शेयर बजाः अप्वया वनाच्वंगुलिं डेढ दर्जन कम्पनीया मू आःतकया दकलय् अप्वः जूगु दु। बुधवाः नं भाः अप्वः कायम जूगु कम्पनीत मध्ये अप्वो धइथें न्हापाया बुल फेज क्वचायेधुंकाः प्रारम्भिक शेयर (आइपीओ) जारी याःगु कम्पनी खः।

थुगु इलय् छुं नं क्षेत्रया सूचकं रेकर्ड उच्च याःगु मदुनि। अय्न १८ गू कम्पनीया भाः धाःसा आःतकया दकलय् अप्वो जूगु दु। १८ गू कम्पनीया भाः आःतक दकलय् अप्वः जूगु दुसा थ्व स्वयां न्ह्यः हे बोनस शेयर वा राइट्स शेयरया हकय् समायोजन याःगु खः। आःतक दकलय् अप्वः मू दुगु कम्पनीत अप्वः धइथें जलविद्युत जूगु दु।

बुधवाः कारोवार बन्द जुगु इलय् १८ गू कम्पनीया भाः आःतकया दकले अप्वः जूगु खः। उकी मध्ये छगू होटल, छगू विकास बैंक, छगू वित्त कम्पनी दुसा ल्यं दुगु १५ गू जलविद्युत कम्पनी खः। सिटी होटल, ग्रीन डेभलपमेन्ट बैंक व मल्टिपर्पस फाइनान्सया भाः आःतकया दकलय् अप्वः जूगु दु।

आःतक दकलय् अप्वः भाः थहावःगु जलविद्युत कम्पनीत मध्ये मन्दाकिनी हाइड्रोपावर, माइखोला हाइड्रोपावर, सानिमा मिडिल तमोर, सुपर माइ हाइड्रोपावर, सीईडीबी हाइड्रोपावर, ग्रीन भेन्चर, अपर सोलु हाइड्रोपावर, भूगोल इनर्जी, माथिल्लो मैलुङखोला, मेन्छियाम हाइड्रोपावर, अपरहेवाखोला, इङवा हाइड्रोपावर, रावा इनर्जी, सिक्लेस हाइड्रोपावर र सयपत्री हाइड्रोपावर कम्पनीया शेयर भाः थहावःगु दु।

नेकपा एमाले केन्द्रीय प्रचार प्रकाशन विभागं सञ्चारमन्त्री पृथ्वीसुब्बा गुरुङयात सञ्चार क्षेत्रय् यायेमाःगु अल्पकालीन व दीर्घकालीन ज्यायात कयाः औपचारिक रुपं महत्वपूर्ण सुझाव न्ह्यब्वःगु दु।

एमालेया केन्द्रीय प्रचार प्रकाशन विभाग प्रमुख व स्थायी कमिटी दुजः राजेन्द्र गौतमया नेतृत्वय् विभागया पुचलं सञ्चारमन्त्री गुरुङयात नीति व संरचनात्मक क्षेत्रय् १७ बुँदे व १३ बुँदे सुझाव लःल्हाःगु दु।

सुझावय् मिडिया काउन्सिल विधेयक पारित यानाः मिडिया काउन्सिल नीस्वनेगु, लोकसेवा प्रसारण विधेयक पारित यानाः कार्यान्वयन यायेगु, राष्ट्रिय आमसञ्चार प्राधिकरण नीस्वनेगु, लघु लगानी स्वरोजगार संचार माध्यमयात प्रवद्र्धन यायेगु, डिजिटल नेपाल फ्रेमवर्क कार्यान्वयन यायेगु, व्यवस्थापन यायेगु आदि सुझाव बियातःगु दु। पत्रकारतय्गु स्वास्थ्य बीमा व सरकारी अस्पतालय् निःशुल्क उपचारया निंतिं।

केन्द्रीय प्रचार विभागया दुजः गणेश पाण्डें सुझावयात स्वीकार यायेगु झ्वलय् सञ्चारमन्त्री गुरुङं गम्भीरतापूर्वक कार्यान्वयन यायेगु धयादीगु जानकारी ब्यूगु दु।

प्रधानमन्त्री केपी शर्मा ओलीं आइतबाः विश्वासया मत काइगु जूगु दु।

सत्तारुढ दलया प्रमुख सचेतक महेश बर्टौलाया कथं प्रधानमन्त्री ओलीं आइतबाः च्वनिइ प्रतिनिधिसभाया बैठकय् विश्वासया मत कायेत्यंगु खः।

एमाले सभापति ओलीयात असार ३० गते संविधानया धारा ७६ (२) कथं प्रधानमन्त्री नियुक्त याःगु खः। धारा ७६ (४) कथं नियुक्ति जूगु ३० न्हुया दुने विश्वासया मत कायेमाःगु व्यवस्था दु। तर प्रधानमन्त्री ओलीं शपथ ग्रहण याःगु खुन्हुया दुने हे विश्वासया मत काये चाहेजूगु संसद सचिवालययात मौखिक जानकारी ब्यूगु खः।

आधिकारिक पौ बुधवाः वःगु दु। २७५ दुजःया प्रतिनिधिसभाय् बहुमत कायेत १३८ मत माःगु दु। ओलीयाके निगु तिहाई बहुमत दु।

शेयर बजारय् थौ १२ अर्ब ५९ करोड २ लाख कारोवार जूगु दु । थ्व कारोवार ३५ महिना दुने दकलय् अप्वःगु खः।

थ्व स्वया न्ह्यः बजाः कुहां वनाच्वंगु इलय् २०७८ साउन १५ गते १३ अर्ब १६ करोडया कारोवार जूगु खः। शेयर बजाः नेप्से परिसूचक नं न्हापाया दिं स्वया ५४.०४ अंकं अप्वो २३६४ कायम जूगु दु।

नेप्से परिसूचक २८ बैशाख २०७९ लिपा दकलय् अप्वःगु खः। थौं २०४ गू कम्पनीया भाः थहां वंगु खःसा ३२ गू कम्पनीया भाः थहां वंगु दुसा खुगू कम्पनीया भाः थहां वंगु दु। फुक्क क्षेत्रया सूचक अप्वःगु दु।

बैंकिङ्ग २.०८, विकास बैंक ४.०९, वित्त ५.५०, होटल व पर्यटन ५.५५, जलविद्युत १.७१, लगानी १.५३, जीवन बीमा २.१८, निर्माण ३.०२, लघुवित्त १.८४ प्रतिशतं थहावःगु दु। केन्द्रीय वित्त, सिङ्टी हाइड्रो, आँखुखोला जलविद्युत व मण्डाकिनी जलविद्युतया भाः १० प्रतिशतं अप्वःगु दु।

सीईडीबी जलविद्युतया मू प्रतिशतं, आरम्भच चौतारी लगुबित्त ९.७प्रतिशतं, बहुउद्देश्यीय वित्त ८.९ प्रतिशतं, साल्ट ट्रेडिङ ८.१ प्रतिशतं व आइसीएफसी फाइनान्स ८.१ प्रतिशतं अप्वःगु दु। कारोवारया आधारय् सिङ्टी जलविद्युत, एनआरएन इन्फ्रास्ट्रक्चर, सोनापुर सिमेन्ट, हिमाल दोलखा जलविद्युत व अरुणभ्याली जलविद्युत न्ह्यःने लाःगु खः।

येँ महानगरं न्हूगु सतक क्षेत्रया फुटपाथ तब्या यायेगु ज्या हाकनं न्ह्याकूगु दु।

उच्च अदालतं फुटपाथ तब्या यायेगु लँपु चायेकेधुंकाः बुधवाःनिसें महानगरं ज्या न्ह्याकूगु दु।सडक डिभिजन कार्यालयया हस्तक्षेप विरुद्ध महानगरं पाटन उच्च अदालतय् रिट दर्ता याःगु खः।

रिटया सुनुवाईया झ्वलय् उच्च अदालतं शहरी सतक स्थानीय तहया मातहत जुइगु धासें न्हूगु सतकय् पदमार्ग विस्तार मयायेत अन्तरिम आदेश ब्यूगु खः। पाटन उच्च अदालतया न्यायाधीश ध्रुवराज नन्द व प्रकाश खरेलया मंकाः इजलासं न्हू सतकय् पदमार्ग विस्तार रोके यायेत येँ महानगरयात च्वःगु पौ कार्यान्वयन मयायेत महाशाखा सडक कार्यालययात इनाप याःगु दु।आः लँ म्हुइगु ज्या न्ह्याकूगु दु।