नेपाल आदिवासी जनजाती पत्रकार महासंघ (फोनिज) मलेसियाय् निक्वःगु अधिवेशन क्वचाःगु दु। उगु अधिवेसनं अर्पण मगरया अध्यक्षताय् न्हुगु कार्य समिति गठन याःगु दु।

मलेसियाया क्वाललमपुरय् जूगु उगु अधिवसेनं उपाध्यक्षय् घनश्याम चौधरी (आरएन), सचिवय् ईश्वर राई, सह–सचिवय् श्रृष्टि सुनुवार, कोषाध्यक्ष मिलन दोङ् तामाङ, सदस्यय् सविन लोप्चन तामाङ, जुद्दा चौधरी, सूर्य घर्ती मगर, सन्तोष थामी, यज्ञकुमार राई, बिन्दु दर्लामी मगर, शाहीकुमार तामाङ, सन्तोष राई निर्वाचित जुगु खः।

आदिवासी जनजाती पत्रकार महासंघ (फोनिज) मलेसियाया कार्यवाहक अध्यक्ष घनश्याम चौधरीया सभाध्यक्षताय् जूगु उगु ज्याझ्वलय नेपाल आदिवासी जनजाती पत्रकार महासंघ (फोनिज) या केन्द्रीय अध्यक्ष गजुर्धन राई मूपाहाँ कथं झायादीगु खः।

यल महानगरपालिका वडा नं. १६ या ग्वसालय् स्वला तक निःशुल्क स्वास्थ्य शिविर सञ्चालन याउगु दु।

वडा नं. १६ न इलाननी रचना फिजियोथेरापी उपचार केन्द्रया समन्वयय् स्वला तक निःशुल्क स्वास्थ्य शिविर सञ्चालन याउगु दु। थःगु वडा दुने अप्पो वडाय् च्वपि नागरिकतय्त स्वास्थ्य सुविधा बिया निरोगी यायेगु कथं स्वलायकं स्वास्थ्य शिविर सञ्चालन यायेत्यनागु धका यल महानगरपालिका वडा नं १६ या अध्यक्ष निर्मल रत्न शाक्यं धयादीगु दु।

“स्थानीय जनप्रतिनिधिया कथं वडाय् च्वपि सकसित स्वास्थ्य सुविधाया लागि जिमिसं ज्या यायेगु खः। यक्कोसित स्वास्थ्य सुविधा बिया निरोगी यायेगु कथं स्वला यकं स्वास्थ्य शिविर सञ्चालन यायेत्यनागु खः। संविधान न हे शिक्षा व स्वास्थ्यय् नागरिकतयेगु अधिकारया कथं परिभाषित यानातःगु दु।

उगु कथं स्वास्थ्य शिविरय् रोगया आधारय् डाक्टरतय्स बिःगु सिफारिस कथं सितिकं वासः बिइगु न याना च्वनागु धका अध्यक्ष शाक्यं धयादीगु दु। वयकलं धयादीगु दु, सीमित स्रोत साधनं न्युनतम मुल्यय् इलाननीया रचना फिजियोथेरापी उपचार केन्द्रपाखे फिजियोथेरापी उपचार सेवा बियावया च्वनागु धका न जानकारी बियादीगु दु।

अथेहे वडा कार्यालयं माघ महिनाय् मंगलबजाः, बुबहाः, इलाननी व नकबहिलय् याना प्यंगु थासय् शिविर सञ्चालन जुइ धका छगु पत्रकार सम्मेलन याना जानकारी बियादीगु दु।

अरनिको समाजनाप सहकार्य याना फागुन व चैत महिनाय् फिजियोथेरापी शिविर सञ्चालन यायेगु तयारी दु धका न उगु पत्रकार सम्मेलनयाना जानकारी बियादीगु खः।

स्वनिगः थौ तसकं ख्वाउसे च्वंगु दु। थौं सुथय् येँया न्यूनतम तापक्रम २ दशमलव ५ डिग्री सेल्सियस जूगु धका जल नापं मौसम पूर्वानुमान महाशाखां धाःगु दु।

अथेहे हिमाली भेगया तापक्रम शूून्य कुहावःगु दु सा तराई मधेशय् न तापक्रम १/२ डिग्री तक थ्यःगु दु । जुम्लाय् माइनस ५ दशमलव २, मुुस्ताङ जोमसोमय् माइनस ५ दशमवल ५ व दोलखा जिरीइ माइनस १ डिग्री सेल्सियस थ्यःगु दु।

अथेतु, डडेलधुराय् २ दशमलव १, दिपायलय १ दशमलव ९, विरेन्द्रनगरय् २ दशमलव ६ व ताप्लेजुङय् तापक्रम ३ डिग्री सेल्सियस थ्यःगु दु।

न्हुगु बानेश्वर चुकया छगः बस सतकय् भासे जूगु दु।

रत्नपार्कपाखे वयाच्वंगु बा ३ ख ३७६२ नम्बरया बस गुडे जुयाच्वंगु इलय्् हे भासे जूगु खः। सर्भिस लेनपाखे सतक भासे जूया चक्का फसेय् जुगु खः।

उगु बसय् च्वपि यात्रुत पिहावयेत धासा ताः लागु दु। ट्राफिक प्रहरी तय्स उगु बसयात चिइकेगुलि समन्वय यानाच्वंगु दु। थ्व स्वया न्ह्यः न २०७८ साल कात्तिक महिनाय् बानेश्वरय् हे सिभिल अस्पताल न्ह्यने सतक भासे जुया तधःगु गाः जूगु खः।

शंखरापुर नगरपालिका सक्वय् च्वंगु शालीनदीइ मेला नापं लच्छिया माधवनारायण व्रत थौंनिसे सुरु जूगु दु।

अथेहे थौंनिसे हे स्वस्थानी बाखं न सुरु जूगु दु। बिहीवाः थौ सुथय् शालीनदीइ ब्रत च्वनिइपि सुथं न्हापां म्वः ल्हुया माधवनारायणया पूजा याःगु खः।

पौष शुक्ल पुन्हिनिसे माघ शुक्ल पुन्हितक लच्छियकं स्वस्थानी व्रत च्वनेगु याइ।