केपी शर्मा ओलीया नेतृत्वय् न्हूगु गठन जूगु सरकारया न्हापांगु मन्त्रिपरिषद बैठक सिंहदरबारय् न्ह्याःगु दु।

सोमवाः शपथ ग्रहण लिपा बहनी सिंहदरबारय् बहाली जूपिं सकल मन्त्रीपिं नाप बैठक च्वंगु दु। बैठकं विपत सम्बन्धी छुं नियमित व आकस्मिक निर्णय याइगु मन्त्रिपरिषद ज्याकुथि स्रोतं जानकारी ब्यूगु दु।

थ्व बैठकं हे सरकारया प्रवक्ता नं नियुक्त यायेगु न तयारी दु।

परराष्ट्रमन्त्री आरजु राणा देउवायात भारतीय समकक्षी एस जयशंकरं भिंतुना देछाउगु दु।

थौ सोमवाः परराष्ट्रमन्त्री आरजु देउवां शपथ ग्रहण यायेधुंकाः भारतीय विदेशमन्त्री जयशंकरं सामाजिक सञ्जाल एक्स (ट्विटर)पाखें भिंतुना देछाउगु खः।

नेपाःया परराष्ट्रमन्त्री जुयादीम्ह आरजु राणा देउवायात भिंतुना। जिमिगु बहुआयामिक साझेदारीयात अग्रसर यायेत छिपिंलिसे जानाः ज्या यायेगु निंतिं जिं आशा यानाच्वना।” धक जयशंकरं च्वंगु दु।

भारतीय प्रधानमन्त्री नरेन्द्र मोदीं न्हूम्ह प्रधानमन्त्री केपी शर्मा ओलीयात भिंतुना देछाःगु दु। सामाजिक सञ्जाल एक्स (ट्विटर) य् सोमबाः च्वयादिसें मोदीं ओली प्रधानमन्त्री नियुक्त जूगुलि भिंतुना देछागु खः।

वय्कलं निगू देय्या स्वापूयात अझ क्वातुकेगु नितिं ज्या यायेत इच्छुक दुु नं धयादीगु खः। केपी शर्मा ओलीयात नेपाःया प्रधानमन्त्री जुयादीगुलिं भिंतुना।

निगू देय् दथुइ दुगु स्वापू अझ बालक्क व बल्लाकेगु, जनताया भिं जुइमाः व समृद्धिया निंतिं अझ बालाक्क न्ह्यावनेगु निति ज्या यायेत तयार दु।”

प्रधानमन्त्री केपी शर्मा ओलीं थःलिसें २१ म्ह मन्त्रीपिन्स याःगु दु।

सोमवाः सुथय् ११ ता इलय् राष्ट्रपति ज्याकुथि शीतलनिवासय् जूगु शपथ ग्रहण ज्याझ्वलय् प्रधानमन्त्री, उपप्रधानमन्त्री व मन्त्रीपिन्सं सपथ ग्रहण याःगु ख ।

प्रधानमन्त्री ओलीं प्रकाशमान सिंह व विष्णुप्रसाद पौडेलयात उपप्रधानमन्त्री दयेकूगु दु। पौडेलयात अर्थ मन्त्रालय व सिंहयात शहरी विकास मन्त्रालयया जिम्मेवारी ब्यूगु दु।

उगु मन्त्रिमण्डलय् समावेशीताय् माःगु ध्यान बिउगु खने मदु। संविधानं २५ म्ह दुजःया मन्त्रिमण्डल गठन यायेगु सुविधा ब्यूगु दु । थौ गठन जुगु मन्त्री मण्डलय् छम्ह न दलित समुदाया मन्त्री याःगु मदु।