देगः म्हिचा सफूया ग्वसालय् सातोआकि भवनय् छगु ज्याझ्वः दथुइ नेपालभाषा एकेदेमीया चान्सलर यज्ञरत्न धाख्वाः न हाइजिन धर्मराज राजकर्णिकारया बुंगाःचा हाइकु सफूयात कयाः भिन्हय्म्ह समालोचकतय्सं च्वयादीगु समालोचना मुना बुंगाःचा : थीथी दृष्टि नांगु सफू विमोचन यानादिगु दु।

सफूया संपादक नारद वज्राचार्यया सभाध्यक्षताय् जुुगु उगु ज्याझ्वलय् सपूmयात कयाः समालोचक डा. पुष्पराज राजकर्णिकार, डा.योगेन्द्र प्रधान, डा.डामोदर पुडासैनि किशोर, धु्रव मधिकर्मि, पूर्ण ताम्राकारपिन्स थःथःगु बिचाः तयादीगु खः।

ज्याझ्वलय् हाइजिन धर्मराजया हाइकु सार्थक हाइकु जूगु टिप्पणी यानादील। लिसें सफूतिइ छगू हे पहःया मखु से विविध पक्षं हाइकुयात दुवालातःगु समालोचना दुगु खँ कनादिल।

देबः च्वयादीम्ह नेपाल ललितकला प्रज्ञाप्रतिस्थानया पूर्व कुलपति के के कर्माचार्यजुं बुंगाःचा हाइकुया दुनेच्वंगु चित्रं हाइकु यात थुइकेत बः बिउगु खँ कनादिल ।

न्हू सतकय् पार्किङ निषेध याःगुलिं स्थानीय व्यापारीतय्सं येँ महानगरपालिाका २२ वडाया ज्याकुथिइ तालं ग्वयाः यखाना बिउगु दु ।

वडा ज्याकुथिं च्वंगु मू लुखा बन्द यासें अन ‘निःशुल्क पार्किङ व्यवस्था या, निरंकुश तानाशाही मेयर बालेन मूर्दावाद, व्यापार व्यापारी विस्थापन यायेगु ज्या बन्द या, परम्परागत पुलांगु व्यापारिक क्षेत्रया संरक्षण या’ धकाः च्वयातःगु हाकुगु ब्यानर यखाना बिउगु दु ।

वडा अध्यक्ष चिनीकाजी महर्जन पिने लाःगु खःसा वय्कलं येँ महानगरया याःगु गलत निर्णयं यानाः थौं थःगु हे वडावासीतय्सं थःगु हे ज्याकुथिइ तालाबन्दी यातं नं थः मूकदर्शक जुयाच्वने माल धकाः दुःख प्वंकादीगु दु । अथेहे मेयर बालेन साहं न्हू सतक लागाय् आकाझाकां पार्किङ बन्द यानाः खुलामञ्चय् अण्डर ग्राउण्ड पार्किङ दयेकेगु रणनीति दयेकूगु आशंका याना हयाच्वंगु दु ।

न्हूसतक थेंज्याःगु थासय् पार्किङ यायेगु थाय् मंत धाःसा पीडित व्यावसायी व छेँ थुवाःतय्सं खुलामञ्चय् जूसां पार्किङ दयेके माल धकाः माग याना हइगु व वयां लिपा थःगु योजना कथं खुलामञ्च स्यंकाः पार्किङ दयेकेगु ग्वसाः मेयर साहं यानाच्वंगु आशंका खुलामञ्च बचाउ अभियन्तातय्सं याना हःगु दु । सामाजिक व व्यापारिक संस्थातय्सं वृहत् ¥याली पिकायेगु ग्वसाः यानच्वंगु दु ।

उगु ज्याझ््वः कथं मंगलवाःनिसे शनिवाः ५ः३० बजे १ घन्टा ब्ल्याक आउट यायेगु, बुधवाः मोटरसाइकल ¥याली पिकायेगु, विहीवाः (माघ १८ गते) ११ बजेनिसें बजाः बन्द यायेगु व १९ गते शुक्रवाःनिसें अनिश्चितकालीन बन्द यायेगु ज्याझ्वः यानाच्वंगु दु।

काभ्रेपलाञ्चोक जिल्लाया पनौतीइ स्थापना जूगु अक्षरमार्ग स्वला पौपाखें भाषा, साहित्य, कला, संस्कृति ख्यलय् योगदान यानादीपिं स्रष्टापिन्त छगु ज्याझ्वः दथुइ सम्मान याःगु दु ।

म्हिगः माघ १३ गते शनिवाः पनौतिइ छगू ज्याझ्वःया दथुइ न्ह्यय्म्हेसित सम्मान याःगु खः ।

अक्षरमार्ग स्वला पौपाखे साहित्यिक पत्रकार नगदेन्द्रराज शर्मायात अक्षरमार्ग पत्रकारीता सम्मान, साहित्यकार सनत रेग्मीयात श्रीराम अक्षरमार्ग सम्मान, कलाकार केके कर्माचार्ययात विष्णुहेम अक्षरमार्ग वरिष्ठ साधक सम्मान, गीतकार गायत्री श्रेष्ठयात नरबहादुर अक्षरमार्ग स्रष्टा सम्मान, पत्रकार नाप भाषा, संस्कृति अभियन्ता श्रीकृष्ण महर्जनयात कृष्णदास अक्षरमार्ग स्रष्टा सम्मान, कवि सुभद्रा बम्जनयात अक्षरमार्ग मिजरा स्रष्टा सम्मान व साहित्यकार डा. गोपाल पौड्यालयात भरतराज अक्षरमार्ग काभ्रेली स्रष्टापाखे सम्मान याःगु खः।

जनगायक भृगुराम श्रेष्ठ व वरिष्ठ गायक योगेश वैद्यया लुमन्ति छगु श्रद्धाञ्जली जूगु दु।

श्रेष्ठया १३ गु दिंया पुण्य तिथि व वैद्य लुमन्तिइ उगु ज्याझ्वः पहिको युवा क्लव, हलिं नेवाः दबू नेपाः देय् मू कवः, नेवाः देय् दबू येँ १६ व १७ वडा शाखा, नेपाः सेवा पुचः व म्हय्पि महिला समाजया मंकाः ग्वसालय् उगु ज्याझ्वः जूगु खः।

उगु ज्याझ्वलय् जनगायक भृगुराम श्रेष्ठया बारेय् पवित्र कसाः न्ववानादीगु खःसा मेम्ह वक्ता नेवाः पत्रकार राष्ट्रिय दबूया निवर्तमान अध्यक्ष सुरजबीर बज्राचार्यं वरिष्ठ गायक योगेश वैद्यया योगदानया खँय् न्ववानादीगु खः।

वल्र्ड नेवाः अर्गानाइनेशन नेपाल च्याप्टरया दुजः उत्तम श्रेष्ठं न्ह्याकादीगु उगु ज्याझ्वलय् येँं क्षेत्र नं. ७ ‘क’या सभासद् बसन्त मानन्धर, नेवाः देय् दबूया अध्यक्ष पवित्र बज्राचार्य, राजनीतिकर्मी सिर्जना सिंह श्रेष्ठ नापं वरिष्ठ सिनेपत्रकार बिजयरत्न असंबरेपिनिगु न ब्बति दुगु खः।

तामाङ भाषा सयकेगु एप्लिकेशन सप्mटवेर (एप) यात प्रवद्र्धन यायेगु लागि नेपाल तामाङ घेदुङं याइगु जुगु दु।

उगु एप दयकाच्वंगु संस्था इन्स्टिट्यूट फर सोसियो कल्चरल रिसर्च एण्ड एनालिसिनाप म्हिगः शुक्रवाः घेदुङं यायेगु कथं च्याःगुबुँदे समझदारी याःगु दु। उगु समझदारीइ इन्स्टिट्यूट फर सोसियो कल्चरल रिसर्च एण्ड एनालिसिया संयोजक नवराज लामा व नेपाल तामाङ घेदुङया पाखे महासचिव जगतमान लामा दोङं ल्हाःचिं तयादीगु खः।

ज्याझ्वलय् नेपाल तामाङ घेदुङया अध्यक्ष मोहन गोले, सह अध्यक्ष कुमारसिंह घिसिङ लिसे इन्स्टिट्यूट फर सोसियो कल्चरल रिसर्च एण्ड एनालिसिसया सदस्य झलकमान तामाङ, सल्लाहकार कुमार यात्रु व ज्याझ्वःया सदस्य भीम बहादुर तामाङपिनिगु ब्बति दुगु खः। तामाङ भाषा न्ववायेगु आधारभूत शव्द व शव्दया वाक्य नाप तयार याइगु एप आः देवनागरी व अंग्रेजी लिपीइ तयार जुइ।

लिपा कालान्तरमा तामाङ लगायत मेमेगु लिपीइ न यायेगु धका ज्याझ्वःया कजि लामां धयादीगु खः। थुुगु एप नेपाली व अंग्रेजी हिलिइगु कथं तयार यायेत्यःगु खः।

एपय् भाषा हिलिइगु कथं थुइकेगु कथं कासा व किपा न तइगु जुगु दु। इन्टरनेटय् पहुँच दुपिनिगु लागि थुगु एप छ्यला भाषा सयकेगु व सिइके फइ धका ग्वसाः खलकं दावी याःगु दु।