिल्लीराज भट्टपाखे पद लिसे गोपनीयताया शपथ काःगु खः।

मनाङें गण्डकीइ भौतिक पूर्वाधार लिसे यातायात मन्त्री जूगु खः। केन्द्रय् एमाले व माओवादी केन्द्रया गठबन्धन जुइवं गण्डकीइ नेपाली कांग्रेसं प्रदेशसभाय् थःपिनिगु बहुमत थ्यकिइगु तयारी जुयाच्वंगु दु।

व हे कथं मनाङे पाखे स्वतन्त्रय् त्याका दीपक मनाङेयात मन्त्री याःगु खः।

चुनाव त्याके धुका एकीकृत समाजवादीइ दुहावम्ह मनाङे थौ हे पार्टी त्वताःगु घोषणा याःगु खः।

लुँ तस्करी प्रकरणय् स्वागुलि पूर्वसभामुख नाप माओवादी केन्द्रया उपाध्यक्ष कृष्णबहादुर महरायात केन्द्रीय अनुसन्धान ब्युरो (सीआईबी) न लाजिम्पाटस्थित कार्यालयय् यकूगु दु।

महरायात थौ सुथय् भैरहवा विमानस्थलं येँ हया सीआईबीया कार्यालय यकूगु खः। लुँ  तस्करी सम्बन्धी छानबिन यायेत गठन यागु उच्चस्तरीय जाँचबुझ आयोगं महरायात  मुद्दा न्ह्याकेगु सिफारिस याःगु खः। व हे कथं कारबाही यायेत गृह मन्त्रालयं प्रहरीयात निर्देशन बिःगु खः।

महरायात थौ सोमवाः सुथय् कपिलवस्तुपाखे प्रहरीं ज्वंगु दु प्रहरी महानिरीक्षक (आईजी) बसन्त कुँवरं जानकारी बिगु दु। महरायात रुपन्देहीया भैरहवास्थित गौतम बुद्ध विमानस्थलं येँ हया सीआईबीया कार्यालय यकूगु खः।

हलिं नेवाः गुथिया झिंन्याक्वःगु दँमुँज्या शनिवाः चैत्र ३ गते नेवाःतय्गु पुलांगु वस्ती पालुङगय् तःजिक जूगु दु।

मकवानपुर जिल्लाया थाहा नगरपालिकाय् नेवाः वस्तीत मध्ये ऐतिहसिक नापं सांस्कृतिक थाय् पालुङगय् जूगु खः। बागमती प्रदेशया सामाजिक विकास मन्त्री कुमारी मोक्तानया मूपाहाँ कथ झागु उगु ज्याभ्वलय् हलिं नेवाः गुथिया केन्द्रीय नायः विनोद महर्जनया सभाध्यक्षताय् जूगु खः।

ज्याझ्वलय् थाहा नगरपालिकाया मेयर विष्णुबहादुर विष्ट, नेवाः देय् दबूया केन्द्रीय नायः पवित्र बज्राचार्य विशेष पाहाँ कथं झायादीगु खः। ज्याझ््वलय् हलिं नेवाः गुथिया केन्द्रीय नेतृत्वय् च्वना ज्या याना वने धुंकूपिं जुजुमान श्रेष्ठ, रिजु श्रेष्ठ, शान्ति श्रेष्ठ व समाजसेवी लक्ष्मण गमालयात हनापौ लःल्हाःगु खः।

अथे हे थाहा नगर दुनेया नेवाः वस्तीतय्त दुथ्याका संस्कृतिक संरक्षित क्षेत्र घोषणा यायेगु नितिं नगरपालिकां दयेकूगु कार्यदलय् च्वना ज्या यानाच्वंपिन्त सगं पौ लःल्हाःगु खः। उगु ज्या पूवंके फयेमा धकाः कार्यदलया कजि विनोद महर्जन, सल्लाहकार श्रीकृष्ण महर्जन अले दुजःपिं भवानी प्रधान, विजय मल्ल, राजन बलामी, मंगललाल गोपाली, निरन्जन श्रेष्ठ, विष्णु गोपाली, विमल गोपाली, हरिगोपाल श्रेष्ठ, अन्जना प्रधान, विश्वमान श्रेष्ठ, नरहरी गोपालीयात सगं पौ लःल्हाःगु खः।

ज्याझ्वलय् मूपाहां प्रदेश मन्त्री मोक्तान, विशेष पाहां देय् दबूया नायः बज्राचार्य, थाहा नगरपालिका वडा नं. २ या सदस्य युवराज विष्टपिन्सं नेवाः कला, संस्कृतिनिसें पालुङ वस्तीया बारे न्वंवानादीगु खः।