ताप्लेजुङय् भुखाय् ब्वःगु दु। थौ सुथसिया २ः३० ता इलय् ताप्लेजुङ तापेथोकय् केन्द्रविन्दु जुया उगु भुखाय् ब्बगु दु धका धाःगु दु।

राष्ट्रिय भूकम्प विज्ञान केन्द्रया कथं ४.४ रेक्टकलया भुखाय् ब्बःगु खः। भुखाय्या धक्का जःखःया जिल्लाय् नं महसुस जूगु खः।

भुखाचं गुलि क्षति जूगु खः धइगु विवरण धाःसा वःगु मदुनि।

येँया खास्ती न्ह्याना च्वंगु बसया इन्जिन मुइवं उगु बसय् च्वनावम्ह छम्ह घाःपाः जूगु दु। दोलखाय् छेँ दुम्ह थौकन्ह्यः येँ च्वनाच्वम्ह ५४ दँ दुम्ह दावा लामा घाःपाः जूगु दु।

प्रहरीया कथं थौ बुधवाः बौद्ध पीपलबोट सतकखण्डय् प्र.३–०१–००५ख ९८६६ न. या बाबा गोकर्णेश्वर बस न्ह्यानाच्वंगु बसय् इन्जिन मुगु खः।

घाःपाः जूम्ह लामायात अर्थपेडिक अस्पताल नारायणटारय् वासः याकाच्वंगु दु धका प्रहरीं जानकारी बिउगु दु। घटनाबारे थप अनुसन्धान जुयाच्वंगु दु धका प्रहरीं जानकारी बिउगु दु।

शेयर बजाः थौ निगु ल्याखं थहावःगु दु।शेयर बजाः परिसूचक नेप्से थौ २१ दशमलव २७ अङ्कं थहावना २ हजार १ सय ४० दशमलव ९७ विन्दुइ थ्यःगु दु।

विकास बैंक, फाइनान्स र व्यापार बाहेक दक्को समूहया शेयर थहावःगुलि होटल, बीमा, व उत्पादन, माइक्रोफाइनान्स समूहया शेयर यक्को थहावःगु दु।

थौ सीईडीबी हाइड्रोपावर, नेशनल लघुवित्त, निफ्रा व केबीएल डिबेन्चर २०८६ या शेयर ५ प्रतिशत स्वया अप्पो थहावःगु दु।अथेहे मैलुङ खोला जलविद्युत् कम्पनीया शेयर धाःसा १० प्रतिशतं कुहावःगु दु।

३ सय २५ गु कम्पनीया १ करोड ४० लाख कित्ता शेयर ६ अर्ब २९ लाख रुपैयाँ न कारोबार जूगु दु। दकलय् अप्पो थौ एनआरएन इन्फ्रास्ट्रक्चर एन्ड डेभलपमेन्ट कम्पनीया २१ करोड रुपैयाँ बराबरया शेयर कारोवार जूगु दु।

नेकपा एमाले प्रतिनिधि सभाय् प्रतिपक्षी बेचय् च्वंगु दु। पुष्पकमल दाहाल प्रचण्ड नेतृत्वया सरकारयात बियातःगु समर्थन लित कायेधुका एमाले प्रतिपक्षी बेञ्न्चय् च्वंगु खः।

आः प्रतिनिधिसभाय् नेपाली कांग्रेस प्रमुख प्रतिपक्षी बेञ्चय् च्वना च्वंगु खः। एमाले न सरकारयात बियातःगु समर्थन लित काये धुका कांग्रेसनाप हे च्वंगु दु। आइतवाः थौ च्वंगु प्रतिनिधि सभाया बैठकय् निगु तधःगु दल कांग्रेस व एमाले प्रतिपक्षी बेञ्चय् च्वंगु दु।

प्रतिनिधि सभाया बैठक न्ह्यने च्वंगु एमाले संसदीय दलया बैठकं प्रधानमन्त्री प्रचण्डयात याकन हे राजीनामा बिइत इनाप याःगु खः। प्रधानमन्त्री प्रचण्डं थ्व हे वइगु असार २८ गते विश्वासया मत काइगु जुगु दु।

प्रतिपक्षी बेन्चपाखे न्ववासे एमालेया प्रमुख सचेतक महेश बर्तौलां सरकारं बहुमत गुमे याये धुकुगु दु धका धयादीगु खः।

नेकपा एमालेया अध्यक्ष केपी शर्मा ओलीें संविधान संशोधन पश्चगमन मजु धका धयादीगु दु। थौ आइतवाः च्वंगु संसदीय दलया बैठकय् अध्यक्ष ओलीं राजनीतिक स्थायित्वया आधार तयार याइगु खँ देश व जनताया हितय् जुइ धका धयादीगु दु।

‘संविधान जारी जुइ धुका आःतक खनेदुगु समस्यायात ध्यानय् तयागु दु। उगु समस्या हल यायेगु कथं संविधान संशोधन यायेगु धका धाःगु दु’ ओलीं दलया बैठकय् धाःगु दु, ‘राजनीतिक स्थायित्वय् मालेगु कथं संविधान संशोधन यायेगु खँ पश्चगमन मखु।’

संविधान अझ बलाकेगु लागि संशोधन यायेमागुलि दक्को दलं ग्वहालि यायेमाः धका धयादीगु खः। बैठकय् संविधानया धारा ७६ (२) कथं नेपाली कांग्रेसया समर्थनय् ओलीयात प्रधानमन्त्री दयकेगु सहमति अनुमोदन याये धुकुगु दु।